Nula leh nuho lam chu anmahni ho sawi atan dahtha ta ila, Mizo mipa tam takin kan inchei dana kan tihsual fo thin ka hriat hriat ka rawn tarlang dawn a ni.Mizo ho hi hnam dang (sap) ho inchei dan tam zawk hi kan entawn nasa em em a. Mahse kan hriat famkim loh luatah a nih dan tur dik tak (?) in kan inchei lo ta thin a ni. A hnuaia ka rawn tarlan ang hian Mizo mipa tam zawk chuan kan inchei danah tih sual palh kan nei thin a. Ram changkang zawka awmte’n min hmuhsit loh nan leh kan mualpho loh nan ka rawn post a ni e.
Tihsual palh ka nei anih chuan min lo correct ula, hriat belh nei in awm nual pawh ka ring. Han thawh ve ula…
1. Suit (suit tih tur, Coat Suit a ni lo) kan hakin button (kawrkilh) engzat pawh awm se (eg: tunlaiah 2-button suit/3-button suit a lar em em a) a button hnuaiber hi kilh loh tur a ni. 2-button anih chuan a chung zawk chauh kilh tur. 3-button anih chuan a laitak kha kilh tur a ni a, a chungber erawh chu nangma duh danah a innghat. A hnuaiber erawh kilh ngai loh tur. Hei hian double-breasted suit a huam tel lo.
2. Suit i hakin i thut laiin a kilhna kha phelh thin ang che (double-breasted suit tiam lovin).
3. Suit reng reng body fit hi a nalh ber. Lian lutuk/te lutuk a nalh ngai lo. Mizo te hi tun hma chuan kan hak tawk aia lian hak kan ching hle thin a. Tun hnu hi chuan mahni hak tawk hak nachang kan hre ta hle.
4. Suit i hakin sneakers bun loh tur. Tunlaiah an uar maithei. Mahse formal wear-a inchei i tum chuan bun loh a tha.
5. Suit i hakin a hnuaia kawr ban kha tlem a lang tur a ni. A awmzia chu a hnuaia i kawr (shirt) hak ban kha a khuh vek tur a ni lo.
6. Necktie hi i kawnghren aiin a fual tur a ni lo (kawnghren ni chhei chhuai lo hren ngei ngei tur).
7. Kawnghren i hrenin a tawp (tail) chu i kekawr kawnghren beng hmasaber thleng a in thil tur a ni. A aia thui emaw, tawi tur a ni lo.
8. I kekawr chu a fual lutuk tur a ni lova, a tawi lutuk tur pawh a ni hek lo. A tlangpuiin kekawr pangai atan chuan i kal pahin i mawza a lang lo vel tawk chiah chiah tur a ni. Jeans-ah chuan a aia fual hret pawh a pawi lo.
9. Formal-a i incheiin mawza (socks) var bun loh tur. Mawza var chu sportswear atan chauh bun thin tur a ni. A theih chuan i pheikhawk ang rawng ni thei se, a nih loh chuan i kekawr rawng ang. Formal lutuk lo anih chuan i kawr (shirt) rawng ang pawh a pawi lo.
10. Formal-a i incheiin i mawza chu i khup leh i kheimit inkar vela thui a ni tur a ni. A awmzia chu i bawp i khawkherh emaw, i tih chetin i vun a lang tur a ni lo. Formal a nih lem loh chuan tawite bun tur a ni.
11. Sandals i bunin mawza (socks) bun loh tur. Hei pawh hi Mizo te’n kan hrat hle.
A dang hria chuan han belh teh u…
June 13th, 2010 at 3:27 am
In chei dan hi uluk angai khawp mai…adang chu nakin ah :lol:
Report this comment
June 13th, 2010 at 4:00 am
incheina/dan hi chu hre lo ve tak hi ka ni tawp mai! Eng meeting ah pawh kal ila, ka ni tawp mai! A chang chuan thangchhuah puante hi ka sin phei a!
Hetianga kimchang taka in rawn post hi a tha hle, hriat loh tamtak kan hriat phah a.!
Report this comment
June 13th, 2010 at 4:15 am
Mipa hi kan lo inchei ve thin a ni maw?
Report this comment
June 13th, 2010 at 4:26 am
#H.V inthuam a ni zawk? i rawn tih duhna a va ang ve …
Report this comment
June 13th, 2010 at 4:26 am
Formal tak a inchei ka nei lo. .. Tha hle mai , bengvar thlak…
Report this comment
June 13th, 2010 at 4:26 am
Formal tak a inchei ka la nei lo. .. Tha hle mai , bengvar thlak…
Report this comment
June 13th, 2010 at 4:47 am
Hmeichhia an inchei
Formal chiah lo, casual a pawm theiha ka inthuam (inchei lovin): tra la la la
https://i50.tinypic.com/28bzmn5.jpg
Heihi formal taka, shailendra te chawnghilh te ho awhfikna (thuamhnaw lam ni lovin!)
https://i45.tinypic.com/w7erdg.jpg
Report this comment
June 13th, 2010 at 5:37 am
Ka avatar ka’n test lawk
Report this comment
June 13th, 2010 at 5:37 am
Ka inchei duh dan ve mai mai –
1)Office-ah chuan Kamis leh kawr banbul or bantlawn trial biai buai lo kawr kilh kim ngeiin, savun pheikhawk nen
2) Ni poimoh deuh ah chuan achunga mi bakah necktie awrh
3)Office lemlo ah chuan Tshirt lam poh ka ha uar khoops jeans te pawh. Sneaker ang chi pek ka bun ve fo mai
4) 1 leh 2 ah hian thlasik lai chuan kawrchung or jacket hak ka ching. Suit tak hi chu ka ha khat ve khoops
Report this comment
June 13th, 2010 at 5:39 am
Mipa pawh in lo inchei thin a ni maw
NOI
Report this comment
June 13th, 2010 at 8:54 am
Keichuan ka lo hre reng2 hlei nem khithian inthuam dan khi :mrgreen:
A bengvarrthlak hle mai a….
OT-avatar hi thlak ve ka van chak,a theih ve em?please min hrilh thei in om em :?: :oops:
Report this comment
June 13th, 2010 at 9:12 am
Formal taka inchei dan ‘tips’ pawimawh tak tak annih khi. Mahse, Mizoramah hi chuan eng hun hian nge ‘formal’ taka inchei hi a ngaih pawh ka hre lo e a. Han inchei ‘formal’ viau dawn pawh ni ila, kan dress ngainat, T-shirts/Kawr banbul emaw, Jacket leh sneakers bun tawk vel hi kan lo awm leh tho thin si a.
Report this comment
June 13th, 2010 at 9:23 am
@Swiftymcvay, he link hi click rawh
https://misual.life/2009/11/.....duh-ve-em/
Report this comment
June 13th, 2010 at 9:42 am
Formal up reng hi chu ninawm, a tul viau te anih loh chuan. Tee, jeans or soft jeans, canvas (a bikin Converse company), chuan Nike crew socks…. comfortable ber mai.
Report this comment
June 13th, 2010 at 11:19 am
Tha viau e. Henry rawn sawi ang hian ‘inchei’ tawngkam erawh hi chu a nu deuh…
Report this comment
June 13th, 2010 at 11:44 am
Incheina thuam thil ngaihtuah lo ve tak chu ka lo nih dawn hi. Suit phei hi chu ka inbel ngailo hrim hrim, Hmana ka thianpa te inneihnaa ka hak bak kha chu ka la ha leh ta lo reng reng, inhmeh dawn hian ka inhre tlat lo peka…hehehe. In rawn sawina enga tang hian ka phur thar ta riau mai, smart deuha rik ve zaih zaih tawh tur anih hi….naktuk chu bazar nghal ilang athra ang…lol
Report this comment
June 13th, 2010 at 11:44 am
@Pu HV-a leh midang zawng zawngte, ka tihsual liau liau a ni. Ka Mizo Tawng thiam loh a luatah Mipa kan inchei thin emaw ka lo tia! A edit theih nge theih loh ka hre lo nain siamthat ka tum tawh lo law law ang. Ka tihsual atanga Mizo Tawng thiam belh te an lo awm takin.
Thanks to everyone, inchei lovin ka lo inthuam thin tawh dawn nia.
Report this comment
June 13th, 2010 at 11:48 am
“Don’t judge a man by his dress”
Kei chu Nupui ka neih ni bak ‘Suit’ ka la inbel leh ta lo!
Ka dress ngainat zawng chu ‘Army Surplus’ ho hi zuk ni tlat a! A bikin jungle outfit, Desert outfit hi chu ka ngaina lutuk lo.
Report this comment
June 13th, 2010 at 11:50 am
He post hi ka rawn tih nachhan ber pakhat chu inneihna tam takah mipui chu sawi loh moneitu leh a thianpa te hian an la tisual fo va. Kan inla changkang ve bawk sia (thenkhat hi chu
), hnam dang ho tihdan kan copy a, kan hre ziktluak leh mang si lova. Chu ai chuan, thil harsa a ni chuang lova, a nih dan tur dik tak (?) hi hre ta ila a tha mai.
Report this comment
June 13th, 2010 at 11:53 am
HV hi mizo mipa ah chuan hmelthra pawl chu ani. Bar-ah hna i thawk emaw tih mai tur anih hi le.
Btw hnathawhna ah hian uniform hi hak chin nise a thrat ka ring. mahni hna hi zahpui lovin kan hnathawh mil hian inthuam khap vek ila a fuh viau lawng maw le tih hi kei misual hian ka ngaihtuah thut mai … ngaihtuah zui peih te tan
Report this comment
June 13th, 2010 at 2:06 pm
Mi tam takin kan tih thin, nalh/dik lo pakhat ka’n sawi ve: suit/coat(jacket) vei lam hma iptea pen pai ka hmu fo mai. Thenkhat phei chuan pakhat aia tam te pawh an pai tlep tuar thin. Hei hi tihdan tur a ni lo a, tih loh tur a ni. Pen chu a chhunglamah pai bo daih thin tur a ni. A hma ipte hi chu a duh tan rawmawl/handkerchief ahna tur a ni.
Report this comment
June 13th, 2010 at 2:23 pm
hey t shirt leh jeans a tha ber, mo neitu nih hran loh chuan………a nih loh vek chuan Tshirt leh shorts a ni mai……….kei chuan ka ngaina ber.he he…
Report this comment
June 13th, 2010 at 2:37 pm
Ni e, mahni nuam tih anga inchei hi a nuam ber. Mahse nuam ti vak lo chung pawha inchei a ngaih chang hi a awm thin a, chutiang hun atan chuan tihdan dik leh tha hriat hi chu a tul ve tho. A hun leh hmun azir a nia. Tihdan dik hriat loh chuan mahni tan bawk hian a nuam lo duh.
Report this comment
June 13th, 2010 at 2:43 pm
@tete-a
Nizan UI SA ei chanchin emaw i rawn post dawn tih nak laiin hhehe
@HV
‘Inchei’ ka lo hmang ve ringawt a, nang nge nge i ti tha e, i ‘inthuam’ nalh khawp mai khi.
# Kawnghren leh pheikhawk rawng hi inang se a nalh duh khawp mai.
Report this comment
June 13th, 2010 at 3:24 pm
@evergreen: Nia tiraw… Nizan khan kan lei dan kha ka sawi ta lem lova, sawi tham fe a awm asin.
Nidangah kan la in hrilh tha leh dawn nia.
Report this comment
June 13th, 2010 at 3:31 pm
underpant nen chauh a online hi a nuam ka ti
Report this comment
June 13th, 2010 at 4:42 pm
HV-a’n inchei a phal lo nain in chei ni lova inchei hram chu ka duh mang e :smile: Kei chuan formal dress hi ka ngainat ber zu ni tlat a. Kei ang pa tal mai mai thin tan hi chuan formal taka inchei zaih hian mi vawng berin ka hria. Khua-in a zir lo viau a nih loh chuan office ilovah pawh formal, necktie awrh pawhin, hi ka duh dan a ni. @tetea, a lawmawm e, ka chhawr tangkai ka ring.
Report this comment
June 13th, 2010 at 5:14 pm
Clothes make a man, dress makes a woman.
tra la la la la
Report this comment
June 13th, 2010 at 5:19 pm
HVa ka hlau hlé na-a, i inchei ang u. Tunlai khawvelah Mipa nihvanga inthuam ringawt tur kan nilo e. Hmanah chuan hmeichhia-in sam an tan… Mipa-in lu an met… Tunah chuan mipa pawhin lu niloin, sam kan tanin kan meh tàk hi! Zo tawng ti hausatuah i ngai mai ang u hmiang. “Mipa Inchei Dan” tih pawh hi…
Report this comment
June 13th, 2010 at 5:28 pm
Mipa thuamhnaw bel hi male version of female dress a niin ka hria. Inchei tih tawngkam hi chu feminish tlat :lol:
In duh leh, “mipa inthuam dan dik,” tih te pawh hmang mai ula, hmeichhia an inchei thin vanga inchei lo tum ve kher :D. Lumet pawh hi nia, sam met te an ti mai2 fo, tawngkam hmansual mai a ni, tawng hausak phahna a ni lova, tih dava na zawk ni ngeiin ka hria. NOI
Mizotawng ka thiam hle ka rawn tihna erawh a nilo
Report this comment
June 13th, 2010 at 6:27 pm
ka sawi tur hriat ve chu 21 hlatekhua hian min sawi khalh daih mai a. Necktie awrhfual chungchang hi ka lo hre lem lova, kei chu chhing deuha awrh ai chuan kawnghren thleng emaw a ai fual hret emaw hi ka awrh duhdan ala ni reng. Arsene Wengera pawh hian he post hi chhiar ve se a tha ang, a awrhfual thei lutuk. Mawza rawng tihvel leh rawng hrim hrim hi keini mi hausa lem lo tan zawm theih a har ang, zawm vek tur chuan ngah a ngai tlat.
Report this comment
June 13th, 2010 at 7:56 pm
Post tha tak a ni! Tetea i ti tha e!
Report this comment
June 13th, 2010 at 8:22 pm
Ni e, post bengvar thlak deuh a ni.
Report this comment
June 13th, 2010 at 9:14 pm
Eeeeeeeeeeeeeeee..Jean leh T-Shirt hi ka duhzawng tak ani tlat mai pek a
Report this comment
June 13th, 2010 at 9:57 pm
Tawngna bikah chuan “thuamhnaw ka han inbel lawk” tih hi kan hmang ngai meuh tawh lo in ka hria. mahse Duh uluk deuh kher kher ho chuan an la hmang nual ngei ang. Dannaranin mipa ho hi chuan ” ka han insiam lawk ange…” tih hi kan hmanglar zaw phian,….”ka han inchei lawk pawh ti mah se…” a dik lohna ka hre lem lo. Tunlai khawvelah hi chuan mipa te hlei hlei hian incheina kan ngaipawimawh tawh anih hi, nula hoin nalh min ti lo ang tih hlauh vang ten,etc. Thil pakhat sawifiahnana thumal hrang hrang, a chak dan leh a hrilhfiahna tlem tlema indanglam hleih thei thumal neih ngah hi tawng hausaknaah ka ngai ve tlat…..
Report this comment
June 13th, 2010 at 10:50 pm
he topic hi a kim lo deuh em, ka hriatdan in kan rawlthar ten kekawrte lang khawp in an ha fual ani awm e, kan incheina hian ka mizia a hril khawp mai, han fai in han zah awm phawt mai se, a tawk der!!
Report this comment
June 13th, 2010 at 11:08 pm
Coat hi mau put nan a tha a kawki dup hian ko a dan hahahahaha
Khasiho pawh in tui kawhnan hak an ching hle bawk.
Report this comment
June 14th, 2010 at 12:42 am
Women wear perfume, men wear cologne. Men wear clothes women wear dresses.
Report this comment
June 14th, 2010 at 12:52 pm
Mipa tan pawh incheina tih hi a pawina ka hre lo ve tlat mai…
@Tetea, kei chuan tisualah ka ngai lo che..
Inthuam / inchei / inbel / ha …Mizo tawnga synonyms hrang hrangah ka ngai ve mai.
Report this comment
June 14th, 2010 at 4:05 pm
Suit/Coat hak in Coat Ipte ah Pen pailan mai kan ching a,Hanki/rawmol zawk an dah thin lo maw?.Mizo ang a incheina uluk lo hi Hnamdang an vang viau lo maw?Incheina/Inthuamna chungchang ah in uluk angai khop mai.A ron Post fuh khop mai.
Report this comment
June 14th, 2010 at 4:12 pm
Mipa inchei thin chuan cologne aiah perfume in hman ka ring. Wallet hmang lovin purse in hman duh mai hmel bawk
NOI
Tetea, nangmah ka sawisel ngau2 che a nilo ania aw. peace NOI
Report this comment
June 15th, 2010 at 12:24 pm
Va Tim Gunn deuh ve..:) A tha khop mai…
Report this comment