Rilrua riak ru veng veng hi puak chhuahpui ta ila tu’n min dem lem lo’ng chu maw. Ka ngaihtuahna vak kualin duhthusam ram a thleng a, a sawhkhawk chuan heti hian hla a rawn chawi chhuak ta si! Bawhzui tlak awmze nei a hrin chhuah phei chuan a va hlu dawn em!
‘Ruahvarpui bang theh’ thluk hian han ‘chheih’ chhuah tum phawt te’ng:
A khi Fangtlangpui a mawi an ti, (Mawi an ti e)
Fan ka nuam e ‘sual’ rual nen zingzin iangin (Chheih)
Hlim zai vawrin, zan tlai dawn lovin (Awi a dawn lovin, awi awi)
‘Khelkhawn’ zai lam pawh hian:
Zuangin tho r’u tlang tin tlang hranga leng zawngte,
Tawn zai kan rel Fangtlangpuian, Fangtlangpuian e;
Tawn zai kan rel Fangtlangpuian,
Tlangpui, tlangpui, Fangtlangpuian
Fangtlangpuian e.
‘Free verse’ an tih lam hawite hian ka awi chhuak thei angem?
Zochhumpui zing leh khuangruah sur
Kian zai rel la hnutiang hawi lovin,
Sakhmel tawn loh thaleng rualten
Tawn ni her na ngai kan ti,
Thanghluan Fangpui tlang dam diaian.
Theih zawng chang se kawlvalenchham
Kar dana leng lungduh zawng nen,
Kimte’n zan tlai reng dawn lovin,
Hlim ni chen zai rel ka nuam ngei e.
An rel thiam ngei ang lakthiam chhaktiangpa,
Thangvana leng leh thlir thui Zawlkhawpui valin;
Thlangtiang Sappui hneha hringkir pawh,
Ka huam nange hmarzawl pasaltha leh fuliafa lakthiama;
Chhimtlang miril zawng nen,
Anpai, mingo tui al liak chenin.
Thingdiman ka sawm dawn che’m ni Berhvate?
Huiva hramthiam nge Thuva nunnem zawk?
Rualtin runa biahthu hlanin,
Tak chang theia’n ka sam hei hi,
Fangpui tlang MI kei ka lungkham.
Tawngtial lam thleng hian hawh ta ila Pu Shelley-ten min dem lem lo’ng chu maw:
Hast’ly, Hast’ly comest thou,
Spirit of MI;
Wherefore hast thou left me now,
Many a day on thinking thee.
How shall ever one like me,
Win thee back again?
With friends whom I long to see,
On high greenish mountain.
Similar Posts:
- Chheih Lam
- Hla pahnih – min tichak thintu :
- Mafia’s ‘Ten Commandments’ found
- Ka Lungkham
- [Sunday Pual] Pathian kaa thu tin chhuak = vitamin?
July 30th, 2010 at 8:37 pm
TN kan hneh bawk si lova Hmuifang-ah new strategy kan rel dawn em niang? :lol:
Report this comment
July 30th, 2010 at 8:44 pm
Kan thing ri tanah ngai ila, kan la sawi ho leh dawn nia. Hei pui post an rawn publish zut zut sia a liam mai dawn e.
Report this comment
July 30th, 2010 at 10:33 pm
Kei chu ka phur always… Kawlhawk, Mapuia te angin A hmun:saw tah, A hun: Chawchhun ei lai a ni em lo ang chu maw
@Chawnghilh, i inhmun lei chu bung bul kha ni em? Vety doctor ram kha.
Report this comment
July 30th, 2010 at 10:48 pm
Zer0, I kawng siamah ngei kan rawn leu phei fua2 dawn nia… A hmunah ngei hmel hlim sangin min lo ual kham leh ang chu tiraw?
Report this comment
July 30th, 2010 at 11:27 pm
Ka phur over
Muantea nge nge, a ril raih raih ngei mai.
Report this comment
July 30th, 2010 at 11:33 pm
keichu ka phur lo, ka lungngai ka tel ve theidawn silova
Report this comment
July 30th, 2010 at 11:41 pm
@littlerascal, ka mu dawn, mangtha.. mmuah2
Report this comment
July 30th, 2010 at 11:43 pm
as_khiangte mangtha tha le
Report this comment
July 30th, 2010 at 11:50 pm
As-K, sass hruai awih rawt ta che mawle… Kei chuan ka driver ka hruai don… :lol:
Report this comment
July 31st, 2010 at 12:03 am
a phur ber tur pu mz hi a la ngawi tlat mai. Vairama a zin a nih loh chuan a miss lo hrim hrim ang . A veng nei tu pu chawnghila (hehe) inah iptepui, misual ho in kan bang ang. HV rawn tel theih hun chu a part 2 na vel a niin ka ring. Zoram a awm ho chu kan in ring vek e, tul a nih chuan hnathawk chuan chawlh kan la mai ang. (Daily wager te lak a kan advantage)…
Report this comment
July 31st, 2010 at 12:20 am
MI hi chu pu mzvision tello hi chuan a kim lo tlat in ka hria
Report this comment
July 31st, 2010 at 12:31 am
littlerascal, a dik khawp mai. A phur berah hian a tang thei zel a…
Report this comment
July 31st, 2010 at 12:42 am
MI in sawi hian ka lung a chhia ka tel ve thei don silova
Report this comment
July 31st, 2010 at 1:25 am
A nuam zawng kan ti phak ve lo tak nang a,ka lo nghakhlel ve hrim hrim mai a!
Report this comment
July 31st, 2010 at 1:27 am
shai, part 2 chu Pathian zarah tel ve theih ngei ka in beisei.
Report this comment
July 31st, 2010 at 2:06 am
Hmai thinghawnin kan sawi ve leh lawk……
“Thingdiman ka sawm dawn che’m ni Berhvate?
Huiva hramthiam nge Thuva nunnem zawk?”
Hei chu a lutuk deuh lo maw ?
Thing dim tur chuan hmahruaitu khan unau nula a thei kawp emaw A nu leh a fanu a thei kawp angai a, a nih loh chuan khuang a chawi angai si a?…NOI
Report this comment
July 31st, 2010 at 6:59 am
Lushai_er, ka hriat dan chuan Thingdim hi khuangchawi turin khuala mi an va sawmna a ni a, an bangah sawhthing thil an va thiat thin. Chung khuangchawi chhimtute chu rawn kalin an rawn lam a, Khuallam kan tih tak hi. Mahse hetah hi chuan puan nen an lam lova, ‘Laipuan min pe u aw u aw…’ an rawn ti a, puanin an lo vawm thin. Ka hriat dan hi a dik loh chuan a dik hriate thu zawm tur leh ka poem siam tha turin ka inpeih e :smile:
Report this comment
July 31st, 2010 at 8:00 am
Ekhai helai chu ka va lo miss nasa ve le. August ni 14 rawtna hi kan second pop teh ang. Kan tih tak tak phei chuan ka thriante thum huk tham ka rawn hruai ang an ri-beng-bung nen
mahse Hmuifang hi reservation tih vat loh chuan hul-lhipa dang avang teh ania. Rilru zz nen kan ram tranin kawr sen te ka lo hak vel avangin helam hi ka lo thlek re re hlei nem le.
misual peot-ah muantea hi ka puange. MI hun chuan a collection hrilh fiahna hun leh sawihona nei tel ngei ila. Kei thu leh hla a mi ZerO hian an sawiho tui lai takin muthlu miah lovin ka lo thlir (ngaithla?) veng veng ang.
Report this comment
July 31st, 2010 at 5:01 pm
#67, muantea:Thingdim chi hnih awm a ka hriat vanga rawn comment mai ka nia, ka hman remchanah i sawiloh zawk hi ka rawn la post dawn nia…..
Report this comment