Land Revenue & Settlement Department leh Central YMA tangkawp chuan tunlai hian mi hausate’n ram an neih belh zel loh nan leh, Electoral Roll-a chuang chauhin Mizoramah ram an neih theih nan hma an la mek.
Revenue Department hotute hnen atanga thudawn danin, Central YMA nen thawk dunin, Family Land Record Survey Operation an nei mek a; Electoral Roll-a chuang chhungkua, ram nei zawng zawngte chu an ram neih zat, mi hminga an neih zat nen an chhinchhiah vek dawn a, ram nei lote pawh chhinchhiah vek an ni ang a, Patta/ Pass Book-ah an ram neih leh neih loh chhinchhiah a ni ang. He Patta/Pass Book-a hming chuang lote chu ram an lei leh hralh phal a ni dawn lo a ni. (Source: Vanglaini.org)
Mizoram land reform kan nei ve dawn a ni ta reng mai. Kan harh tlai hret nachungin a lawmawm hle. Mihausa ten a leina tur sum aneih vang maiin an duh thalin ram an lei thei tawh dawn lo a nih hmel a, a lawmawm takzet.
A buaipuitu te hi Central YMA leh Revenue Deptt. anni in a hriat, ‘marawhchu Cabinet hian a pawmpui lo nge YMA leh Revenue Deptt. thahnemngaihna ringawta kalpui a ang riau. Act (Law) ah Mizoram sorkar cabinet hian siam ngei sela, YMA kaltlang chuan buai chin te a awm theih mai bakah mi an force thiang ngawt silo. Deptt. pawn anmahni Dept.. thahnemngaihna vang ngawtin an kalpui reng theiin a rinawm loh.
Congress sorkar Cabinet hian Act ah siam sela, Congress sorkar chhung zawnga an thiltih that zingah kan chhiar tel zel toh dawn bakah, ram mamawh zual te tan malsawmna a ni dawn bawk nen.
Hemi (Land reform Act) chungchang hi nikum hmasa vel kha ni ta in ka hria, Pu mzvision hian a sawi chamchi a, a hnu kum lehah Pu Sapdanga nge ni, Vanglaini Editorial-ah a sawi veleh bawka. A tangkaina leh hlutna tur ka lo ngaihtuah ngai miah lo pek, a pawimawh nasa mai si a lee!!!
Tun dinhmuna an ram lei value (Ram that zawng, zau zawng) leh a man hi ala inpha man lo nasa mai si, mi hausa ten kan ram mantlawm tak tak (Mipui naran tan erawh sum tam ni bawk si) in an pata zo tak ngial dawn. A nei tawh sa te hi chu chutia han chhuh ngawt theih annih hmel toh lova, lo la awm tur te hi Act hmanga dan theih ngei ni rawh se.
(Details a hria kan awm chuan comment lamah khawngaiha sawilan ni sela)
Similar Posts:
- Parliamentary Secretary thar hna chanpual
- Mizoram a sorkar hnathawk hlawh hi a tam lutuk em, Tax pe ve dawn ta ila
- Zorama Cabinet Vs Hawla Cabinet
- ‘The Mizoram Land and Land Revenue Bill’
- Sorkar hnathawkin budget sum ei tam
June 9th, 2010 at 7:04 pm
Zephanath phots ila,chhiar ang
Report this comment
June 9th, 2010 at 7:06 pm
Pass Book a hming chuang lo chu ram lei leh hralh phal an ni dawn lo! I hi! Sakawlh :lol:
Report this comment
June 9th, 2010 at 7:14 pm
ava gothic lo ve… chhiar ang lems
Report this comment
June 9th, 2010 at 7:59 pm
An helh har ka ti reng a(h)! Mihausa te’n kan khawdai leh a vel ram tha zawng2– Kuthnathawktu mitaima tak2 te, thlai chin leh ran vulh chak ngawih2 te ti che theivo lék a, “Nakin kum 20/30 hnuah chuan… Kan tuchhuan lo awmzel turte tan…” tih vel vang mai2 a, ram tha lai apiangah LSC hmanga an invalh vak2 hi a tha lo tak zet a ni. Hei hi hman2 atanga khuahkhirh tawh tur ka’n nia… Mahse, tunah pawh kan la tlai lo e. Dan tha leh Thil tha tihin tlai luat a neilo e. Khawng takin kaltlangpui mawlh rawh se!
Report this comment
June 9th, 2010 at 8:15 pm
Nia kawlhawk sawi ang khian a dik ka ti ve pah reng.
Ram chhiah hi tam viau maise .Tin in leh ram huan pass nei ho hian chhiah tam tak chawi tir reng se zia mai ang.Ram ruak ah te hian chhiah chawitir zel se.Hmangtang kai ho erawh chuan chhiah chawitlem thung se.
Report this comment
June 9th, 2010 at 8:37 pm
family land record??….
Report this comment
June 9th, 2010 at 8:51 pm
thu tisa-a a chan phawt a ngai ani, tuna lo lawm viau nachhan tur ka hre lem lo.
Report this comment
June 9th, 2010 at 9:24 pm
Ram awl mai mai hi vat ngawt ila lei kan chawi a ni mai. Ram ruak a awm lo. Mirethei tan leipui ilo fahran siamna tur pawh a awm lo. Ram nei si, enkawl lo ho hi cancelled sak vek rawh se.
Report this comment
June 9th, 2010 at 10:23 pm
Congress Manifesto No.5 i)Hmang tangkai tak2 si lova hmun hrang hranga ram neih chek chuk leh hmang tangkai lova ram zau pui2 neih khapna dan siam a ni ang.iv)Mizoram leilung chhinchhiahna fel tak kan neih thuai theihnan chak takin hma kan la ang.(Thingtlang mi ten Mi hausa hnen ah Ram kan hralh nasa lutuk hi bansan ang u.Mi hausa te pawhin tulna/mamawhna avang in ram an mamawh loh an lei a tul fo).
Report this comment
June 9th, 2010 at 10:55 pm
Land reform a ni lo, Family Land Record Survey chauh a ni. Tuna mi hausa ten ram an neih an hmangkai siloh hi a tam lutuk. Tun dinhmunah hi chuan kan rama ram tha laite hi patta deuh vek a ni tawh. Land reform tak tak kan kalpui loh chuan kan hma bak a thim khawp mai.
Report this comment
June 9th, 2010 at 11:32 pm
A titu te hian an duhtawk an neih tawh tihna em ni
Mihring chhungkaw zat milin sem hmak2 sela ani mai lawm 
Report this comment
June 10th, 2010 at 4:27 am
Aw ka ZORAM riangte kal muah muah mai teh…..!!!!!!!!
Report this comment
June 10th, 2010 at 6:52 am
Admin te hnenah ka complain dawn! FIR ka thehlut dawn.. ka nick a narana hman leh type ka phal mai mai hlei nem :lol:
Report this comment
June 10th, 2010 at 8:00 am
In the absence of proper land records ..i wonder what are they going to REFORM???????……
“Electoral roll a chuang chauh??? “how about accuracy of this record??? kum tling lo /mihring awm lo he thil ah hian hming lang a awm em??Mizo ni ve tho,mizoram a piang a sei lian, mahse hmun dang a hnathawk a awm bo daih, electoral roll a hming chuang lo te enge an dinhmun tur ni ta ang???
electoral roll a hming chuang tur hian condition pakhat ah “ordinary residence” tih ani a…ordinary residence ni ve lem lo te chu an hming a lan a rinawm si loh?????
“Family land record”….hetiang ang zawng a survey neih hi land record chung chang ah chuan ka vawi khat hriat na ani!! khawvel ram dang ah leh india ram hmun dang ah te neih ani tawh em le??? mizoram a land records awm sa ve ang ang ah te khian family anga awm anih ava rinawm teh chiam lo em????
Report this comment
June 10th, 2010 at 8:19 am
A vin lawmawm ve! Thleibik nei lovin ti ngei bawk se. REVENUE a thawk ho hian ram chu an nei thei khawp mai. Engineer tih vel nen hian.
Ka lawm e
–LVK
Report this comment