Thlai kung bul hnai lei, hnim hnah ro emaw hlo thlawhna hnim emaw hmanga khuh hi mulching an ti. Miin a hlo thlawhna hnu hnim te, awmze nei tak leh thlai kung tana hnawk lo tawk tura thlai kung bula a chheh hian mulching technique a apply ani mai. Mi thenkhat chuan hlo thlawh fai vek hnu ah a hranpa ngatin hnim hnah an la khawm a, chungte chu thlai kung bulah uluk takin an chap darh a, hei hi mulching an ti. Mulching tih dan chi hrang hrang leh a tangkai dan te I lo thlir ho ang u hmiang.
Mulching chi hrang hrang:
1) Leaves, twigs: Hei hi hman lar ber leh awlsam ber a ni a. Hnim hnah emaw kuang emaw lakkhawm a thlai kung bulah rualrem mawi taka chap darh tur a ni. Hnah leh hnim te hi an tawih ral thei a, chu chuan thlai tan leitha an siam nghal a ni.
2) Phuai, favai: Phuai leh favai te pawh hi thlai kung bulah chhah deuh hlekin phul ta ila, mulching atan a hman theih ve bawk.
3) Paper: Chanchinbu hlui emaw thlai kung bulah phah tur a ni. Paper hi a tawih ral thei a, chu chuan leitha a siam nghal a ni.
4) Polythene: Thlai kung bula polythene phah pawh hi hmun tam takah an hmang lar thin hle bawk.
5) Lungte: Hmun thenkhatah chuan hnim leh thildang hmanga mulching tih aiah lungte thil hmangin lei an khuh thin a. Pangpar huan velah a mawi dangdai duh hle a ni.
Mulching tih dawn a hriat tur pawimawh te:
1) A hmasa berin thlai kung bula leilung ah tui a luh theih nan lei chu, thlai zung tichhe lo tur tawka fimkhur tak chung siin, tih phut hmasak hlek tur a ni a.
2) Chumi hnu ah lei chu hnawng taka leih huh tur a ni.
3) Chumi hnu ah hnah kan lakkhawm hmang khan, pan lutuk lovin, lei chu khuh tur a ni.
4) Duhthusam ah chuan mulching tih dawn ah thlai kung bul te chu tlema laih zawl hmasak a tha.
5) Chhah lutuk leh thlai kung khuh hnawk luk khawpin vur loh tur.
6) Mulching kan tihna chhan ber chu nisa lutuk laka leilung vawn daih leh hnawng vawnghimtu tur a ni a, a tawkte chauhva khuh tur.
7) Hnah te chu uluk taka lei chungah phah tur a ni.
8. Mulching atan hnah hring kan hman chuan reilo teah a lo ro va, a lo sawng te a, duh angin lei a khuh zo lo thin. Chuvang chuan hnah hring i hmang anih chuan tam deuh hlekin i khuh dawn nia.
Mulching atana thlai/hnim hman tangkaina:
• Hnim hi huanah a tam a, a hnawk bawk a, duhtawka hman tur a awm reng thin. Hmun dang atanga zawn chawp leh lak chawp a ngai lo.
• A tawih thuai a, chu chuan thlai tan chaw tha leiah a pe thin.
• Hnimtawih hian hnawng a pawm bik a, chu chuan thlai kung bul a ti hnawng rei thin a ni.
• Hnim hmanga thlai kung khuh dawn hian uluk takin chap darh tur a ni a, vur chhah lutuk hi a tha miah lo, a chhan chu thlai lo to mek tan a hnawk sak thei thin a ni.
Mulching tangkaina:
1) Nisa lutuk laka venna: Nisa lutukin lei a em thin chuan lei a khawro lutuk thin a, leia hnawng awmte tuihu ah an kal ral thuai thin. Mulching hian lei sa lutuk tur a veng him thin a ni.
2) Hnawng vawng rei tu a ni: Thlai tui kan pek te tuihu ah changin a riral thuai thin a. Kan khuh tlat chuan rei tak chhung a hnawng thei thin a, thlaiin rei tak chhung tui hip tur a nei thei thin a ni.
3) Hnim (weeds) to tur a veng: Thlai kung bul hnaih lei chu hnim hmanga kan khuh tlat avangin hnim chi (seeds) te’n tona tur hmun an nei lova. A khuhna hnuaiah an to anih pawhin, ni eng hmuh loh vangin leh delhtu a awm vangin a thang thei lova, a thi ral mai thin. Mulching hi hnim to tur vengtu tha tak a ni.
4) Tui luang ral mai mai tur a veng: Hnim tawih hian tui a pawm tam thei a, thlai kung bulah te hnim ro kan chapdarh thin chuan leilunga tui lut tur nasa takin a tanpui thei thin a ni. Leilunga tui a luh that theih chuan tui luangral mai mai tur a ti tlem a, tuihawkin lei chunglang hang tha a lenbo mai mai tur a veng bawk thin.
5) Thlai tan chaw tha a pe: Hnim eng pawh, a te ber atanga a lin ber thlengin, leiah a awm chuan, zawi zawi in a lo tawih ral a, a taksa chhunga chawtha nutrients chi hrang hrang a paite kha zawi zawiin leiah a luang chhuak thin a. Hei tak mai hi thlai te’n an ngeih em em thin a ni.
Mulching hi a technique a simple hle a, tu tan pawh apply harsa lo tur a ni. Tin, awmze nei taka apply chuan mahni huan leilung tan a that mai bakah thlaiin an ngeih em em thin. A tawp nan: hetiang mahni tuina subject lo post ve leh ngawt thin hi a nuam vak lo va, mahse post a tlem si a, lo hmang tangkai tawk an awm takah tiin ka rawn chhawp chhuak ve tawp mai anih hi.
Similar Posts:
- Terrace gardening
- Sapthei
- Thing phun a hun leh ta
- Balhla chi hrang hrangte
- Theipui Hnah Nei (Sunday Pual)
June 12th, 2010 at 10:58 am
huan ka thlo fai zo chiah, ka lo chhiar hmasa lo a tin ni, hnim ka paih vek
Report this comment
June 12th, 2010 at 10:59 am
a bengvar thlak leh ta.
Ekhai caribou inthlahrung reng reng suh, a tangkai dawn khawp mai, hei ka chung a mi pawh hian a lo hre ngai bik lo a nih hmel a, ani meuh pawn a hriat loh chuan post tangkai tak a ni ringawt. (einch Aryan). Mahni tal tal a tal, mahni tui zawng pawh neilo/ hrelo kan awm nual maithei ania. :lol:
Report this comment
June 12th, 2010 at 11:42 am
He post chu a ‘kut hnathawktute huang’ ruih mai le. A va han tha dangdai ve le. Admin-ho World Cup intan tur in warm-up rei deuh avangin, a chhanna turin Caribou a rawn pen chhuak a, a lawmawmna a ti famkim e. Tin, hetiang ang post hi a tha. Zeh zeuh zeuh atan. Hmangtangkai tawk kan awm zel bawk.
Mulching hi a ni taka. Huan thlai enkawlna kawnga thil tangkai tak a ni. A senso a hautak lo a, mitinin kan tih theih thil a ni. Thlai chawrno te te, nisa leh khawlum, vawt atanga vennan an tha em em a. Tin, a rawn sawi tak ang khan, tuihu/moisture, thlaiin an mamawh lo hum sak nan pawh a tha, leitha in siam na atan te pawh a tha em em a ni.
Thei hmun kan siam a, a kungbul vel kan rit fai vek thin te hi a tha lo. Mulching hi tih hram hram zawk tur.
Polythene,silpouline, plastic sheets te hi kan huanah hian, a lei dapin, phah thei ila, abiktakin furlai te hian. Hnim rawn to thartur te kha, a hrana thlawh ngai lo in an thah theih a, tin, fur lai te chuan thlai tui pek an ngai lo a, ruahtuiin leichunglang leinawi, hang an hrut bo tur te pawh a venna atan ala tangkai lehzel a ni.
Hnimhnah leh thil tawih etc hmanga Mulching kan tih chuan, kan hriattur pawimawh pakhat chu, heng kan Mulching-na hmanrua chi hrang hrangah hian thlai eichhetu (insect pests) leh natna hri (pathogens) an rawn inthlahpung ve thei, tih hi. Hei vang kian a khattawka
a heng kan Mulchingna te hi chawh leh fo a, a tul dan azir a pesticides emaw hman a ngai em tih endik zeuh zeuh atha.
Report this comment
June 12th, 2010 at 12:26 pm
Mualching hi Mizo tawng e mi? Ka lo hre ngai lem lo a,mahse hnim thlawh fai a theikung vurhnan chu kan ti ve fo a :lol:
Report this comment
June 12th, 2010 at 12:28 pm
Trangkai khawp mai. Ka tih ve hunah chuan phuai ka hmang ang. Fur laiin a chiau vak loh hmel deuh ( paper hi a chiau/trawp duh hmel). Polythene chu eco friendly lo em mai..promote vak chi loh.
Report this comment
June 12th, 2010 at 12:34 pm
Ka chhiar nuam tih zawng tak ani. Mulching tih hi engtia lam tur nge ?
Mizo lo neih dan pangngai-ah pawh, hlo thlawha hnimte chu hmun khatah; thing-lubul bulah te kan dahkhawm thin anih kha. Hetiang hlo dahkhawmna bul vela thlaite hi chu an dawng deuh bik thin.
Report this comment
June 12th, 2010 at 12:34 pm
A kum chiah ka hre ta lo, 2000 vel ni ta maiin ka hria. Kan thiante kha an van a duai ve hrim hrim zawk an mulching tih kha meiin aman a, kha a thal si a, akang tha duh khawp mai. An tung huan Champhai lam a mi chu a kang chhe vek a; an kut chi lo hawi der mai.
Chutiang bawkin, Chhingchip lamah kan thianpa serthlum huan nei chu a par ve tan kum khan an ri-te khan mei an chhuah palh a; mulching vang anih chu ka hmu chiah lo nangin hnah ro a man a, serthlum kung zawng zawng an kang hlum vek a. An khawnghaihthlak khawp mai.
Report this comment
June 12th, 2010 at 12:40 pm
lushai, nia, thil reng² hian disadvantage a nei ve zel bawk a. A nih chuan lungte hman chi ta ber a nih chu…kang ve thei lova. Mahse lungte pawh, plantation tih danglam an duh hunah, lei laih vel a ti buaithlak maithei.
Report this comment
June 12th, 2010 at 12:43 pm
@sekibuhchhuak, Mulching = Mal-ching, tiin an lam
@bmw, agriculture a polythene/plastics hi chu, pawngpaw paih darh anni lo a, a hman hun chhung a pelh chuan an thleptha leh mai thin. Organic based farming-ah phei chuan a lar lutuk…
Report this comment
June 12th, 2010 at 12:51 pm
#8, bmw :Mizoram Khawchhak lamah hian lung chu a awm ang a, mahse khawthlangah chuan avang viau a ni. Sava vawmna mai tur pawh a awm lo an ti thin. Ku shaia subject lam hi kei ka chemkalna lam ani ve lo ve.
Report this comment
June 12th, 2010 at 12:57 pm
Thank you shailendra. Pi Black-i mal pawh hi a chhing fu a sin
Helai-ah chuan, huana thlai chinna hmuna hlo to tur vennan chuan IRT Thermic Film. Polythene ( plastic ) hi an hmang nasa khawp mai. A that hmel phian.
Report this comment
June 12th, 2010 at 1:02 pm
Shai & Seki, polythene fak mah ula, phuai ka hmang dawn thau thau! Phuai hi chu ka duh teh mai a nia…phuai hotel ah pawh ka riak tawh
https://edition.cnn.com/2009/TR.....index.html
Report this comment
June 12th, 2010 at 1:15 pm
Mahse thil chiang deuh awm chu kan tuh aia tam kan seng thin tih hi!
#12, bmw : I va thleng nuam awm ve! Mahse phuai kan ti lo a nia auh. Buh pawl khum ‘hay bed’ a nih kha.
Phuai chu saptawng chuan ‘SAW DUST’ NOI
Report this comment
June 12th, 2010 at 1:18 pm
Mulching tih vanga kangmei lakah a him dawn lo anih chuan heti hian ti se:
Mahni huan boundary zel metre 10 vel tal a zauvin, fai em em in, meikawng sial rawh se. A huphurhawm em? Hah taka kum tam tak an lo beih tawhna kha, nikhat thilthua a ral vek loh nana ven chu tihmakmawh ani. Huan chin chiah chiah thlo lo se ani mai alawm.
Meikawng sial hi lo hal tur te tan chauh ani lo. Mahni huan chhanhim nana meikawng sial hi tih ngei atan a tha.
Report this comment
June 12th, 2010 at 1:27 pm
@bmw, muthilh hlan in i lo in mut-ung veng palh hlauh ang e… fimkhur la… :lol:
Huan enkawl hian, thlai kung emaw va tuh/phun tawrh a, a rah seng tur a kal leh ringawt hi a ni lo, tha sen chhoh ve zel a ngai tih hi i hre nawn leh mawlh mawlh ang u. Tin, kan thlai seng/ a rah kan seng atang hian, a thlai/kung enkawl leh zelna tur in ‘Sawm a pakhat’ tal hi i reserve ve zel ang u… hahaha… kan sermon tak hrep chu a… :lol:
Report this comment
June 12th, 2010 at 1:34 pm
caribou, mei kawng an sat a, ven pawh an tum nasa mai. Mahse vanduai ai ve reng a niang. Kum 10 vel hi Serthlum Puitlinnan angai a, khang hun chhung zawng a kang lova, apar veleh han kan chuh!
#15, Ku shai, adik ka ti ngawt mai. Mi thenkhat hian kan la ching deuh. Fahrah puan hlai ve ringawt a, enkawl that leh loh hi SUAL a tlingin ka hria.
Report this comment
June 12th, 2010 at 1:49 pm
lol buhpawl leh phuai ka lo ngaihpawlh thut a lawm le….solly
Report this comment
June 12th, 2010 at 1:51 pm
Vawiin chu sual chhuah ang aw..Mulching te chu pawlriat zirlaiah pawh a la awm lawm ni?? caribou??
Report this comment
June 12th, 2010 at 2:10 pm
Ka fing leh ta. Post chu a gothic khawp mai.
Report this comment
June 12th, 2010 at 2:12 pm
He Post hi kan dahthra keuh teh ang thilthra tak ani US ah an uar bon top top
Report this comment
June 12th, 2010 at 2:16 pm
@ coolsoul09: Class hniam bera kan zir hi zawi zawiin a in expand zel a, class hniam a sentence khat lek kan zir kha, Master Degree level ah chuan Chapter khat daih, a then te phei chu bu khat daih a ni tawh maw le.
Report this comment
June 12th, 2010 at 3:02 pm
Mulching han sawi tak ah chuan, huan neih hian nun a tihlim a, huana kal thin hi taksa tan a tha, exercise tha tak a ni. Kumin erawh huan nei thei zia zang ka ni ta lo… ka chhang chhiat ber a ni hial awm e. Nikum a ka thlai thar ve hi, mite ta tluk zo lo mahse, ka hlimpui ve khawp mai.
https://i47.tinypic.com/1h5v61.jpg
https://i49.tinypic.com/2qupzes.jpg
Report this comment
June 12th, 2010 at 3:14 pm
Ser kung la naupang tak, nisa avanga a kung bul lei khawro lutuk tur ven nana mulching ka tih chhin ve anih mai mai hi. Digital camera ka nei lo va, ka mobile, chhuak hlui tawh tak mai hi ka hmang rim ve khawp mai.
https://i45.tinypic.com/qpqwed.jpg
Tin, mahni post a comment tlut tlut hi a thring bawn top ka ti bawk.
Report this comment
June 12th, 2010 at 5:01 pm
A tawp i kharna khi tha ka ti deih mai keichu daihmaia,atui vak lo tan chan “tiang ho mai2″ti tawk an awm leh awm sia,midang te tana lo tangkai theih zawk na a i rawn post hi i fakawm ka ti daih thung,engkim hi amahin hlu ngawt thei lo angbawk hian,atangkaina hre tutan chuan hlu tak tur ani!!Khawpui chhunga tleng zuai2 tan chuan tangkai lo maithei mahse,kan thingtlang lam unau te leh atangkaina(atuimi)hre tu ten an lo hmu ve te nih ngai chuan “nangmalsawmna ni ang che”tih hi chu an va chham dawn chiang em!!ka lo ti ve nuah2 a
Report this comment
June 12th, 2010 at 6:35 pm
South Africa hi world cup hawnna ah sephung an rawn chhawp chhuak ruau mai a, kan tet laia thlasik antam huan ami tur khawlaia bawngek kan rut khawm thin kha min ti hre chhuak.
Report this comment
June 12th, 2010 at 11:14 pm
A bengvarthlak takzet e!! caribou Post-ah Comments a tam ngailo, chawtak erawh a tam… Hluttu an tam ngailo, thutak erawh a tam… tih hi hman hman atang khan ka hre ru kiau tawh. He pa Post hi ‘Post Hlu ber’ tih mai ka nàp thin. caribou, inthlahrung lah lo e, nangin i chhawpchhuah lohin tu’n nge he’ng thute hi rawn chhawpchhuak ta ang le. Han thawh zel rawh khai…
Report this comment
June 12th, 2010 at 11:16 pm
Composting?
Report this comment
June 13th, 2010 at 12:29 am
@ Thirkut: Mulching leh composting hi a inang lo alawm. Composting ah chuan thlai hnah emaw, a kung tenau deuh te emaw, hlo thlawhna hnim emaw hmunkhatah chhun khawm a, chumi chu dahtawih tur a ni.Thenkhat chuan khur an lai a, chutah chuan an vawm khawm thin. Thenkhat erawh chuan zem angin an kual a, chutah chuan an tawih tir thin a. A tawih tawh ho kha leitha (compost) an ti. Mulching nen chuan a in ang lo deuh tlat. Compost siam hi a awlsam a, thlaiin an ngeih a, man to taka fertilizer lei a ngai lova, thingtlang loneitu tan a tha em em a ni. Mulching erawh a dang deuh.
@ Kawlhawk: Khaih khaih…. infak chiam zawng a tihchi loh. Tak tak emaw ka ti thin, a buaithlak. Lunglei misual zinga thuziak thiam Kawnga lah hi misual post duh lovin ama blog ah a post daih zel bawk si. Kan hmuipui pu, Ku Muanga lah engmah a ziak tha duh bawk si lo. An ngawi thup zel sia, ti hian ka puak leh phawng mai thin zawk anih hi.
Report this comment
June 13th, 2010 at 2:59 am
A beng var thlak .. :lol:
Report this comment
December 22nd, 2011 at 12:14 am
Wow! Excellent post. A dang pawh rawn tizel teh a.
Report this comment