Chapter I
April ni 16 chu páwl 11 (sawmpakhat) class tan ní a ni. Arts subject la tur ho chu class room khatah kan thu hmur a; kan class teacher-in hming a lam lai chuan hmeichhe pakhat, kei aia sáng hret tur, ngo leh no fahran mai, hmeltha zet chu a rawn tlai a, luh a rawn dîl a. A hawiherah chuan zàmna chhetê mah a nei lo tih a hriat. Khami tuma ka hmeichhe hmél hmuh kha vawiin thlenga ka hmuh nin ngai loh, ka nun neitu chu a ni ta reng mai!
Reilote hnuah a hming chu kan class mipaho hming lam rîk zin ber leh kan star rawn ber a ni thuai a. Chîk takin ka thlîr ru reng thin a, biak erawh ka ngam reng reng lo. A hawiher leh a khawsakphungah mahni lu zo vah mai, inringtâwk tak a ni tih hai rual a ni lo. A hmelthatna leh a pian nalhna te, a vun no leh nunzia te, a hmui chung lama a khuavàng chhinchhiah mawi zet mai te, a hmui leh a khabe phír rual thaih maite leh a nuih paha huat thla la dáwn khawpa a biang han khuar leh kaih thinte chu dahtha vek ta pawh ni ila, a mizia leh a khawsakphung ringawt pawh chu ngaihzàwn ngawih ngawih tham a tling.
Ka thian nute nên an inkawm azarah canteen-ah te châwlhoin engtin tin emaw kan inbe ve ta zeuh zeuh a. A hnuah chuan inbe satliah mai kan ni ta lo, thian kan ni thuai a; ka mipa thiante chuan min thîk thuai bawk. August thlaa half-yearly exam kan zawh meuh chuan inkâwmngeih tak kan ni tawh a. Class kan neih loh tumte chuan midang kawp kan tum tawh lo, kan pahnih tê chuan kan school thlanga botanical garden (school huan)-ah chuan kan léng dûn thin.
Kan inkawm dân a thûk tial tial a. School lama kan inhmuh loh kâr hlekin sms-in text kan inthawn reng a, zan lamah kan inhnuaia ka putêa broadband internet connection ka pawt chho a, Orkut-ah kan thlalâk chi tinréng kan inthawn a; ani chu ka ‘diary’ a ni ta thuai mai!
Ka phú loh Tleitîri, thiana ka siam tluka hlimna leh làwmna tur dang ka nei lo. Amah avânga kum tam ka lo kawm tawh ka thian thenkhatte thlauhthlaa amah ka kàwm ta ringawt pawh chu zaha lâk a hnêkin intihtheih nan tak ka hmang zui a. Mahse, ‘April’ tia keimah chauhin ka koh, ‘May’ tia ka birthday thla hminga min ko thintu nên chuan hei aia thûk zawk ‘nun’ hman ka la duh tlat a ni.
Chapter II
April thlaah kan intawng a, tûnah chuan kum a lo tâwp dawn ta ta reng mai. Inrinni zan khat chu zanlai pelh tawhah text min rawn thawn a. Kei chu nilénga ka nu dàwr nghahpui ka nih avangin ka chau deuh a, ka lo muhil tawh a. Mahse, ka lukham hnuaia ka cell-phone khûr chuan min tiharh tho a. April-i chuan heti hian text min rawn thawn a—
‘Tunh cuan April par an tril tawh a, an hnahte pwh an tla kolh xo ta.mhse, kn 2 inkar hi cu egtikahmh tril ve lo se k vn ti m! Gudnite May’ tiin.
Ni e, April thla chu a ral daih tawh a, tûnah chuan December a ni tawh. April pâr hnahte kha an tla kawlh zo ta. Keini chu kan inkawmngeih tial tial … a ni satliah ringawt dawn em ni?
A text mi rawn thawn chuan ka ngaih a titha em em a, mut erawh min mut hilhtir thei hauh lo thung. Chhàn lêt ka châk zek zek a, a ngaihna ka hre si lo. He hmeichhia hian ngaihzáwng atan min duh … em ni?
A theih loh — Ani chu mi hausa fanu, an fa tlum ber, an fanu neih chhun liau liau a ni; kei erawh hmeithai dàwrkai fapa, unau pianpui pawh nei lo ka ni. A pa chu sorkar officer hausa, Aizâwl veng laili-a In chhâwng sarih a sáng sa thei a ni; kei chuan he khawvêla mi tam tak zingah ‘pa’ tia koh tur ka nei ve lo a, mi In luaha ka nu hmeithaipui mai ka ni. Ani chuan a school kal lam leh haw lam, a chhuahvahnaa a duh duha hman tur motor a nei, tin driver nen. Kei chuan chutiang engmah ka nei ve lo. Kei chuan a rûkin ka ngaizáwng reng a, ani chuan min ngaizáwng thei ngai lovang.
(to be continued….)
Similar Posts:
- Tial Tial
- Mangtha April – Chapter III & IV
- Mobile hmanga hmeichhia zahmawh a lehkha thawn ching!!
- Mangtha April – Chapter V & VI
- In kiss kan ni em?
July 28th, 2010 at 3:45 pm
ka chhiar toh he thu hi hmun dangah ngaihnawm
Report this comment
July 28th, 2010 at 3:48 pm
Lengzem ah khan ka lo chhiar a, zira ngaihnawm ka ti a tha thlawt e. Thuamluaia kut hnu te pawh a zul pha hial awm e.
Report this comment
July 28th, 2010 at 3:52 pm
Xingibera yes lengzem a ni tak e
Report this comment
July 28th, 2010 at 4:01 pm
ka la chhiar ve mah lo, thra hle mai
Report this comment
July 28th, 2010 at 4:01 pm
Chhiar zawm zel a va chakawm tawh ve. Rawn chhunzawm leh tawh mai teh.
Report this comment
July 28th, 2010 at 4:01 pm
thra khawp mai..a then a zar tal hi chu a tak tak a ni lo maw..????
Report this comment
July 28th, 2010 at 4:02 pm
ka la chhiar ve miah lo, thra hle mai
Report this comment
July 28th, 2010 at 4:06 pm
Tragedy lampanga a tawp duh hmel…Chhunzawmna chhiar chakawm tawh khawp mai.
Report this comment
July 28th, 2010 at 4:18 pm
Ka rawlthar tirh story nen ava in ang ve. A in an chuan, a changtupa in ‘MAN’ takin a muah thruai ang.
Report this comment
July 28th, 2010 at 4:20 pm
chhiar tawh tan – lo sawi lawk awih lo
Report this comment
July 28th, 2010 at 4:28 pm
Kan current chhiat vang phiangsena post 8 lai kan miss mai mai chu aw. Kan chhiarchhuak lehvek teh ang :pawiti:
Report this comment
July 28th, 2010 at 4:29 pm
Lengzem.Info hi ka tlawh thei tawh miah lo. Engtinge intih minlo hrilh ve teh u. Lo ti ve chhen teh ang. Inthlahrung.
Report this comment
July 28th, 2010 at 5:02 pm
#12, kei pawh ka lut thei bik lo..chutiang bawkin Lelte chanchinbu pawh chhiar theih lohna a rei ta khawp mai.
Report this comment
July 28th, 2010 at 5:32 pm
Chhaktiang chutive bawk maw, tlawh malek ila a ni mai. An vawk hmelchhiat chhiatnen…! hihi
hetiang hi ziak ve ila chu, a changtupa buhdengkhawl neipha chin ngat a ni mai.
Report this comment
July 28th, 2010 at 5:37 pm
heta han chhiar nawn pawh hian a ngaihnawmna a bo chuang miahlo nia
Report this comment
July 28th, 2010 at 6:35 pm
Hmanah ka chhiar tawh…An Post hma hian
Report this comment
July 28th, 2010 at 6:41 pm
Hetiang story hi ka ngaina em em lo, mahse, a chhiar tlak khawp mai, ziak thiam hle mai.
Report this comment
July 28th, 2010 at 6:58 pm
(continue hma chu).. Goodbye April
ti phawt teh ang.
Report this comment
July 28th, 2010 at 7:08 pm
A thawnthu kal zel dan tur a hriat vek a lawm le!!
Report this comment
July 28th, 2010 at 7:20 pm
“Thal awiin lelte pa’n lenbuang a nghak”
Kan ti ve daih thung teh ang.
Report this comment
July 28th, 2010 at 7:30 pm
I sawi hmangah hian April-i hi min duh chi tur a ni chiang mai. Tak tak behchhan nei ani em em ang, a nih loh vek pawhin a ziaktu hian a suangtuahna a kawm ve nasa thrin viau aniang.
Report this comment
July 28th, 2010 at 7:58 pm
“Good Night April,” ti ve mai ang!
Report this comment
July 28th, 2010 at 8:13 pm
A tha thlawt. Chhiarchhuak tawh tan,hnuk a ti ulh thei.Kan tleirawl lai,star kan neih tan,biak ngam loh lai hunah min hnuk let leh.Kan nu ka tawn tirh min ti hrechhuak…a ending inang lo mahse
phuahchawp nilo,a tak tak ni tlatin ka ‘feel’
Report this comment
July 28th, 2010 at 8:43 pm
A ngaihnawm ngawt mai he thu hi chu!
Report this comment
July 28th, 2010 at 8:50 pm
nia
Report this comment
July 28th, 2010 at 8:54 pm
a post tu ziah emaw ka tia, a ni na nge? In va hre hlawm em em ve…
Report this comment
July 28th, 2010 at 9:31 pm
lengzemah ka chhiar toh. Ho ka tih zawng tak mai ani hlauh. Atopah phei chuan engtin nge hetiang ala rn ziah peih le. Zah ngoih2 om ka ti hial! :inthlahrung:
Putea broadband poh chhoh tur te ala nei a, cls 11 ah orkut a hmang tangkai hle thei toh chu a sawi ang em2a pachhia hi chu ani biklo tih a chiang
Report this comment
July 28th, 2010 at 9:42 pm
A Post-tu Zirsangkima hi Darrokima a ni mai lo maw? :?:
Report this comment
July 28th, 2010 at 9:49 pm
#27, RosangaD, zahngai2! Lengzem la chhiar ve lo chuan kan chhiar tui khawp. Mahni chek ngeih loh zawng a lo nih pawn insum hram2 i la maw le. Zirsangkima, rawn post zel rawh… kei ngaihnawm ka lo ti lutuk!
Report this comment
July 28th, 2010 at 9:54 pm
@28 Zirsangkima leh Darrokima hi an inkawm thin ka hria…lengzem ami chu tu ziah nge?
Report this comment
July 28th, 2010 at 10:08 pm
Darrokima ka hriat ve dan chu sephung leh mawl lai chanchin bak ziak ngaihnawm thiam lo kha a nia, zirsangkima hi chu Darrokima ai chuan a che romantic deuh zawkin ka hria ziak lamah chuan …
Report this comment
July 28th, 2010 at 10:38 pm
Zirsangkima hi ka hria e, a ziak tha phian dawn mai! A continue na-ah chuan punctuation lamah a uluk zawk ka beisei. An chhungkaw chanchin a sawi atang khian ama chungchang true story a ni lo tih ka hre bawk.
Report this comment
July 29th, 2010 at 1:15 am
#29, ka la insum teh alawm le. :lol: thu ziak ron phorh ngam chu sawisel poh an ngam tur ania tih thu hlaah kan sawisel ve mai2 ania. Atawp thleng a la chhiarlo ho vangin ka la insum
Report this comment
July 29th, 2010 at 8:38 am
Huiham ka va han chhiar zo chak tak em.a ngaihnawm hle mai.rn ti leh vat roh
Report this comment