Zirlai te tan lehkha thiam leh zirlai a pass tum a tha. Mahse pass ngawr ngawr lam aiin, mi taima leh hnathawhna kawng a mi rinawm ni tura zirlai te chher chhuah hi zirtirtu te mawhphurhna a ni a, chumi tur chuan zirtirtu te hi good example ah tang ngei thei se.
Zirtirtu dinhmun pawimawh zia hi! Nakin lawk a ramhruaitu ni mai thei te kan kut ah an awm a, mi tha tak ni tur a chherchhuah hi kan missionary hna pawimawh a ni tih hriat a tha khawp mai. Kan School zirlaiteah rinawmna leh taimakna kan tuh thin loh avangin Zoram thalai te hi mahni kut/ke a din tum kan tlem ta. Awlsam tak a sum lakluh kan tum ta fur mai a ni hi.
Heng zawng zawng hi zirtirtu, zirlai naupangte hmakhua ngai miahlo te, Zirtirtu zu rui fo mai te, tleirawl hmeltha deuh lak a advantage lak ching te, hnathawhna hmuna mahni kal peih lova aikal lak chingte, hna tha zawk zawn chhung atan (hmuh hma atan) chauh a zirtirtu hnathawk etc. te ho avang hi a ni. A pawi hle.
Zirtirtu hna pawimawh tak hi (hnadang te pawh a ni tho a). Thawh hma-in, ‘ka thawh chi a ni dawn em’ ti a ngun tak a, ngaihtuah hmasak chi a ni. Roman Catholic school hi hmun tinah a tha deuh a ngaih a ni tlangpuia, (an perfect biklo na a) a chhan chu Missionary/ rawngbawl tur, nupui pasal neilo tur, khawvel thil a in ham buai lo tura inpe te enkawl a nih vang a ni pakhat awm e.
Zoram hi kan hmangaih tak tak a nih chuan, Zirtirtute hian zirtirtu hna hi ei zawnnan mai a hmang lova, thangthar lo piang chhuak leh seilian mekte hi, Sorkarin a min dah na hmun apiangah, tih takzetin - nun kawng dik, taimakna te rinawmna te thiamna tak tak nei tura chherchhuah i tum ang u. Thuneitu lam pawh, hna tlinlo leh hna thawk thalo te hi dim lemlo ila, hmun tha a transfer beisei ho hian, an zirlaite an hmangaih miah lova, zirlaite nen relation tha an nei miah lo niin a lang. Hetiang ho hi chu training pek that leh emaw punish mai tur ni in a lang.
Zirtirtute atanga kan in zirtir that leh a ngai niin a lang.
(Zirtirtu thalo/rinawmlo te awm mahse, misualho hi chu kan danglam chuanglo hlauh a. Misualho hian Zoram zirtirtu zawng zawng te hi train tha leh vek ila a tha ang).
Similar Posts:
- Zirtirtu nge pawimawh zirlai?
- Zirlaite Ni
- Zirlai leh Zirtirtu
- MSU FIR thehluh chhan kimchang
- MZU Sports-ah buaina chhuak leh ta!
a tha khawp mai
May 23rd, 2010 at 5:48 pm
Mi rin awmleh awmloh an hriat hran tawh siloh a,buai thlak nih hi.
Report this comment
May 23rd, 2010 at 5:57 pm
Post tha khop mai. Zirtirtu hna emaw ang hna poh thok ila, rongbolna ah ngai thei ila chu tun ai hian kan changkang toh ngot ang. Mahse tun dinhmunah eroh chuan rongbolna lama ngaih ai mahin eizonna, sumlam dehchhuahna ringoot hian min la hneh chu nisi a le.
Tuna tan eroh chuan ”Mahni hna poh thok tha peihlo tan chuan thoh tur dang a awmchuanglo” tih hi hretlang phot ang u.
Report this comment
May 23rd, 2010 at 6:00 pm
Pu PimPoma sawi chi a nih hi mawle. Pim, khawiah tuan che maw?
Report this comment
May 23rd, 2010 at 6:02 pm
OT lawks. Delhi nawhchizuar pension ngiat ho chanchin kha enge an chanchin hre zui in awm mial lo maw?
Report this comment
May 23rd, 2010 at 6:04 pm
Zirtirtu hna hi a ropui ka ti. Thiam taka min zirtirtu ai chuan a hna nuam ti tak leh tui tak chunga min zirtirtu te kha ka ngaisang zawk. Chuan @4th para khi: Catholic school chhuak ka nia, Tlangnuam ami kha kan hre vek ang chu. Mahse ka naupan zual laia school dang ka luh tawh te nena a danglamna chu: Administration a tha em ani. Kan zirtirtu te kha school dang ami te nen an thiam dan a in ang vek tho.
Report this comment
May 23rd, 2010 at 6:10 pm
Gothica: dik chiah. Catholic school thatna chu administration mai bakah inkhuahkhirhna a tha tawp.
Report this comment
May 23rd, 2010 at 6:11 pm
hets, hei chu min concern thil ni tlat, inkhawm banah uluk deuhin post leh comment chhiar ang
Tunah chuan ‘kal mai teng!!’
Report this comment
May 23rd, 2010 at 6:17 pm
Elysian, school dang aiin activities kan ngah fe zawk. Function neuh2 a tam si, hna kan thawk thul. Zing dar 8.30 atanga tlai dar 4.30 (a chang chuan a aia tlai) thleng class kan neia. Saturday ah dar 12.30 PM thleng class kan neia, chumi hnuah hna min thawhtir a.. nihloh paw’n function ami tur kan practise a. My point is: Khati chung khan school dang aiin kan zir nasa hman tho asin. Nula kan rim hman tho bawk haha
Report this comment
May 23rd, 2010 at 6:23 pm
Kan sawi ve lawk…class 12 kan nih khan physics teacher pahnih kan nei a..pakhat M.sc, chuan pakhat BE zir zo lo..contract a rawih an ni…an thiamna chu a inthlau viau in ka hria..amaherawh ch BE zo lo zirtir ah khan kan man chak zawk daih…ka sawi duh tak zawk chu ZIRTIRTU tha ni tur hian thiamna sang na zawng aiin mi hrilhfiah thiam tak,talented person kan tih ang chi hi an thra zawk lo maw..?? thiamna chu kan tehna hmasa tur ani teh meuh mai…amaherawhchu zirlaite hmakhua atan hrim2 chuan thiamna sang tak aiin naupangte rilru hnehtheimi an pawimawh zokin ka hria…degree an neihsan ngawt avanga thra zawk tura kan rin tam tak hi adik chiah lovin ka hria…..
Report this comment
May 23rd, 2010 at 6:25 pm
zirtirtu tha chuan naupang nen relationship tha tak neiin kawng dikah a hruai thin.
Report this comment
May 23rd, 2010 at 6:39 pm
zirtir tur pawh dik oh chuan zirtir a phur awm loh tawp ang
Report this comment
May 23rd, 2010 at 6:51 pm
Kei pawh Karelian sap vai sap hahahahahahaah roman cahtolic sikul chhuak ka ni ka uang lo min zirtirtu te kha zirna lam ah chuan an trangin theihtawp chhuah in min zir tir trhin thiam tir kha an tum ani ber in ka hria.
Chu chuan ansikul rezal pawh a that phah hle bawk
Report this comment
May 23rd, 2010 at 6:51 pm
Atom c,kan va inang ve keipoh 12 ka nih lai khan kan physics teacher te kha BE pakhat MSc.BE jok zirtir kha chu kan hrethiam thei khop mai.chutih laiin MSc ve thung kha chu a noi ve thin khop mai…..
Report this comment
May 23rd, 2010 at 6:53 pm
@swifty..kan lo inang ru reng mai thei asin.. :lol:
Report this comment
May 23rd, 2010 at 6:54 pm
zirtir tu hi pum lam that lohna an nei duh riau in ka hria…a dik kher lo maithei ….tawng nasat lutuk vang aniang ti ngawt teh ang lolzzzz
Report this comment
May 23rd, 2010 at 7:04 pm
@ atom,
A chhan chu CL XII Sc passd hian a thiamthei ho hi technical line ah an kal tlangpuia,a bang nawi hi genral ah an kal thrin. Heti avang hian in MSc ztu ai khan BE zok kha a zirtir hriat a awlsamin, bright poh a bright jok anh kha. Tunhma kha chuan BE ho hi UPSC Civil service ah pawh topper an ni fur thn. Tnah erawh,brain drain avangin sapram awm an thlang ta jok
Report this comment
May 23rd, 2010 at 7:22 pm
@nell_maiden, chutia tih zawngah chuan M.sc pa khi a background pawh a that ka ring zawk…NEHU hnuaia zir chhuak kha ania..chuan ama subject physics ah ngo2 pawh a hniamlo pawl tak anih ka ring…..
Report this comment
May 23rd, 2010 at 8:37 pm
Zirtirtu tha zia te pawh hi zirna level hrang hrang ah a inang lo thei ang. Secondary education ah hi chuan invawng fel fai tha, ruitheih thil lama fihlim, naupang mizia hrethiam mi, napaung te tan a tha tur ngaihtuah thin mi hi an that ber ka ring. Mahse College leh University levelah chuan zirtirtu hian ‘moral responsibility’ kan phur em em tawh lova, subject knowledge leh delivery skill hi pawimawh berin ka hria.
Report this comment
May 23rd, 2010 at 9:57 pm
Dik khawp mai,rinawm bak ah taima leh tui,’Dedicate’ teacher an pawimawh hle.
Report this comment
May 23rd, 2010 at 10:32 pm
Zirtirtu ni tam tak te hi Hna an hmuh chhun thawk an ni tih i hriat pui ang u(ka tin a ngem/ ka tui zawng a ni em? tih ai chuan hlawh tlem ka hmuh na a nih chuan an ti thin fo a ni).
@2nd para khi ka helh tlats! Kan mihausa fa te hi school tha ber2 chhuak an ni a,zirtirtu tha hnuai ah chuan an awm ngei ka ring, mahse an pa/nu te khum tur an tam si lo(aizawl ah bik). zirtirtu nge nu leh pa thiam loh? Cocoon poh hi a kawr kheh sak an nih chuan an dam chhung in pangang a nia, an kawr kheh sak loh te chu phengphehlep ah chang in an thlawk thin a ni lawm ni? Nu leh pa ni te tan chuan ngaih tuah chhun zawn chi a ni e.
Report this comment
May 24th, 2010 at 10:05 am
Zirtirtu te hi an zahawm ka ti khawp mai. Sikul chang ni lo, kan nitin nun min zirtirtu te kep vek chung in, Zirtirtute hi i zah thiam ang u…
Report this comment
May 24th, 2010 at 12:40 pm
MZU pawh hian zirtirtu atan 4first ti kher lovin mi rinawm ngei chauh la rawh se.
Report this comment