Pizawn/Puzawn koh dan hi

June 28th, 2011 9:30 pm by dawntliang

Mo chuan a pasala nu leh pate hi ‘Ka nu/ka pa’ tiin a pasalin a koh dan ang angin a ko ve nghal mai a. Chutiang zelin a pasala chhungte dang dang pawh a pasalin a koh dan ang angin a ko mai tur a ni. Mipa ve thung chuan kan nupui nu leh pate hi a tam zawk chuan ‘Ka pi/ka pu’ tiin kan ko thung a, a then chuan ‘Ka nu/ka pa’ tiin an ko bawk. Pi leh pu anga kan kohna chhan hi Pizawn/Puzawn an nih vang a ni ngei ang.

Nupuite nu leh pa ‘Ka nu/ka pa’ tia kote hi ‘Ka pi/ka pu’ tia kote hian an dahhniam deuh va, thaibawih chan an chantir deuh niin a lang a, pa lo riau anga hriate pawh an awm hlawm. A tak tak ramah erawh tunge patling zawk tih erawh hriat a ni lo.

Ka thil hriat pakhat ka han sawi mai mai duh chu nupuia nu leh pa koh dan chungchangah hian mi pakhat, pa senior ve tawh takin a sawi dan chuan kan nupuite nu leh pa hi kan pi leh pu an ni lo a ti ve tlat. Mihring puitling kan lo nihin fa kan neih ve theihnan kawppui kan zawn hmuh a ngai a, chutia kan kawppui tur leh fanau kan neihna tur kan zawnna kawngah chuan kan fate tan pi leh pu tur kan zawn sak a.

Chu chu pizawn/puzawn lo chhuahna bul chu a ni. Tichuan fate tana pi leh pu tur kan zawn hmuh sak chu fate koh anga koh ve mai a rem lo, kan nu leh pa ve tur tho an ni. ‘Ka nu/ka pa’ tia koh hi hreh tur a ni lo va, thaibawihna lah a ni hek lo, thil nihphung dik tak zawk a ni a, kan inzawmna leh inngainatna pawh a thuk duh zawk, tiin a sawi.

Ka ngaihtuah chiang a, a ni mai awm mang tak e, ka ti deuh va. Eng nge kan ngaihdan ni hlawm le? Hre thuk leh hre hla deuhte kan awm em? Kan nupui chhungte hi an nu leh pa tih chauh lo hi chu an koh dan ang angin kan ko vek ve tho bawk a, ‘Ka nu/ka pa’ tia koh ve mai hi tlawma laka hreh deuh fun chi a ni em?

‘A ni mai awm mang tak e’ tih ka ziah avang hian ‘pa’ ta lo riau anga min rawn puh phet tum lo ula, ka intlawhkhalh lawk e.

103 Responses to “Pizawn/Puzawn koh dan hi”

1
roseparvul Says:
June 28th, 2011 at 9:35 pm
Farst
2
true ^mizo^Boy Says:
June 28th, 2011 at 9:35 pm
tran ang u lemmmm…
3
true ^mizo^Boy Says:
June 28th, 2011 at 9:36 pm
kan 2nd chu leee,poi lutuuukkkkk 😛
4
hmingtea Says:
June 28th, 2011 at 9:39 pm
Pi Zawn pu zawn ti na na na na na ka nu ka pa ti ho hi chu double over em em trible thaibawi ngawih ngawih an ti deuh in ka hre thawi chiang tawh mai.

A post tu pawh hi a thai nge a bawithai zawk ang te ka ti mai mai.

thaibawilo over ka ni tawp.
5
true ^mizo^Boy Says:
June 28th, 2011 at 9:39 pm
dawntliang chu pa lo veeee 😀

kei chu ka la zawng hmu lo deuh,a hmu toh te ho khan han soi pap2 teh u,ka hriat ve dan chuan nupui te nu/pa hi kan pi/pu thin,a lo chhuahna lam ka hrelo va,kan mizo dan ni erawh chuan ka hria.

nupui ka neih ve hun chuan a nu/pa te chu PA tak in,”ka pi/ka pu.” ka ti ang.hahahaaa
6
muansakhi Says:
June 28th, 2011 at 9:43 pm
Ka thianpa pi/puzawnte chuan ‘ka nu/ka pa’ tih an beisei a, anin a lo harsat ve si. Mahse a nupui nau mipa in nupui an nei ve chu le, “‘ka nu/pa’ tih chu a pa lo” an ti leh chul asin le. Nupui hmu ve ila chuan ka mawl biak ang.
7
Ozima Says:
June 28th, 2011 at 9:46 pm
Hei hi hman deuhah kan sawi tawh em kha? Mahni koh dikloh vanga thiamchan tum ran a han hrilhfiah tak mai chuh! @muantea mi kha aw ka nu/ka pa ti a ko bawk kha. Duh leh ka nu/ka pa ti ula koh dan dik erawh ka pi/ka pu tih a ni e.
8
Saitawk Says:
June 28th, 2011 at 9:48 pm
Post chhiar hma in… hman ah tiang post a awm tawh kha mawle, similar Post ah khian ka hmulo tawp mai.

Ka pizawn hi ‘Pi Mate’ tiin ka ko. (Y)
9
SeynMizo Says:
June 28th, 2011 at 9:48 pm
Engang pawhin KO ila a pawi lemlo ka ti. “Ka nu, ka pa” tite thaibawihna a awm lemlo a, “Ka pi, ka pu” ti thinten Mizo dan a zawm bikna pawh a awm chuanglo. PIZAWN, PUZAWN an ni tih hi kan Mizo dan neih chu ani mai. Akoh lam chu mahni duh dan ka ti mai.
10
H.Vangchhia Says:
June 28th, 2011 at 9:50 pm
Zohnahthlak/Mizo te hian hnamdang ang bawkin tihdan bik, culture & tradition kan nei. Kan nupuia nu leh pa te hi kan PI LEH PU te an ni e.

I pi leh i pu annih vangin, i pa nu emaw i pa pa emaw anni tihna a ni chuanglo. I nu unaupa pawh i pu tho a ni a, i nu pa tihna a ni chuang heklo. Lu kan mehin kan lu kan tan lo, kan sam an hlep daih a ni, a meh pawh kan met heklo. Hming/kohdan/in address dan a awm hrang ve ngai e.

Ni mai awm tak hi a nilo fo reng asin.

Thinlung ti changelhmun tak tak hi kan la tam ania :-S
11
bucko Says:
June 28th, 2011 at 9:53 pm
#6… a dik duh hmel hle mai…. mi chuan ka nu/ka pa tiin min ko sela, tih kan duh a, mahni chuan nupuite nu leh pa chu ka nu/ka pa tia koh chu kan duh leh der silo.. ha ha ha…
#7.. Mahni koh dikloh vanga thiamchan……. Hei pawh dik tak a ni. Pi zawn/Pu zawn nina na na ka nu/ka pa ti a koh tlat chu a dik lo ani. Nu zawn lah pa zawn te chu ka nu/ ka pa tia koh tur a ni. Hei hi a bik takin mizoram hmar lam a awm ten ka nu/ka pa tiin an ko tam a, chhim lama awm ten ka pi/ka pu tiin kan ko tam, a chiang e….. Ka pi/ ka pu tia koh hi a dik zawk bawk e….. 😀 😛
12
roseparvul Says:
June 28th, 2011 at 9:55 pm
10 (Y)
13
A mak eee Says:
June 28th, 2011 at 9:56 pm
pi zawn/pu zawn tih lo chhuah dan i sawi hi a dik anih chuan pa takin ka nu ka pa chu kan ti mai ta lawng… duat pawh kan hlawh zawk ang chu!!
14
vakul Says:
June 28th, 2011 at 10:01 pm
Mi dang koh dan leh hnam dan chu ka sawi lo kei chu a hma zawnga ka koh danin ka ko tawp mai. A nel lah kan innel. Kan buai lo duh khawp.

‘marawhchu tradition-ah chuan pi/pu chu a nia lawm.

Mahse(ti cheu teh ang), nu/pa tia lo ko pawh ka dem hran lo. Anmahni lama inhnaih zawka an inhriat phawt chuan a hlu zawk a ni mai. Mi dang koh dan atan judgement ka siam lem lo.
15
zodaifim Says:
June 28th, 2011 at 10:02 pm
Post tha khop mai.Tunlai chhanah chuan nu leh pa tiin an koh zawk tlangpui zel tawh a makpa te pawn chubakah an pu zawnte mipa in engtinnge ka koh ang che tia zawt ho atam zawk ah hian ka pa tia min koh theih chuan alawmawm ngawt ang an tiin an duh zawk zel a.A dan tur emaw pawh nise ka pu tiin chu nupui te nu leh pa hi ka pu tii akoh ngei2 tur tih ani lemlo bawk a an duh ang ka pa/nu tih chu atha in an lawm daih zawk mi lomna siam bakah i tlatlum sawt bawk ang makpa pui rau2 ah poh ka pa/nu i tia i koh seuh2 bik laia i makpa puive thovin ka pu atih tawp ai chuan..
Ka pu/pi tih hi chu mizo zingah phei chuan mi zawng2 in an koh ve thei vek a,i special bikna awm lo em mai. 😀 .Tin,Manipur lam unaute zohnahthlak ho phei chuan nu awm leh pa awmte pi leh pu awmte pawh an vawikhat hmuh na ah pawh an koh nghal veka an in koh dan ani miau chuvangin fel tih pawh nu leh pa upa lam atang pon mizorama zofate ai chuan an la hloh leh chhawnga,,,hemi anih avang hian i nu leh i pa poh ka nu ka pa tiin an loh koh puive mai theih che avangin feeling tak in mizo tribal in koh dan ngeiin”A nu’a pa tiin ko la midangin hei chu an tawm miah che ka ring lo…eng kuki/thahdo hnam pon .. (Y) (Y)
16
Asteric™ Says:
June 28th, 2011 at 10:04 pm
Pi zawn/Pu zawn tih hi fa te pi/pu tur tihna nilo in keimahni pi/pu tur kan zawn (search) tihna zawk ani lo maw. :-S
17
Ozima Says:
June 28th, 2011 at 10:05 pm
Mi chhungkaw thu hla va sawi ve vak thu awm hek suh. Sawn, a pi leh pu te chawi len pawh hian ka nu ka pa tiin an ko zui mai duh viau, an chhungkaw inkoh dan a ni mai a, an relationship erawh pi/pu tih tur a ni. Chutiang chiah chu tun a kan thu khel hi niin ka hria.
18
ninja Says:
June 28th, 2011 at 10:05 pm
Kan nu nu hian ‘ka nu’ ti a koh a phut tlat a, kan lawm tlanna a nih chuan a tha a lawm ka ti a. Mahse ka koh tlem phah!
19
XaiA Says:
June 28th, 2011 at 10:06 pm
Sawi dan hi a dang a dang a,han tichiang teh u,nupui neih ve hunah kohdan tur kan hriat nan 🙂
20
zodaifim Says:
June 28th, 2011 at 10:06 pm
Tin,engkim hi kan hun tawng mek kal chho a kan siam rem pawh apoimoh a dik zawk kan hriat reng chuan h.v. sawi ang chi te poh khi tihdan ni mahsela a dik lohna na na chuan siamthat mai tur 😛 .Tin,hmanlai tawng anih vang ringawta diklo thingha tihte poh hi thik ahak theih loh..kawr an ha thin ..Hetiang zelin,,tawngkam dik leh tluang kan la zawng thei in kan la siam thei reng ani hnam thang tan tir kan nih angeiin..
21
roseparvul Says:
June 28th, 2011 at 10:08 pm
In thu khel chu a va ‘pa’ ve :-[ :-[ MHIP lam chu tawmbo daih chi :-[ :-[
22
saint sammoo Says:
June 28th, 2011 at 10:10 pm
kei chu ka puzawn hi kapa tiin ko palh vaih ila chu.. DUAT chu sawi loh makpa atangin min ban duh ang.
23
Fanai Metal Says:
June 28th, 2011 at 10:13 pm
Hmanah tiang ang deuh hi post anih tawh kha mawle….Ka thianpa chuan Pizawn/Puzawn te koh chu pa lo riauin a ngaia tun thlengin(Kum10 hnuah) a la ko lo.Ka PiPu tih emaw Ka Nu/Pa tih emaw ai chuan koh loh law law mai hi kei chu ka ngaih dan ani. 🙁
24
H.Vangchhia Says:
June 28th, 2011 at 10:13 pm
#10 chhunzawmna angrengin entirna kan pe ang che u.

Ka pu Laldailova (Laldaia) of Kulikawn kha, Khawlhring leh Vangchhia, khawhran atanga Aizawla nupui/pasal rawn nei tur te khan “PA” turin an rawn zawng chhuak thin/fo mai. Ani chuan lo “Aw” in, a fate anni ta a. Pa anga rawn zawngtu te tan khan an “Pazawn” ani ber mai a, an Pa ani ta anih chu. Chutiang, ka pu te lam thlah kal zel ni miah silo (ti mai ang), ni (aunty) leh pa (uncle) ka nei nual mai. Ka pa te nen pawh an in enhrang heklo. Anni pawhin ka pu kha “Ka pazawn” tilo vin, Ka pa tiin an ko reng a ni.

Hnial tum ringawt lo, hriatchian tuma ngaihtuah peih tan chuan heta tang pawh hian a hriatthiam theih tawh ngeiin ka ring.
25
vakul Says:
June 28th, 2011 at 10:13 pm
#20 “mahsela a dik lohna na na chuan siamthat mai tur .Tin,hmanlai tawng anih vang ringawta diklo thingha tihte poh hi thik ahak theih loh..kawr an ha thin ..Hetiang zelin,,tawngkam dik leh tluang kan la zawng thei in kan la siam thei reng ani hnam thang tan tir kan nih angeiin..”

Thing chu hak theih tehlul mai. Rapchunga thing dah hi thing ha tiin an sawi thin e. Literal meaning-in lak tur a ni lo a nia auh.
26
olgo Says:
June 28th, 2011 at 10:14 pm
tharau pathum pakhatah a chhan ang khan nupa(a nu-a pa ) pawh pakhat an ni tak vang in NU leh PA an lo nita a ni chu.fiah mai lo maw.
27
saint sammoo Says:
June 28th, 2011 at 10:14 pm
zodaia chu(h).. Ka pu/ka pi tih chu enge a dik loh em em na om lee.. lol (nui lui hram2)
28
saint sammoo Says:
June 28th, 2011 at 10:19 pm
a nuam dawn tlat.. Ka’n peg leh hlek anga ka rawn chhunzawm ang.
29
H.Vangchhia Says:
June 28th, 2011 at 10:21 pm
Hnam tin ten chin dan bik, culture & tradition kan nei a, chumi chu “A dik duh hmel zawk,” tia interpret danglam tum ngawt thin tur anilo ania. Be proud of your culture…which is unique (Y)

NEP THLAK LUTUK. Lem (fake) viau loh tur… Kan Mizo culture & Tradition neih ve chhun fahrah te te hi, “A dik zawk lovang maw, ti zawk ta ila,” nun ramah hian i cheng fo lo teh ang u. Chhuang takin tih lar, tih thanmawi, zawm tum tu nih fo hi kan intih zahawmna a ni ngai e.
30
Sadbutt Says:
June 28th, 2011 at 10:21 pm
Sawi vak a ngai lo, kan nupui a nu leh pa te chu kan PI LEH PU… chu chu kan hnam tih dan a ni, Ka nu ka pa ti thei in awm chuan chu chu in thu a ni. Hman atanga kan tih dan chu PI leh PU a ni tawp mai. Sawi fiah pawh a ngai lo. Tunlai hian Ka nu ka pa ti an awm ta nual….Kei chu ka ti lo ang.
31
vakul Says:
June 28th, 2011 at 10:21 pm
#25 cont. Khanghu hi an lo ngai lo-an veh. bal hi an tuh ngai lo an ling. La hi an en thung. Mau an phel a, thing an ek. Pal an ping a, huan an hung. Hmarcha an lo ngai lo an mal. vaimim an kek a, maian an sik. Bawkbawn an lo va, Lamkhuang an tuk. Lo an vahin mau leh thing an vat. ka sawi zel duh ang em?
32
khirha Says:
June 28th, 2011 at 10:23 pm
A dik nia ka hriat vangin ka pi / ka pu ti chuan kan ko ve ngawt a, amaherawhchu, an unaute kha ka nupui koh danin Nu / Pa ka hmang leh lawi a.
Pi / Pu hi ka lo hmang laklawh tawh si a, Nu / Pa hi lo hman zawk tur a nih hi a, ka ti deuh.
33
H.Vangchhia Says:
June 28th, 2011 at 10:23 pm
Hetiang ziak a awma, kan comment thu mawlmang lutuk vang hian alawm tunlai kan chhangchhe lutuk hi misual ka ninna thin chu. (N)

Kan nu leh pa te hi ka thiamloh fo mai. Fate kan laiking noneih ngawt zel te pawh anna chen a awm thin. Mizo culture & tradition hi kan theih ang ang kan fate hi kan hrilh ngei ngei tur a ni ringawt.
34
saint sammoo Says:
June 28th, 2011 at 10:23 pm
@zodai-a: anih leh thing chu kan rep dawn mi?
35
Saitawk Says:
June 28th, 2011 at 10:25 pm
Ka Nu/Pa tia ko thinte an tang na zawk hrim hrim ang! 🙂 😀 😛
36
ninja Says:
June 28th, 2011 at 10:25 pm
zodaifim meuh pawhin thing hak dan a hre na nge?
37
Zephyruss Says:
June 28th, 2011 at 10:26 pm
H.Vangchhia # 29– example khian a rawn ti chiang.. kei chu kapu/pi khi a dik zawk in ka hria.

mahse, in duh dan dan in ko rawh u, ka example ve—min hringtu te pawh hi–Kanu/kapa tih ai chuan Anu/Apa tih hian, ka nu leh pa hi an ni bik riau a ka hriat avang in, nang nin pa lo riau a in ngaih pawh dawn lovin, Anu/ Apa ka ti tho tho..Tlangval tawh hnu ah pawh! P– Ka koh ve dan ani miau a– Ka bialnu awmlai pawhin, Anu/Apa ka ti tho tho
38
vakul Says:
June 28th, 2011 at 10:32 pm
Pazawn hi a awm a, nuzawn hi an hman ka la hre lo ti daih teh ang.

Ka nu/ka pa pawh ti duam duam se an tan an nupuia nu leh pate title chu pizawn/puzawn an ni. Kaihtawi nan pi/pu pawh an ti thin. Nu/pa tiin culture-in nihna a pek ka la hre lo.

Sawi leh sawi hnu thangtharte remhriatna chi khat a ni a, a drug addict tawngkam zaih nang a, tha ve tho ti mai ang.
39
saint sammoo Says:
June 28th, 2011 at 10:33 pm
@zodai-a: anih leh thing chu kan rep dawn mi? Sap ho pineapple poh hi, pine awm lo, apple om bok si lo, a hming hi a hmanlai tawh, thlak ang an tih kan hre lem lo.
40
mach3 Says:
June 28th, 2011 at 10:36 pm
Ka pu/pi tih a dik ber, hmeichhe lam chhungte chu, nu te unau mipa poh PUTE kan tih thin hi, kan PATEA ngai lo.
41
bucko Says:
June 28th, 2011 at 10:39 pm
#29 (Y) (Y)
A ko tu on a duh dan anga a koh mai hi a sual lo thei a, mahse a diklo thei a ni…. Pi zawn/pu zawn ni na na na nu/pa ti a koh tlat chu a ko duhtu chuan ko mai sela, mahse mizo dan ah chuan a diklo a ni… tih bak sawi tur ka hre love…… hui ha…. Hey tunlai mite khan kan hriatthiam tho chuan a tawk in ti leh mai dawn em ni…. 😀 (@)
42
Pawngvina Thangthlawl Says:
June 28th, 2011 at 10:46 pm
Hmanah khan kan sawi tawh tiang thu hi chu..
#5 khi makpa atan ka it hle mai..hehehe
keipawh nupui ka nei ve te a nih chuan a nu leh pa chu ka pi ka pu ka ti ang..
Kan makpa pakhat hian ka nu ka pa a ti thrn a 😉 ka zahpui kher mai..
43
saint sammoo Says:
June 28th, 2011 at 10:50 pm
pu HV, nang pawh laiking no neih ti suh. laiking fa neih.
44
vakul Says:
June 28th, 2011 at 10:53 pm
#43 i ti dik. (C)
45
H.Vangchhia Says:
June 28th, 2011 at 10:54 pm
#43, ka sawi sual fuk2 mai anih khi a, Ka lawm lutuk i rawn tidik chu…hetiang te te te hi ania hrelo tan diklo hriatna thalo tak chu.. thang khiu 🙂 (Y)

Hnam thil anih chuan in hrilh fawk2 zel mai tur. Lehlin sual ang maia, ni chiahlo hriat hi kan fa te zel tan a pawi dawn lutuk (Y)
46
hiho Says:
June 28th, 2011 at 10:57 pm
Ka tlangval lai kha chuan Ka Pi Ka Pu side lam tang hi ka nia. (H)
Pi zawn/Pu zawn ten an phut tlat chuan In PI/PU reng a nuam lo khop a nia. Tin ka Bro/sis-in-law te poh hian ka nu leh ka pa hi Ka NU Ka Pa tih in an ko thei tho mai bok.
An mahni sawi nan chuan Ka pi Ka pu tih chu hmang thin mahila, hmaichhana in koh nan hi chuan Ka NU/Pa leh nge nge thin.
47
Asteric™ Says:
June 28th, 2011 at 11:06 pm
Pi zawn/pu zawn te ka nu/ka pa tih chu a pangchang aw zawk viau in alang naa relationship a thuk duh zawk phian lomaw… 😉

Kan nupuia chhungte keini aia an khawsakna a san zawka kan mamawh tam zawk annih phei chuan mipa mi tlawn ching deuh chuan an nu/pa duh mai in ka ring….lolzzz
48
Mawia Pachuau Says:
June 28th, 2011 at 11:09 pm
A nu/a pa tih tur….hahahaha
Pi/pu hi Mizo hnam danah kan inkoh dan a ni. Mi nu leh pa te hi nu leh pa a koh an har duh phian, hetiang vang te pawh hi ni hmiang. Nu/pa a ko/koh duh zawk an awm pawhin a tha tho ah ka ngai e.
Tawk mai se.
49
dingtea Says:
June 28th, 2011 at 11:13 pm
#43 (Y)
50
PKfanai Says:
June 28th, 2011 at 11:17 pm
“Ka pi”, “ka pu”, tiin ka ko a, an theih ang tawk chuan min duat tho. Ka thlak thiam tawh lovang.

51
XaiA Says:
June 28th, 2011 at 11:27 pm
muantea chuan han comment se chu pi/pu tih thin a ningai e a ti ngei ang!
52
H.Vangchhia Says:
June 28th, 2011 at 11:28 pm
Mizo te hi kan va han phunchiar in kan va han chhe ziah zuah thin tak e aw. 😛

Thil tih dan kan neih te chu “Awle” tiin i zawm mai teh ang u. (Y)

Ka pi/ Ka pu tih tur a ni e.
53
Rumtea Says:
June 28th, 2011 at 11:30 pm
Post chiah ka chhiar, ka rawn tlai deuh a, comment pawm mai ang.
Pi zawn chu ‘ka pi’, pu zawn chu ‘ka pu’. Pa zawn chu’ka pa’, chutiang zelin, tunah ding chungin i lo sa ho ang u.
54
zodaifim Says:
June 28th, 2011 at 11:44 pm
Thing chu rapchungah an pho rova chu chu thing ha an ti mai a.A nihna takah sentence dang in tiang khian ha khi i hmang thei toh miah lovang..Kawr erawh chu jacket thleng pon i ha thei vek ang..Tawng bungraw ngahna ani boka han thoh sup2 teh u..Mathematics thiam leh tawng hausa chu a tlukpui nei/ hre tam2 an ti ni lomni chutiangin tawngkam thiam poh a tlukpui ….la la la..
Mizo pi pu dan ah chuan pu zawn chu pu tih ania chutiangin pi zawn chu pi tunlai pi pu dantha poisak vak lem lohna ah hi chuan nupuite nu leh pa chu lo nu leh pa ve ta mai2 ila sual lo viang ang..Ka pu zon duhdan ngeiin ka pa tiin ka ko ve..Mahse keima nu leh pa te nen an om tlan chuan ka koh dan a dang an siat theih nan mahse share lo mai ang chu mizo pi leh pute an”chinzah” an koh dan ngeiin.. 😛
55
kook Says:
June 28th, 2011 at 11:46 pm
Ka fanu pasal (makpa) hian Pa mi ti se ka pawm zawk hmel….. Te ka ti rilru deuh a…..
56
Rumtea Says:
June 28th, 2011 at 11:52 pm
#54 zodaifim, thing hi rapchungah an ha ro thin a ni zawk lo maw, chu chu ‘ha’ tih a ni mai thin.
57
loneeagle26016 Says:
June 29th, 2011 at 12:06 am
Ka nupuia pa chu “Pu Ro’ tiin ka ko ang …..han ti maila chuh…Pu Rova tih hmingpu fanu nei zawn nghal char char ngai dawn ni….. 😛
58
H.Vangchhia Says:
June 29th, 2011 at 12:07 am
Thudik leh chiang sa:

English ————- Mizo

*Father — pa/ka pa
*Mother — nu/ ka nu
*Brother — unaupa, hmeichhe tan nuta
*Sister — farnu, hmeichhe tan laizawn
*Brother-in-law — mipa tan ‘pu’, hmeichhe tan nuta’
*Father-in-law — mipa tan ‘Pu’, hmeichhe tan ‘Na’
*Mother-in-law — mipa tan ‘Pi’, hmeichhe tan ‘Nu’

Hetiang hi Mizo ten kan inkohdan a ni a, dikzawk niawm tak kan rilruah awm mahse, anih loh avangin intih fin chi ani lovang.

Hnam tin chitin hian hnam zia/dan leh dun kan nei theuh. Chutiang hnam chi hrang hrang te hnam kalphung pakhat ani ve mai. “Niawm tak” hi a nih loh thin fo a vangin, ni (it is) hi ni “It is” tih ngam ve mai tur. In tihfinna/intih bengvarna atthlak tak a ni.
59
valtolo Says:
June 29th, 2011 at 12:11 am
Pi/Pu hreh loh mai tur…
60
H.Vangchhia Says:
June 29th, 2011 at 12:16 am
#58 Father-in-law — hmeichhe tan PA 😉 kawreksawn
61
Rumtea Says:
June 29th, 2011 at 12:19 am
ka pi/ka pu ti a kan koh mai loh chuan engtin nge kan koh tak ang. Ka nu/ka pa ti a ko duh chuan, a remchan dan a zirin ka ni/ka pate/ka pute ti ten ko rawh u, a dik loh dan a in tluk vek.
62
loneeagle26016 Says:
June 29th, 2011 at 12:19 am
#58, Pu HV tha khop mai…. a dik kan hriat hi chuan a dik hi hmang mai ila…mahse lo ‘nu’ lo’pa’ ve laklawh tan chuan han tihdanglam thut chu hrehawm duh ve ngawt ang…. 🙂
63
Benny Says:
June 29th, 2011 at 12:20 am
Ka pi/ka pu tih hi kan hman thin dan chu a ni a. Ka nu/ ka pa tih hi tunhnai mai atanga mi thenkhatin an chin thar a nih hmel.
64
H.Vangchhia Says:
June 29th, 2011 at 12:22 am
loneeagle26016 #62, i chung chungleh a khi kawreksawn 😛

Tunlai leh tunlai loh a thil tih lam a ni ngawt lo ania.

Saphun thleng mai hian Mizoin dan kan neih anglo vin, phuahchawp, pawm theih miahlo vin, Mizo nilo te Saphun tir te an awm ani awm a, an zak chai lawm ni. An mahni an inbum tih hre rawh se. Zohnthlak chhungah chauh Saphun a theih e. Chuvang ania, Chunthang te pawh Hmar ah te, Lai ah te an awm nawk ni. An Saphunna a zir kha a ni mai..mahse Chunthang zawng2 khami hnamah khan an awm vek tihna erawh a ni chuanglo. Assamese/Bengali DAS hi Sailo thlah ani ngai lovang hairehai 😛
65
Pakak Says:
June 29th, 2011 at 12:24 am
Kei chu kan inrim lai a ka koh ang tho in ka lo ko mai a sin! 😀 (an hmingin) mahse an mahni address nan chuan ka pi/pu tih ka hmang leh mai thin.. :-O (ka pass em aw! 😀 )
66
muantea Says:
June 29th, 2011 at 12:24 am
Pizawn/Puzawn (ziak zawm tur) te hi Mizo hnam kalphungah chuan ‘ka pi/pu’ ti a koh tur an ni. Hei hi kan hnam danglamna ni. Amaherawhchu, a mi azirin inkoh duh dan erawh a dang thei bawk.

Kei chuan an chanchin ka sawina-ah chuan ‘ka pi/pu’ tiin ka sawi a, hmaichhana ka kohna-ah erawh ‘ka nu/pa’ ka ti tlat nia. A dik lo tih chu ka hria, mahse koh chhan ka neih vang a ni e. In duh chuan min hau hrep teh mai u 🙂
67
loneeagle26016 Says:
June 29th, 2011 at 12:24 am
64# Zanin net hi muang lutuk a thil a buar chuar zo…aw, ka edit nghal e khi… 😀
68
H.Vangchhia Says:
June 29th, 2011 at 12:30 am
loneeagle26016 #62 bawk khi 😀

Tun hmaa pi leh pu ni ngai reng renglo pawh “Ka pa/ka nu” an tih ngam sak sak chuan, a dik zawkin, “Ka pi/Ka pu” an ti ngam ngei tur a ni.

muantea tiamin hairehai 😛 (Y)
69
muantea Says:
June 29th, 2011 at 12:35 am
HV, brother-in-law te hi mipain kan ‘pu’ thin i tih khi a dik meuh em? Helamah chuan kan ‘pu’ awm ka hre lo tlat, ka hre tlem deuh pawh a ni ang e. Hnam azirin inkohphung hi a dang deuh thin. Ka nu hi Fanai a ni a, ka nu nutate hi kan ‘pu’ a, an fapate pawh kan ‘pu’ tlat nia.
70
Khuangchawithla 25 Says:
June 29th, 2011 at 12:37 am
Pizawn chu – Ka pi, Puzawn chu – Ka pu, tih mai tur ah ka ngai…pazawn/nuzawn te an nih ngawt loh chuan…ve mai mai a..:D
71
pa-para Says:
June 29th, 2011 at 12:42 am
“ka nu/ ka pa” tih pawh hi thenkhat chuan an “a nu/ a pa’ tep tawh ang 😛
72
H.Vangchhia Says:
June 29th, 2011 at 12:43 am
muante, thingtlang ka kalna vela upa lam ho a tanga ka hriat ve mai a ni e. Kan nupui nuta te leh kan Pi (Pizawn) te unau hi kan “pu” te ngei niin ka hria. Mahni nu te nuta te pawh kan pu anni a, Lusei lamah chuan an Putea thin niin ka hria.

Kan fate hian kan an nu (ka nupui) a laizawn chu a nu-puii emaw a nute-i emaw thung.

Inu Fanai alo ni maw, ka nu nu (ka pi) kha Leng lal Saihnuna Fanai fanu alawm, apa erawh Zarkawt Tluanga (fam) Pachuau a ni. Ka pa lam hi ka pi kha Hmarchaltlang lal (Sailo) fanu ania, ka pu kha Vangchhia. Ka pu nu chu Ralte kawlni a ni thung. Kan nu pawh Fanai, ThaiBoy nupui pawh Fanai. 🙂
73
PimPom Says:
June 29th, 2011 at 12:58 am
hei hi thil harsa tak chua ni ve phawt mai. HV-a Comment khi ka tawmpui khawp mai.

A harsa ka tihna lai zawk rawh chu, Mi tamtak Nupui te hian an Nute hi Ka Nu ka Pa tia ko turin an pasalteah beiseina an nei lian em em a, chutiang bawkin an Nupuite Nu leh pa pawhin chutianga ko tur chuan an beiasei fo hi a buaithlakna lai tak chu ani.

Kei chuan ka Nu ka Pa ti a ka koh ai chuan koh loh mai ka thlang e.
74
hiho Says:
June 29th, 2011 at 1:09 am
@PimPom An beisei/ngen tlat che chuan e, koh loh a nuam miah lo.
75
hp.swing Says:
June 29th, 2011 at 2:02 am
Ka nu, ka pa tia koh ka duh zawk.
76
paeia Says:
June 29th, 2011 at 2:10 am
Koh dan tur dik ‘ka pi/ka pu’ ni mah se ka lo koh tawh thin dan chu ‘ka nu/ka pa’ a nia. Thlak chu a harsa tawh viau ang. Koh tlem phah a awl thung ang. A inthlahrunawm zo ta vek dawn a nih hi. Ka nupui neih dawn a ka pa ka zawh min hrilh dan a nia, min lo hrilh dik lo atin ni!
77
SeynMizo Says:
June 29th, 2011 at 2:56 am
Zankhaw tairekah hian kan sawi ve leh e…. Keiniho hi “Chutiang tak chuan KOH tur a ni e” tiin Mizo zawng zawngte hman tur mumal tak siam thei ni ila chuan ngaihdan leh tha tih fal bik chu ka nei. Nimahsela, “Kan sawihona hi a tawk e” tih mai bak tih theih nei ve chuanglote kan nih avang hian. Kan pian hma, hma leh…leh..leh..leh… atang tawha dan mumal awmlo hi kan siamtha thut dawn chuang lova,”Kan kaldan ngai hi a tha e” tih leh tho tur kha kan nih miau avangin Mimal tha tih ang apiang hi kan lo sawihnawk kher a tul ka tilo.

Inkoh dan diktakin ko dawn ila entirnan.., ka nu hi “Ka NI” pawh a ni thei tlat, (kan hnam/chipui a nih miau avangin) “Ka Ni” tiin ko ila miin min nuihzat ngawt ang. Mahse inkoh dan tur dik zing ami a ni tho si.

Thenkhat Pizawn/Puzawnte “U” a ko pawh ka hria. Chumai ni lovin, kan chhung hnai tak pakhat chu an makpa aiin an naupanga, makpa zawk kha Officer anih avang leh a nupui nen an inneih hma atang tawha an lo PU than tawh avangin a Pizawn/Puzawnte zawk khan an “PU” asin !

Mimal zalenna a ni e. Mizo dan tihbur loh tur. An hming chu Pizawn/Puzawn tiin lam mah ila, Ka nu/Ka pa, Ka pi/ Ka pu, Ka U, Ka Ni….Aaaaa a tha vek.

Mama Pi/Mama Pu ETC.. ti then mai ila fel mai.
78
Unsung Says:
June 29th, 2011 at 3:17 am
@77 “Kan kal dan ngai khi a tha e” lol… (Y) BON TOP TOP
79
ChhawnBura Says:
June 29th, 2011 at 5:42 am
Heti lai huang chu a bengvarthlak khawp mai. Post Manhla of the Week-ah ka puang mai dawn 😛

Ka Puzawn (RIP) chu ka koh ve hman ta lo, ka Pizawn chu Ka Pi tiin ka koh ṭhin. Ka makpa chuan (kan la nei ve turah ngai ila :-$ 😛 ) Ka Pu tiin min koh se ka duhthusam a ni e (H)

In koh dan dang pawh khi ka sawisel chuang lem law (Y)
80
Thlams Says:
June 29th, 2011 at 6:41 am
Tihian ti mai ang u.. Makpa chhungkhung ho hian ‘Ka nu/Ka pa’ ti sela, Chutiang ang ni lem lo chuan ‘Ka Pi/Ka pu’ la ti phawt mai ang u..
81
saint sammoo Says:
June 29th, 2011 at 6:45 am
ka tho chiah… An lo la sawi ta..
82
Sm0kester Says:
June 29th, 2011 at 7:04 am
“aaa pi” “aaa pu”
83
ngaihdan tha a Says:
June 29th, 2011 at 8:15 am
ka pi or kapu tia koh tur ania. mi thenkhat inti mark hmusan tum deuh ten an nu leh pa koh thin a, hei hi thil pawi tak ani…
tin mipathmeichhiatna leh hmeichhiat mipatna pawh hi thil hrang leh tum hrang daih ania, kan sawi fin leh mai thin..
mipathmeichhiatna chu sex ania. hmeichhiatmipatna chu sex ani reng2 lo, hmanlaia hmeichhia in an duty, entirnan zing thawha buh thlei te, rawngbawl te,etc. tiang ang hi ani. sawi fin loh tur
84
Lily_parmawia Says:
June 29th, 2011 at 8:53 am
Ka nupui tur in ” ka nu leh pa min pi/pu sak chuan kan relationship in a tuar ang” ti pawh ni se NOTRE… Ka pi/pu dawn chiangkuang. 😀

Ka makpa nih pui ten ‘ka nu/pa’ antih vanga duat hlawh zok poh nise, ka tih phah hek lovang. An fanu ka neih tawh ber ahnu, mark tih that, tlaktlum vel a trul hran toh lo.
85
tlau Says:
June 29th, 2011 at 9:12 am
Hmar lam chuan ka nu, ka pa an ti a, chhim lam chuan ka pi, ka pu kan ti.
Ka pizawn chu hmar lam mi a ni a, mahse ka nu chuang lo, mizotawng dik zawk pawh a ni awm e
86
Pangtea Says:
June 29th, 2011 at 9:58 am
Ka Puzawn leh Ka pizawn hi an fanu nen(ka Nupui duhtak hi) a kan inneih hlim chuan a nu leh pa te hi “Ka Pa” “Ka nu” tiin ka ko thin a, mahse kum khat hnuah chuan ti hian ka ngaihtuah ta a, Mizo mipate hian Nu leh Pa, Pi leh Pu chu kan nei vek sa a, mahse ka puzawn leh ka pi zawn chu vawikhat chauh nupui nei tan chuan Kan puzawn leh pizawn an ni tlat tiin.
Hun engemaw chen chu “Ka nu” “Ka pa” ti-a ko thin chuan ka koh dan thlak kan tum zet a, mahse..ka lai tlat, harsatna ka nei, “Ka Pu” “Ka pi” ti a ka koh hmasak berna erawh ka hre tawh lo, ka nupui hnenah erawh chuan ti hian ka ti a, Khawvelah Mizo chuan pizawn leh puzawn kan nei, “Ka pu” “Ka pi” ti a ko tur ka ni tlat” ka ti a, a hrethiam ve mai.
Ka kohdan ka thlak hnuah pawhin an makpa hi min hmangaihna a reh chuang lo, keipawhin ka theih ang ang a ka duat theihna ka thlah chuang lo, tunah chuan ka pi ka pu ka ti hlen ta.
Mahse he tia ka kohdan ka thlak avang erawh hi chuan midang, mahni Puzawn, pizawn te “Ka nu” “Ka pa” ti a ko te hi ka dem chuang lo, a tha vek tho ni hmiang.
87
Chhuaklinga Says:
June 29th, 2011 at 10:27 am
A duh chuan an pi/pu zawn te chu nanu/papa pawh lo ti rawh se, kohdan dik in hre duh a nih chuan in bul vel a mizo putar kum 60 chin chunglam 10 aia tlemlo hnenah khan an pi/pu zawn te an koh dan lo zawt teh u. Tin, ka fanu pasal chuan kapa tiin min ko tur a ni lo bur.
88
hlatekhua Says:
June 29th, 2011 at 10:29 am
Ka zin avangin he post hi ka lo hmu mai lo a. Hman deuh khan he thil ngei mai hi kan chai hrep a, kan inchhang luai luai tawh. Tu-a-mah chu kan inhmin lem lo a nih hmel, tanna ngaiah kan la tang tham hlawm mai.

Kei chuan ka pi/puzawn te hi ka nu/ka pa tiin ka ko a, a aia tha awmin ka hre chuang lo. Chutiang ngei chuan ka la koh chhunzawm zel teh ang. Ka pi ka pu tih deuh du chu a hla-in a timihrang em mai!

Ka nupuia nu leh pa chu ka nu leh pa angin ka pawm thlap tur a ni. Chutiang chu ka nupui lakah ka phutin ka beisei bawk. Nupa chu pahnih ni tawh lovin tisa pumkhat kan ni tawh si a!

muantea@69, kan nupuia nuta te hi kan pu te an ni ngei e.
89
dintea Says:
June 29th, 2011 at 10:43 am
(H)
90
laldoma Says:
June 29th, 2011 at 10:49 am
Kei chuan ka Nu ka Pa tiin ka ko mai thin a. Zep lovah chuan a chang chuan ka zak ve lek lek thin kan inneihna ala rei lutuk loh vang nimaw? Mahse a tha viauin ka hria, a post tupa sawi Pi zawn/Puzawn lo chhuahdan khi a dik a nih chuan Nupuia Nu leh Pa te Ka Nu Ka Pa tia koh hi a sualna a awmin ka hrelo.
91
Chhuaklinga Says:
June 29th, 2011 at 11:19 am
Ka pa tih hi chu neitu nihna (ownership) a lantir, Pathian kan biak nan pawh kan hmang, vankhua leh tui kan ni miau a. Kan mizo nunphungah pawh chhiatni thatniah a neitu chan chang a ni. Kapu kan tih chuan tufa nihna a lantir chhiatni thatniah pawh atul apiang thawk a tuam mawitu tur, a vir hah ber cu kapi/kapu ti a ko tu te an ni. Kanu/kapa ti a ko tu te hi chu an vir hah a te an ni ngai lem lo, a neitu te an ni miau a.
92
PayableOnDeath(Zrma_C) Says:
June 29th, 2011 at 11:41 am
Pi Zawn/Pa Zawn ‘fate tan an pi tur/pu tur kan zawng’ haha! Thudik pawh va ni suh.
Hmeichhia pawn pasal an neih in Pa Zawn an nei thrina, an fate tan PA an zawn sak tihna em ni ni dawn?
An mahni in an pa leh daih lawi si,an fate chuan an pu daih! Keipawh ka nu pazawn ka pu daih asin,ka pa
miahlo,ka nu zawkin a pa daih!
Pizawn leh Puzawn te pawh hi Pi/Pu tur ani ang. Mahse mi chuan duhleh Nu/Pa tiin an nupui te nu leh pa
ko sak mahse ka dem chuanglo,an mahni remchan/comfort dan ani ve mai. Mahse ko dan dik chu ka ti theilo. 🙂
93
Mr Vaipa@ Says:
June 29th, 2011 at 12:28 pm
Pa/nu tihtur nge pu/pi tihtur hi kan sawi ho mek a….engjok hi nge dikjok kan hrea vek… 😀
mach3 Says:
June 29th, 2011 at 7:20 am
Nu te lama atanga kan chhung mipa te hi chu kan cousin poh ni se pu tih ka telh tho ka koh vin.
Chhuaklinga Says:
June 29th, 2011 at 7:28 am
Mach3 kan in ang keipawh i koh dan khian ka ko ve, an chhiat thatah pawh ka che hah thin khawp mai…
kawlnicolney Says:
June 29th, 2011 at 8:21 am
Nupui te nu leh pa lo ka nu k pa ti ho hi chu tlaktlum loh hlauh luat lutuk vang anih duh hmel..
PayableOnDeath(Zrma_C) Says:
June 29th, 2011 at 12:05 pm
Keipawh Mach3 leh Chhuaklinga ko dan ang khian ka nu u(mipa)fapa te(ka cousin te) chu Pu tiin ka ko tho,an hminglam tel tho si in.
Mahse ka buaina em2 chu,hmeichhia lo ni ta zawk se/ lo awm ta se ( ka cousin te unau ah hian hmeichhia an awmloa ko tur ka neiloa ka hrelo) engtia ko ve tur nge ni ang le?ka pi ve mai dawn em ni? A hria in min rawn hrilh the u please.
doc_lib Says:
June 29th, 2011 at 12:12 pm
88@ Hlatekhua, a bawplawkin thu la law law ang. I nupui a nu leh pa, i chu i nu/i pa a, i nupui nuta te i pu leh bawk si chuan a buai vek tawh.i pu unaunu i nupui chu i pi a lo ni ta a, i nupui tupa i ni ta bawk a. i nupui tupa i nih miau avangin, i nupui tan chuan a nu leh pa te chu a fanu leh fapa an lo ni ta zawk a… ekhai a buai zo in awhhlum chhan tlak a tling tawh. Family relation a buai zo vek.. Fiamthu fiamthu fiamthu
hlatekhua Says:
June 29th, 2011 at 7:30 pm
doc_lib@98, nupui-a nu leh pa hi kan pizawn leh puzawn a ni lo ve ka ti reng reng lo, kan pizawn puzawn an ni ngei e.. Koh danah chuan ka nu, ka pa tih a tha ka tih zawk thu ka sawi mai chauh a ni tih khi lo hre mawlh teh. Kan nupui-a nuta te chu kan pu te an ni, Mizo sawi thin danah chuan. Mahse mi tlem te tih loh chuan kan ‘pu’ tak tak lem lo.

Mizo zingah chhungkhat kan inkoh dan hi kan inchhun dan sawina nen a inang thlip thlep lem lo. Entir nan, kan farnu te ‘farnu-i’ tiin kan ko lo a, anni pawhin ‘nuta-a’ min ti loh loh lem lo; ni pawhin a vah te ‘vah-a’, ‘vah-i’ a ti chuang lo a, chutiangin kan nupui te ‘nupui-i’ tiin kan lo ang bawkin anni pawhin ‘pasal-a’ tiin min ko bik nahek lo!
hlatekhua Says:
June 29th, 2011 at 7:32 pm
doc_lib@98, nupui-a nu leh pa hi kan pizawn leh puzawn a ni lo ve ka ti reng reng lo, kan pizawn puzawn an ni ngei e.. Koh danah chuan ka nu, ka pa tih a tha ka tih zawk thu ka sawi mai chauh a ni tih khi lo hre mawlh teh. Kan nupui-a nuta te chu kan pu te an ni, Mizo sawi thin danah chuan. Mahse mi tlem te tih loh chuan kan ‘pu’ tak tak lem lo.

Mizo zingah chhungkhat kan inkoh dan hi kan inchhun dan sawina nen a inang thlip thlep lem lo. Entir nan, kan farnu te ‘farnu-i’ tiin kan ko lo a, anni pawhin ‘nuta-a’ min ti loh loh lem lo; ni pawhin a vah te ‘vah-a’, ‘vah-i’ a ti chuang lo a, chutiangin kan nupui te ‘nupui-i’ tiin kan lo ang bawkin anni pawhin ‘pasal-a’ tiin min ko bik nahek lo!
101
doc_lib Says:
June 30th, 2011 at 1:05 am
@Hlatekhua,
century nan pawh a tha ve reng reng e. I la na lutuk a nih kha.Dam dam. A eng pawh ni se fiamthu fiamthu ka rawn tih hram hram kha. Keini ang duang phei chu ‘dam em’,’chaw ei tawh em’ tih in zirtir stage ah kan awm hi.
102
hlatekhua Says:
June 30th, 2011 at 1:30 am
doc_lib, sorry, fiamthu i tih lai khi ka lo hmuh hmaih pek a ni e…tar hi chu kan khaw hmuh te hi a chiangkuang tawh lo thin atin a ni tih hi Antalya atangin ka’n belh hram ang e!!
103
doc_lib Says:
June 30th, 2011 at 1:32 am
A poi lo a dik vek, a fel vel vek