Mizoram University, Tang Fan Fan. Part I
– James Ramdinmawia
University chungchang hi kan benga a rik zin ai hian kan hre thui lo tlang hle mai a, chuvangin kan thupuia kan luh hma-in heti lam hi i han hrut hmasa thuak thuak teh ang. University kan tih chuan khawvela zirna in sang ber, khawvel thiamna sang vawrtawp Doctorate Degree hial pe theitu Zirna In a ni. University-ah chuan M.A., M.Sc., M.Com., M.S.W., M.L.I.Sc., M.Phil, leh Master Degree programme hrang hrang leh Doctor of Philosophy (Ph.D) te zir theih a ni a.
Amaherawhchu University kalphung a in ang lo thei viau a, chuvangin a University azirin course an offer pawh a danglam thei viau a ni. India ramah hian University 300 (zathum) chuang a awm a, chung zingah chuan Central University kan tih, Central Sorkar-in a enkawl bik hi 40 vel a awm a, a dang chu State University te, Private leh Society te’n an din, Deemed University kan tihte an ni hlawm.
Heng University hrang hrang chunga thuneitu chu Ministry of Human Resource Development (MHRD) a ni a, MHRD chuan University chauh ni lovin, Higher education hrang hrang leh Secondary Education, Elementary leh Primary thlenga a enkawl avangin Central Sorkar chuan College leh University bik dinhmun te zirchiang a, a tula anga ruahmanna te siama bawhzui tur leh zirna kalphung (Academic) ah te thunei turin University Grants Commision (UGC) a din ta a.
MHRD leh UGC chu thawk dun tlat an ni. UGC recommendation tel lo chuan MHRD hian University leh College te pawh grant a pe meuh lo a ni. Tin, Academic-ah pawh UGC hian thu a neih em avangin University zawng zawng te chu UGC-ah an in affiliate a, UGC-in a recognise loh University emaw, College emaw te chuan Degree an lo pe ve a nih pawhin India Sorkar leh State sorkar hnuaiah eng hna pawh dil se an degree kha pawm a ni lo a ni.
Kan sawi tak zinga Central University ho hi India ramah na na na chuan University hmingtha leh belhtlak an ni bik zual a. Tin, Lecturer, Reader leh Professor te pawh Central University-a thawk te chu University dang lakah chuan an induh deuh larh thin a ni. Central sorkar-in duat taka a enkawl a nih avangin University hotu lu ber pawh India ram lal ber, President of India a ni daih mai a, “Visitor” tia koh a ni. Chutiang Central University awmna state-ah chuan an State Governor kha Chancellor emaw, Chief Rector emaw an ni thin a, chu chu Visitor hnuai chiah a ni. Chancellor leh Chief Rector-te hian thuneihna an nei tehchiam lova, Visitor aiawha University hnathawh dan leh kalphung te lo thlithlaitu a ni deuh ber.
University inrelbawlna-a thuneitu tak tak chu Vice Chancellor (VC) an ni a, VC dinhmun hi a nep lo hle a ni. VC hi over-all incharge a ni a, administration tak tak zawk chu VC hnuai-ah Registrar te’n an khawih a ni. Registrar atan hian Professor te an nih loh vek pawhin Central Service, administration-a experience nei tha tak te an dah thin a ni. Central University hi Autonomous Body a nih avangin a inrelbawlna-ah state sorkar-in thuneihna a nei lova, a inrawlh thiang hek lo.
Kan hriat theuh angin VC appointment pe-a hlip thei chu President of India chauh a ni. Tin, University inbrelbawlna tur leh hmasawnna tur pawisa pawh MHRD/UGC kaltlang te’n Central Sorkar-in a rawn pe a ni. Chutiang zirna in ropui leh zahawm, khawvela thiamna ril ber, Doctorate Degree hial pe thei Central University chu Mizoram-ah hian pakhat kan nei ve a, “Mizoram University” tih a ni. Kan University-in Degree a pek theih aia sang hi khawvel University hmingthang, Cambridge University, Harvard University leh Oxford University te pawhin an pe thei bik lo a ni.
Tin, University chu zirna in a nih piah lamah zirbingna hmunpui (Research Centre) a ni tur a ni a. Chumi atanga Research Finding te chu sorkar tan a chhenfakawm em em thin a, University mithiam te chu sorkar inrelbawlna leh ruahmanna siam chungchangah pawh an tangkai em em thin a ni. Chutiang atan chuan kan state sorkar, ministry kal ta khan kan University neihchhun hi hman tangkai a tum lem lo niin a lang a; Tun sorkar kan hrawn mekah hi chuan tlema university ngaihpawimawhna a awm ve ta deuha hriat a ni a, beisei pawh a sang viau.
Kan University neih chhun, Mizoram University hun tawn tawh thlirkir changa ka lung tichhe tlat thin kha tunah chuan hmasawnna pawh a ziaawm ve tak zel avangin a reh ve deuh tawh ang chu ka ti a, chutih mek laiin hmangaihtu a lo nei tlem lutuk hian lung a la tichhe tluang zel dawn a nih hi! Kan hriat theuh angin he University hi kum 2001-a din a ni a, a la naupang hle a ni. A din atanga kum nga chhung (Vice Chancellor hmasa ber term chhung ti ila a chiang awm e), hetih chhung hian Central Sorkar-in sum thahnem tak University development atan a rawn pe a.
Amaherawhchu he kum hmasa kum nga chhung hian hmasawnna hmuh tur a tam lo hle a, hmasawnna chu a muthlu a ni ber mai. He University ah hian kum 2005 khan MA (English) zir turin admission ka hmu ve hlauh a. Kum hnih ka cham chhung-in Zirlai hruaitu ka ni tluanchhuak a, Vice Chancellor thar leh Registrar thar hmel kan hmu a, hna la na mi tak pahnih hotu lu-a kan han nei ta chu hmasawnna muthlu tawh pawh rawn kaitho lehin tu tawngkam takin emaw hmasawnna chu ‘a zuanin a zuang’ zawk zawk a ni ber. Kan kalphung felhlel tam tak te siamthat a ni a, chumi kawngah chuan, nasa taka hmasawnna thlentir tur chuan a tu a mai pawh kan innawr kal dawr dawr a ni ber a, hotu lu te leh zirlai hruaitute’n sawiselna tawngkam dengkhawng tak tak pawh kan tawng thin.
Kan University, a bilha tho lo kan tih hi siamthat mek a ni a, tunah chuan India rama University hmasawn chak ber te zingah a lo tel ve ta reng mai a, 11th Five Year Plan Project pawh India rama University zawng zawng zingah University Grants Commission (UGC) hnena thehlut hmasa ber a ni a. Kan hotute inpekna leh thawhrimna chuan UGC lam duhsak bikna pawh nasa takin a hlawhchhuak a, University dangte dawn phak loh eng eng emaw pawh kan huilut ve ta nual nghe nghe a ni.
University-a kan cham chhung rei lo te hian President of India-in vawi hnih a rawn tlawh a, Vice President of India a rawn kal leh a, American Embassy atang te leh Russian Embassy atang te pawhin mi pawimawh tak tak te’n an rawn tlawh a, tin, Foreign University-a mi thiam chungchuang te pawhin rawn tlawhin a then te phei chu Visiting Professor te pawh an rawn ni hial a ni. Ka chhuahsan hnu khan Magazine Editor kalchhuak ka nih avangin hna zawh fel loh buaipuiin Campus-ah ka la kal fova, thla khat lek ka kal loh chhung pawhin Campus hmelhmang hi a lo danglam hman bawih zel a, chu chuan hmasawnna a zuan nasat zia a hril chiang viau awm e.
Tin tun hma kum 2/3 kal taa Mizoram University kum tin budget chu Rs. 6 Cr. (Cheng Vaibelchhe Ruk) a ni a, tun dinhmunah chuan kum tin budget chu Rs. 24.5 Cr. (Cheng Vaibelchhe Sawmhnih Pali leh Nuai Sawm Nga) ah a zuang dawrh a ni. Hetiang em em hian University dang te budget a pung ngai lo a ni. A let li lai maia budget tipung tur khawpa UGC lamin min han duhsak uchuak bik em em mai hi a lawmawm a, kan VC leh Registrar hnathawh ropui tak te’n a hlawh chhuak ti ila kan sawi sual tam lovang. He kan VC hi President of India-in VC atan a rawn ruat laia MZP leh pawl hrang hrang te’n an dodal chiam kha a ni, khatihlai khan hnathawk tha tur mi nia kan hriat avangin MZUZU chuan kan lo welcome teh tlat a, mipui nawlpui pawhin an hrethiam lo nghe nghe a nih kha.
Hetianga raltiang kai tuma University-in kallai a rel mek lai hian harsatna lian tak tak a hmachhawn thin a. University hmangaihtu nia inchhal, hmangaihna thinlung an nei tak tak miah lo emaw tih tur khawpa popularity khelh nan mai maia hmang tawk an lo awm a. Thenkhat lahin ‘Thisena kan lei’ tia chhal pap pap chung siin hma a sawnna tur dal tum tlat niawm hrimin kan hawlh buai duh hial bawk a. University hian hna lak chungchangah te, examination chungchang leh thil dang dangah tih dik loh a neih palh changin nasa taka diriam leh tihmualpho a ni thin a, chutiang huna a phusa pawl chu MZP leh MSU te, a University chhung ngeia mi pamham thenkhat te an ni thin.
Kan han tarlan tak pawl leh mimal te hian University-a thil felhlel a awm apiangin University hmangaih ber niawm hrimin an duhfir zia te media hmangin an auchhuah pui hlut thin a, chumi-in a nghawng tha lo tak a neih chu hei hi a ni; mipui nawl puiin University an hmuh dan a dik thei lova, University zahawmna pawhin a tlakhniam phah a, mipui rilru-ah University hlutna leh zahawmna a nep phah a, kan fate zirna atana iaiawm hial-ah kan chhuah thin.
Chutih mek laiin University hian ramri chungchangah te, quarry chungchang-ah te, Land Compensation chungchangah te, a mamawh kawngpui tha, tui leh electric chungchangah te leh thil dang dangah harsatna lian tham tak tak a lo tawk tawh thin a, hetiang huna lamtang tur leh a thlavang hauhtu tur a mawmawh em em lai hian University hmangaih ber ber anga lang MZP te, MSU te chu thehhmeh ang vang vangin an reh leh si thin a! Hetiang hunah hian MZU hmangaihtu nia inchhal MZP leh MSU te kha khaw nge an awm thin? University hian hmangaihtu a lo va nei lo ve maw le! University hmangaihtu nia inchhal te hian kan lo hmangaih reng em tih te hi kan in enlet a tul hle a ni.
State Sorkar-in University hmasawnna tura a tih ve tur 3 (three) Basic Needs, Water Supply, Power Supply, Approach Road, University main gate thlenga an chhawpchhuah ve tur chungchanga sorkarin a tihtur a tih loh thu hi chu Ministry hmasa hunlai khan kan sawi tam tawk tawh a, sorkar thar hi chu a vengva deuh turah beisei ila, ka sawi zui lo mai ang.
Tuna University-a zirtirtu lak chungchangah Mizo Students’ Union (MSU) chuan na takin hma an la a. Mahse ngun taka han thlir chet chet hian MSU ho hian University kalphung hi an hre lo hle a, an pawngtawng basa ngam ve mai mai a ni. University kalphung hrechiang viau turah pawh beisei chi an ni lem lo, a chhan chu an activists ho zingah hian University rap pha an awm mang lova, ka hriat sual loh chuan Graduate pawh an tlem khawp nia.
Principle mumal an nei lova, tu tu emaw, University chhunga thawk mek te leh, midang thenkhat, University hmangaihna nei miah lova mahni tanghma hai hoten an fuihpawrh ang anga kal ve mai mai an ang tlat a ni. A chhan chu ‘One-sided and Biased Information’ anga hma an lak chiam vang a ni. A tirah Asst. Professor lak tura Scrutiny Criteria-a Post khat ruakah Mizo paruk tak interview tura koh ni rawh se tih te, Four 1st Class Criteria tihdanglam ni rawh se tih te leh thil dang dang te an nawr kha a ni a, an demand thenkhat hi chu tha ve tho pawh a awm, mahse chauhthubarawh taka a tira an demand piah lam, meizuk phal lohna hmuna VC meizuk hrem tur leh Tribal te hmuhsitna leh tihmualphona tawngkam avanga hrem tura ngenna FIR thehluh te hi chu a nuihzatthlak a ni. Dinna mumal hi an nei thlawt lo a ni ber.
Hetianga hma an la peih rau rau a nih chuan Meizuk phal lohna hmuna meizu zawng zawng vai vek se, hrem tir zel sela Mizoram tan hian an va chhenfakawm dawn em! Mahse chutiang ni lova tu emaw mimal taka beihna tur atana hmalakna mai a nih chuan donation khawn khawna inhawrkhawm tuau tuau lo hian tha takin lehkha zir chhunzawm se, mithiam an nih hnu-ah ram leh hnam tan an chhenfakawm chauh ang.
Tin University chhunga mi ngei MSU/MZP hnena bias taka information pe ru thintute hi University tana thawhhlawk tak an lo ni tawh thin em tih te hi zir chiang hmasa thin sela, mahni hmasial taka bei thin te an ni ngei tih an hmuhchhuah ngei ka ring, chuvangin MSU pawhin University Affairs-ah eng ti kawng zawng pawhin inrawlh dawn sela, tuna kan sawi tak ang khan ngun taka an zirchian phawt a, MZUSU lam pawh an biak rawn hmasak fo a tul a ni, chuti lo chu ‘a vawtu-in ek a cheh’ tih velah hian an tawp zuih fo mai ang.
Tin VC office kai tura dan an tumna-ah leh demonstration neihna-ah te University nena inlaichinna nei reng reng lo Hindi zirlai te an han hruai khawm a, tin University kalphung pawh la hre lo, College zirna tak ngial pawh la hmelhriat tan tur chauh I BA zirlai ‘innocent’ tak tak te hmatheha hmangin an demand awmzia pawh la man pha lo te chu police vuak an han tuartir a, heng zirlai innocent tak tak te rawn thanchhoh zelna turah hian nghawng tha lo tak a nei ang a, an thinlungah zirna ina thuneitute dodal duhna rilru leh mob rule te a thanhnantir hlauh thei a, chuvangin anmahniin an sut tlang leh ngam si loh turah chuan zirlai innocent tak tak te fuihpawrh chiam tawh suh se. “Tu emaw-in min fuihpawrh a, midang keini aia la hre tlem ve leh chhawngte kan fuihpawrh ve leh chhawng” tih vel kan ang riau.
Ngaihtuah tithui em em chu hei hi a ni; he incident-a hruaitute hi nakinah pawh ram hruaitu an la ni palh reu reu ang a, chutih hunah chuan kan ram inrelbawlna chuan hmasawn zai rel lovin a nawi phah nak tawh ang.
****************************
Similar Posts:
- Mizoram University Examination Dept. leh hna lak chungchang
- India Universities in World rankings
- Mizoram University, Tang Fan Fan – Part II
- Sorkar hnathawkin budget sum ei tam
- Combined Post
May 26th, 2010 at 1:03 pm
Ka comment lo ang ka ti zet a, mahse thiante’n comment turin min request tlat si a; tlem a zawng kan belh ve mai mai ange :lol:
1. Four First hi Prof Lianzela idea a ni lo a, Univ hotu sangte (Dean level) a an thutlukna a ni. M.Phil + Ph.D + Publications + Experience te hi criteria a belh a nih chuan buaina a enp tawh ang, mahse Mizo zingah aiin hnamdang zingah khitiang nei khi an tam zawk. Unreserved category ah chuan hnamdang kan tluk lo khawp ang.Mahse, Mizo zingah pawh khitiang nei khi an awm nual tawh avangin anni tan pawh chance a tha dawn tihna a ni.A lawmawm e.
2. Univ building, a bikin academic buildingte hi a structural design a a len dan tur an ziah aiin a te vek.Social Sciences classroom hote hi te tak a ni. Kum 5-10 hnuah an student intake capacity te hi tihpun duh ta se a tihngaihna a awm tawh lo. Kan deptt pawh hi 30 stidents classroom atana duan nimahse an leng lo a, chuvangin seminar hall a tana an siam (60 students capacity) ah class kan nei. Building quality maintenance kawngah MZUSU te hian Univ hotute kut an tihchak duhloh avangin dem an la ni dawn. kan hmalakna tur a ni lo tiin tun maia Press Meet an neihah an sawi. Hetiang hi an hmalakna tur zinga a tel loh chuan Univ pawnlama zirlai pawlte chu kan chhungkaw thilah rawn inrawlh suh u ti a, midiklote thlavang hauh hi an hmalakna tur a ni mai.
3. Curriculum design chungchangah chuan keini leh MSW hi a chhuanawm tawp. MZU chhunga Deptt naupang tak tak zingah an la naupan ai daihin NET + JRF + MCS + Officer dang an chher chhuak teuh tawh. He hi new idea/concept/development mila an curriculum an update zel vang a ni.
4. Vai tam tak hi connection thru a rawn lut an ni. Interview hmachhawn miahlo a in absentia a appointment pek pawh an awm. Utkal University Vice Chancellor influence nat vang a ni. Tin, Hindi a MA +M.Phil zo rawn lut pawh an awm; hetah english an zir tha leh mai. Vai thiam tak tak hi kan la hiplut thei meuh lo a ni. Tin, Univ hi anmahni ta tak tak angin min en pui lem lo bawk. James-a te Deptt a mi vai pawh Avon a sumdawn te kha a tui zawk tlat a, a tawpa khulamah hna a hmu ta a, a chhuak ta daih.
5. UGC leh 6th Pay hian academic community member te’n society leh ram tana contribution an neih tam hi a phut tlat a.Chuvangin, The Teachers shall enjoy full civic and political rights a ti ngat nia. Khawtlang, society leh ram tana contribution neih tum reng renglo academic community member ho hi ka hmusit khawp thin mai. Tute emaw itsik vanga ‘politics khelh a tum’ tih chi a ni lo e
6.James-a hian a ziak tha khawp mai. Mahse, tlemin a generalize deuh a nih khi. Pu Lalhmingliana Saiawi pawh khan Univ Annual Report atang ringawtin article a rawn ziak a, a famkim lo khawp mai. Univ hi mizote ta a nih ang ngeiin vil uluk reng a tul; thuneitute pawhin kalsual zeuh chang an nei thei, chuvangin vilpui reng kan ngai. Mizo mipuite atanga hla deuh duaia awm tura va ngaih chi a ni lo e.
Report this comment
May 26th, 2010 at 1:43 pm
@shabito, I chiang e, kan chiang e.
Report this comment
May 26th, 2010 at 1:53 pm
@sunshinethrutheday…i hming a va sei pet put eemmm :lol: Tunhma hnalakna a zirlai pawl te’n ‘sons of the soil zingah a tling an awm chuan lak tur’ tia an au laia khatih laia Univ SU hruaitu zing a mi kan chhungkaw thilah nangni zirlai lem lem ho hi rawn in rawlh ve teivet suh u titu ngei pawh kha tunlai boruak velah hian MSU hnena zualko zingah a telve a sin. Four First a lo nei si lo a…
Report this comment
May 26th, 2010 at 2:09 pm
Pu shabi-a a rwn chet hi chuan a fiah uar2 thin.:)Point 5-na khi a that khi le…
Report this comment
May 26th, 2010 at 2:12 pm
shabito #101… i point 5 khi ka pawm zawng tak ani e.
ka lawm e
Report this comment
May 26th, 2010 at 2:35 pm
@shabito……hohohoho! Ngaihtuah peihte tan….Chuan tun a mite pawh hi kum 5 vel hnu ah chuan hriat reng an hlawh tawh lovang! an lo maltlat tawh dawn si a!!lelelele
Report this comment
May 26th, 2010 at 2:43 pm
James….i ti tha thei hle mai. University zirchhuak ni awm reng i ni e. Politician pakhat sawi ka hriat reng chu ‘ka zu in ringawt in sawi a, ka bawnghnute in in sawi ve duh mang si lo’ a ti a. VC leh Registrar te hi puhchhiatna tur hlir zawng ho tan chuan sawi tur chu a tam ang, mahse MZU tana an hnathawh nasat zia hi a hmunah ngei hian a hrechiang duh chuan kal se… it speaks for itself.
Vai leh Mizo ah hian i buai lo ang u, Indian kan ni a, kan accept mai a ngai
Mizo ni mah ila, a nihna takah chuan Indian kan ni miau a. Kan duh emo duh lo emo ‘Jana Gana Mana’ hi kan hnam hla ani tlat. Govt. of India ngaihdanah chuan every citizen of India hi ‘son of the soil’ an ni. Mizo tan abikin hna lak chungchangah ST reservation min siam sak bak ‘special’ a min duhsak bik theihna dan engmah a awm lo. Mizoram University hi Mizoram-a a awm vang ngot hian ‘Mizo ta’ a ni lo. A hnathawkte hlawh zawng2 rawn pe tu te, dan leh dun inkaihhruaina zam tute, a mamawh zawng2 rawn tumtu chu MHRD/UGC ani miau a. Chuvangin, hna lak tur chungchangah te pawh a thiam thiam an tling mai tur alawm.
@funny… ka support che.
@sunshinethrutheday…. MSU leh MZU khan agreement an nei lo… Meeting minute zawk alawm
MZU official te hi in sawifiah lampang hi an peih vak lo a nih hmel a, beram no hmul mettu hma-a a ngawi reng ang hian an ngawi reng mai chu a nih hi a… thudik tana an ding ngam erawh hi chu ka ngaisang thlawt.
Report this comment
May 26th, 2010 at 2:51 pm
Meeting Minute uhmmm.. ka hre thiam lo. PUC Principal Room a an inbiak khan kan hotute lamte khan inrem theihloh kha chu an hlau khawp mai..chuan an Okhay ta a nih kha….Meeting Minute hi a lawm kan bawhzui thin le :lol:
Report this comment
May 26th, 2010 at 2:53 pm
is liberty equality in school? … ti ngawt teh ang
Report this comment
May 26th, 2010 at 3:02 pm
@tudor …….meeting minute ah chuan thu thlukna, thurel leh hmalakna turte ziakin hming an sign hnan thin, alelelele..hohoho! tu emaw thuchhuak a va ang ta ve hohoho!
Report this comment
May 26th, 2010 at 3:03 pm
a self-ordained professor’s tongue, too serious to fool .. kan tam hmel mizoah hian
Report this comment
May 26th, 2010 at 3:15 pm
Misual.com hi chhiar ve ta se interesting an ti ngot ang a kan MZU Registrar leh official dangte te hian… @shabito.. lo hrilh ve la i pu te chu
Report this comment
May 26th, 2010 at 3:15 pm
He mi post bikah hi chuan Fonz-a thu hi a tha thei ber! Its precise, factual, compact and accurate…hohoho
Report this comment
May 26th, 2010 at 3:19 pm
@tudor….an en eeee :lol:
Report this comment
May 26th, 2010 at 3:19 pm
@Tudor….in inchul nel hmel zawk lo hrilh ta mai la! Funny chu ‘pawl lo pawl’ chu chu ‘kan pawl’. He is not a pet dog like T… and J…. Hohohoho
Report this comment
May 26th, 2010 at 3:22 pm
In va han hre hlawm tak em… nia meeting minute chu in sawi chu a dik chiah. in hria nge hre lo ka rawn test anih kha ekekekekekeke…. at least i know where you stand
Report this comment
May 26th, 2010 at 3:35 pm
@Tudor…ka ding lo ka thu, hohoho. “MZSU press Conference chu VC leh Registrar thlavang hauh tumna a ang ber, an hre thui lo, zawhna pawh an chhang mumal thei lo” – ti hian chanchinbu-ah han chhuah ta mai se, a ho awm reuh ka ti……hohoho! @Tudor, test ngai lovin hriat sa vek lawm! PAWL LO PAWL SIDE nei ru ran, huhuhuhu!
Report this comment
May 26th, 2010 at 10:26 pm
@Rd09
Ho ka tih vang mai mai mawle.
Tunhma MSU (shillong) chhuak kha chu an zia viau, MZP u an ni zawk mah a, tuna MSU hi chu MZPa tling zolo inthlah chhawng zel kba an nia, ngaihsan loh nachang hi hriat a hun ka ti ve mai mai.
Report this comment
May 27th, 2010 at 9:23 am
Kei min tibuaitu chu hnam ang hoten hna an hmu zet a, an ram lamah hna dang an ngaihtuah reng tho a, an hmuh veleh an kal leh daih a, helai hi inzirna leh an hna duh zawk nghahna atan an hmang mai mai niin ka hria. hei hian a hnu zelah min tibuai hrep zel. Hetianga ti hi tam tak PUC leh Univ. ah ka hria.
Hei hi Pu Lungmuana pawh khan tha a ti lo hle a, PUC-a diltu-ah pawh quality ah mizoten an tluk pha chiah lo a nih pawhin min. requirement an phak ve tho si a nih chuan mizote lak an nih theih nan a tang tlat thin.
Tin, a dik vek e chu ka ti chuang lo naa, a tlangpui thuin zirlaiten (a bikin college-ah) vaiho- degree sang zawkte zirtir aiin mizote – degree hniam zawk – min. requirement hmanga lut ve trawk trawk te zirtir an hrethiam zawk. ka subj. ah ngei pawh zirlaite harsatna be chu hnam dangho portion ah a ni.
mahse hei vang ngawt hian tuna MSU thil phut anga a pawng ataka mizote koh tur tuh mawl tawp hi chu ka support lem lo. thiamna inangah chuan mizoten kan hmu ngei tur a nih rualin thiamna inang lo, kan tluk loh na na na te khalh kan tum talh a nih chuan a atthlak hle ang.
SORKAR ofis pangngaiah chuan thiam lo zawk pawh an lut a ni thei e, Univ/Col ah te hi chuan zirna in a nih ang ngeiin zirna lama thiam leh hmingtha an lut mai tur a ni.
Mizoram zirna siam tha tur hian Mizote ngawr ngawr hi kan mamawh ber kher lo, mithiam leh kan ram min hrethiam a min vei mi an/kan pawimawh ber.
Report this comment
May 27th, 2010 at 8:44 pm
Ka va lawm tak em! Mizo thalaite’n heti taka pawimawh kan University chungchang uluk taka kan chinglet peih hi ka lawm tak zet. Mahse kan business ah kan tul em avangin ka la rawn che leh hman lova. naktuk lamah in comment chhan tul awm ang chu ka rawn chhang ang e. Tin part II pawh ka rawn post vat dawn e.
Report this comment
May 27th, 2010 at 8:52 pm
rawn post tawh lo mai rawh kan hne
Report this comment
May 28th, 2010 at 3:13 pm
Kan Project buaipuiin ka hmanhlel a, chuvangin ka thil post pawh ka vil tha hman lova, in mi ngaihthiamna ka ngen e. Ka theih ang angin comment thenkhat chhanna ka han belh leh e.
1. @ chhangte_ll,
Lecturer, Reader, Professor hi tunhma lama hman a ni a, hman ni deuh lawk khan UGC lamin rawn ti danglamin Lecturer kha Assistant Professor tia thlakin Reader kha Associate Professor tiin an thlak bawk a, Professor erawhchu a ngaiin a kal. A kaisan chhoh dan leh entry eligibility chu a la ngai reng. Asst. Professor-a luh dan chu tuna kan han buaipui luai luai hi a ni a, Associate Professor tur chuan Ph. D neih ngei ngei a ngai a, Asst. Professor-ah kum 5 tal experience lo nei tawh tur a ni bawk a, Orientation Course leh National/International level Seminar chuti zat tal a attend tur a ni tih te, research publication eng zat nge a neih tih te en tel vek a ni thin. Chutiang zelin Professor-a kaisang tur emaw, dil tur emaw chuan Associate professor-ah kum chuti zat tih leh a dang kan han sawi tak te kha ngaih pawimawh vek a ni.
5. @ awmawmpuia,
University hmangaiha, MZU ngeia zirchhuak tan chuan MZU tana hnathawk tha hi fak ve ngei tur a ni dawn lo’m ni?
6. @ caribou,
Thank You
8. @ Tomte-a,
100% in ka thlawp che.
10. @ funny,
Kan rilru a va in ang tak em!!
11. @ muantea,
Part II lo thlir ve leh hram ta che.
22. @ Duatpuia Pa,
Mag Editor ka nih lai khan vawi duai lo VC nen hian kan inchapchar tawh, a chang leh University Official Annual Magazine-a leh hlawk rawtna a awm a, Magazine Publication Board te din a han ni hluai a, ka editor nihna pawh Board member chauhah te ka han tla thla leh hman ren rawn a, kan han fight leh hram hram a, ngei ve chang ka ngah. VC leh Registrar te nen hian mimal tak pawhin kan inhre tha viau, hna pawh dil ila duhsak bik nei dawn ta sela duhsak hmasak ve tur zingah ka tel ka ring, mahse ka thiamna ka enin university zirtitu ni meuh tur atan chuan ka in iai, ka nihna ka hre chiang a, tute emaw duhsak beiseia hna dil hram hram pawh ka tum lo. Chuvangin an lak atangin eng hamthatna mah ka dawn ka hre lova, Registrar ngei pawh hmuh ka tumin appointment min pek hman loh tum hi ka tawng fo, mimal taka ngei ve chang ka ngah. An lak atangin eng hamthatna mah ka beisei lo bawk. Mahse dik tak leh thahnem ngai taka hna thawk a, hmasawnna thlentu te hi kan University enkawltu atan an tha thlawt a ni, chuvangin fak tlak chu kan fak turah pawh ka ngai.
28. @ Duatpuia Pa,
Meizuk chungchangah chuan i sawi dik khawp mai, ka thlawp tho che, mahse MSU hovin FIR an thehluh chhan hi ram siamthat an duh vang leh Zirna In tihhmasawn an tum vang ni lovin hnam feeling kaichhuak tura mimal beihna liau liau a ni hi a ni hriatthiam har kan tih tak chu, a tira an demand ah khan ding nghet mai sela, chauhthubarawh taka chu pawh chu pawh, miin min rawn hrilh belh zel sia lawm ti ni awm taka principle nei lek lova an hmalakna hi a ni nuihzatthlak kan tih tak zawk chu.
30. @ Achilles,
College SU kan inhman lai khan MZP kan ngaisang viau a, MSU hi chu eng vakah mah kan ngai ngai lo hrim hrim. Tin, MZP ah pawh ka active ve hman viau, mahse a chhungrila han luhchilha han hriatchian tak tak hnu-ah tun ang renga an kal a nih chuan nakina kan ram hruaitu nih la tumte tana inchherna chi-ah ka ngai lem lo.
33. @ funny,
Ka zep ve tang tang i sawn sawi pawp ta law law a, a tha e, Mr. funny, ka rin aiin tuna buaina lo irh chhuah dan hi i lo hre ril tlat mai, mi tlemte hamthatna tura kan phek buai hi!!
50. @ funny,
Four 1st Class chungchang hi chu Part II ah in lo thlir dawn nia.
55. @ sunshinethrutheday,
Lecturer (Asst. Professor) bikah hian Research aiin Academic record dah pawimawh a ni tlat a, chu chu MZU Dan Bu Ordinance-ah a chuan si avangin an hmang a ni mai. Mahse ka thlawp che, chuvangin dan kalha che tura in nawr chiam lovin Dan zawk kha amend tura nawr a tul zawk a ni.
56. @ Maverick,
‘MU’ ni lovin ‘MZU’.
64. @ m_bawitlung,
“…chuan research proposal te an siam anga…funding agency hrang hrang atrang sum an hui lut hum hum ang a…zirlai naupangten Ph.D te an tih theih phah anga…conference pui tak takte an huaihawt ang a…research papers an publish zut zut ang a…department in hma a sawn ang a…university in hma a sawn ang… Zoramin mithiam ril a nei tam ang a…hma kan sawn ang…”
I va han sawi dik tak em, tuna kan MZU zirtirtute zingah hian hetianga research project siam a, DST (GoI), MSACS, etc. atanga Project Funding haichhuaka anmahni Project atanga JRF pe thei ho hi vai vek asin.
70. @ chuuks,
“engvanginnge a structural design aia te daiha buildingte khu sak an nih? tih han sawifiah se la mawle….”
He lam hi ka lo la zirchiang vak lo, engpawhnise ka hman chuan ka lo chhui ve ang e. Kan hun laia i nau chu tu nge a nih tih leh nangma hming pawh huaisen taka i puan ngam chuan huaisen takin au zel rawh, ka zahna ram ram tur auchhuahpui ngam mi huaisen chuan i hming i rawn thup lo turah ka ngai, tlanchhe chung ni lovin aw.
74. @ sunshinethrutheday,
“….Committee chu eng level pawh nise, an thuthlukna kha an bawhzui tur a ni dawn lawm ni? chuti nilo se engnge Committee ang a thutkhawm a thuthlukna siam khan awmzia a neih ang le?”
He thilah hian MZU thuneitute leh MSU hian eng Committee mah an din ka hre lo. Meeting chu an nei. Committee leh Meeting hi hriat pawlh loh a tha ang.
76. @ anihtakchu,
Ka tan bon top che.
77. @ sunshinethrutheday,
Pawmawm viau-in ka hria. Tin a bengvar thlak viau zel e.
101. @ shabito,
I comment hi a bengvar thlak tak zet. Kan Dept. ami i sawi kha a hming min lo hrilh, plz.
Report this comment
June 1st, 2010 at 9:07 pm
Curriculum design na ah hian tu in nge initiatives la le mizo proffesor tha tak2 ten ami le…..
Report this comment
June 1st, 2010 at 9:30 pm
VC LEH REGISTRAR te khu an taima in office an luahlum tha k t eeeeeeeeeee
Report this comment
June 1st, 2010 at 9:33 pm
lans #123: kan mizo professor ve techu an hawi lawl lawl ringawt, buai an inti ve hle ringawt (ani awme). hahaha
Report this comment
June 1st, 2010 at 9:35 pm
a chhungrila han luhchilha han hriatchian tak tak hnu-ah tun ang renga an kal a nih chuan nakina kan ram hruaitu nih la tumte tana inchherna chi-ah ka ngai lem lo.BY @ Achilles, A DIK LUTUK……..HMANAH PAWISA KA NUIN A PUK PUIA AN RULTHEILO A KAN RULH SAK VEK…… REI PHEI CHU A REI TOH
Report this comment
June 1st, 2010 at 9:39 pm
KA HRIT DAN CHUAN pROF jkp A KHU ATANG EM ANI….pol sc.
Report this comment