Red Indian kan tih mai te hi tun hma chuan hnam hrang hrang a awm darh an ni thin a. Khaw hrang hrang dinin, a ram a chhiat huna pem leh mai thin an ni. Chung khaw hrang hrang a cheng leh chi hrang te chu thlahtu hmun mah nise ram tha leh thil dang inchuh ten emaw an lo indo ve fo thin a ni. Indo ve renge tilo chuan hnamdang lakah chuan an tangho thiam em em thung.
An hnam zawng zawng, Sioux te, Navajo, Cherokee te leh a dang tam tak te hian tunlai a an mahni duhna ngei a American Indian tih nita an ni a, an zavai huap kohna ang hi an lo nei ngai bik lo a ni. Tun hma chuan Navajo ho bik chu Dine` an inti bik thin, chutiang chuan hnamdang pawn hming kohna bik an nei vek a ni.
Chutiang deuh tho chuan Mizo te pawh hian tun hma chuan Zohnahthlak zawng zawng huap kohna (hming) Mizo tih hi kan nei ngai bik lo. Hnampui khat ah zel choh in kohna bik kan nei thin. Chungte chu entirnan: Chhakchhuak, Pachuau, Hauhnar etc ah chuan Lusei an inti a, Duhlian, Aikhawh etc te chu Paite kan ti leh a, Aichum, Fanai, Zahau, Bawitlung etc te chu Lai (Pawi) an inti leh in, Thiek, Lungtau, Zote, Darngawn, Faihriem etc te chu Hmar tih an ni leh a, chutiang zelin Mara (Lakher) ah pawh, Hlychho, Bohia, Satho etc.
Red Indian te ram zau leh nuam tak mai, mahni a kum sang chuang ro an lo inrel tawhna chu Vun var hoin ralthuam tha zawk hmangin an rawn hneh chhuh ta. Vun var (paleface) ho khan a khua ten that mang thak thak thinin, hriamhrei that avangin hneh thin viau mahse, heng hnam huaisen leh kawlh te hi chuti mai chuan an hneh thei chuang lawk lo. Tin, an ram hmangaihna leh khawvel leilung leh nungcha humhalhna ah chuan tun thleng hian entawn tlak a an neih a la ni tlat.
Vun var (paleface) ho hian an tum ruhna leh an ram hmangaihna rilru avang hian an la hlau nge ni dawn, ‘reservation’ ah te ramsa khungin an khung khawm a ni ber a, zu ngawl an vei zawh tir tep tawh a nih hi. Tunah chuan an pi leh pu te chanchin/an nun zia chu thawnthu sawi bakin sawi tur an neilo a ni ta ber mai. An han in hmukhawm a, powwow (conference) an nei a, chung te chu pem khawm ho leh zin veivak hmuhnawm/ennawm mai an chang zo ta.
Mizo te hi kan pi leh pu te khan ram hi an lo hmangaih em em thin tih chu ramri kham chungchang ah te leh thil dang tam takah a hriat theih awm e. Chuvang a vailen te pawh lo awm ta a nih kha. Tun hnu a an thlahte hian engtin nge kan nakin hun tur hi kan rel dawn le. Kan pi/pu ten thi leh thau hmanga an lo hum leh ven tang tang thin hi kan phalrai mai dawn em ni? Tunlai angah chuan hriamhrei nen ram lak a ni tawh lova, thluak vawrhvir thiam thiam an dingchang tawh mai a nih hi. Phai vai ho hian kan hnam rem tur hi pawi tihna an nei hauhlo tih hriat a pawimawh. Chakma leh Tuikuk te hi an la tam em em lo a ni thei, an fin kan chelh tawh lo viau niin ka hmu. Mizo te hian Red Indian ang maiin pi/pu te huaisenna leh an ram hmangaihna kha thu choh bakin sawi tur kan nei dawn talo nge, a tlai hma hian kan mawl chapo na dahtha in, tangrualin, ram leh hnam humhalh hna kan thawk chhunzawm zel tur a ni dawn lawm ni?
Wamditanka (Big Eagle) Santee Sioux lal thu sawi pakhat:
The whites were always trying to make the Indians give up their life and live like the white men – go to farming, work hard and do as they did – and the Indians did not know how to do that, and did not want to anyway….If the Indians had tried to make the whites live like them, the whites would have resisted, and it was the same with many Indians.
Indian wisdom chhiar belh duh tan:
https://www.greatdreams.com/wisdom.htm
Similar Posts:
- Mizo a Indian nihna pawm duhlo chu a ration card cancel a ni ang – CM
- Mizo Nationalism leh Indian Nationalism Indona!!!
- I am but a citizen not an Indian !(Indian Mizo)
- Chiri Chiri
- Native American/Red Indian Lal Tawngtaina sawi dan!
May 29th, 2010 at 11:37 pm
columbus kha dik lo nih hrehawm a tih hmel lolzz
Report this comment
May 29th, 2010 at 11:47 pm
“Chutiang deuh tho chuan Mizo te pawh hian tun hma chuan Zohnahthlak zawng zawng huap kohna (hming) Mizo tih hi kan nei ngai bik lo.”
Helai hi ka hriat dan ka lo sawi ve lawks…Mizo ho hian kan hnam pum sawinan hian thlahtu bul kan sawi chawk thin.
T.H Lewin a khan alo ziak diam a, an hnam pum sawinan chuan “DZO”, tih an hmang tiin. Zohnahthlak hrang hrang ten, “Zo, Jho, Cho, Jo, Zhau, Jhau” tiin an sawi vek a. Kum AS 862 AD, a Chinese historian, Fan Ch’o Hao chuan china leh tibet inkarah tribe hnam chuan “ZO” an tih tih thu a ziak a. Catholic Father Vincent in Burma ramah kum 1783 ZO hming a sawi leh a. Sir Henry Yule in 1885 ah Chindwin chu Zo lalram a ni a ti leh bawk. Tin, colonial ethnographer F.K Lehman, Linguist G.E Grierson pawn hetiang hian a ziak a, hnamdang ten min koh dan erawh, Burma lamah “Chin”, India ramah “Kuki” tih kan ni. Hei hi chu historical account pawhin a support tha tawk viau. A native ten hetiang hmingin an inko ngai lo tih pawh an ziak chiang viau. Chuvangin, hnam pum sawinan ZO hi an hmang ngei ka ring tlat a ni.
Tripura copper plate inscription (1195) ah chuan, Kuki ho lalram (kUKISTHANAN) tiin Tripura tlangram an sawi a. Kum 1696-1714 ah Ahoms lal mitirh Rudra Singha chuan, tripura tlangramah Kuki a hmuh thu a ziak leh a. The Manipur Chronicles chuan ‘Kuki’ hming hi kum 1554 ah a ziak lang bawk. Emperor Jehangir lal hun kum 1587 ah khan tuna Bangladesh chitangong hill tract chu Sai man nan an hmang thin a. Heng lai pawh hian Mizo thlahtu leh Sai mantu Kheda ho kha vawi engemaw zat nen an inhmu zauh tawh ngei ang.
Report this comment
May 29th, 2010 at 11:58 pm
Columbus a chungchang kha.. khatih laia an compass a dik tawkloh mai bakah map anla hrechiang tawklo pawh ani maithei.. Christopher Columbus a thih hnu kum 200 hnu ah pawh khan British khan India rama lawng rawn kalin longitude an hriat chian thrinloh avangin longitude teh dik thei tur lawmman tam tawk a theh chhuah kha.. longitude dikloh avangin pawisa tamtak an chan thrin, entirnan lung an sut dawn leh dawnloh te an hriatloh chuan lawng pil avangin sum tamtak hu an chan thrin nitur ani.
Latitude chu teh dik a awl, longitude erawh a harsa khatih lai pawh khan..
Report this comment
May 30th, 2010 at 12:01 am
Siakeng hi Paite ni lovin Ralte an nih hmel zawk mange
Report this comment
May 30th, 2010 at 12:27 am
Hmmm……
Report this comment
May 30th, 2010 at 12:30 am
Ka sawi tum khi ngai pawimawh zawk ila ka van ti.
Report this comment
May 30th, 2010 at 12:56 am
‘Chin’tih awmzia hi,pa pakhat hmanlai kan pipute chanchin chhuitu ka mi rin tak mai sawi dan chuan-Kawl tawng a nia,emping/bawmrang tah chi hi Chin-tawng(tawng tih lai tak hi thluksang tur)an ti a,hmanlai kan pipute khan kha tiang kha an hlo thlawh leh ilo vela an lo hman takah chuan kawlhoin an mahni(kan pipute)koh nan an hmang chhunzawm ta angin a sawi a,a dik theiin i hria emaw chu?
Report this comment
May 30th, 2010 at 12:58 am
moiapa, Tun a kan inenkawl dan, khawsa zia ang hi chuan kan hnam hi kan ral mai dawn tih lam a ni e :)enge i ngaih ve dan?
Chin tih chhuahna erawh hi chu i sawi ang khi ka hriat dan a ni a mahse, tunlai chu Chin Hills a cheng ho hian an zak deuh nge, a chhan dang an sawi leh daih tawh.
Thangthing chhak a Rahsi Veng an ti Thakthing tlang ta ang vel hi a nih duh hmel sha la la :lol:
Report this comment
May 30th, 2010 at 2:11 am
ram chhan nan chuan tan rual chu a ngai khawp ang le,mahse, thluak hmang thiam i la, vai velh mai mai ang chi te hi ban san i la, hnam chapo kan nih ang hian chapo dan te hi thiam ila, thil reng reng a extreme lutuk a kan tih te hi ban san i la, kan ram chhengchhe ve tak nuam tak si te hi vawng fai thiam bawk i la, tunge min ngaisang lo awm ang le.
Report this comment
May 30th, 2010 at 4:24 am
H.Vangchhia,Chin hills-a awmte hian Chin tih hi an zak ni loin,an mahni hnam chibing hming theuh chawi bing an duh vang zawk niin ka hria.A dik ber erawh ka ti law.
Kan hnam chimral lam erawh chu sawi tur a tam ang le.Kan ral mai thei a,kan ral pawh ka hlau a,kan ral mai rawh ka la ring lo,tih chu a tawi thei ang bera ka sawi thiam dan a ni e.
Report this comment
May 30th, 2010 at 4:31 am
moiapa, Chin Hills a mi ten Chin tih an zak ka ti lo, a awmzia a hrang2 in an sawi tawh ka ti a nih ber khi
kum reilo te chhunga thlahpawlh kan tam tawh dan zia leh hnamdang kan pak hiam huam dan han thlir hian hnam ral mai thei kan nih chu chiang tak a ni. Chu mai pawh a nilo, ILP min lo siam sak a, chu pawh chu keimah ni Mizo ngeiin diklo tak in vai kan renew sak hreh lova, ILP sawisel duh pawh kan piang ta zel bawk a.
Kan pi leh pu ten thi leh thau senga an lo hum tang2 ram hi Mizo ta a nilo vat mai ang heti chuan. Hnam lam kaihhnawih ah hi chuan fing thiam takin fir hle tur a ni ringawt. Chakma te hi kan hmusit em em a, an lo lutru sup2 a, tunah chuan luhruk leh ngai em em lo pawn an tam tawh hle. MLA mai pawh ni lovin, Minister an nei tawh a, an mahni pualin district council an nei tawh bawk a. Mizoram population 5% vel an ni tawh an la ti zui.
Eng hnam mah, mawl kan tih em em ho pawh an fin kan chelh lo. An ri ve huk lova, mental game (ka ti mai)thiam takin min khelh khum a, kan ngam lo a nih ber tawh hi. Keini chu ui bauh ang lek kan ni, an ni chuan bauh ve lovin an kut zungtangin min la pir kual mai mai dawn.
Report this comment
May 30th, 2010 at 6:03 pm
Pu HV, hei ka tlanbo hlenlo a nia. Rokhalhna engemaw vangin nimin kan inbiak hnu khan hei ka rawn lut ve leh hman chauh a ni e. Min hrethiam em ang chu maw.
Comment zawng zawng nen ka chhiar chhuak dap a. A ngaihnawm danglam khawp mai.
Mizote hian he post atang hian in enletna tur leh insiamthatna tur kan ngah zia a hmuh theih in ka hria. A bikin ram leh hnam humhalhna kawngah.
Report this comment
May 30th, 2010 at 6:08 pm
:idea: :idea: :lol:
Edited
Report this comment
May 30th, 2010 at 6:13 pm
PimPom, #63 hi edit teh a
Report this comment
May 30th, 2010 at 6:27 pm
tha lawm mawle. :lol:
Ka hrechiang tulh tulh che a, ka ngaihsan zawng tak chu i ni phawt mai. I post kalphung pawh ka man thiam tan riai ruai in ka hria.
Mahse, athen pawh kan la hrelo, he tlangpang per atang hian.
Report this comment
May 30th, 2010 at 6:30 pm
Keini lamah chuan zan lam a ni tawh sia. Sunday zan inkhawm a tul tlat mai. Ka chhuak leh phawt ang e.
Report this comment
May 30th, 2010 at 6:31 pm
edit lovin? :evil:
Report this comment
May 30th, 2010 at 10:58 pm
ram leh hnam humhalh chu kan tih ngei tur a ni a, zodin@59 sawi ang hi ka thlawp khawp mai, vai ho sock leh ngawt hi a ropui ber love
Report this comment