‘Nang ang ‘ tih hla Rebecca-in a phuahtu phuah angin sa lo

August 11th, 2010 11:17 am by Mr.Konkhopuival

Rebbeca-in thiam tak maia a sak ‘Nang ang’ tih hla hi Kawnpui khua ni Lalthansiami leh Hnahthial a mi Vanlalsawia phuah a ni a, a hla hi ngun takin chhiar la, a changtin deuh thaw leh, a thunawnah hian a phuahtu te phuah angin Rebecca Saimawii hian a sa lo a, a mawi tur angin a mawi chhuak zo lo deuh niin a lang ani.

Nang ang (Original)

1. Hmanah hlimten len laiin,
Biahthu nem ten min hlanin,
Tunah thenna thu hlanin,
Lengdang tang i bel leh si

2. Thapui hlimten leng ta la,
Kei zawng ka tling lo i tan,
Lamang lo let leh mah la,
Pawm leh hian ka mawi lo che.

*** Mahse nunhlui dawn changin,
Thinlai ruk a na ngei,
Thapui aw ka duhlai Ma-i,
Lairilah i cham si thin,
Engan kher nge nang ang an lo pian ve ni,
Sakhmel chauh tha si a, mahse i nun a rawng si.

3. Tunah chuan e phulohpui,
Ka tawng ve ta tleitiri,
Nang pawh i lungdumtu ngei,
Tangah duh ten i bei ta si.

4. Nunhlui mual liam hnu te kha,
Tharin lo let leh mahse,
Lamang ka let tawh lawng e,
Dam takin, aw dam takin.

Similar Posts:

Recent Posts:

39 Responses to “‘Nang ang ‘ tih hla Rebecca-in a phuahtu phuah angin sa lo”

  1. 1
    century child Says:

    tunah ka’n chhiar tran ang e,hawr3

    Report this comment

  2. 2
    Mr. TSA Says:

    Ni e, sak mawi tum vang emaw, a nih loh pawhin hriat loh vang emaw, thil dang vang pawh ni se, hla hi chu a original ngat tluka hlu a awm lo. Khitiang chi khi hla dangah pawh a tam a, ka vei khawp mai.

    Report this comment

  3. 3
    jvc Says:

    A nih leh a thluk hi an phuah a ni tel em aw?

    Report this comment

  4. 4
    Keimah Thingtlangpa Says:

    Kan zaithiam kan tan teh ang. ‘thapui aw ka duhlai ma-i’tih khian sa ta se..a huam zim viau lo’ng maw? Mimi Renthlei hla 1 pawh mipa tan sak theihloh a awm kha..’LUNGLEN’ tih kha..a original chu hlut chu a hlu teh meuh mai.

    Report this comment

  5. 5
    Pc-a Says:

    Rebeca-i aia sa mawitu te chu ka hreve lo a nih hi a. Rebeca hian asa mawiber zawk a ni lo maw.?

    Report this comment

  6. 6
    midfielder Says:

    He hla hi ka hla duh ber te zing ami a ni.
    Ka ngaihthlak ngun vang pawh a ni maithei. Rebecca i sak dan kha a mawi ka ti..

    Report this comment

  7. 7
    riangtleii Says:

    a dik leh dik lo a awm tih pawh kan lo hre hleinem le..

    Sakhmel chauh tha si a, mahse hmelchhe bawk si :lol:

    Report this comment

  8. 8
    Zorunpuia Says:

    He hla hi Sap hla Gospel song a ni a. Mizo hla love song atan a thluk an lak mai a ni. A rawn chhuahtirh phei kha chuan zia lo ka ti khawp mai. A hla hming erawh ka hre ta mai lo..

    Report this comment

  9. 9
    lalmisualpa Says:

    Zan tlaiin kan run kai zawl a chhuak chhawrthla
    a eng no riai, suihlung min len si thinlaiah
    nang tawn loh vang hian in maw…
    …aw i sakhmelmawi, kei ka lawmna, vul zel se a riang lung lawm an…
    tih vel emawni kha Rebecca hla ah chuan nalh ka ti ve thin khawp mai

    Report this comment

  10. 10
    lalsual Says:

    ka sak hma in an lo sa nalh toh si a ka sa ve tohlo mai ang.haha.
    rebecca khan a thiam ber mai e.

    Report this comment

  11. 11
    chikus Says:

    aaaa kei chu a satu khian a thiam ka tih hrim2 vang a niang, a original pawh nise a a sak dan aia nalhna vak tur ka hre chuang lo…..a phuahtu thinglung erawh a sa chhuak zo lo deuh angah.Amaerawh chu a satu tan niloving mi zawng zawng tan a sa tawha,pawi vak tur ah ka ngai lo…..

    Report this comment

  12. 12
    rawihteamizo Says:

    Hei hi sap Pathian hla mizo tawnga leh a ni ve thung…heheheh

    Pathian fapa thianghlim chu, Mihring anga lo piangin
    Ropuina ram kalsanin, Chhandamna a rawn thlen ta.

    Dikna Pathian thianghlim chuan, Hmangaihnaa min thlirin
    A fapa mal min pe a, Malsawmna a rawn thlen ta.

    Mahse krosa khaikangin thingah kan khengbet a
    Thihna thlanthimah phumin kan tuartir hrehawm takin
    Mahse kan chhandam nan min tuarsak a
    Thisen zarah chhandamna tunah kan chang ta.

    A pianin van angelten, Remna thu an rawn puang a
    Hmangaihna leh remna chuan, Lei chungah ro a rel ta.
    .
    He khawvel thimah hmangaih eng a rawn thlen ta a
    Kan natna tidamin remna min rawn pe
    Hrehawmna a chawlhnan lawmna min siamsak a
    Hmangaih zarah hlimna kan chang leh ta.
    by-Chhuantei pa

    Report this comment

  13. 13
    Xingibera Says:

    A sa nalh a lawm le. .Rebecca hian. Kan thianpa sak ve dan,
    “mahse nunhlui dawn changin thinlairuk a na ngei,
    A KHAI AW! Ka thinlai hnemtu”

    Report this comment

  14. 14
    Mr. TSA Says:

    @Chikus.. A phuahtu (phuahchhuaktu belh kher ang :) ) rilru erawh a na duh mai thei.

    Rebecca kha a original angin a sa lo tih ka lo hre miah lo.. Original-in sa se, ngaiah kan nei dawn tho. A nalh lohna tur a awm chuang lo. A hnua sa tumah tluk erawh an awm lo.

    Hla thluk leh thu tihdanglam hian kum naupang lamte hi bumin kan awm a, zia lo ka ti deuh. :(

    Report this comment

  15. 15
    Zorunpuia Says:

    Pathian fakna hla thluk lengzem tana hman daih mai hi chu a zia lo deuh chuan ka hria kei chuan..

    Report this comment

  16. 16
    Zorunpuia Says:

    @Mr. TSA, hei hi sap hla thluk an lak a nih hi.. gospel hla lehnghal.. an mahni irawm chhuak emaw i ti elo?

    Report this comment

  17. 17
    Mr. TSA Says:

    @Zorunpuia.. Ni dawn tak! :lol: A nih phei chuan sap hlaa lo phuahchhuaktuin hria se, a rilru a na mai ni lovin a thinrim ka ring.

    Mapuii @ Fredy te hlasak, ‘a sawt tawh lo’ng e’ tih pawh kha Bellamy Brothers hla pakhat (ka sawi mai thei lo) thluk an lak a ni a. A thluk kha Pathian fakna hla atan kan lo hmang a.. Eng nge i ngaihdan?

    Gospel to love song…
    Love song to gospel… :D:D

    Report this comment

  18. 18
    blackmagicwoman Says:

    Pu Zoruna sawi hi dik ka ti khawp mai. A thluk ori Pathian hla a nih chuan, love song a tana lo copy a chi loh. Gospel songs phuahtute hian Pathian hnen atanga an dawn te a ni thin a ( an vai chu ni lovin), thil thinghlim a ni…love song a lo leh chu a mawi hran lo hle mai.

    Report this comment

  19. 19
    chawnghilh Says:

    Love Song or Hate Song … ka letling ve miah lo a nia! :lol:

    Report this comment

  20. 20
    rawihteamizo Says:

    Ka ngaihdan mawlte…sap hla nalh kan tih viau a, mizo tawnga awm ve atan kan duh chuan letling/lehlintir mai ila, mi thluk phuahsa hmanga keimahni ropuinan(?) hla han phuah ve ngawt hi chu a tha ka ti lo khawp mai. Kan ching angreng viau mai…kei chuan a zahthlak ka tih zawng tak a ni.

    Report this comment

  21. 21
    PimPom Says:

    Ka hrechiang chiahlo a, a thluk pawh hi Pi Remsiami Of Kawnpui siam tho hi niin ka hria. mahse, ka chiang ngam chiahlo.

    Khawnge Post tupa hi maw le :?:

    Report this comment

  22. 22
    lalmisualpa Says:

    Vai hovin sap film scene thenkhat, a ngial a ngan deuh tho in an copy a. Keini Mizovin sap hla kan copy ve thung a. Ngaihsan zawngte hi chu kan lo entawn deuh theuh chu ani.

    Engtikah tak Mizo hla te hi hnamdang hian an tawngin let ve ang maw.. (Ramthima gospel hla lehlin tiam lovin)

    Report this comment

  23. 23
    VaiVa Says:

    Chutia in sawi tak liam liam ah chuan ‘HERTHULI’ tih pawh kha a phuahtu chuan ama irawm chhuak angin a sawi an ti a. Hmanni ah herthuli sap hla min ngaihthlak tir. Eng hla nge chu ka hre tawh bik lo :D

    Hla hi chu a phuahtu in uluk mangkheng a a remkhawm a nih a rinawm a. Duh ang zawnga lo herrem ve ngawt chu a dik lo ang. A thluk pawh :P

    Report this comment

  24. 24
    rawihteamizo Says:

    A thluk hi chu sap hla thluk an lak ngei a ni e…ka ngaithla ve toh chiang alawm…

    Report this comment

  25. 25
    Mr.Konkhopuival Says:

    He hla hi a mipa zawk Vanlalsawia hian a thluk hi a siam a ni a, Siami hian hla tam tak a phuah nual a, mizo zaithiam te hian ngaihven se a duhawm hle mai

    Report this comment

  26. 26
    Zorunpuia Says:

    @Mr. Konkhopuival, he hla hi Sap hla thluk (Gospel) lak a ni tih hi 100% ka chiang e. Vanlalsawia chu va zawt ngat teh.

    Report this comment

  27. 27
    rawihteamizo Says:

    “Tum khat chu Hauhnar Recording Studio-ah khian ka leng a, a neitupa Pu Chhuantea khian “Nang nen” tih hla thluk chiah mai hi saphla, Pathian hla min ngaihthlak tir a, a thu a lo tha khawp mai a. Pu Chhuantea chuan “a mizo hla chhuahna a rei toh bok a, a inthlahrun awm toh lo ang tiraw? Han let teh a” tiin min fuih pawrh a, ka let ve ta ngawt alawm” tiin ka thian pain min hrilh a, a lehlin taka pawh chu a chunga ka rawn post khi a ni e.

    Report this comment

  28. 28
    PimPom Says:

    @Zorunpuia: Sap hla lak chhawnna chu eng hla nge han sawi law law la mawle.

    Report this comment

  29. 29
    PimPom Says:

    @Vaiva: ka Link kha ilo chhiar maw?

    Report this comment

  30. 30
    Zorunpuia Says:

    @PimPom, Gospel hla a ni a. Saimawii sak iai hmaa ka ngaihthlak tawh a ni. Kum 1995 vel daih tawh khan a ni. A hla hming ka hre lo va, Khasi ho play, an room ka len lai a nih avanga ka hriat mai a ni. Hostel ah.

    Report this comment

  31. 31
    blackmagicwoman Says:

    ‘herthuli’ tih chu youtube ah kan ngaithla chhin a, elvis-a hla ‘let me be your teddy bear’ nen inang khawps mai.

    https://www.youtube.com/watch?v=zq1mDlYTrTo

    Report this comment

  32. 32
    Mr.Konkhopuival Says:

    Zorunpuia :Nia, a phuahtu te hi nupa an nia tunah chuan an inthen tawh a, hmeichhia zawk hian an pa hian a thluk a siam a ti a, hetiang em em a alar pawh an ring lova, kan sawi tum erawh an phuah ang hian sak sak ta se, a phuahtute pawh rilru tak pawh a ni a sin le

    Report this comment

  33. 33
    PimPom Says:

    @Zorunpuia: Thankz.

    Report this comment

  34. 34
    Zorunpuia Says:

    @Mr.Konkhopuival & PimPom,
    Ni e. A hla thluk chu lo dah tha ila, a hla thu hrim hrim hi chu a nalh ka ti khawp mai. A mizo tawng vuah pawh a fuh thlap vek mai.

    Report this comment

  35. 35
    steel Says:

    sakhmel chauh thasi a, mahse UPC… akelele

    Report this comment

  36. 36
    speeds Says:

    a va inang lo tak ve mole..a phuahtu siam anga hlasak hi a satute mawhphurhna ve reng ni chuan ka lo hre ve ngawt a(tihdanglam an phal te a nih ngawt loh chuan)…mahse Rebecca i sak dan hi a thu in lak lawn dan hi a thluk an hman nen hian fuh riau ten ka lo hre ve mai mai a…

    Report this comment

  37. 37
    Mr.Konkhopuival Says:

    Rebecca hi chuan a sa thiam khawp mai bakah ka zaithiam ngaihsan tak pawh ani a, mizote hian sap tihdan tam tak hi kan copy nual a, mahse a lyrics ang tala sak hi a phuahtunu duhdan a ni a,Mizo zaithiam tam tak hian anachang kan hrelo thinin alang a,a phuahtu leh hla neitu te hi dah lal thiam ila a van tha zok danw ve le !!

    Report this comment

  38. 38
    son of God Says:

    I ti lawmawm hrim hrim e, Rebecca sak chu mawi zawk mahse, Original nge nge a hlu ve hrim hrim a lawm. Ka Original ve tlurh mai nia..

    Report this comment

  39. 39
    Mr.Konkhopuival Says:

    Nang ang tih hla phuahtu te an phuah lai hian an inngaihzawnnlai a ni a, an inkarah tuemaw tla zep an awm ve ngeiin an sawi a,a hmeichhia hian a phuahchhan ta a, rin aiin a lo lar ta phian a!!

    Report this comment

Leave a Reply

You must be logged in to post a comment.