Hei in lo ning tawh mai thei, mahse patling ti ta sa sa Part-III thleng ka rawn chhawp dawn a nia. Tin, a post-tu pawh hian a hriat vang leh a tawn vanga post a ni lo tih kha min lo hriatsak bawk u la.
Cont…
36.Thenawm emaw, mangang thawm reng reng hria a chhan ngam lo chuan pawnfen feng nghal rawh se.
37.Nunau tithlaphang zawng a tualchhunga che mi chu a chi thlah tam hmain thah nghal tlak a ni.
38.Thil hmingthang tidanglamtuten thlahlei an vei ngai lo.
39.Hreipui, tuthlawh leh puan ruk chu mahni thlan laih nan leh ruang tuam nan hman a tul duh hle.
40.Thenawmte do aiin khaw sarih do a thlanawm zawk.
41.Luipui tlak dawn a pa kuk ruih ruih leh hmeichhe hriat a tan a pa aw thian kuk kuk chu pa rawn tlak an ni ngai lo.
42.Khawtlang awm ni serh loh hi vanni salna a ni duh.
43.Lasi thang hi sah chhiat zel tur a ni, awh palh a hlauhawm.
44.Rui chunga nula rim leh khawlai kal ching mi hi chapo chhinchhiahna a ni.
45.Ruai thehnaah sa dap suh, hlui dangah pawh kil nawn suh.
46.Pumah hmeichhia lal tur, tuikhurah mipa; mipain lo vat se, hmeichhiain thlai chi thlak rawh se.
47.Sa beihna a thiante chhan ngam lo chuan pawnfen feng rawh se.
48.Phir piang hlim enna-ah, a va rapthlak em tih zawk tur a ni.
49.Duh loh nena khuangchawi ai chuan duh tak nena kum thum bahra laih zawn a thlanawm zawk.
50.Thing phur khat leh pasal pakhat hmuh zawh loh thu awm suh.
51.Rammi tawk apiangin maucheh siam zel tur.
52.Sa mawngping kawmthlangte pek tur, kawmthlang nei lo chuan kawmchhakte pek tur.
53.Tawngkam thain sial a man.
54.Pal sawn chin hi mi duham, mi thawveng rei lo tur hna a ni; kawngpui pin lek phei chu a thiang lo.
55.Nupui fanau riltam thih tep tawh a, chhek in buh ru ngam lo chu pa nih tling lo an ni.
56.Sawntlungah hma an phel ngai lo, sakeiin a seh duh.
57.Thingzung tuah suh, hnute a pan duh.
58.Mahni lo hlui chiah theh khatnaah an nei ngai lo, “ka ar bo a lo hawng leh ta” a ti a, min talh mai.
59.Ramvahnaah naupang an hnuhnung ngai lo, laikingin chil a chhak duh.
60.Saiin a tluangah thing a kham chuan chhui tawh loh tur.
61.Sakei aih niin la lamin deh loh tur.
62.Nu leh nu insual pain thelh ngai a ni lo.
63.Vapual, kawlhawk leh vahai bu lak chuan thinghar hnutchhiah tur.
64.Khaw chhunga muvanlai nupa inthen, chhim leh hmar pan kher hi, nupa tang thenna emaw, lenglai thihna a thleng duh.
65.Kawng kham zawng a thingkhawsa tlu hi lenglai thihna.
66.Sakeiin sa awk a lak chuan chhuh loh tur.
67.Mi zawnna hlang chema phelh loh tur.
68.Belthlengah chaw ei loh tur, naupangin lo ei palh sela, “Khua leh vangte u, lo ngaidam rawh u” tih tur.
69.Vapual, Kawlhawk, Vahai no chawm lak, nupa tang thenna.
70.Innei turte inah ruang chhuak sela, thulh tur, hun dangah thar thawh leh tur.
71.Balhla vuiin a neitute khumpui a kawh chuan ruang a chhuak thin.
72.Phunchawng phun chu khuang rual a nihin a phuntu a thi mai thin.
73.Sakei, a hnu a rul chuk chuan kir san tur, vanduai a hlauh awm.
74.Naupai laiin pa-in hengte hi a thawk tur a ni lo :-Ranpui talh, rul thah, hlang zawn, vawkkuang suih, thleng-pui leh thutthleng tuk; nau piangin kutchuk an nei duh.
75.Naupaiin luipui a kan chuan, luipui huaiin nau kha a lo hmu a, a tla mai thin.
Similar Posts:
- Pasaltha Zingkela leh Tlangval Bawkkuia by Thanchhunga, BVT
- Mizo Pasaltha ruang in aizawl thleng ta..
- Pu H. Rotluanga ruang chhar a ni.
- Pipu thufing leh Serh leh Sang – III
- Chawngfianga leh Lianchhiari
May 29th, 2010 at 8:03 am
Phir piang hlim enna-ah, a va rapthlak em tih zawk tur a ni.
Ngatinge le???
Nu leh nu insual pain thelh ngai a ni lo.
Tunge thelh ta ang?
Thil hmingthang tidanglamtuten thlahlei an vei ngai lo.
Hei pawh hrilhfiah ka ngai.
Phunchawng phun chu khuang rual a nihin a phuntu a thi mai thin
Enge Khuang rual awmzia hi?
Nupui fanau riltam thih tep tawh a, chhek in buh ru ngam lo chu pa nih tling lo an ni
Ngaihtuah a tithui hle mai!
Sa mawngping kawmthlangte pek tur, kawmthlang nei lo chuan kawmchhakte pek tur.
Enge Sa mawngping?
Report this comment
May 29th, 2010 at 8:09 am
khau phar thawven..
Report this comment
May 29th, 2010 at 8:16 am
@1 pipute khan chhangchhiat kha hrehwm an ti in an hma lak buai nen intuha lovin an hria aniang. Phir hrin chuan chhangchhiat kha a double tlat ani.
Thla hlei an vei ngailo tih chu an damrei ngailo tihna
Report this comment
May 29th, 2010 at 8:23 am
Braket-ah rawn sawifiah deuh hlawm la tha tur, entirnan hriatthiam harsa deuh 41, 42, 51, 52, 56, 58, 61, 73 tih vel te khi.
Tamtak khi chu ennawn that ngai a awm nual tawh a ang.
Report this comment
May 29th, 2010 at 8:26 am
Hriatthiamloh ka va ngah ten2 ve male……a then khi chu a hoh hmel hlom ka ti,hriatchianloh vangte poh a niang e….
Report this comment
May 29th, 2010 at 8:28 am
Khuangrual chu khuang kan vuak thin ang atana hman rual tihna (1ft diameter approx)… Khitiang thing khi thing thangduang tak a ni lo emaw hmanlai mi kha an damrei lo, a tlangpuiah.
Report this comment
May 29th, 2010 at 8:34 am
Kan hnam nunphung leh ziarang min hriatnawntir leh a, hriatrengna robawma tuiek ral mai tawh tur tam tak min hriatchhuahtir leh a, a hlu takzet. Tunlai huna applicable tawh lem lo a tam fu tawh thung mai.
Report this comment
May 29th, 2010 at 8:35 am
74 khi prove or disprove ngam kan awm tawh em aw???
40 khi Thufingte bu ah a awm tlatin ka hria…Chhiat i tawh in hmun hla deuha i chhungte hrilh lovin i thenawm te hrilh hmasa rawh tih ang deuhvin..
41 khi chu mifing /mi changkng an ni ngailo tihna ang deuh a ni..Nula chhaih(evetease) ching, ehem kan tih ang deuh hi aniang chu, hetiang tih ching mite hi pa rawn an ni ngailo tihna a ni. A dik hmel.
Report this comment
May 29th, 2010 at 8:50 am
49 Modified (tunlai version): Duhtakte nena bahra laihdun ai chuan duhvakloh (nakina duh leh tho tur) te nena khuangchawi a thlanawm zawk.
Report this comment
May 29th, 2010 at 8:53 am
Zephenath. ti zawk hian alawm.
Duh tak te nena bahra laih ai chuan la duh leh tho tur nena nau paw chunga cigratte zuk.
Report this comment
May 29th, 2010 at 8:55 am
Report this comment
May 29th, 2010 at 9:01 am
54 (tunlai version): Ramri zauh hrat, tlem tlema mi ram nek ching hi mi duham, mi chapo zia a ni: Vantlang(public) ram nek ching phei chu corruption lian tak a ni.
Report this comment
May 29th, 2010 at 9:03 am
50 (mipa version): Hmeichhia leh uite chu a chul nel peih peih :lol:
Report this comment
May 29th, 2010 at 9:06 am
@kawnga, hriat dan a in ang lo thei a, mahse ka hriat dan ang ang in kan hrilhfiah dawn a nge.
Q1. Phir piang hlim enna-ah, a va rapthlak em tih zawk tur a ni.
A: Hman laiin hmeichhe dinhmun a hniam em em a, fa an neih zawhte khan tui chawiin an liam mai zel a. Hnute pawh pe hman lo khan lovah an feh san thin. Nau awm kha pitarte chanpual deuh a ni a, chawthing an thial sawm a, naute kha an fah thin. Chuvangin phir hrin chu rapthlak tak a ni.
Q2:Nu leh nu insual pain thelh ngai a ni lo.
A: Nu vekin an thelh thin?
Q3.Thil hmingthang tidanglamtuten thlahlei an vei ngai lo.
A: Lung phun hmingthang, Zoram dung leh vang fan chhuak khawp a hmingthang ho hi chem a sah khem, tuk bal etc. hi an duh ngai lo.
Thlahlei hi thla sawm ai a rei tihna. Nau hi thla kua an pai ber a, thla kua ai a rei an pai hian thlahlei pai an ti.
Q4.Phunchawng phun chu khuang rual a nihin a phuntu a thi mai thin.
Enge Khuang rual awmzia hi?
A : Khuang rual chu malpui tiat vel a ni a, a thu hrimah Phunchawng hi phun thiang lo a ni.
Q5.Nupui fanau riltam thih tep tawh a, chhek in buh ru ngam lo chu pa nih tling lo an ni
Ngaihtuah a tithui hle mai!
A: Tam pui mithiah a ni zual bik a, mahse an meitalh tal an hnutchhiah thin.
Q6.Sa mawngping kawmthlangte pek tur, kawmthlang nei lo chuan kawmchhakte pek tur.
Enge Sa mawngping?
A: Ran pui eg. Sial an talh nikhua hian Sa ril hmawr, a tawl hi kawmthlangte an hleh thin.
Report this comment
May 29th, 2010 at 9:17 am
#8, neil_maiden: Ka chhang chiah hian a nupui rai laiin ar a talh a, a hmui a chhawk kher a. A fanu a lo pian chuan a hmui chhunglam hi a sen vek. A len hnuah a reh ve tial tial.
Kei pawh hian rul ka that tawh a, ka fanu chuan a sen laiin lei chhuah a ching a, ka ngaihbel vang emaw ni.
Hman laiin pasaltha ho pawh khan nau insiam lai first trimester hunah kha chuan an ramvak ngai lo.
Report this comment
May 29th, 2010 at 9:31 am
44na. Tunlai chu mi chapo an tam dawn nih chu misual ah pawh, funny, kawlhawk, bmw pawh tlangval rim…ha…ha…
Report this comment
May 29th, 2010 at 9:35 am
@Kawnga, Hman lai chuan ram hnaah an buai a, phir piang an awm chuan thil rapthlâkah an ngai. Chawm/enkawl an hautak dawn sis, thil lawmawmah an ngai lo. Tun laiah chuan ‘Ava râpthlâk êm?’ tuh chi a ni hauh lovang. Chhungkaw harsa deuh an nih pawhin ICDS leh sorkar lam atang pawhin puihbawmna a tam tawh em mai.
Khuangrual’ tih hi chu 2 ft hawlh tlang vel sawina a ni tlangpui. Thing thang duh deuh hi chu a phuntu thih hunah chuan hetiang tiat hi a ni fo. Mahse kum 60 vel mi’n an phun chuan an dam rei duh khawp ang. ha ha!!!
Pi leh pu thufingte hi zirtir nei, a thleng ngei ngei thin’ tihna lam ai mahin ‘social control’ atana an hman te pawh a tam. Nun rawn a that loh thu te, inpumkhat leh in ngeih tlan a pawimawh thu te, nun ze mawi neih te leh thil dang dang atana an nun kaihruaitu atana an hman a ni nual a. Tin an lo tawn hriat (experience) atanga thil thlen dan tlangpui chu chhan leh vang (reason) an siam ve mai thin. A dik pawh a dik fu hlawm thin.
Report this comment
May 29th, 2010 at 9:39 am
#7 mapuia: ka ring mai ang e. Thil thleng tak tak pawh hi ngaihbel vang ni maw, a awm ve chawk a nia.
Report this comment
May 29th, 2010 at 9:42 am
#17 zawk. Sorry
Report this comment
May 29th, 2010 at 10:03 am
nell_maiden, #8 i zawhna hmasa ber khi ka awihloh zawng tak mai a ni a (kuchuk nei an tih ang chi hi) kan nu rai laiin ar kan talh dawn a, talh lo turin min ti sek a, ka awih lo lutuk runluih duh chuan a seh in ar nghawng chu ka seh chhum.
Report this comment
May 29th, 2010 at 10:12 am
@HV in lak Mr.Crowly tiah tiah na ka ti mai :lol: Janis nghong ah vampire ha hnuhma hnutchhiah ang tak a lang lo hlauh chu a va vanneih thlak ve oo..fiamthu.com
Report this comment
May 29th, 2010 at 10:15 am
lasi pitar, Shailendra te khaw ho superstitious lutuk vang mawle. An sawi sek hian ka ning thut thin a
Report this comment
May 29th, 2010 at 10:18 am
Pu HV chu va che bawnra ve hihi… a tui vak ka ringlo hehe. Hman kum 15 dawn chu a liam tawh ang, Sun (northeast edition) magazine ah khan an chhuah tawh kha. Pune vel ami ni ta in ka hria, a nupui kha hospital ah a awm a, fa kha a nei dawn a. Ani hmanhmawh deuha hospital lam a panna kawngah car in rul a chil palh a. A fapa vun kha saphai vun tial dan khan a tial chhuak veka. Mahse keichuan rul a chil vangah ka ngai theilo
Report this comment
May 29th, 2010 at 10:44 am
Lolz HV. Keipawn ka ring chiahlo. Scientific basis a neilo tlat. Mahse hamlet a tawngkamin, there are more things under heaven and earth than our science had ever dream of.
Report this comment
May 29th, 2010 at 10:47 am
nell_maiden, ka patea nen hian kan luhlul deuh nge, kan superstitious ve loh vang pawh ka hrelo. Chaw hmeh ilo, Mizo ten, chumi leh chumi chu i ei pawlh chuan a in hal kan tih ang chi hi kan ei lui talh thin. Mahse, Rawtuai leh Changkha bai pawlh erawh chu an chemistry a in man lo khawp mai, a kha mai pawh a nilo, kha chhe tak a ni tawp :lol:
Report this comment
May 29th, 2010 at 10:47 am
OT.. ngaihdam dil chungin. Early 90’s vela AR Ground hmar lam gate luh tantirha sipai pakhat nupuiin a fa hrin kha in en ve tawh em? Utawk pian ang deuh kha? In hre ve hlawm emaw chu. Ka hriatsual loh chuan thlasik lai niin ka hria jacket ka ha tih ka hrechhuak tlat.
Report this comment
May 29th, 2010 at 10:52 am
gothica, chhan tamtak vangin nau hi an piangsual in, an piansual dan leh pian hmang pawh ain ang ngailo. Ngaihbel a an tam tak neih te pawh a awm ka ti, piangsual an ni miau si a. NOI
Report this comment
May 29th, 2010 at 11:14 am
Chhiar a manhla hle mai. Tam tak khi chu ka lo theihnghilh tawh a, a then erawh hriat loh ka nei nual bawk. Thufing tak tak a awm laiin, puithuna atthlak tak tak thil a tel bawk niin ka hria. Kan pipute kha an khawsak a hniam ang aiin thil an lo ngaihtuah nasa ve viau a ni. An hnulai ngaihtuah in Philosopher leh Scientist ropui tak tak an ni ti ila, ka uar lutuk lovang chu.
Sava chungchang te pawh an lo zirngun ve hle a ni ngei ang, vapual, etc bu la lo tura an inzirtir dan atang hian (Vapual, Kawlhawk, Vahai no chawm lak, nupa tang thenna)
Ka hriatthiam loh chu 51 khi.
Report this comment
May 29th, 2010 at 11:51 am
HV..Superstitions sawi takah chuan College kal lai khan vaiho hian exam dawn hnaih hian hmuihmul meh/lumeh etc hi an duh lo viau…kan tihchhiat phah thrin an ti…Engnge i ngaih ve dan?
Eisual hlauhawm i hre duh emi? Physics takin kan hrilh ang che…Vawksa leh maipawl chhumpawlh hi eisual a hlauhawm. A thau emaw tiin maipawl hi ei leh nawlh2 a awl..
Report this comment
May 29th, 2010 at 12:01 pm
HV, ar nghawng i seh chhum tak tak maw? a taal nasa awm! I van Ozzy ve a
Report this comment
May 29th, 2010 at 12:02 pm
Pi/Pute serh leh sang tam tak hi a diktak2 leh tak2 loh aia pawimawh zawk chu an social life thunun nana an hman theihna zawk kha a ni.
Entirnan Uire chu sakeiin a seh duh tihte hi a dik leh diklo ai chuan miin a lo rin kha a pawimawh zawk tlat. Sual an pumpelh phah a, khawtlang nun a nawm phah zawk a ni.
Scientifically a chhut chuan tam tak khi chu a diklo vang, mahse science hian mak tak mai chu, engtin nge mi thra/fel ka nih theih ang tih hi chhanna a nei miahlova, heng atan hian kan pipute serh/sang hian kawngro a ;lo su zawk daih.
Tin, an thufing thenkhat hi a lo fing angreng hlein a hriat. Eg. “Pute kawmthlangah makpate insak loh tur, pute thli an dawl zo lo” tihte hi a ril asin.
Pute kawmthlanga awm chuan, nupuite kha a inluling ngei2 thrin a, an pawng lutuk ta thin a, pasal tan khan an tawrhhleh awm thrin a, hemi ven nan serh leh sang ang hian an lo kalpui ta daih a ni.
Tin,Thitin thla(August) a inneih an duhlohna chhan te pawh hi, a ril ka ti. Hriat angin August thla te chu ruahsur vanglai a la ni a, hmanlai inneihna ah te kha chuan, hmeichhia kha a tluk emaw a berh emaw chuan inneih kha an thrulh phah thin a, khangte avang khan August thla kha chu inneihna hun atan a duhawm lo te pawh a ni ang. Bakah pawhchhiat, a thual hun lai bawr, lo lam hna a an rim em em lai a ni bawk a, khatih hun laia awmni khama lo rik bung bung kha a mawilo bawk a tin ni.
Report this comment
May 29th, 2010 at 12:11 pm
nell_maiden, #29 2nd para khi thutak deuhin ka chhiar a, 2nd sentence khi a ho zo vek :lol:
BMW, dummerweise Ja
Report this comment
May 29th, 2010 at 12:24 pm
#31, neil_maiden: Uire hi a lo chhuah dan ni a ka hriat ve chu “A tlangpui thuin ran reng reng hi, apa pakhatin a nu laka chi vawikhat a khung tawh chuan an duhtawk hmiah mai a, a pa dang an duh tawh lova. Ui erawhchu a vawikhat hurin a padang dangin an pawl rawn luai luai a, hemi tehkhin hian hmeichhe pasal pawmlai neiin tlangval dang a ngaih khan ‘UIRE’ tih a lo ni ta” niin upate chuan an sawi
Hman laiin mipa an uire ve ngai lo a, hmei a nei an ti zawk hlauh thung.
Report this comment
May 29th, 2010 at 1:49 pm
Pi pu te kha an lo ving hle a ni,an thuleh hla kha dik leh tha deuh deuh a tam a,an thlah te pawh kan zia viau hi :lol:
Report this comment
May 29th, 2010 at 1:51 pm
@lushai_er, ka lo la hre ngai miah hleinem, i sawi takah chuan anih duh hmel ta riau-in ka hria.
Report this comment
May 29th, 2010 at 2:13 pm
“Upa-in an duhlo” tih hi a awm fo mai. A hunlai azira heng ‘superstition’ threnkhat hi chu namnul a trul chang a awm. Entirnan, “Raipuarin luipui kan loh tur” tih te hi. Seling ami raipuar tuemaw chu a nau neih a hun a, Aizawl damdawi ina nau neih a duh a, Tuirial a kan ngei ngei a ngai tlat. Chutiangin Lengpui nu paw’n Tlawng a kan ngei ngei a trul. “Mawl hunlai thil” tia hnawl vek tur ka tihna erawh a ni lo.
Report this comment
May 29th, 2010 at 2:51 pm
kan pi leh pu te khan engaatinge ‘chawkang ei chuan vangvat in a zuk duh’, arngum ei chu phunchiarna, ar thial naupangin an ei ngai lo, te an lo tih thin :twisted:
Report this comment
May 30th, 2010 at 2:15 am
@lushai_er, min hrilhfiah tha khawp mai. Ka lawm e, ka fiah uar uar mai.
Report this comment
May 30th, 2010 at 2:27 am
Kawnga, a post tupa a post ah a chian hmel khawp mai
Report this comment