Mizote hian nupui pasal kan inneih hian mipa chuan a nupui nu leh pa chu a pizawn leh puzawn te an ni a, ‘ka pi/ ka pu’ tiin an ko thrin. Hmeichhia erawh chuan a pasal nu leh pa chu ‘ka nu/ ka pa’ tiin a ko thrin bawk.
Tunlaiah hian Mizo mipa tam takin an pizawn leh puzawn te hi ‘ka nu/ ka pa’ tiin an ko ta fo mai. Hei hi thil dik lo tak niin rual u zawk te chuan an sawi. Dik pawh a dik ngei ang.
Mahse mipa tam takin an pi/puzawn tia an kohna chhan hi engemaw zat sawi tur a awmin a lang. Chungte chu han thlir thuak thuak ila:
1) Koh dan tur reng a ni emaw tih vanga ko an awm.
2) Chhumbul leh baihvai deuhten an pi/puzawn te chu nu leh pa belha an belh avangin ‘ka nu/pa’ tiin an ko.
3) Pi/Puzawn ten ka nu/pa tia koh an phut/beisei tlat vang.
4 Hmeichhia (Nupui) ten mipa nu leh pa te chu ‘ka nu/pa’ tia an koh vangin nupui chuan a hringtu nu leh pa chu a pasalte chuan ka nu/pa tia ko ve tura an phut tlat vang.
Chutichuan, pizawn/puzawn te chu ‘ka pi/pu’ tia koh tur a nih laiin ka nu/pa’ ti ta duam duam hi Mizo mipa zingah an pung zel si a. Hei hi thil pawi tak a niin i hria em? Ka Pi/Pu nge ka Nu/Pa tia koh i duh zawk le tih kei misual hian ka zawt a che.
July 15th, 2010 at 6:38 am
Tulum lut te pawh kan ang ta hlawm e :lol:
Heihi lo ngaithla teh u
https://www.youtube.com/watch?v=lnbaECDo978
Report this comment
July 15th, 2010 at 6:40 am
@H.Vangchhia, mizo hi chu hnampui kanla nilo. chuvang chuan kan lehkha lamah hian kan fimkhur tur ani. a diklova kan hriat chu kan siam tha ang. nakin hun zel tur atan kan inbuatsaih tur a ni. Tunlaia hnampui deuh deuha kan hriat te hi an lehkha thu leh hla an fimkhur thin vangin tunah khawvela hriat hnam changkan a ni hlawm thei chauh a sin. Lehkha lamah an changkan avang zawkin an ram a changkangin leh an fing hlawm bawk. chu chu a bul ber a ni e. Tin, mizo tawng hi a hausakloh zia chu thil nung zawng (animals) hming a tam zawk ringawt pawh hi kohdan kan neilo chu a nia. tin thingkung leh pangpar a tam zawk pawh hi kohdan tur hming kan neilo chu a nia. chuti chungchuan tawng hausa kan inti ngam mai hi chu a mak a ni. Kan tawng a nalhin leh a mawi chuan hnamdang ngaihsan kan hlawh dawn tih hi a chiang a ni. Kan tawng hi a ho lutuk chuan hnamdangin rawn thiam chakna an neihloh phah dawn a ni.
Report this comment
July 15th, 2010 at 6:47 am
laysia, ni e, i dik lohna siam that kan tum a, i Tangkawng tan vei nghel a nih kha
Ka hla dah khi lo ngaithla teh
Report this comment
July 15th, 2010 at 8:01 am
Thuziak hrang hrang en khian Laysia hian Mizo tawng hi a thiam tha lo tih a hriat a thuziak kalphung atang khian a hriat a ni. Chutiang khawpa Mizo Tawng thiam tha lo chuan Mizo hnam dan: customs, conventions and mores lamah chuan rawn tlak a ni lo ang. Chuvangin, a thak thakin lo thak mawlh teh se.
Mizo Tawng hausakzia a hriat hunah leh thil hming hrang hrang kohna kan ngahzia te a hriat hunah chuan naupan that leha Mizo Tawng zir that leh a chak ngawt ta ve ang.
Pizawn leh Puzawn te hi Ka Pi/Ka Pu mai tur. Chu bak chu kawng dang a awm lo. Ka Nu/Pa lo ti in awm a nih pawhin koh dan thlak a ngai hran lo e, in lo ko ve tawh laklawh si a. Mahse, in chhuan kal zelte erawh hnenah thudik hrilh hi in sakhua tluka pawimawhah in ngai dawn nia aw.
Report this comment
July 15th, 2010 at 9:10 am
Mizoram rau rauah pawh hian in koh dan hi a dang a dang ve bawk a sin. “Kan pi pute tih dan” tia 100%-a chiang khawp misual zingah hian kan awm meuh em le? Tin, mahni pizawn/puzawnte ka nu/ka pa tia kote hian (keimah telin) “ka nu, ka pa kan ti nem duai chuang lo a nia!
Tin, Nite pasal hi hmar lamah hian ‘pa’ angin kan ko tlangpuiin ka hria a, chhim lamah erawh chuan kan ‘pu” thin! Kha daih kha a sin!
Report this comment
July 15th, 2010 at 11:30 am
Pu @Lersia, @Hv a, @Kawlhawk, @Saitawk@lushai_er@Olderly…. In thu leh hla ka chhiar chhuak vek, Tawngkam hman rum chang deuh nei mah ula in sawi leh in thu hriat te a va han ril the lul vele. Mizo tawng thi mai tur in lo chawm nung hram hram a, kei pawn (hemi chungchang ah kherlo pawh) Zofa te muthlumek thanharh na kawngah ke ka cheh that leh na ni hial ah ka ngai che u. in awm ve tek tek chhung chuan Zoram in kan hnam ro hlu leh kalphung / tih dan than te, in kaihruai na hnuai ah kan la chhawm nung zel ang tih kei naupang hian ka tiam a che u.
@D_auachwgthu @muantea @hlatekhua @Mr.@ zuala12@taia-pa @laysia, @keimah, inhnial in thiam a, in tang laklawh mai mai tih chu a lang reng in ka hria. In tan na hi dik leh tha ni a in hre tak tak anih chuan Pu @Lersian #234 a a cho na che u khi in lo chhang turah ka ngai. Inhming diktak hmang khian Mizoram chanchinbu lar Vanglaini, Aizawl post etc ah han ziak ula Zoram mipui in kan en dan che u lo ngaithla ang che u. Tin, mualpho in hlau a, in ti ngam lo a nih pawn mipui ngaihdan in hriat theih nan Zonet fakselna number 9436360077 ah hian in ngaihdan chu (hmingthup in) rawn thawn ta che u. :lawm takin:
Report this comment
July 15th, 2010 at 12:47 pm
Lersia, 234-a i sawi ang deuh khian Zofate leh hnam humhalh kawngah a bilha tho lo takzet ka niin ka inhria. Thil dangah pawh tangkaina ka neih awm ka hre mang lo. Ka thil hriat ve chhun te lah chu mi sawi ka hriat chhawn mai mai vek a nia, original a awm bar lo lehnghal. H.Vangchhia-in (#200) mi tih ang khian ‘chhan tlak ka ni lo’ tak tak a nia.
Chuvangin i mi chona hi zahawm hle mah se cho tlak loh leh cho tham loh mi cho a ni e. Amaherawhchu he kan thu khel hi chanchinbu leh magazine-ah te nangmah ngei hian han vawrh chhuak ta la, mi thil hria leh tawngkam thiam, ngaihdan ngaihnawm leh bengvarthlak tak tak rawn thlawh chhuak thei te i cho chhuak teuh maithei asin. Bul han tan mah teh.
Report this comment
July 15th, 2010 at 1:09 pm
He lam chu “ka chi leh kuang” ho an lo thleng a, awm loh hlanin in lo hot hle mai a….
@hlatekhua leh muantea ngaihdan hi ngaihdan awm ang leh tunlai thangtharte rilrem zawng tak a ni. KTP/TKP velah hruaitu in ni thin hial lo maw? Inneihni a mike hmang a mipui hma a a inneite “Ka nu, ka pa” tih tir lauh lauh tute zing a mi in lo nih pawn in thiam awm. Ka dem miah lo che u! Nangmahni’n tha leh in hmeh zawk a in ngaih ang khan lo hmang chhunzawm zel u la, mimal zalenna a lawm….Mahse hnunglamah kan nuih tet tet ang che u! Ka nu, ka pa in tih avang khan in tlawnna a ni lo tih kan pawm pui che u a nia. Mahni in chawm zo tak in ni tih pawh kan ring.
Kan ngaihdan ang hian tha viauin lang mahse “Pizawn/Puzawn” koh dan hi chu hmanlai pi leh pute hman thin leh tun thlenga mi vantlang koh thin dan “Ka Pi/Ka Pu” tih hi misual jr. zawkte’n i hmang zel ang u tih hi ka chah duh che u a ni e, ka lawm e.
Report this comment
July 15th, 2010 at 1:35 pm
kan trawng hi ala naupan pan nen hian engemaw hlek ah kan inhnial vak vak zela, a felfai chiahlo chu aniang. hehehe
Trawng upa leh complicate lutuk Sanskrit ang tehi han nei phei ila chuan hmasawn hman leklo hian kan inhnial kan inhnial maithei ni
Report this comment
July 15th, 2010 at 2:06 pm
lushai_er chu ti khan mi ti ngawt a…KTP/TKP hruaitu han ni tlak awkawng ka ni ngai lo a nia. Tha zawk leh mawi zawk nia ka ngaih, thiam lo takin ka sawi ve chiam chiam ringawt a ni. Midangte ti ve tura phut emaw, tih luihtir emaw te phei chu ka tum lem lo khawp. Min hmuin min hria la chuan hnung lam atang mai ni lovin hma lam atang ngei pawhin min nuih vak vakin ka ring!!
Report this comment
July 15th, 2010 at 2:24 pm
Kan Mizo hnam Dan chungthu sawi nana mi thenkhat tawng inti thiam viau anga lang ten kan hman uar tak “Dan leh dun” kan tih fo fahran thin hi a a bulbal lam hrechiang zawk inti ten he thu hmandan hi a dik love tiin,”Dan leh hrai” tih zawk tur a ni an tih thu hi val upa ho sawi ka hre fo tawh thin.Kei hian sawi tawh angin Puzawn hi ka nei ve tawh lova(a boral tawh avangin)Chutichuan Pizawn nu fel tak mai hi ka nei a,keimah min hringtu nu hi ka nei tawhlo bawk nen(a boral tawh vang bawkin) tuna ka pizawn hi lungsi takin “Ka nu” ka ti mai thin.Thenkhat hi chu pizawn te “Ka pi” ti a ko duh eltiang pawhin koh mai tur in nei mumal miahlo tih chiang taka ka hriatpui che u avangin lo phul liam mai ta mah ula ka hrethiam lutuk mah mah che u a nia,lung lovah lo la duh reng reng suh u.
Report this comment
July 15th, 2010 at 3:20 pm
@hlatekhua i tawng kauchheh leh i thu vuak thlak ka chhiar hian i tan na hi chu dik i tih bik ka ring theilo a ni. E khai… kei teh lul hian i ziah hmasak loh te chuan bul ka tan ngam ngut dawn em maw ni le… @zuala12 i koh ngai in ko reng rawh. I thil tawn hi thil lungchhiat thlak tak a ni a, ka hriat thiam pui a che. Amaherawhchu, i fa te i zirtir na ah tal chuan a dik a zirtir i tum hram hram dawn nia.
@Traquish i mi fak na hi kei a tan chuan damchhung ro a tling hial awm e… nangmah hian a ni e tan min pe tu zawk chu… Kan thian te hi mi thiam tak tak an nuna harsatna eng emaw an tawh avanga Ka nu/Pa ti ta te an nih hmel a, an thin khei zawng tak phei chuan tihloh a tha ka va han ti em, an rilru te kan ti na thei a, kei pawh ka duh ai in tawngkam ka lo hmang hraw hman hial a ni.
Report this comment
July 15th, 2010 at 4:04 pm
@Pu Lersia kan ngei lutuk a kan han ti mai mai a nih kha. Tin Traquish hi mi 1 a ni lo auh… He hming hi kan in tawm e o. Kan thian te Mizoram a awm ten Zonet an chang far tawh mai. Chanchin kan hre chak bawn tawp. Zan in ah an SMS thawn te kan hmu hman a ngem le?
Report this comment
July 16th, 2010 at 2:24 am
ka ngaih ve dan chuan Pu zawn te nen a in inkungkaihna a thuk leh thuk loh ah ka ngai, kan chhungkua ah chuan ka pi ka pu an ti miah lo, nu leh pa ten kan fate tho in nia a ngai kher lo e an ti mai a, in pawh tak a in koh kha a tha maiin ka hria, mahse mizopa in ti pa leh lutuk ho hi chuan an duh vak chuan ka hre lo,in hriat thiamna ko tlang a awm mai a tha zawk in ka hria.
HV hei hi ka ngaih dan a ni e.
Report this comment
July 16th, 2010 at 11:01 am
@262 Lersia,hriatthiamna thuk tak vangin lawmthu ka sawi e,i mi fuihna hi ka lo hre reng dawn nia. @263Traquish…Zonet Cable TV hi in lo thlir thin a nih chuan Zonet cable ten Programme pakhat an tihchhuah FAKSELNA hi he ka nick Zuala12@yahoo.com hmang hian ka lo al ve nual tawh thin a, ‘marawh tun hnaite khan ka thawnna hmanrua ber e-mail hi anni Zonet lam hian an welcome ta meuh lova,ngawih ka chuh ta mai mai rih a nih hi.Pizawn/puzawn chungthu a ngaihdan mumal han thawh leh pawh a chakawm narawh e.Mase ka sawi tawh ang deuh khan kei zawng e-mail hmang lo chuan SMS hi ka chhu peih ngang lo va,thlarau thawh dan a zir te pawh a la ni mahna.
Report this comment
July 16th, 2010 at 2:27 pm
@zuala12: Phakar em mai. I true id hriat i hlauh vangin e-mail atangin i thawn a ni zawk mai lo maw?
Report this comment