Zûin kan ram mai bâka khawvêl ram dang a tihbuaizia kan sawi châmchí laia zu thatna lo sawi chu a mawi lèm lovin a inthlahrunawm angreng hle a; mahse, ngaihdân i siam hmain han chhiar phawt teh.
Thluaka a thawh dan
Thluakah hian cell 14, 00,00,00,00,000 atanga 16,00,00,00,00,000 awm anga chhût a ni a. Vawikhatah miin zû tam tâwk a in apiangin thluaka cell 20,000 vêl chhe zêl angin an chhût a ni. Taksa thununtu a tibuai a, taksa a tizawiin tuan a timuang thîn. Khawhmuh pawh a tibuai a, khûrin tawng pawh a tifiah lo thîn. Thil tha lo leh mawi lo tihna lak atà min khuahkhirh tlattu a tihbo avângin pawisak a neih tlèmtîr a ni. He’ngte mai bâkah zûin thluak a tihchhiat tawh hi siam that leh theih a ni tawh lo.Chu vângin a chunga natna leh chhiatna zawng zawng nei duh tân zû hi thil tha leh tangkai tak a ni.
Mipatna lamah
Mipain zû a in nasat chuan a mipattîrtu a tihbuai avângin a mipa thei lo thîn a. Chu chuan fâ neih theih lohna, uirêna leh nupa inthenna thlengin a thlen thei a, chhûngkua a tikehdarh thei bawk a ni. Phîng kawngka (bladder neck) hian zû tam tak in chuan vûn châng a nei thîn a, zun a tiharsain a châng phei chuan siak chhuah a ngai hial thîn a ni.
Chu vângin hetiang natna tuar duh te, nupa inthen leh chhûngkua tihkehdarh duh tân chuan zû in hi a tha hle a ni.
Thin (lungs)-a a thawh dân
Hepatic Coma (thin chhiat avânga thidang?) natna a thlen thei. Thina cell awmte a tichhia a, hna an thawk thei lo va. Chu mai ni lovin zûin thin a tihchhiat avângin alcoholic liver disease leh cirrhosis natna a lo awm thei a. Zû in hian thina hnathawk thîn te’n hna an thawk tha thei lo va, thin a tilian thei a ni. Chu bâkah natna chi hrang hrang, pumpui nâ te, luak chhuak leh chawei tui lo te bâkah jaundice a thlen thei a. Kaw chhûngah thisen sáng a siam thei bawk. He’ng natna zawng zawng hi thih chhan atana chhuanlam tling thah a ni a, thih hma duh chuan zû in hi a tha ber a ni.
Pumpui (pancrease)-a a thawh dân
Pumpui lâwng, pumpui pân leh pumpui cancer a thlen thei a, zunthlum a thlen thei bawk. Chu mai ni lovin a natna vei avânga ni hnih khat leka thihpui mai theih, pancreatitis a thlen thei bawk a. Hetiang natna vei hi addict a har a, a addict duh tân erawh chuan zu in mai chu thil tihchî tak a nih hmêl hle.
Thisena a thawh dân
Zûin thisen a thlen hian red-cell te chu tibanin a tihlâwm khâwm a, oxygen kal vêl a timuang thîn. White cell-te’n natna hrik an mannaah pawh a titanfum thei bawk. Chu vâng chuan mahni thisen kal vêl tibuaia chawk buai duh hrim hrim tân chuan zu ina tuan mai tur a ni.
Nau piangsual
Naupai laia nuin zû a in chuan nau a tha thei lo va, ruh chuktuah leh taksa pêng hrang hrang piansualna a thlen thei. Mithiamte chhût dân chuan naupai laia nuin whiskey ounce 2 a in chuan naute piansualna a thlen ngei ngei a ni.
Chu vângin nau piangsual hring duh chuan zû in nghek nghek mai tur a ni.
Chakna thahrui tibotu atan a tangkai
Taksa tâna chaw tha – protein, carbohydrates, fats, minerals leh vitamin-te hi taksaah energy leh nutrient-ah an chang a. He’ngte hian taksa an vawng lum a, taksa pêng hrang hrang chhia siamthatu leh thawmthatu an ni. Energy tehna chu calorie a ni a, taksain a mamawh aia tam calorie a lâk luh chuan a chuang chu thau emaw, thlum angin emaw a khâwl khâwm thîn a, a tûl angin a hman leh theih ta thîn a ni.
Alcohol hi calorie ngah tak, nutrient nei si lo a ni. Zû-a calorie awmte hi a dahthat theih loh avângin taksain a kâng ral vek thîn a. Chutianga zûin taksa mamawh calorie a pêk that avângin chaw dang châkna a lo bo tial tial a; tichuan, natna, nutritional disease a siam thîn a ni. Chu vângin natna chi hrang hrang – Beri-beri, pellagra, lung natna leh thinsâwng te a nei ta thîn a. Natna hrik do turin chakna a tlachham a, a nun a derthâwng êm êm a ni.
Zu zet hi chu (h!), a va tangkai tehlul êm!
Hnimhlum leh zû
Zûin taksa khâwl hrang hrang a tihbuai avângin taksa invênna a tlahniam a, thisen siamna hmun a tibuai a, hliam tuar hrim hrim taksain a dâwl lo va, lung leh thin a chak lo va, thisen a tlêm bâkah a khang theihna lam pawh a tibuai a ni. Chu vângin zu in mite hi zai (surgery) atan mi derthâwng bîka ngaih an ni a, anaesthesia (hnimhlum) an tuar lo hma bîk a ni. Tuarchhel hrim hrim tân te, inzai laia taksain a tawrh dân hre duh hrim hrim tân chuan zû hi in mai tur a ni.
He’ngte zawng zawng bâkah hnute pumpui, hrawk, kâ, thin, pancrease, mawngkua leh chawdâwt cancer a thlen thei a. Vaihlo nena tihpawlh phei chuan taksa tân hlauhawm vai vai tak a ni!
Chu vângin taksa tâna hlauhawm hi âtthlâk taka intipâ tak leh mahni inhrem nan hrim hrima hmang duhte tân chuan zû tluka thil tha hi a va tam dâwn lo rua êm!
August 10th, 2010 at 5:41 pm
A duh chuan in se,a duhlo chuan in lo se…a in lo nih vanga lo sawisel leh a in nih vanga sawi mawi vak hi a tulna ka hrelo pek a!
Report this comment
August 10th, 2010 at 5:43 pm
dik
Report this comment
August 10th, 2010 at 5:45 pm
Khai aaa…’thin’ hi ‘lungs’ engtik atangin nge an lo tih a?lolzzz…pumpui pawh chu :D.
Report this comment
August 10th, 2010 at 5:47 pm
Zu in hnem hi chuan kan kut (legs) te hi a khur nasa thin a…lolzzz
Report this comment
August 10th, 2010 at 5:56 pm
Kan kut(legs)
Report this comment
August 10th, 2010 at 6:20 pm
#26-ah tihsual palha thupha chawina a awm dim diam tawh e. A sawi tum erawh kan hre tho tir’u???
Report this comment
August 10th, 2010 at 6:27 pm
@Mr.TSA,i sawi tum chu hria e a,ka rawn fiamthu pah ve a nih kha. Bakah heta post tur chuan uluk ve deuh awm ka ti mai mai. Comment a tihsual(palh) te chu ni se thu hran kan ti deuh. NOI. Ka lawm e.
Report this comment
August 10th, 2010 at 6:47 pm
@Mengmawi… Thurawn tha tak a ni. Zawm a harsa lem lo bawk a, ka lo fimkhur deuh tawh ang e. Ka lawm lubuk
Report this comment
August 10th, 2010 at 7:34 pm
Zu in chungin kan lo sawi ve loks nge
Zu ka in atranga ka nun hlim tohjia hi…
Report this comment
August 10th, 2010 at 7:35 pm
@Mr. TSA : I rawn phawrh thra hle mai… i source rawn thailang thei phei la chuan hlawkpuitu an tam lehzual ang a… research behchhan a nih ngei hmel si a.
Report this comment
August 10th, 2010 at 8:11 pm
Dutch Sumdawng pakhat khan a zan zawk leh a awlsam zawk beiseiin wine hi a chhuang so a, tuihu-ah tam tak a kal ral a; wine fir a siam chhuak ta a…..Nakinah tui a pawlh dal leh hisap khan a fir a siam kha a ni a. Mahse, a leitute khan a fir khan an lo duh zawk daih mai si a; “Burnt wine” emaw “Brandewijn” (Dutch tawngin) hi a lo lar chhuak ta a. A hming hi no hnih khat in tawh hnu chuan an lam fuh thei lo a niang, brandewijn aiah brandy tih mai kha a awlsam zawk a, Brandy hi a lo piang ta ani an ti.
Hranghlui Pu A.Thanglura duh ber anih avangin ka rawn tui hnih ve a ni e.
Report this comment
August 10th, 2010 at 8:25 pm
lushai_er #111 chu hre ril hle mai a :smile: Benga i hriat ringawt a nih ka ring e :lol:
Report this comment
August 10th, 2010 at 10:25 pm
ZU nge tha ang le aerated drinks ho hi ka ti ve mai mai.
ZU ka thlang zawk mah!
Report this comment
August 10th, 2010 at 10:31 pm
Pu A.Thanglura, ka pa Zakhuma thian thaber tawngkam ka hriat ngailoh te kan hriat leh tak chu.
Report this comment
August 10th, 2010 at 11:28 pm
Dik siah2 vek.Hei vang hian sorkar hian Beer tal hi zuar se, in pup2 ila, zung huar2 ila, a nuam ve ta ngawtin ka ring..hehe!!!
Report this comment
August 11th, 2010 at 12:22 am
hei cu comment velo mai ang…lolzzz
Report this comment
August 11th, 2010 at 1:13 am
Ni,taksa tâna hlauhawm hi âtthlâk taka intipâ tak leh mahni inhrem nan hrim hrima hmang duhte tân chuan zû tluka thil tha hi a lo awmlo takmeuh meuh a ni.
Nang zu ngawlvei, ka hrilh a che: I dawt ngam leh dawt rawh.
Sual tinreng bul ZU hi ka hua.
Mizoramah hian zu hi a khap rem theih.
Report this comment
August 11th, 2010 at 1:53 am
Wine is the drink of the gods, milk the drink of babies, tea the drink of women, and water the drink of beasts.
– John Stuart Blackie
:lol:
Report this comment
August 11th, 2010 at 2:04 am
Ku muanga a chu a..!!!
Report this comment
August 11th, 2010 at 2:11 am
lalmisualpa, a tha alawm le… Drink wine, and you will sleep well. Sleep, and you will not sin. Avoid sin, and you will be saved. Drink wine and be saved. te pawh an la ti alawm mawle. :lol:
Report this comment
August 11th, 2010 at 2:19 am
Hahaha, ku muang, vawiin chhun lamah ka comment nasa lutuk tawh.
Pakhat ve aw-
when i read about the evils of drinking, i gave up……..
reading – Henry Youngman
Report this comment
August 11th, 2010 at 6:26 am
Post-ah a la kim lo…
“24 hours in a day, 24 beers in a case….”
—Stephen Wright
Hun khawhral nan pawh a lo tha hle..
“The church is near, but the road is icy. The bar is far, but we will walk carefully.”
— Russian Proverb
When the wine is in, the wit is out.
Report this comment
August 11th, 2010 at 8:09 pm
#112, muantea: “lushai_er #111 chu hre ril hle mai a Benga i hriat ringawt a nih ka ring e”
Reader’s Digest May 2010 issue, Mad Science a mi kha ka rawn ziak chhawng mai a ni e. TY.
Report this comment
February 20th, 2012 at 7:16 pm
Suihlung a lêng vawng vawng.
Report this comment