Tunhnaiah Hreichuk khua-ah lehlangin ka zuk kal a, ka thil hmuh tum ber chu Lallula thlan lung phun a ni. Hreichuk khua hi Mamit District huamchhunga awm, Reiek thlang lam, Kanghmun tlang dung a awm a ni e. Reiek atangin km 20 vel zet chu a la ni, amaherawhchu kawng a tha a, karlohvah a thlen theih.
Mizo Lal ropui berte zing ami Lallula, Sailova tuchhuan leh Rohna a fapa hi kan hriat angin kum 1730 velah piang ang chhut a ni a. Zopui-a a awm laiin Mizo history a hmingthang tak, ‘Thlanrawt Rawt’ hi a thleng a, hei hi kum 1760 vel a ni awm e. Chumi hnuah thlang tla in N. Vanlaiphai, Lungchhuan, Piler, Bawngchawm, Serchhip, Diarkhai, Samlukhai leh South Sabual ah te a awm kual a. Sabuala a awm lai hian In 300 vel a nei an ti a, kum 5(1790-1795 AD) vel a awm a ni awm e.
Heta tang hian Darlung ah a chhova, chutah Hreichuk-ah a phei a, kum 1807 AD vekah Hreichuk-ah hian a thi ta a ni. Lallula hian fapa 4- Lalpuiliana, Lallianvunga, Lalmanga (Mangpawrha), Vuttaia leh fanu Ridawpi a nei. A fanu Ridawpi hi South Sabuala an awm laiin a thi a, a lung phun pawh Sabual khaw daiah hmuh theih in a la awm.
Hreichuk khaw bul lawkah hian Lungphun khua a awm a, hetah pawh hian Lallula lungphun a awm thin a, tunah erawh chuan hmuh tur a awm tawh lo niin a khaw mi ten an sawi. An sawi dan chuan Lungphun khua a mi hi a dam laia a phun (damlai lung-commemorative stone) a ni a, hemi hming chawi hian a khua pawh hi Lungphun khua tih a nit a awm e. Tichuan a bul lawk Hreichukah hian a thi ta a ni. A thih hnu hian a fate leh a thlahten a luruh chu la in Sialhawk-ah a fate hriatrengna lung phun pahin an phum tel ta a ni.
Tuna Hreichuka a lungphun awmna lai hi Lallula In hmun thin, a thih laia a awmna hmun a ni a, tun hnuaah hian mimal in an nei ta a. Tunhnaiah Art & Culture Deparment leh Hreichuk Branch YMA ten helai hmun hun a neitu te hnen atangin a lei a, a hriatrengna lung an phun ta a ni. Lungphun sir lamah hian Lallula lungrem (a kawt lungrem) tlem chu hmuh theihin a la awm.
Similar Posts:
- Lungphun pakhat
- Pasaltha Khuangchera lungphun
- Lungphun pahnih
- Mizo landmark pahnih
- Chawngfianga leh Lianchhiari
July 2nd, 2010 at 2:26 pm
Kala hre ngaimiah lo tlat mai…
Report this comment
July 2nd, 2010 at 2:27 pm
I van hmu ropui bik vele, ka la hmu ve miahlo. Ka pi (kapa nu) hi Mangpawrha thlah.
Report this comment
July 2nd, 2010 at 2:29 pm
Picture no.2&3 khi a hmunah ka hmu ve chak kher mai
Report this comment
July 2nd, 2010 at 2:32 pm
@malsawmliana i va han hre em em ve, thlalak lah chu i nei tha phian mai, Art and Culture a mi i ni hial lomaw :?:
Report this comment
July 2nd, 2010 at 2:54 pm
history channel vela documentary hmuhnawm tak2 an siam ang hian siam tu/thiam awm ve se ka ti ngawt mai kan Mizo history hi
Report this comment
July 2nd, 2010 at 2:55 pm
A va han man hla thin em aw…..Art & Culture pawh hi an tih that ve viau thin hi maw le…
A chhipah khian a lim han ding vuah mai se…..
Report this comment
July 2nd, 2010 at 2:59 pm
Malsawmliana chu va hre tha ve a… ka ngainat zawng tak(nangmah ni lovin i post zok)….. Malsawm tlak ini.. Dam reng rawh
Report this comment
July 2nd, 2010 at 3:06 pm
chhim lam lal ho kha ropui an ti ve ngai lo ami le?
Report this comment
July 2nd, 2010 at 3:16 pm
Nia mawle… Mi titi ka hriat ah chhim lam lal ho kha an hausa thei riau i ka hria. A hre deuh te thukhawchang hriat a chakawm khawpmai..
Report this comment
July 2nd, 2010 at 3:31 pm
Pic.#3 lungdawh khian lung a va ti leng reuh e aw…
A fapa Vuttaia hi ‘Vutdul’an tih khum a,Chhim leh Hmar indo lo chhuahna chhan kha a ni maw kha?
Report this comment
July 2nd, 2010 at 3:39 pm
post tha tak ani, a hming bak engmah ka lo la hre ve ngai lova! an lungphun a milem saw,a hun lai a an ziah nge ni ang a, a hnu a, a fate ziah le??
Report this comment
July 2nd, 2010 at 3:57 pm
@Danu chhim lam lal hausa chu ka ring chiah lo…an thlahte an hausa lo hlom ang reng e mai lolzzz …ka ngaihdan mai mai
Report this comment
July 2nd, 2010 at 4:00 pm
Fonz…a hun lai kha chuan eiruk tur a la awm lova, a hausak theih tak2 loh….lolzzzzzz
Report this comment
July 2nd, 2010 at 4:09 pm
Zau lehzuala chhuiah a va itawm, a ngaihnawm hle mai! Picture lah a hluin a bengvarthlak. Lungphun chunga hruipui inzam khi ka ngaithei lo!
Report this comment
July 2nd, 2010 at 4:23 pm
Pix No. 2 khi a ropui dangdai riau.
Mizo zingah Sailo chauh hi Lal an ni lo va, mahse, Sailo ho hi Lal dan an thiam a, an khua leh tuite hian an ngaina viau zel. Tun thleng pawh hian an induh lurh zel a nia.
Report this comment
July 2nd, 2010 at 4:43 pm
Post tha tak a ni e. Ka la tlawh ve lo…
Report this comment
July 2nd, 2010 at 5:22 pm
Lal ropui a ni e.
British lal ho ai a hniam zawkna a nei lo. Chuvangin Saptawnga han sawi dawn chuan, “Great Chief” ni lovin “Great King” tih zawk tur ani.
Report this comment
July 2nd, 2010 at 5:44 pm
Va post thra vele
Report this comment
July 2nd, 2010 at 6:30 pm
“Thlanrawt rawt” ni lovin “Thlanrawn rawt” a ni zawk ang.
“Thlanrawn or Thlan Rawn” khua khi Chin Hills ah Falam leh Halkha inkarah a awm a, tumhmaa khua lian tak leh ropui a ni a, Sailo lalte nen an lo indo nasa thrin.
Report this comment
July 2nd, 2010 at 6:43 pm
Hmuifangah Lallianvunga hmun a awm. Fa a nei thei lo a, a pem ta daih a ni awm e.
Report this comment
July 2nd, 2010 at 7:21 pm
Avan bengvarthlak ve.
Hreichuk daiah khuan ka tam chawl tawh. Lunglen lam atang pawn ahla lo;kawng erawh atha lemlo mai thei.
Report this comment
July 2nd, 2010 at 7:22 pm
seki, tam chhawl ve thei hmel pawh i put loh loh nen hairehai
Hnim vel ei thuai mai tur alawm, rannung hmuh ang ang te.
Report this comment
July 2nd, 2010 at 8:13 pm
SAILO thlahte hi peng thum (three branches of Sailo generations) ah an inthren a, he lungphunah Lallula hi “Sailo lal thlahtu” an han ti ringawt hi chu a dik hlel deuh e a! Kan hriatfiah nan kan tarlang teh ang:
Sailo(va’n) fapa 3 a nei. An upat ang zel a indawtin:
1. Chungnunga
2. Chenkuala.
3. Lianlula (Brig. T. Sailo te hi Lianlula branch an ni).
Chenkuala leh Lianlula thlah te chu chhui rih lo ila, Chungnunga thlahte chhui ta zawk ila.
Chungnunga’n fapa pali a nei. An upat dan a indawtin:
1. Lalhluma
2. Rohnaa
3. Lalchera
4. Thangphunga
Lalhluma leh Lalchera leh Thangphunga thlahte chhui rih lo mai ila,
Rohna-a fapa pakhat a nei. A hming chu Lallula a lo ni.
Lallula’n fapa 4 a nei.
1. Lalpuiliana
2. Lallianvunga
3. Mangpawrha (Manga tih a mawi zawk avangin a thlah ten Manga thlah ka ni an ti ta mai zawk).
4. Vuttaia (Vuta hi mi thikthu chhia leh ho te a thinur ching (sensitive tak)ni in an sawi. A hming hi a zahpui avangin “Taia” tih a duh lo bur mai a, Vuta ti a ko turin a ti thrin an ti. Vuttaia ti a ko chu a sual duh mai zel an ti. Chhim lam mi thenkhatin ngai pawisa lo in, Vutaia tih mai pawh duh tawk lovin, “Vutdul” an lo tih phei chuan a haw ta em em mai a, Chhim leh hmar indo a chhuak ta niin an sawi hi a dik chiah em tih fiahna ka nei lo. A dik pawh a dik ta ve ang.
Sawi sei tawh lo mai teh ang. Zawhna i neih leh
V-a_USA@hotmail.com ah min rawn chhang dawn nia.
Report this comment
July 2nd, 2010 at 8:22 pm
Pu Hv, Mei Guo ren nive ila chuan a zia deuh mai thei !
Tamchawl e tilovin sekhupthur kan ei a;fuh lo khawp mai!
Report this comment
July 2nd, 2010 at 8:25 pm
seki, Zhong guo ren inti thei chin, Zhong wen chuan tamchhawl dawn a eitur dap pawh i hrelo a ni maw hairehai survival lamah va fail awm ve a hehehehe
Tamchhawl a mautuai hel ei pawh hi phak tha khawp mai, ka tawng ve tawh tho ania :lol: fiamthu thu hle hlu
Report this comment
July 2nd, 2010 at 9:36 pm
Lallula thlah ka lo ni reng a nih chu
Report this comment
July 2nd, 2010 at 9:45 pm
A bengvarthlak hle mai, thlalak a hmuhnawm bawk si. Thlahtu lam hi in lo hriat hlawm hi le
Report this comment
July 2nd, 2010 at 11:17 pm
RDAC an a sawi dik, Thlanrawt rawt nilovin Thlanrawn rawt a ni zawk e. thlah tih lam chu ka hre vak lova, mahse chhim lam ah hian lal ropui tak tak an tam mai.Pawi lal Dokulha chu sap ho khan an man a,Andaman & Nicobar island ah an tan tir a, a tan hun bi a kim a a chhuah dawn chuan, kut hul phiang a han chhuah chu a…… tiin tanin vengtu pakhat kha a han that leh rih a, tanin ah bul a tan tha leh a a dam in a chhuah hun tur a tlin ta lova, a thi ta a ni. Amah hriat reng nan lawngtlai ah Dokulha Hall ropui tak an sa nghe nghe.
Report this comment
July 3rd, 2010 at 12:52 am
Ziahlung nge Ziallung etc. Chiang deuh a min chhang thei in awm em aw?
Report this comment
July 3rd, 2010 at 1:05 am
#29 Diktea_Pa, anmahni Biate-ho chuan Zialung an ti a (mimala ka zawh bakah Zialung Community Hall an neih khi) chu aia hre hlui leh conservative inti deuh chuan Zia’lung = Ziahlung an ti thung (mind the apostrophe)
Report this comment
July 3rd, 2010 at 1:29 am
@Ku Muang Zia’lung leh Ziallung pawh a hrang deuh lo maw?
Report this comment
July 3rd, 2010 at 1:42 am
Chhim lam Lal ropuite- Chinzah Lal Dokulha, Lalburha mahni leidote buh leh bal ring thei, a pasaltha pawh Khuangchera mantu Lamsuaka, Denlung Lal ropui Vandula, Ropuiliani pasal – Heng ho ringawt pawh hi an ropui e!
Report this comment
July 3rd, 2010 at 7:14 am
@bucko#28-na:
(kut hul phiang a han chhuah chu a…… tiin tanin vengtu pakhat kha a han that leh rih a)
Pu Nikuala, Tualte lal ni zawk in ka hria.
Report this comment
July 3rd, 2010 at 7:41 am
Lallula khan, Thlanrawn lalpa Thanchhuma kha a man a, (Rorehlova pawh a tangkai hle) – Thlanrawn rawt a an hla phuah:
Thlanrawn Thanchhuma lian e,
Zo khuaah um ang thu e;
Darkhanliana aw e.
I lal lua e, Phunthanga,
Khua tinah chhiah i lawr e;
Sat mai zela aw e.
Phunthangan saingho a ngen e,
Thangchhuman kawlpui bun e;
Miau miau tak a aw e.
Report this comment
July 3rd, 2010 at 7:53 am
Tuipui (lui) ral lama Lal lungphun, 1933 a an phun ve tho kan upload ve nge. “In lam leh ram lamah thang a chhuah. Ral 2 a that. Sakei 19 a ai.” tih hi a hrechiang deuh ten han hrilhfiah teh u khai.
https://img200.imageshack.us/im.....ngphun.jpg
Report this comment
July 3rd, 2010 at 8:13 am
Buanhmun pai ang pawm tawh hnu,
Chengteah lam ang kan let e;
Lalpuithang lem a in ti vei maw, Vutdul?
Report this comment
July 3rd, 2010 at 8:19 am
35
ZerO # I va ti tha ve…lungphun hlu ve tak a ni, Hualngo ho tan a ni bik lehzual ang.
Report this comment
July 3rd, 2010 at 12:06 pm
Lallula fa Vuta thlan rullam tuna an khaw chhim hreatah khian a awm a thla pawh kala mahse ka hmu mai lo han tar turin.
Sailo Lal te an borala ruang an sawngbawl dan leh an dahthrat dan hre ril deuhin han thawh keuh teh u
Report this comment
July 4th, 2010 at 4:36 am
Zero #35:
Khuangleng khaw sattu leh Lal Vaihleia lung niin ka hria a, kum 10 vel kaltaah khan a hmunah ka hmu ve tawh a. Thlalak i ron tarchhuak hi a lawmawm hle mai.
In lam thangchhuah chu ‘Se (sial) chhun tawh, chawn leh lam ti famkim tawh hnuah khuang an chawi chuan chu khuangchawi pa chu In lam thangchhuah or ‘thangchhuah pa’ a ni a, thangchhuah puan sin in thangchhuah diar a khim thei.
Sa hrang chi 3, Sakei, Sahngal leh Rulngan that (kap) chu ram lam thangchhuah an ti ve thung niin ka hria. (Savawm hi sahrang ah an chhiar tel lo a)
Report this comment
July 5th, 2010 at 9:52 am
mzvision #38
Sailo Lal te ruang an sawngbawl dan hi sawi tur tam tak a awm e. Kuang Ur tih kha a ni a, a hautakin neinung nih a ngai khawp mai. Khawtlangin an buaipui a ngai bawk. An ruh an ur filh vek a, a ruh chauh an la a, an dah tha thin. An pemna hmunah te an keng zel bawk. thla 2/3 vel a ngai. A hranpa a sawi chi a ni e. Aizawl Museum-ah hian Kuang Urna kuang an dah hi.
He post-a Thanrawt rawt tih hi ziah sual a ni e, Thlanrawn rawt tih zawk tur a ni e.
Report this comment
July 5th, 2010 at 10:36 am
@malsawmliana
Ani ngawt mai a bu a ziak tham a tlin ka ring. I mi chhanna tawite pawh hian thu tamtak min hrilh tho tho ka lawme
Report this comment