Inter-Department Football Tournament: The loser takes it all!

May 19th, 2010 10:39 am by Saitawk

Lunglei District Football Association (LDFA) buatsaih in he Tournament hi siam a ni a, Sorkar Department lian leh te deuh te kan inzawmkhawm a, Tournament ropui tak kan khel, Keini Department leh Social welfare, Printing & Stationeries, Adult Education te nen tang ho in kan khel a, Mipui an au nasa hle, kan khelh leh hun tur zawhna kan dawng nasa viau mai!

Kan Team kan tlak hma a kan khelh zawng zawng ah kan lam ah Goal 21 a lut a, Goal khat kan thun! kan lam a goal khat lut hi ka chhuah a ni ve keuh! Kan last match ah Forest Dept. leh a tanrualpui ten kan lam ah Goal 14 an thun! midang in si an ven vang vek!

He Tournamnet hi eng Department in nge Football thiam ber tih a zawnna a nilo a, Sorkar Pisa a thawk hrang hrang te inlaichinna tha zawk leh inhmelhriat tawn nan a buatsaih a ni. Chuan tournament chhunga goal lut tam ber chhuahtu TEAM ROPUI ni mah ila Ni 18.5.2010 hian keini department inzawmkhawm te chuan Picnic hlimawm tak kan hmang a, LDFA thiltum kan tihlawhtling thawkhat tho e. ‘The loser takes it all!’ ka tilo theilo! :)

Tlai lam ah RUAI ROPUI tak kan theh a, hetiang system hian Ruai hi in theh khat ve ngawt tawh hlawm lo maw!

1

2

3

4

Kan ei bangnawi te sangha chaw ah kan hlan bawk a
A bangnawi te Dil Sangha chaw ah kan hlan nghal bawk!

Similar Posts:

Recent Posts:

28 Responses to “Inter-Department Football Tournament: The loser takes it all!”

  1. 1
    Lersia Says:

    aw haw…
    A Zo tiah tiah, a Zo deng deng, a Zo Threng threng…

    In eibang in paih dan poh a Zo threng threng..
    Inhlim tlan chuan a la Zo zel e…

    Report this comment

  2. 2
    XaiA Says:

    Chuan “Best Keeper” ah an thlang hial lo che maw :?: :lol:
    ‘Best Looser’ emaw,’Fair Play Trophy’ emaw tal in la em :lol:

    Report this comment

  3. 3
    T_taichiata Says:

    ka coment ve ..a nui ve zek zek thei lo Xaia.. :lol ka tia..elp??

    Report this comment

  4. 4
    Maisek Says:

    Khaia aw…Saitawk nangmah chauhin ruai theh i tum elo khi??? :lol: :lol: :lol:

    Report this comment

  5. 5
    Ku Muanga Says:

    Best Entertainer of the Tournament atan Lunglei Misual hovin kan thlang, kerh kerh paha amah ngeiin match report kimchang a pek chu ropui tak a ni.

    A goal khat chhuah hi a kapkara lut ngei a ni. A kapkarah hian thil a lut zen zen lova, hei hi ama tan record a tling. An thawhpuite hnenah a hmei a pa-a mahni kapkar ven a harsatzia sawizauna atan a hmang tangkai hle. Inchaltauh atanga Made in Longchair chhuah theih dan te nen. :lol:

    Report this comment

  6. 6
    Aryan Says:

    A tui hmel hle mai, mahse sawrkar office dawr tum te an khawngaihthlak dawn anih khi, thingtlang kilkhawr tak tak atangin hman leh hman lovin sawrkar office dawr tumin an lo kal ve a, sawrkarhnathawk ho lah chuan an lo in picnic san daih mai sia, khitiang ang khi chu weekend emaw, after hours ah emaw tih tur ania. Hna in thawh loh avang khian in hlawh hi cut ta mai se in lungawi angem le? :(

    Report this comment

  7. 7
    Diktea_Pa Says:

    “The loser takes it all!” tih chu i/in inhmeh khawp a lawm!? :mrgreen:

    Report this comment

  8. 8
    muantea Says:

    Saitawka KAPKAR SCANDAL hi buaipuiawm tak a ni. Kapkar ven zawh loh avanga buaina hian kan khawtlang a tihbuai zia a tilang…saitawk atang hian i zir teh ang u :smile:

    Report this comment

  9. 9
    chhangte_ll Says:

    Khitianga ruaitheh khi a nawmdan a danglam tlat.

    Report this comment

  10. 10
    zualbonez Says:

    @ 6 Aryan…sawi dik leh thin

    Report this comment

  11. 11
    Taikhery Says:

    lunglei ho chuan futbol te an lo pet ve thin a ni mauh :D NOI

    Report this comment

  12. 12
    T_taichiata Says:

    eng kim maiah hian a sel na lampang zawng hian kan khabe hi kan sep thiam hlawm maw…..

    Report this comment

  13. 13
    shailendra Says:

    misual in ‘ual kap’ kan khelh ve hun atan a tha don e. He post hi han ‘save’ phawt ila.

    Report this comment

  14. 14
    shailendra Says:

    futball ka khelh ve chhunah chuan pet goal ngei ka tum ziah. Kan lamah tal ka pet goal hrim hrim thin. Mahni lamah, hnai set sawt atang hian han ke chhip ila… :lol:

    Report this comment

  15. 15
    Taikhery Says:

    shai: nge ni kha? :D :D :D

    Report this comment

  16. 16
    shailendra Says:

    @Tai-te, tin, ka chho mek e… :lol:

    Report this comment

  17. 17
    Diktea_Pa Says:

    Pic no. 4 en khi chuan( Anthur tui leh kel sa hmeh thu awm suh!) in chaw chhum hi a ut leh ut loh pawh in hre lovang a? Dept. inpawh tlan na’n chuan kerh kerh hi a pawimawh ber a ni mai lo maw?

    Report this comment

  18. 18
    caribou Says:

    Ka inkhelh ve chuan Goal bar pahnih inkara thun luh hi ka hna a ni.

    Report this comment

  19. 19
    hiho Says:

    Aryan a hi nga ti nge a phun reng mai le?!!! Natna chhuak thar a ni lo mo?

    Report this comment

  20. 20
    Fonz Says:

    saitawk, soil and water conservation an tel ve em? ti ngawt teh ang lolz

    Report this comment

  21. 21
    zualbonez Says:

    ha ha ha @20…

    Report this comment

  22. 22
    Saitawk Says:

    @Fonz : an tel ve ngei ka ring, mahse eng Department dang te nen nge an inkawp ka hre mai lo tlat.

    Report this comment

  23. 23
    Kawnga Says:

    I no inchhawp chu!! Han thlita dir ter ter chi a ni lo tih a va lang chiang ve! Haw tur tur chi a ni maw? :lol:

    Report this comment

  24. 24
    Diktea_Pa Says:

    @Kawnga an thil chawp chhuah hian lung hlui a kuai deuh raih mai! :lol:

    Report this comment

  25. 25
    hmingtea Says:

    Zoram chuan hma an sawn zia zang zuk ni hauh lo zu nia.Depermental tournament te lo buaipui hman chu le.
    Khan chhung zawng 2 khan hlawh in la tho awm sia ti rawh .In la rawn post ngam zawk za mah chuan.
    Ram hmasawnan dal tu lian tak anih kha bansan nghal vat chi.
    Coruption lian tak anih kha.

    Report this comment

  26. 26
    Saitawk Says:

    @hmingtea: Chuti chu Eiru Do pawl ah min hek ta che, Post ngamloh chi kan lo Post a nih chuan kan tang hauhlo ang, kan phutawk hremna chu kan tuar mai talawng! Nge i ngaihdan ve mai mai! tha awm tak a lan i tum na zawk.

    I thurawn te pawh kan mamawh ang chu!

    Report this comment

  27. 27
    H.Vangchhia Says:

    Saitawk, A hlimawm dawn khi mawle aw. Khi, hnah pawh a ni lam zawngin in hmang thiam alawm, zangthal hung lovin :D Misual.com rilru a pai rengin chaw i bar tun tun dawn a nih chu :D
    Hetiang atan a hun spare theih hi tha deuh asin, US a ka hnathawhna tawh zawng2 ah pawh hian employee te in kawm ngeih nan etc, picnic leh christmas urklawk kan nei kum tin. Thawhpui te nen a work relationship nei that hi thawhna hmun that phah na a ni ve tlat, meaning, hna thawh a tha duh.

    Report this comment

  28. 28
    Saitawk Says:

    HV, kan lo kawrap tih reng reng ka lo hrelo a, hemi ni a ka hlawh hi chu ka la lo ngam khawp mai! :lol:

    Report this comment

Leave a Reply

You must be logged in to post a comment.