mi(sual).com

Tuna thalai tam takte an la piang lo a, thalai zingah 1983 kum hmalama piang tuna la nula/tlangvalte leh ‘83 kuma chinchang lo hre fe tawh an awm a nih pawhin kan thupui sawi tur hi chu history lam a ni tho tho. YMA history-a mahni pual chhuaka ‘YMA kum puan hmasa ber’ chu kum 1983 kum khan neih a ni a, kumpuan thupui chu ‘Sanitation Year’ (Faina kum) tih a ni. March ni 19, 1983-ah kumpuan hawnna hi neih a ni a. Ram pum huapin he kumpuan hian ngaih pawimawh a hlawhin Mizo hnam thang mekte tan faina kawngah rahbi thar pawimawh tak thlentu a ni a.

Kumpuan denchhen hian Central YMA chuan faina kumpuan thuvawn ‘10’ an siam a, YMA Branch tinah an sem chhuak vek a, YMA Branch tinten mipuite hriat turin an puang chhuak leh vek bawk a ni. 1983 kuma Faina kumpuan thuvawn CYMA-in a siamte hi han thlir let dawn ta ila, kum 27 lai a liam tawh a, he thuvawn hi kan kalsan thei tawh nge kan la mamawh hle tih kan ngaihtuah theuh dawn nia. Tichuan, ‘hmasawnna kawnga hnam thang chak tak kan ni’ kan intih lai hian eng nge kan dinhmun kan hre thei âwm e -

(more…)

Khawnglung run chungchanga Pawi hnam kan historian te thu ziah a ‘pawichhia’ an tih chungchang a ka comment hi edit a ngai em le ====

Pawi ho tan ‘pawichhia ‘ etc tih hi huat tur ah ka ngai lo. A chhan te -

(1) Hmanlai Ral dona ah chuan rawng tak a chet kha a ngaihna a awm . Zuam loh nih kha political status atan a tha a , chhiah lak a awlsam bawk.

(2) Hman lai mizo tan chuan Pawi kha hmelma ber tur chu an ni reng a ni. A chhan chu Tiau chhak ah khan Pawi nation kha well established a ni. Falam pawi – Tlaisun ho ngat phei kha chu an hunlai khan an ropui em bawk lah tak a , British ho pawn an lal kha ‘King’ title an pe an tia, a sakawr In tur pawh a khat tawk in khaw tam tak ah an sak sak an tia, chhiah kha Tripura, Manipur, Mizoram ah khaw 500 chuang ah a khawn an tia.Thlantlang leh Halkha kha Mizoram rawn run deuh ber chu an nia , an chimawm ve hle ang a , mahse an chimawmna hi dem ngawt theih a ni lo, eng hmelma mah fawh tlak an awm lo……. All is fair in love and WAR

(more…)

Tlawmngaihna tih hi Mizotawng thumal-ah chuan a hlu ber niin ka hria. Tawng hausa zawk leh upa zawkten a tluk pui tawngkam an nei ve em aw? An lo nei ve a nih pawhin lehlin dawna hrilhfiah ngai tel kher te zinga mi kan tawng ti hausa tu niin ka hria. Engtik hunah emaw chuan Mizote zingah ngei pawh hian hrilhfiah chawp a la ngai ngei ang tih ka ring tlat.

Kan hun hman mekah erawh hi chuan hrilhfiah kan la ngai lem lo nachungin inzirtir erawhchu kan ngai hle tawh thung. Thuhlaril lama miril zawkten a tawngkam hlutna leh a awmzia te, a bulthum atanga chhuiin an hrilhfiah thin a, kan thiam ve kher lovang. A hlutna te, a awm ze ril zawk leh a nihna tak te sawi chhuak thiam lo mahila, kan huntawng mila hman nghal theih mai tur nia ka hriat angin ka han lepse ve teh ang.

Mizo nunhlui kan thlir chuan lal hran theuh neia an inrelbawl dan te, an khawsak phung (society)-ah te, ei leh bar an zawnna (economy)-ah te, an sahimna (defence) ngaihtuahna kawngah te ‘Tlawmngaihna’ leh ‘Huaisenna’ hi inkawp tlat leh lak hran hleih theihloh niin a lang a. Amaherawhchu, huaisenna atthlak tak tak sawi tur a awm laiin a hunlai ang zelin tlawmngaihna an lanchhuahtir thin erawh kha chu atthlak kan ti thei lovin a rinawm.

(more…)

Ka unaunu duh tak

A chang hi chuan hmeichhia a i lo piang hi vanduai i inti ve thin em? A bik takin Mizo hmeichhia a i lo piang hi? Mahse kan duhthlan theih a ni si lo, Pathian in min siam dan a ni a, lawm taka pawm mai tur kan ni si a.

Pi leh pu atangin hmeichhia hi min dah hniam tih chu kan hre theuh a. “Hmeichhia leh pal chhia chu thlak theih an ni”, “Hmeichhe finin tuikhur ral a kai lo” “Hmeichhe thu berna chhungkua zahawm tak an awm ngai lo” tih te hi kan chantawk a ni a. Pasal han nei ila kan pasal te kan tih lungawi loh chuan duh hun hunah min ma thei a, mahni a eizawnna neih loh pheih chuan khawvel hi ping tawp mai a ni.

Mipa ang lo takin kan hmingchhiat tawh chuan kumkhaw sawi a tling a, vanduai vang emaw chhan dang vang emaw pawhin pasal lo then ta i la “Nuthlawi” ti in min ko a, vantlang mipui in min hmu diklo nghal em em ringawt mai a, lepchiah taka khawsa a pawlawh taka nung turin min ngai nghal ringawt  a. Pasal sun in han hmeithai ila kan inchhungkhur an hmu zahawm lo nghal vek a. Nu ber ka la awm a ni lawm ni? Pathianin a duhdan takin min siam a, a duhdan in kan chhungkaw chungah ro a rel a, theihtawp in chhungkaw tha leh zahawm nih kan tum a, chutihlaia mipui in a chhungkaw dang te aia zahawm lo bik tura min ngai hi chu rilru a va ti na thin em!
(more…)