Mizo hlaphuah thiam Pu Vankhama khan, “Hmangaih lung i dum phawt chuan lawm zel ta’nge,” tiin, a ngaihzawng a hmangaih ngawih ngawih kha a lo thlah a. Duh leh hmangaih ngawih ngawihte, “I hlimna a nih dawn phawt chuan, kei chu ka lo kiang mai ta’nge,” ti thei khawp hian mihring hi a hmangaih theih tak tak in ring em? Kei ka ring lo. Chutiang hmangaihna, hmangaihna thianghlim (?), jeolousy pawh tel hauh lohna ang chi chu ‘puppy love’ lek fang a ni lo maw? Hmangaihna tak a ni thei dawn em ni ?
Thikthu tel hauh lo hmangaihna te hi a awm ngai dawn em ni? Kei chu, hmeichhia hian min hmangaih tak tak a nih chuan, an thikthu te hi han chhe hlar mai se ka ti. An thikthu pawh a chhiat loh chuan ngaih a tha lo letling tlat.
Nulat tlangval inchhaina-ah hian hmangaihna a lo zikchhuah chhan hi keimahni leh keimahni kan inhmangaih vang a ni fova. Mahni inhmangaih ta na chuan kan hlimna leh kan duhzawng tak mai chu kan ngaihtuah lo thei lova. Mahni pawh inhmangaih ta hauh lo niawm fahrana, “I duh tak chu va pawm ta la, kei chu tihian ka lo tal ve mai mai ang a, i hlim phawt chuan ka hlim a ni mai,” han tih vel chu..tute emaw danah a ‘agape’ ruih mai a..a mihring lo em mai ka ti deuh.
Similar Posts:
- Tu hmangaihna nge thuk ber ang?
- Nupa Hlimna
- Min hmangaihtu vs Kan hmangaih
- Valentine’s Day Pualin : What True Love Means to Me.
- Mahse…
September 30th, 2010 at 9:01 pm
pu vankhama hla hi sawi a hlawh ngun ta malh malh khawp mai, “hmangaih lung i dum phawt chuan lawm zel ta’nge” a tih vang hian a ngaihzawng hi midang tan a phalrai ngawt a ni lo. a sawi tum tak zawk ni a lang chu, “ka tan i rem ta lo na sa sa, thiam tak in pawm ka tum zawk ang” a tih na zawk a ang, chuan, a rilru chuan a thik teh meuh ang mahse a thik phak rual an ni lo a tihlan a rem si loh chuan eng tin nge s tih chuang ang le…. he hla hi mizo hla ah chuan tha ka tih pawl tak a ni ve tlat.
Report this comment