Mizo Dictionary electronic version or software chu kan han buaipui chhum zawm zel chu a niah, rin aiin a hautak duh hle mai. Dictionary awmsa J.F., Pu Buanga, etc. leh Oxford Dictionary, Twentieth Century Dictionary tih vel keu chhen ngai bawk si hei kum 1 chuang chu a ral ta der mai.
Misual member te hnen atanga ka han hriat duh pakhat chu piracy hi mizo te hian kan uar hle mai a, mimal chu sawi loh, sorkar department leh organisation hrang hrang thleng hian pirated software deuh vek ni mai hian kan hmangin ka hria a, hetih lai karah hian kan dictionary siam hi install peihin siam zo ta ila, mi hian tlem azawng tal pawn min lei sak ve duh angem aw tih hi ka ngaihtuahna tibuai tu pakhat a ni ta, rin ai daiha a lo hah thlak takah hian.
Dictionary mai lo pawh tiang lam software siam duh leh siam tum mizo te zingah kan la awm chho ve tial tial mai thei a, hah taka siam piracy a a ral mai mai chuan mi phurna tur tam tam a ti kiam ngei hmel si a, hetiang zawnga hmalak leh piracy dan bawhchhe tu te hrem theihna fel fai deuh awm leh awm loh te min kawh hmuh thei hlawm em aw, enge in ngaihdan ni ve le, nge a thlawnin kan pe chhuak chur chur mai dawn em niang?
Similar Posts:
- Mizo Dictionary Software?
- Mizo Dictionary
- Mizo Dictionary bawk kha !!
- Eng-Mizo leh Mizo-Eng Dictionary Android Apps
- NinjaWords.com
June 26th, 2010 at 6:29 am
Ani ngawt mai, Music Video, Mizo film etc atang ringawt pawh hian Pirated music, softwares etc hi kan pawisa vakin a lang lo anih hi. Dictionary i sawi takah chuan khawi ah emawni JF Dictionary Electronic version ka hmu tawh tlat nia, an lei chu ani miah lovang…
Report this comment
June 26th, 2010 at 6:50 am
kan ramah chuan software raid ve ngai hek lo le!! Engemaw zat hralh turah inngai ula, pirated anih nghal pawh ring ula. In inven theih ang angin inveng ula, CD/DVD ah protection siam tel ula tha ang. Mahse… a ven sen theih chuang lovang! Mizote hacking/cracking etc. thiam an awm ve nual tawh tlat!
Report this comment
June 26th, 2010 at 6:56 am
In hlawk lovang tih ka hlauh pui khawp mai che u. Online a activate ngai te han ti ula a zia deuh mah na. ^-||RaLtE||-^ sawi ang khian hacking thiam an awm ve nual bawk sia. Piracy tih tawpna tha ber chu Mipui te inzirtirna niin ka hria.
Report this comment
June 26th, 2010 at 7:25 am
Inhlawk chu ka va ring vak lo e, mahse mizo IT world ah mel lung pawimawh tak ani tih kha hre reng ula. A vawi khat na te ania chan huam in le. Trial version in han tichhuak phot ula, nge audio casett.e an release ang hian vanapa hall ah ti ve rup ula, lei huai deuh2 an awm ang
Siam leh dawn chuan software thra deuh khawvel mimir in an hman tur chi han ti thei mai ulah..a threnin lo pirate mahse in hlawk pha hrim2…
Report this comment
June 26th, 2010 at 7:31 am
Zephyr drama club te CD ka en a, “He CD hi i copy ruk chuan i tluang chuang lo ang.” tih a inziak kulh mai a. Ka copy duh ta lo
Report this comment
June 26th, 2010 at 7:50 am
Tih dan tha deuh (mahse ninawm) tur chu a software an luh apiang khan a sponsor-tu kha rawn lang ta ziah se, a nih loh paw’n khawi lai sirah emaw khan lo awm ta mai se. A software development man zawng zawng chu a tirah a sponsor tu khan tum mai se. Mipui lam chuan a free-in download thei thung se. Chuti lo chuan tihngaihna dang ka hre lo. Mizoramah piracy kan control thei tak tak dawn chuang lo.
Report this comment
June 26th, 2010 at 8:33 am
Lo changran ila, mifate thiamna hian pawisa an ti hek/heklo chu a nih hi.
Report this comment
June 26th, 2010 at 8:36 am
Kei, pirated software hrang hrang hmang mektu hian, i thawhrimna a zahawm ka tih avangin, i release hunah copy mai mai lovin ka lei ngei ang tih ka intiam e. Midang chu ka sawisak thei lo.
Report this comment
June 26th, 2010 at 8:40 am
I thil buaipui chu a hlu ngei dawn e. Mahse piracy tih kual vel hi a buaithlak khawp ang le. ZoRawks rawt ang deuh khian online activate vel chu a tih chi mai theih a ni… :roll:
Report this comment
June 26th, 2010 at 8:47 am
Laina hrilh in ka hrilh ang che,pakhat hralh la sawm in an pirate ang
Report this comment
June 26th, 2010 at 8:48 am
Piracy hi crime a ni tih hi kan la hrelo nge le ka ti thin :!: hetiang hi chu a dang theih tak2 loh a ni e.mi tam zok chuan a thlona kan neih theih chu poisa sen ai chuan kan thlang vek mai si a le
Report this comment
June 26th, 2010 at 8:55 am
Mizo te hi tawngkam bakin dikna ngaina mi chu tlemte chauh kan ni ngeiin ka hria. Neih theihna tur a nih chuan midang/ram hlawk theihna tur pawh kan danchah sak hreh lo tih chu pirated software leh thil dang tam takah a hriat theih. Hlawkpuina tur chuan sawi hreh tak chungin, hlawk pui na khawp i hmuh theih ka ring lutuk lo mange.
Report this comment
June 26th, 2010 at 9:34 am
Kan ram atrang hian a thiam rual ho hian Software te thawnchhuak ve thei ila tih hi nghahlhelh awm khoops. A thiam ho kha han trang sauh sauh teh u, a thiam ho a huho-a inthawh ho erawh a ngaih ka ring.
Mi siamsa pawh hmangthiam trawk trawk keini ang ho hi kan tam ber ka ring, a thiam ho kha han intel muk teh u mimal ang chuan a har deuh ka ring kei misual hian
Report this comment
June 26th, 2010 at 9:37 am
Comment no 6 @Tetea advice khi a tha ber. Zoram zimte ah hi chuan hlawkna tham a awm chuang lovang. Midang in an sponsored mai hi a fuh hmel.
Ka lei phak tura min chhawp chhuah sak chuan ka lei sak ang che.
Report this comment
June 26th, 2010 at 9:41 am
Online Activation pawh tunlaiah chuan Bypass a har loooo…. Buaithlak ni, khawvel hi…
Report this comment
June 26th, 2010 at 10:20 am
Kan thil neih leh Duh te hi kan sum dinhmun nen a in mil a ni a nge.
Mizote chauh hi piracy ti nasa kan awm lo. Thil/zia thalo soi nan a ‘Mizote’ tih bik ziah mai
mahni pianna ram mahni hnam sot vak vak loh tur.
Report this comment
June 26th, 2010 at 10:32 am
Pirate chu nasa khawp ang, lei duh tlem kan awm bawk ang. Hlawk thu-ah chuan a hlawk ka ring lo. A reng reng thu-ah, in va han taima bawn tuar tuar ve maw le, phone app han ngaihtuah chhin teh u, a to hlawm reuh teh mai a nia..
Report this comment
June 26th, 2010 at 10:39 am
@VMM: I windows leh compiler ho kha original i hmang bik em ni? NOI
Kum 1998/99 khan SOR (Schedule of Rate) siamna tur MSExel platform ringa siam kan tum a, Keiin Database ka buaipui a, Pakhatin GUI leh programming a lo buaipui a. Thla ruk chhung velin, kan peih dawn tihah khan beta version kha a leak out ta a…..Kan hlawhchham chu a ni deuh der mai. (Mahse kan inchhir chuang lo. 1994/95 a 10 lacs vel hmanga siam tir an lo tum tawh kha a ni a!)
Kha tih hunlaia Exel add-ins pakhat number function kha chu Mizo Engineer-te computerah hian a awm deuh vekin ka ring!
Chuvangin VMM, H.V-a te ramah zuk released mai la a tha ber ang. Pu Buanga Dictionary phei chu online in a en theih reng e.
https://dsal.uchicago.edu/dictionaries/lorrain/
Report this comment
June 26th, 2010 at 11:17 am
“chu piracy hi mizo te hian kan uar hle mai a,”
Kei chuan ka uar lo
ka theih chin2 ah chuan.
tun dinhmun ah chuan Open Source/Freeware/Shareware in release la a fuh zawk ka ring. Mizo Society tan contribution tha tak a i siam dawn a ni mai.
Firefox dictionary a dah luh theih te hian siam nge nge la!
Chuan a duh tan sum donate theih tihna siam la, i Mizo Dictionary hmasawn zel theih nan donate duh chu an awm ngei ngei ang.
Anih loh pawn online chauhin siam la, tunlai a an sawi an sawi CLOUD ah dah la! No Piracy! Chuan Ads, Google Ads etc.. i dah a nga, traffic a that chuan REVENUE REVENUE!
Kei chu computer dictionary ve lem web based loh chu ka hmang paihlo. Web based anih loh chuan dictionary lekhabu keu mai ka duh zawk.
Report this comment
June 26th, 2010 at 11:23 am
a programe-na software pirate bawk…kan in bit tawk fu lo maw??? :lol:
Report this comment
June 26th, 2010 at 12:30 pm
Pirate chungchangah hi chuan a siamtute tih loh chu mizo zingah han pawisa em em hi kan awm vakin ka ringlo. Miin hah leh rim taka an siam ani tih hre reng chungin a hmangtute hian awlsam taka kan hmuh theih chuan kan hmang hreh hauh lo.
Hman deuh khan Kan veng pa pakhat chuan anti-virus Nod32 update generator a lei a, a to angreng phian bawk. Kei ngei pawhin, copy mai tur a tam teh lul nen kha ti zat zat a han lei chu… ka ti ve tho mai.
Kei leh ka mizo pui tam takte hi kan rilru a piangsual ta deuh niin ka hria.
Report this comment
June 26th, 2010 at 1:13 pm
lushai_er, number function kha i siam em ni?
Report this comment
June 26th, 2010 at 1:32 pm
Mai, Ni e kan computer leite reng hi a tlawm. Windows atanga application soft te takte thlengin a thlawnin hard disk a hnawk tham khawpin a awm dul zel mai a. Mahse kan economy tlin tawk a ni miau va. Neinug deuhte chuan pirated lo hi chu hmang tawh se a tha. Mahse he awksamna Mizote hi IT lamah min tihmasawn ve thungin ka hria. Chuti ni suh se la chuan keini ang duang tan phei chuan mouse tak ngial pawh kan la tiche tìam awm love. Dictionary chu peih fel ula ka va ti em. A fel hunah IT Department lei chhawntir ula. Annin an thiam dan danin lo hralh chhawng se a tha ber ang. A pack chu harsa lo mah se, a text thun a peihawm loh, a ai mahin proof reading a la peih awm loh leh. Mizo hnam tan tih hre rengin han peih hram teh u. Sorkar in leitir chuan department hrang hrangah sem chhuak se, a bak chu Mizote’n kan chhawr tangkai dan turin a darh vel mai tawh ang a. A hlu viau zawk lo maw? Chu lo chu in tha sen phu tawka a man inchhiar chuan vangtlang hnuai lam tan chuan vana rah ang a ni si ang a. Mizo zia chu thil a peka inpe mai chi kan nisi a, hralh hman bar si lovin a awm ang tih i hlauh ang chiah khi kei pawh ka ngaih dan. Microsoft product authentication certificate buaipui nen, Mizo hnam tan tih rilru pu chung lo chuan in pam tul hlauh ang e.
Report this comment
June 26th, 2010 at 1:44 pm
Ekhai venture chhuanawm tak tur a ni e. Kan suggest ve mai mai – online version in release ula, in tha hah man leh senso recover nan sponsor tur zawng ula. User tan chuan a free ngei in le ! CD/DVD version chu i sawi ang hian piracy in do zo chuang lovang. A revenue model tur mawlh khi kawng dap a ngai a nih hi.
Report this comment
June 26th, 2010 at 2:04 pm
nikum lama rawn post tawh tu kha i ni maw
A thra khawp ang a man a to viau loh chuan pirate lova lei tu I hmuh treuh ka beisei.. mi hi fel tak tak an tam tawh ania, a lei a lei ngei hi a fair in a hlu titu..
Chutih laiin keini India ramah pawh hausa lo ve tak tan hi chuan Software thra ho hi chu Pirate loh theihloh ani ve bawk a, hman ngai si a man afford miau bawksiloh chuan. hehe. chu chuan Pirate turin min force ve bawk ani
Hetiang vel te avang hian guilty feelings nei miahlo in kan pirate vel mai mai thrin, a concept chu eiruk, ruk ruk tihvel nen a in ang rengin ka hria :lol:
Report this comment
June 26th, 2010 at 3:14 pm
Intellectual Property Rights (IPR) chungchangah hian Mizote inzir kan va la ngai em! huiham
Report this comment
June 26th, 2010 at 5:25 pm
Khampat.com-in Mobile Bible leh hla bu an siam kha chuan a thlawna semdarh turin an siam a, hralh phal a ni lo an ti hmak
https://apps.m.khampat.com/mgb
https://apps.m.khampat.com/khb
Report this comment
June 26th, 2010 at 5:37 pm
@Admin : ka 1st ve chhun ah “ka 1st ve teh tlat chule” tih ka dah kha ngatinge in paih daih a…. 1st nih ve thianglo kan awm ami, sorkar hna a interview ang deuh hian, nge Minister lehkha ka rawn thil tel dawn
Report this comment
June 26th, 2010 at 5:38 pm
#22, Ku Muang: Ni love, mahse beta test-tu chu ka ni. Bugs a lo tam a, ka report a. Ka khawl atangin a leak out a ni!
A signature chu JR tih a nih kha. I lo hmang tangkai ve a ni maw?
Report this comment
June 26th, 2010 at 7:01 pm
another KAiku needed i guess so here’s one
Born
Grow
Kill
Die
The End
Report this comment
June 27th, 2010 at 10:44 am
I siam dawn chuan keipawn ka lo leisak ve ang che
A tha ka ti. Ka advice che chu, online a activate ngai ngei2 in ti tawp ula,activate loh chuan word thenkhat te chauh en theih emaw, definition en theih loh in siam ta ula, License Key kha a hrang theuh pe ula, chuan online a activate khan khami license key kha hman theih tawh loh nghal zel se. mahse install that chuan a buaithlak dawn ta a ni.
Report this comment
June 27th, 2010 at 10:59 am
kei pawh pakhat chu ka lo ‘booked’ ve ang e…
Report this comment
June 27th, 2010 at 11:29 am
Pirate of the Carribean’ _______ kha a hmuhnawm ve mai mai.
Report this comment
June 29th, 2010 at 4:14 pm
Big thanks for all the responses, thlirna in ti zau a lawmawm e. Nia software piracy tih hian a dik reng mai, tam tak hi chu a man(cost) mai bakah a leia lei mai tur a lo awm lo te hi pirate loh theih loh anihna lai te pawh a ni ve awm e, dictionary buaipui nana ka hman software te pawh hi mi min pek tho kha nia, min pe tu khan a lei pawh a ni bik chuang hian ka ring lawwww buaithlak hlawm tak hian !!!
A engapawh chu ni se, dictionary siam lei leh lei loh lam ai mah hian, kan ram officer lian kohhran a inhmang tak tak te mentality ah hian piracy lianpui a ram pum (sorkar)hian pangngai taka practice in mi pawi kan khawih reng ani tih te hi hre thiam ila a tha ve mai mai awm mange ka ti thin. Technical lam (computer related technology) hi tuna kan officer lian leh sorkar hnathawk tam berte hian an hrethiam tawk chiah lo em aw ka ti deuh thin.
Kan sorkar kal phung hrim hrim hi thlak a ngai khawp hian ka hre thin, architect in computera design a siamna hlut zawngte hi kan la hriatthiam pui phak lo ang bawk hian computer programming awmzia pawh hi kan mentality hian a la phak chiah loh deuh a ni ber hian ka hre thin. Computer lam kaihhnawih ti a sorkara thawkte (IT related workforce) pawh hi engvakah kan ngaih loh hi maw le kan sorkar leh office te hian tun dinhmunah chuan.
Kan IT department neih ve te hian tiang zawng hian awareness te pe thei se lang a that hmel khawp mai, amaherawhchu beiseina erawh ka nei sang lem lo. Kum 2000 kuma computer lehkhabu mizo tawnga ka ziah industry (IT Cell) in mi chhuah sak tura min propose sak secretariat lamin a lo object dan atang khan, kan officer khan tiang mizo tawngin kan mamawh lo computer hmang thei leh thiam chuan saptawng kan chhiar thei vek a lawm a tia a bei dawn thlak duh khawp mai. Tun thleng hian department office ah pawh computer chu a khawl tha tha to tak taka leiin eng an thawh chhuah tir kan hre tak tak chuang em ni, zuma, solitare, etc games vel khelh nan khawl tha pui pui kan hung fer fur chu a nih si hi maw le !!!
Kan sawi tak duah chu a ho mange.
Report this comment
June 18th, 2014 at 2:18 pm
gre-edge review
Mizo Dictionary software | mi(sual).com
Report this comment