“Aw Lalpa that zia hi, temchhin ve tehreng u’
Sakeibaknei vanglai an riltam pawhin,
Tlakchham reng ka nei si lo…”
February thla laihawl kan chuang chhuak tan a, Jaipur lam pan turin kan inbuatsaih a. La kal ngai loh ram a kal tur kan nih avangin kan helhhawlh in kan phur kher mai. Lunglei to Aizawl chu kawng te a lo tha tawh nen, motor chuan ninawm ti hman lutuk lovin kan thleng a. Atuk chuan Lengpui atangin chawhnu dar 1-ah kan thlawk chhuak ta a. Kolkata atanga kan connecting flight neih chu zan dar 9 vel daih a lo ni mai. Airport-ah chuan kan flight nghakin kan thu ta ran mai a.
Kolkata to Delhi flight chu Indigo a lo ni a. Keini zin thang lo tih takah,flight-ah eitur an provide tawhlo ang tihngaihna hre hek lo le, Kolkatta airport-a thil themhlem te te chauh kan ei leh biscuit khawro pack 2 ka lei nen chauh, zan dar 11:30 velah Delhi kan thleng thla a. Zan a rei tawh nen, kan thlenin tur kan zawng hmu zo ta lo. Riltam takin kan vak kan vak mai a.
Vanneihthlak takin French embassy-a thawk mizo tlangval Danny-a inah kan tlu lut ta rawih a. Amah a lo awm lova, a nau te khan flight-ah engmah kan ei lo a ni tih ngaihna an hre lo a ni chek ang chu, chaw min offer ta si lo. Chumi zan chu mattress chhah ting ul ul chungah pum ri ruk rukin kan mu ta a. Tum ram thlen hma hauhin damchhunga theihnghilh tawhloh tur experience kan ngah hman hle mai.
A tuk zingah Isac-an taxi min koh sak a, Jaipur pan tur Bus dinnaah min thlah a. A hma zan atang riltam sa kan ni bawk a, bus station-ah chuan nidanga tui kan tih em em ngai lem loh pawh kan eiin kan in bawrh bawrh mai a, tichuan tluang takin chhun dar 12 velah Jaipur chu kan tleng ta a. 3 Star Hotel min lo book sakah chuan kan inghat ve ta rawih a. Jaipur chu a boruak a lo danglam ta deuh a niang chu Bawihte, nang pawh chu i hlimin i nu pum chhungah chuan i che nasa mai a. ‘Pink City’ an tih na chhan an khawhlui vel fanga kan vah pah te khan i nu pumah khan i lo chet nasat ve kha! Kan driver hmuihmul sei pui, kual ruih mai a zuah, hmel bumro tak te kha i hlau rilru deuh thin te chu a lo ni lo maw? Mahse, amah han belhchian hnu kha chuan pa zaidam leh tihnuam pui roh a lo nih kha.
Hetih lai hian thla 5 i la tling lo deuh a. Haw lamah Delhi cham pahin Apollo Hospital-ah inentir kan rilruk a nih kha. Tichuan, Doctor thiam 3 rual chuan uluk takin an han en ta che a, kan beisei phak loh thu thinthawng tak mai min hrilh ta anih kha. I nu phei chu, Mizoram House kan thlen phei leh hnu leh a zan thleng pawhin a khat tawkin a tap reng a nih kha. “In naupai hi ‘Vohbik’ a ni mai thei a, vawiina kan test neih zawng zawng-ah chuan ‘Vohbik’ anih theihna chance hi mi pangngai anih theihna chance aiin a sang zawk a, chumi chian tur chuan a nu pum atangin fluid la chhuak in kan test leh ang a, kan rinhlelh hi lo dik anih chuan, in rem tihna in ‘khawvel eng’ hmu ve lo law law turin kan siam mai ang” an ti anih kha. Khami zan khan kan phak tawkin, thinlung zawng zawng leihbua-in Pathian kan au anih kha. Kan chhungte ho pawh min lo tawngtaipui turin kan phone a. A tuka Apollo Hospital kan va kal leh chuan “Final test chu kan ti tawh lo mai ang, ‘Vohbik’-a a lo piang anih pawhin Hmangaih takin kan lo kuangkuah mai ang” tiin kan chhang ta anih kha.
Haw lamah lah chuan, Delhi airport atang rengin, thlawhna chhungah darkar 2 aia rei mah thlawk chhuak si lovin min han khung a. Chutah, Kolkatta atang chuan Imphal min han kualpui te te a, “Mizoram-ah chhum a chhah avangin a tum theih loh” tiin Kolkatta min panpui leh a. Hotel fahrah takah, kan thawmhnaw bungbawr tak nen kan lut leh a, atukah chuan Lengpui-ah kan tum ta hram a. Thaw chu ven thawkhat chuan a veng ta.
Mahse, Doctor te thusawi kha rilru-ah a cham reng a, i nu-in a pai chhung zawng che chuan rilru hlauthawng reng chung leh Pathian au reng chungin kan awm anih kha. Nimahsela, Pathian thatna i chungah leh kan chungah a lo lang a, 17 June, 2009 zing lam dar 4 velah chuan khawvel eng hmu-in, nau pangngai, keini i nu leh pa leh i chhung te tan phei chuan, khawvela nau hmeltha ber leh fing ber ni turin i lo piang chhuak ta. Khatih laia kan lawmna leh Pathian hnena kan lawmthu kan thlen kha Pathian pawh a lawmin ka ring!
Tichuan, naute enkawl nuam leh fel tak lo ni chhovin, vawiin i piancham hmasa ber kan lo thlen hian, Pathianin i nu pum chhung atanga a kaihhruaina che leh i pian hnu atanga vawiin thlenga a kaihhruaina che zawng zawng ka rilru-ah a lo lang thar uai uai a, he thu hi i pualin, Pathian hnena lawmthu sawi belhchhahnan leh Pathian thatzia ‘Misual’ pakhat talin an lo hmuh ve theih na anih beiseiin ka han thai lang ve a ni e. ” Happy First Birthday Bawihte!”
Similar Posts:
- Mutthluk
- Jaipur Mizo Christian Fellowship
- father_sphinx and Sandman in Delhi
- Delhi ah Mizo heroin tawlh rutu police in man
- Serial bomb blasts leave 60 dead in India
June 21st, 2010 at 9:22 pm
Rilru a va khawih ngai ve le… Bawihtea Pathian zarah ngal fimin dam ang che.
Report this comment
June 21st, 2010 at 9:22 pm
a nih hi………… turu^lo hi i (in) turu riau mai..
‘Lalpa thatzia hi temchhin ve teh reng u’… mi(sual) ho hian..
Report this comment
June 21st, 2010 at 9:28 pm
Bawihtea ka ti ve ngawt a, Bawihtei a lo ni zawk mai anga, a nu nge a pa aw(hmeichhia nge mipa?)
Report this comment
June 21st, 2010 at 9:34 pm
Happy birthday Bawihte, Mihring remruat dan a awmlova chunglam remruat dan inzawm ngam chu kava lawmpui che u em! Mihring remruat dan chuan awm ula thra niawm tak a alang..a tawp thihna nisi kha a nia…Lalpa remruat inthlan zawk a vangin FA duhawmtak inneih phah der sia le…
@Zephanath engtinnge i tih bik? recent comments ah “he..” tih chau i sawi a hetah lem ” a nih hi..” ti leh sia
Report this comment
June 21st, 2010 at 9:38 pm
Amen,Lalpan malsawm rawh se.
Report this comment
June 21st, 2010 at 9:39 pm
@Jenn Lo:
ka siamthat tawh khi … :lol:
Report this comment
June 21st, 2010 at 9:57 pm
Keinin vanduaina a kan ruat
A hmangaihna lan tir tu’
tih kan hriat chhuah chu…
Kei pawn Happy Birthday Bawihte kan ti ve leh ngat ang e.
Report this comment
June 21st, 2010 at 10:03 pm
happy birthday Bawihtea….
Report this comment
June 21st, 2010 at 10:06 pm
Kan thianpa pakhat Pa Nuamsa veng, Tuithiang a mi pawh kha an nu(RIP) khan a pai lai khan Vohbik a nih an ring a. An rilru a hah thei em em a. Mahse a lo piang chu hmeichhe naupang duhawmtak a ni a. A nu khan a chhulah ‘Tumor’ a lo nei zawk chu niin. A hnu kum thum hnuah min peih loh san ta a….
A nu hnute hne miah lo leh a nu hmel pawh mitthla thiam hauh lovin a hring nun kawng a zawh ve dawn ta chu a ni si a le!
I post ka chhiar hian ka rilruah “Bawihtei” a rawn lang zawk a, ka OT bik lem lo ang chu maw!
Report this comment
June 21st, 2010 at 10:07 pm
A tir lam ka chhiar khian han fiam che ka tum zet a, hnuai lam ka’n chhiar thla zela rin ang alo nilo tawp mai..
Nu leh Pa ten fate an hmangaih zia hi sawi chu a awla a taka han hriat chian tak tak hi chuan mittui tlak tehi a awl ania, mi poangthar thra tak tak ten Pathian hmangaihna an han ngaihtuah leh sawi changa an mittui te a tla thrin ang hian kan nu leh pa ten min hmangaih zia leh kan tana engkim tuar an huam zia(an huama an tuar thrin reng bawk) han ngaihtuah chang hi chuan mittui tehi a tla sam teh ania.
Mi tamtakin Nu hmangaihna awlsam taka an sawi thrin tehi awlsam takin ka sawi thei thrinlo keipawh, tawite a ka sawi anih loh chuan ka sawi zela ka feelings a kal thui tulh tulha ka hnuk ati ulh leh thrin ka sawina lamah hian.
Report this comment
June 21st, 2010 at 10:17 pm
Turu^lo, i fa piancham in thleng chu ka lawmpui che u. Fate keimahni ngeiin kan han enkawl phei hi chuan a lo inhnaihin, a lo in hmangaih theih khawp mai. Awmpui te kutah kan dah a, “ka fa ka hmangaih,” tih ve thla ngawt ang hi chu a nilo a ni. Pathian malsawmna hi a hlu a, lawmthu sawi zel turin ka duhsakna ka hlan a che.
Thlen ngam naah chuan chaw pawh lam ngam awm te ka ti mai mai a.
an ni pawh chu mikhual nei ve ta lem ni, “inbual te, eitur te i duh em, i ril a tam awm sia ” te pawh lo tih ve mawihnai awm. In neitu awm loh lai chuan thleng lduh tawh miah suh 
NOI
Report this comment
June 21st, 2010 at 10:46 pm
turulo chu i lo turu kher mai. Tragedy ah i chhuah dawn emaw tih lai a, Bawihte Birthday wish thei a i rawn chhuah ta daih mai chu…
Danny chu ka lo hrilh ve ang e. Mikhual a neih a ‘chaw in ei tawh em?’ tih lo zawt zel tur in. Ka nau a ni ve a, blood relationshipna chu nei lo mah i la, u ang a min en ve tu a ni e… Amah a awm loh pawh in a naute lo hrilh tur in…
Report this comment
June 21st, 2010 at 11:08 pm
B’day lawm zel ang o..a nu leh pa tan chuan a hlu dawn reuh mange..
Report this comment
June 21st, 2010 at 11:08 pm
Turu^lo, nang hi i turu lo hauh lo! I thil tawn ngaihnawm tak hi thuhranah ka dah, i han thlehkual vel dan hi chhiar a va nuam dangdai ve! Hlim takin Khuanu malsawmin leng zel ula, chhungkaw nuam leh hlim tak ni zel teh u. In fa pawh khuanu’n hual zel teh se, duhsakna ka hlan a che u.
Report this comment
June 21st, 2010 at 11:08 pm
pu shai: tlangval danny a ina an thlen lampang hi han fiam deuh zaw zaw kalo tum hmana :lol:
rin angin a story a kal talo ani.
Report this comment
June 21st, 2010 at 11:31 pm
#9 lushai han sawi chiang deuh teh khai,tunge ni ang aw tuithiang veng ami chu le…ka hre hrim2 :lol:
Report this comment
June 21st, 2010 at 11:32 pm
@funny, lo fiam zaw zaw roh. Hehehe… A misual ve ngailo emaw ni … :lol:
Report this comment
June 21st, 2010 at 11:39 pm
Kei chu Danny hi ka la hre miah lo mahse a zar ka zo toh. Delhi ah ka flight ka missed Security a ka awm vek toh hnuah. min thlahtu motor poh an hawng vek toh. Delhi thlenin ah ka kir leh hna hna.
Min khongaihtu ten Danny French wine in ka thlavang an hauh mawle. Free hlaka French wine tui tak han kerh kerh chu tihchi roops
Report this comment
June 21st, 2010 at 11:57 pm
Happy birthday, bawite! Nu leh pa i nei fuh hle mai….i pa turu_lova hian nasa turu lutukin a hmangaih che a nih hi
In sawi ta sa sa, Danny a naute chu an hawi harh vak lo hle mai. An thlen zan a eitur offer nachang hriat loh chu thu hran….a tuk zingah chaw/breakfast pawh ei lo bawkin an chhuah tir leh chu mak ve khawp mai. Naupang viau chu nise an U Danny chuan a zin san awm tawp si lo. In nghak rual chu an ni tawh ngei awm si. ( pu turu_lova te nupa chu ka van vuipui nasa ve!!)
Report this comment
June 22nd, 2010 at 12:35 am
Happy Birthday Bawihte! Ka hman veleh i biang ka rawn piai ang :smile: Admin ho hi ka han hau teh ang. Bawihtei B’day 17th June ah engati nge in publish loh? In chhiar chiang lo tawp a ni maw? Hei 21st June ah kan wish tak sup sup hi. @turu^lo, ka lawmpui a che u.
Report this comment
June 22nd, 2010 at 12:48 am
ka tah te pawh ti chhuak dawn dawn alawm le
Report this comment
June 22nd, 2010 at 12:50 am
Muante, kan admins te football in a bual a zo tawh a nih hi…lo hrethiam hram² rawh!
Report this comment
June 22nd, 2010 at 1:02 am
Turu^lo hi a turu ru phian mai a
21st ni tawh mahse hlim takin ‘happy b’day bawihte’
Report this comment
June 22nd, 2010 at 1:08 am
Bmw, nia football hi chuan min bual a hlawm a nih hi, kei pawh tun thleng thlengin ka la men kur hi :smile: @turu^lo riltam inthlahrung si pum ri ruk ruk chunga phone a hmet nuap nuap tur hmel ka mitthla a ka nui vur vur :phone hmet nui vun vun:
Report this comment
June 22nd, 2010 at 1:12 am
tawngkam i bei nalh hle mai… nang ang te hi asin Mizo literature world chuan a mamawh… ni tlem te a liam tawh na in happy belated birthday kan tihsak ang che
Report this comment
June 22nd, 2010 at 1:14 am
gothica, i avatar hi nangma pic a mi? i van hmelthra reuh phiu pheu ve a
OT… sorry.
Report this comment
June 22nd, 2010 at 1:15 am
pu muante & gothica : 4 days late..! :lol:
Report this comment
June 22nd, 2010 at 1:22 am
@bmw, #26, korean assimilation a nih khi… :evil:
Report this comment
June 22nd, 2010 at 1:56 am
bmw ka thlak daih dn nia o
Report this comment
June 22nd, 2010 at 2:06 am
Ku Shai.. no Korean assimilation.. tukhum sam ka rawn dah tawh ang hur3
Report this comment
June 22nd, 2010 at 2:15 am
Korea chungchang (ve mai mai ana, inhnial ka peih miahlo ania. hehehe )
Korean assimilation in sawi kai takah chuan, khawvel mipui tehian North Korea hi kan en engemaw deuh riau thrina.. mahse anmahni ngaihdan ah chuan dik leh thra an inti vetho bawka, US Hegemony anih theih nalai a awm tam hle in ka hria, Entirnan Russia(Comunist) tepawh an diklo ta riau a, US (Democracy) an dik ta riaua kan ngaih lai hian Russia hruaitute, comunist ho tekhan an citizen leh khavel mipui hi comunist thurin na hnuaia thra taka hruaia better life thlen theih an inring ve tho bawka.. inhnial treuh theih anih laiin ka rawn sawi lang ve hram mai mai..
South Korea ho pawh hi westernization in a chiah hneh lutuk, “ethnicity crisis” nei ti a sawi chi pawh nilo, “Lost in ethnicity” tih awma mawi zawk tak annih lai hian Nationality feelings nei leh US ho ina khawvel rilru an duh anga a tih awn dual dual lai pawha conciousness neia awn ve duhlo North Korea ho tan chuan pawm an har khawp ang le..
Report this comment
June 22nd, 2010 at 2:21 am
zualbonez i chatthla kha rawn harh teh. Ka avatar mak anti ania hihihi
Report this comment
June 22nd, 2010 at 6:10 am
Turu^lo, mahni fate piancham vawikhatna-in nu leh pate a den danah hian Pathian themthiamzia leh duhtui si zia ka hre thin asin. In tawn a turu a, in paltlang hrehawm dan tur ka rin hriat pha riai ruai. Mi huaisen tan chuan hringnun chona hmachhawn hi hmasawnna a ni a, huaisen taka hmachhawnin vawiin in thleng, ka lawmpui takzet che u.
Khuanu hualin dam la, bawihte…
Report this comment
June 22nd, 2010 at 6:14 am
#31 zulzuiin, Mizonization teh ang u.
Vainization te, westernization te GURUNG/Thapa tiin i kalsan teh ang u
Report this comment
June 22nd, 2010 at 7:01 am
Nang chu Turulo engang mah la, i pathian a Turu em a ni. Ka lawmpui takzet a che u.
Report this comment
June 22nd, 2010 at 9:57 am
Happy birthday Bawihte … kei pawh doctor leh nurse an beidawng a, ka luruh chik keh a lakchhuah mai tur tia an inrawn khawm hnuin —thi lo aruangin ka nuin min hring ve bawk asin! Sap Missionary hun laia thil thleng, Pu C. Saizawna of Serkawn kha ka pian chanchin hre hmasa bertu (Hospital pawn lamah chuan) a ni thung.
Report this comment
June 22nd, 2010 at 10:05 am
Kan naupan lai kha chuan inrinni kha inbual ni ania, kha kha kan BATHDAY ani mai :lol:
Report this comment
June 22nd, 2010 at 10:13 am
Turu^lo hi a turu zia ka hriatna a rei tawh! Bual-in silfai vel chu sawikai duah lo mai ang!
Bawihte, khawvel eng hmuh hma hauh in nu leh pa rilru i ti hah tawh! Khawvel engah hian hmachhawn tur tamtak ila nei dawn a, nu leh pa rilru ti hreawm nawn fo lo tur in Pathian venna chang zel mawlh teh. I piancham lo thlen hian duhsakna ka hlan mawlh mawlh che.
Turu^lo nupui, fanaute enkawl thei tur in Pathian in awmpui zel che rawh se.
Report this comment
June 22nd, 2010 at 10:53 am
Min lawmpui tu zawng zawngte hnenah thinlung tak takin lawmthu ka sawi e. Mi(sual) family-a tel hi a nuam thin e! Muantea, admin ho te thiamloh a ni lo, ka thiamloh zawk a ni e. A birthday ni, ni 17 June khan ka post hman pek lova. Ka GPRS chhe bawk si, internet access ka nei tlat lova. Mahse hei Photon+ kan ti ve chhin a, ka access ve leh thei ta hram hram e.
Sarah Lalhruaitluangi hi Bawihte ka ti mai thin a, mipa chu ni se Bawiha ka ti ang. Bawihte tih hi mipa kohna atana hman mawi ka tih loh vangin Bawihte ka tih chuan hmeichhia ani tihna turah ka lo ngai nghet lutuk a, in ‘confuse’ ka lo ring pha lo a ni, ka thiamloh leh pek a ni.
Danny a leh a naute ho hi ka dem reng reng lo. Min lo thlen avangin ka lawm lutuk. Chaw min offer loh nachhan pawh ka thiamloh leh bawk. Economy class a chuang tur chi hmel kan nupa-in kan pu lo ve bawk a ni.:P
Report this comment
June 22nd, 2010 at 11:31 am
A heading khi nule/tlangval in ngaihzawnna lam a ang
ka chhiar chhuak dap mai, ngaihnawm e, khawvel doc thiam ai pawha thiam Pathian kan nei hi kan vannei a ni
Report this comment