By Lalthangfala Sailo
via https://www.vanglaini.org/
Hman ni khan Rulngan thah avanga thubuai siamsak an awm thu chanchin buah ka lo hmu a, tukinah hian (28.6.2010) rulngan chungchangah Mizote harh thar se tih chanchinbuah ka hmu leh a. Rulngan hian mihring chuk a bansan hma chuan rulngan chungah hian engtia harh thar tur nge ni ang? Thah rem vek mai hi harh thar dan chu a ni mai lawm ni? Rulngan hi a pui chauh ni lovin, a no te, tawng chen leka sei pawh hi, a pui tlukin a hlauhawm a.
Hman kum lawk khan, Chhiahtlangah kan nau mu turin thosilen a han zar dawn a. Rulngan no te a lo awm hluah mai a, a kutah a chuk a. A na lem lo va, mahse a awm lam a tawt tak mup mup avangin, Serchhip Hospital an pan pui a, an thlen hmain a thi ta mai a. Rulngan hi Mizoramah hian an tam lem lo. A chhan chu mi chuk hlum ching an nih vangin, Mizopa hi chuan an hmuh phawt chuan thah ve mai hi an duh tlat.
Tun hnai hian mi thenkhat intifing vel hian, rulngan humhalh an han sawi mawi vel a, a thla ka la e, bal e, te an ti nen. Rul hi Pathian anchhe dawng a ni a, thah rem vek tur a ni. “Hetiang hi i tih avangin ran zawng zawng leh ram sa tinreng zingah chuan anchhe dawngin i awm bik ang… nang leh hmeichhia hi ka indotir ang che u a, i thlahte leh a thlahte pawh ka indotir bawk ang” (Gen. 3:14-15) Lalpa Pathianin a ti a ni.
Tichuan rul chu kan ral do, kan hmelma a ni a, rul kan thah hian, Pathian thu kan zawm a ni. Court-ah pawh min khing se, “Pathian thuin rul, ka hmelma hi ka that a ni,” tih tlat tur. Rul hi Hindu-hovin an humhalh. An sakhua vang a ni. Nepal rama kan kal tumin zan khat chu thlamah kan riak a, chutah chuan Chawngkawr a tam thu an sawi a. Thlamah pawh chuan a luh fo thu te an sawi chuan, mut a tui vak lo. Vai rul khawi te pawh an awm a. Chungho ang zia-zanga rulngan lo humhalh ve ngawt chu, Mizo pa leh Kristian tan chuan a tih chi lo ve. Sawi mawi loh tur hi zawng i sawimawi tawh lo vang u. Tun hma kha chuan rulngan thah hian lu man Rs. 2/- a nei a, Rs. 2/- kha chuan a lei tam fu mai.
Bawngsa ser li lai a lei theih. Tunah hian Bawng ti hi Kg. Rs. 200/- man a ni a, bawng ti Kg 4 lei tur chuan Rs. 800/- a ngai. Sorkarin heti zat hi rulngan thattu hnenah pe ve leh ta zawk se, a dik viau lo’ng maw? Tun hma lam kha chuan rulngan hi an tam vak lo. Rul ral an tam vang a ni. Saphairuang te leh sanghar chi hrang hrangte khan rul an ei thin. Chu bakah chuan, mu chi hrang hrang, mu-vanlai, mu ni-ngal-dang, leh mu dangte pawh khan rul an ei thin. Mu vanlai phei chuan rulngan puitling pawh a ngam a ni. Tunah erawh hi chuan, rul ei thinte hi an rêm zo ta. Mizoramah hian hmuh tur an awm meuh tawh lo. An uiawm hle mai.
Mizo hi kan kut a hlei em a, kan that chereu zo ta ni. Mi chuk hlum ching rulngan lah an pun phah si. Rul eitur ramsa leh mu te an rêm zawh nachhan pakhat chu, kah hlum bakah, tûr zinc phophate-in sazu kan hrai a, sazu hrai hlum chu, mu-in emaw sangharin emaw an ei chuan a eitu chu a thi ve leh a ni. Rul eitu an rêm zawh takah chuan tunlai hian rulngan an pung ta a ni. Mihring tan tan lak a ngai ta hle. Ran vulh te pawh hian rulngan chuk chu an haw ngei mai. Hman deuh tawh khan, kan ui sathiam chu vau-vah a bauh a bauh mai a. Ka u ten silai kengin an zuk en nak chuan, rulngan lianpui mai nen hian an insual a lo ni a, kan ui sathiam chu a lo hliam na hle tawh a, thlam an pawm thleng hman chauh va, a thi ta a. Rul pawh chu ka u chuan a kap hlum a, a tui te pawh a ti keh vek a, mahse kan ui sathiam chu a chhandam thei chuang lo.
Rulngan ai chuan, thing leh mau leh nungcha tinreng Pathian thilsiam mawi tak mai hi, i humhalhin i zuat lian ang u. Hei hi rulngan chungchang ai chuan kan thanharhna tur a ni e. Pathian anchhe dawng tel lovin, thilsiam dangte humhalh tur hian thanharh a ngai tak zet a ni e. Hla phuahtu Vankhama’n- “Lentupui chawi vel Zotlang kan ram nuam, Dai fim thing kham siktui thiang luanna, Hram thiam va tinreng leh siah thing zar bawm Huiva rengchal ngirtling lelthang zaina” tia a phuah ram chu, kan Mizoram hi a ni. Tunah hi chuan “lentupui chawivel” ni lovin, “Thlawhbaw bakbarep zoram ten vung mai hi,” tih zawk tur a ni ta.
Rulngan ai chuan kan ram ngaw hi i humhalh teh ang u. A hmasa berah chuan tun tak hi a hun a ni bawk a, mau tak hi i humhalh teh ang. Mau a tam a, 2008 kum khan mau a rah a, a tiak nghal a, kei pawhin buhfai ip sawm lai mau rah ka ching a, mau rah chu a tiak tha duh khawp mai a, 2009 kha chuan a tuai hman meuh lo. Tlema zawng chauh a tuai. Mau tuai chhun Bazara an zawrh chu ka hmu a, “A va han uiawm em, mau tam a tuai leh tan chauhva, hetia kan khawrh chuan a rêm mai ang a,” ka ti a. A zuartupa rilru chu ka han hneh lo laileng khawp a, “Mai mai a, kan ei dawn alawm maw le,” tiin mi chhang a, hrehawm ka ti hle.
Mi rilruah hian thing leh mau leh nungchate humhalh lam hi chu a tla na lo hle a ni tih mi hriattir hle. Tun hma, 1966 hma lam kha chuan, mau tuai zawrh te kha phal loh a ni thin a. Bazarah tuman a lang a-pau chuan mautuai zuar an awm ngai lo. Ruihhlo anga a ruka zuar te chu an awm mahna. 1974 te pawh khan Forest Department chuan mau tuai zawrh a la khap a, “Zuar an awm pawhin, keini chhung chuan i lei lo ang u,” ka ti a, kan lei ngai lo. Rawtuai lianpui pui chu, mau pui lianpui puiah an lo thang puitling a, Mizo ramah hian mau leh rua kan ngah thin teh mai a nih kha. Chutiang ram chu tunah hian kan nei leh thei a ni, kan ta a ni a, kan ram ami an ni, kan humhalh tur a ni.
Tunah tak hian mau tam kha, kumin fur lai hian a lo tuai dawn a. Chu tak chu i zuat hram ang u hming. Kumin hian mau tak tuai hi tuman khawrh lo ila, ei pawh i ei lo mai ang u, kan thi miah lo vang. Tuna rente hi nakina renpui tur a ni, Vankama’n a ti mathlawn lo vin, i han renchem hram teh ang u khai. Forest Department te pawh hi Mizoram hma ngaiin han tang se la, an theih ngang loh leh, “Aka hmui nge nge,” tih ang khanin, YMA hian hma la leh mai se, a va tha dawn em. Kumin hi, tun mautam hnua mau tak a tuai kum hmasa ber a ni dawn a. Kumin hi chuan kan vaiin, Rulngan aiah mautak tuai i humhalh ang u khai.
source: vanglaini
A dik, rulngan humhalh hi thil pawi tak tur a ni. Enge kan ngaihdan ni hlawm le?
Similar Posts:
- Rulngan thattu hremna leh kei!
- Rulngan note… (hisssssss…)
- Rulngan hi le
- Mizoram-in ramdanga awm tawh lo satel nei tam ber! ‘Rul ngan hi King Cobra ngei a ni e’ -Research Scholar
- Rulngan nia hriatin Vanlalnghaka chukhlum
(Y)
August 15th, 2010 at 2:53 am
@90 a nih duh hmel khawp mai. Kan rilru hi a dik tawh lo a ni. Thenawmpa in leh lo a neih ang neih ve kan tum a,kan rualawhna avangin kan khawlo ta a ni.
Hmana SUUU kan tih kha tunah erawh SEEE kan ti ta a nih ber hi maw
Report this comment
August 15th, 2010 at 2:54 am
@lasi pitar: rul an thur ngai ka va hre lo ve(rul sa ka ei ngai lo naa) a thur an tih ka la hre miah lo..akekeke
Report this comment
August 15th, 2010 at 3:00 am
@Keimah Thingtlangpa, chakma i ni an ti sia rul thur leh thur loh te chu i hre ber tur ah ka lo ngai ngawt asin :lol:
Report this comment
August 15th, 2010 at 3:10 am
He thu ziak tupa Lalthangfala Sailo hi SPECIAL HINDI SCHOOL Venghlui a Vice Principal thin kha em ni aw?Padma shri te a lo dawng tawh te anih phei chuan.Hetiang thu te han ziah re re,a chhiar zau in an hawiher zau awm teh lul nen..MIZORAM HIAN RULNGAN HUMHALH KAN MAWMAWH LEH SI..tih hi rawn ziak zawk teh se…
Report this comment
August 15th, 2010 at 3:12 am
Rulngan hi awm miah lo mahse nunphung pangngai a ti khaihlak in chaw ei a tih tui loh ka ring lem lo,mahse lo awm ve mai mai se pawi em ni?ka ti deuh!keichuan ka hmuchak lem lo na a..! :lol: :lol:
Report this comment
August 15th, 2010 at 3:22 am
@lasi pitar: chakma zawng zawngin rul sa an ei vek kher em ni?
Report this comment
August 15th, 2010 at 3:23 am
He thu ziaktu Lalthangfala Sailo hi ka support full, Rul hrim hrim hi chu ka hlau bawka ka ten bawk.
Report this comment
August 15th, 2010 at 3:28 am
@Keimah Thingtlangpa, i in zep mai nih chu a..chakma nih te chu zahthlak hleih nem tangkawng sa te hlei2 in duh tih pawh tlanghriat.. :lol: :lol: :lol:
Report this comment
August 15th, 2010 at 3:30 am
@Lasi pitar..Tangkawng sa hi a tui an ti tak a sin,a ei tawh ka hriat ho chuan…mase CHAKMA ka ni ve lo ania aw..
Report this comment
August 15th, 2010 at 3:33 am
@ben, keipoh zep lovah chuan ka ei chhin ve chak mai mai asin..sawi ve reng2 ah..mahse engdang zawng aiin rulngan sa hi ka deep fry chak ber..a chak ngawt in ka ring
Report this comment
August 15th, 2010 at 3:33 am
@der_spiegel, i hman hunah min lo email lawk..thil ka zawt duh che. Vawiin kher lovah pawh..urgent lo.
pieceofmymind3@gmail.com
Report this comment
August 15th, 2010 at 3:37 am
@lasi pitar: chutia chakma hmuha min hmuh tlatte chuan ka ni lo tiin vantirhkoh tawng pawn sawi mah ila i awi dawn si lova,ka sawi lo mai ang. Nangmahah chuan chakma ka ni mai ang..akekekeke
Report this comment
August 15th, 2010 at 3:46 am
Chakma emaw ‘Ma’ lo emaw tan pawh mut a hun ta..mangtha phots u le..ka mumang a rul ka hmuh palh hlauh chuan @Keimah Thingtlangpa chawlhni sa a tan i rawn that mai a niang chu tiro..
Report this comment
August 15th, 2010 at 3:48 am
Ngawiteh u … Keini ho hi Sava,Laiking,Sazu,RUl ..etc kan hmuhin man emaw that emaw kan tum laiin… Sap ho chuan Camera te nen an lo hmet kelh kelh tawh thin a nia. I harh teh ang u…..
Hv,alchemist leh Ben te hi ka thlawp ve tlat kei chuan!
Report this comment
August 15th, 2010 at 3:55 am
alchemis #96 t& Keimah Thingtlangpa #92..
hman deuha Police hovina nun chan ta te Salute an pek truma, kan MPS pakhat a salute pek huna awmlova lo ram vak daih ni a an sawi tekha.. Attemp to Wildlife Murder..!! tihvel ten case han siam tir ve sela mawle. lolzzz
Report this comment
August 15th, 2010 at 4:41 am
Mihring ah pawh mi in min thah tum a min beih a, mahni sa him nan a kan lo beih let na lam a in thah palh na a thlen pawh hian tlem chuan in ngaih thiamna deuh chu a awm a nih hi…. rul emaw ramsa dang engpawh in min beih a, sa himna tur a thah anih chuan a pawmawm khawp mai..mahse chutiang nilo, hmuh hrim2 thah emaw…thah rem vek tur…tih lampang zawnga kan sawi fo mai hi heng ramsa zawng zawng duh tak siamtu Pathian hian engtin nge a ngaih ve ang aw??? An chunga thu neitu leh enkawl tu tura a dah mihring te chu kan ni hlawm si a.
Hetiang sawi tak ah chuan mithiam pakhat thusawi ka share chak mai mai pakhat chu ‘tun ah tak mai hian khawvel a insect zawng2 hi thi rem ta thut se, tun atanga kum 50 ah khawvela thilnung dang zawng2 pawh hi an thi vek ang…. chutiang ang chuan tun ah hian khawvel a mihring zawng2 hi awmlo ve ta thut ila, tun atanga kum 50 ah chuan khawvela thil nung zawng2 hi an par thung ang (life on earth will bloom)’
Report this comment
August 15th, 2010 at 5:32 am
@BMW(#111)… Check your email.
Report this comment
August 15th, 2010 at 5:36 am
Mi blog ngaihnawm ka tih pakhat:
https://sharingourearth.blogspot.com/
Report this comment
August 15th, 2010 at 5:43 am
hei chu comment ava tam ve aw, uluk deuhin ka han chhiar chhuak dap teh ang, mut hma in… chhiar tran ang aw…
Report this comment
August 15th, 2010 at 6:42 am
mu daih teh ang
Report this comment
August 15th, 2010 at 7:05 am
Rul tur bik Anti-venom hi a hranpa liau liauin a awm em?
Hman deuh khan rultuha chuk, Aizawl Civil Hospital Casualty-a an panpui chu Avil, TT leh Difen in an lo chiu a. Mi naran tan chuan han ngaihtuah mai chuan anti-allergy ni zawk mai awm tak kha anti-venom a ni e, an lo tihsak a, a ni reng em? A hre deuhte khan han sawi teh u. Hetiang hi em ni a treatment ve reng?
Report this comment
August 15th, 2010 at 7:22 am
(Vanglaini lamah khan ka lo chhiar tawh a..) 50-50 ka support e. Ka ngaihdan chuan … Thah tuma vai ang em em chu a tul/ngai ka ti lo va, chutiang bawkin hmuh apiang humhalh tum erawh a tul ka ti lo.
Ram changkangte tihdan hi kan la ve tingtang ang reng a. (Facilities leh hmun te ram dang angin nei ve si lo hian), Kan humhalh anih pawhin a awmna tur bik emaw, mipuiin kan tlawhpawhloh ramah te humhalh ni se a duhawm.
Khawchhung leh chenna bul hnaia humhalh/khawi ang atan chuan Rulngan hi chu ka support lo e.
Zawhna 1: Rulngan thattu an man chuan.. a nih leh Rulngan khawiin mi chu hlum ta se, a khawitu an man ve ang em? Tu nge mawhphur ang? An humhalh duh emaw ,an zirchiang duh anih chuan a hrana khawina hmun nei se, Zoologist etc (mithiam) te enkawlna hnuaiah ni rawh se.. Mipui mimir buaipui tur chi pawh a ni lo ve.
Rulngan khawitu-te chu an chhungte a chu ang tih chu ka hlauhpui ve mai mai..
Kei chuan Rulngan kher lo pawh Rul hrim2 chu ka nel lo ve!
Report this comment
August 15th, 2010 at 7:26 am
110
Report this comment
August 15th, 2010 at 7:56 am
Rul humhalh hi tropical ram ah chuan thil tullo ber a ni. Rul humhalh hi “mi hawizau” nihna pawh a ni lo.
Forest Deptt dawhkan atang leh Khawpui inchhawng sang atanga rul humhalh chu a hlauhawm loh. A tuartu tur chu thingtlang lama kan unaute an ni.
Rulngan hmutu chuan that zel rawh se. Mahse a thah hnu ah tlangzarh lo se.
Report this comment
August 15th, 2010 at 8:21 am
@Sakface: Rultuha chuk a ni tih an chiang a nih chuan a dik thei ang. Rultuha tur hi a chak tawk lo a, nunna tan a hlauhawm lutuk lo an ti. Chuvang chuan Difenin a na a chhawk anga, TT in pun leh tetanus lakah a veng anga, Avilin allergic and awmpalh thei anaphylaxis lakah a veng turah an ngai a ni ngei ang le. A damchhuak a ni phawtah ngai teh ang.
… Khrum
Report this comment
August 15th, 2010 at 8:22 am
A va thra thruai thruai ve. khawpuiah a him chinah kan awm a, humhalh ang etc lo tih ve vak a trul ka ti tehchiam lo kei pawh. A tuartute chu thingtlang lam mi an ni zel. Lo vaw hlum zel rawh se.
Court-ah pawh min khing se, “Pathian thuin rul, ka hmelma hi ka that a ni,” tih tlat tur
Report this comment
August 15th, 2010 at 8:57 am
Tun hnai hian mi thenkhat intifing vel hian, rulngan humhalh an han sawi mawi vel a, a thla ka la e, bal e, te an ti nen. Rul hi Pathian anchhe dawng a ni a, thah rem vek tur a ni. “Hetiang hi i tih avangin ran zawng zawng leh ram sa tinreng zingah chuan anchhe dawngin i awm bik ang… nang leh hmeichhia hi ka indotir ang che u a, i thlahte leh a thlahte pawh ka indotir bawk ang” (Gen. 3:14-15) Lalpa Pathianin a ti a ni. tih tak hi a HO KA TI VE EM EM ringawt kei misual hian!!!
:confitakin: Lolz
A tawngkam atang hian eng ang mi nge ni ang aw??? tiin ka ngaihruah neuh neuh
Report this comment
August 15th, 2010 at 9:08 am
nia, tunlai hian mi tlemte, Sap an chak ho leh intivei ho hian rulngan humhalh an soi moi a ni. :lol: :lol: :lol: ka nuih an tiza topzzzz :lol: :lol: :lol:
intihveina chi a ni leuhz!
Khawvela i hmangaih ber 3 te khan rulngan hian han kiss chiah se la zawng … :lol: i soi moi ngut ang emo chu?? HAHAHA
Chutia humhalh i duh a, eng balance-lance emo i ngai poimoh a nih leh, man la, i khumhnuaiah awpkeu tir ta che :lol: :lol: :lol:
Report this comment
August 15th, 2010 at 9:17 am
ESOPA THAWNTHU FING min tihrechhuak.
Pa 1 ramvak hian thlasik khaw vawt lutukin a hmehhlum mai tur rul hi a hmu a, a khawngaih a, inah a hawn a, mei-ah a hem lum ta a. Rul chu a lo harh veleh chu in-a naupang awmte chu chuk tumin a um ta mai a.
Pa 1 khan chem a la lawk a, a fik hmakzzz :lol: ESOPA THAWNTHU FING ah khan a awm :lol:
Khatiang kha in ang awm :lol: :lol: :lol: HUMHALH RU :lol: :lol: :lol:
Report this comment
August 15th, 2010 at 9:21 am
@Taykhery, full support ka pe a che.
Rul ngah tak ram nih ai chuan sakhi, sazuk, sava, ngah tak ram nih ka duh zawk.
Report this comment
August 15th, 2010 at 9:25 am
Humhalh lul love, ramhnuaia kal ve zauh2 thin chuan in hrethiam ang. Tihthinrim loh emaw chhaih kawlhloh chuan mi a chu ngailo in ti maw? a dik ang, mahse rul hi a hranpaa va chhaihkawlh kan awm ka ring lo, tihpalh ni tlangpui rah palhetc. Rulngan humhalh duh chuan sahuanah humhalh mai teh se.
Report this comment
August 15th, 2010 at 9:25 am
rulngan thah rem vang hian ecological balance hi a buai lovang, rul dang ala tam em mai
chuvangin hmuh chuan thah zel tur, a den tlat
Report this comment
August 15th, 2010 at 9:30 am
Rulngan aia humhalh tul zawk a tam mai, kan ram ah hian.
Report this comment
August 15th, 2010 at 9:35 am
@RenghangMan: I sawi dik khawp mai!. Rul hi kan chhaihkawlh hmain kan that tlangpui!
hahhaaha
Tin, Rul chuk/chu reng reng hi tihpalh deuh vek a ni bawk. Kan humhalh chuan tihpalhlohin min la chuk/chu ang ti nia.. (awmhlei vang-in) :lol:
Keipawh ka ngaihdan chiah a ni: Ecosystem-ah hian rul/rul tel lo hian kan awm thei awm e.. ehhehhe
Rul kan humhalh chuan Thosi pawh humhalh i la… Tho nen (bazara sa zawrhna-a thotle te nen….hehe)
Rul humhalh hi changkanna kan ti leh mai dawn em ni!… :roll:
Rul aia pawimawh humhalh tur hi a tam lutuk…. Rul hi chu Queue ah a tawp berah dah ila.. chupawh duh lo i la…
Report this comment
August 15th, 2010 at 9:59 am
Rul hi ka lo that ve nual tawh, hlau leh khur chungin..Pathian duhzawng ti ang hrima inngaih erawh a THING ka ti. He khawvel hi survival of the fittest an lo tih thin kha, ka hmuh hmasak phawt chuan min chuk hmain ka chempui ngei hian ka that zel ang, ramhnuaiah camera ka keng ngai lo tlat.
Report this comment
August 15th, 2010 at 10:14 am
Lui kal/ram kalnaah rul ka hmuh chuan thah hram ka duh thin-vanneihna ah ka ngai. Ka thah loh chuan hlawhchham turah ka in ngai, a dik thin bawk
Report this comment
August 15th, 2010 at 11:16 am
Rulngan leh ngan lo lampang ai chuan, rul hrim hrim hmuh chuan thah zel mai hi ka duh ani. Hman ni deuh khan kan thenawm te inah rul a lut a, khum hnuaiah a tawm tlat mai a, a buai thlak duh khawp mai.
Report this comment
August 15th, 2010 at 12:09 pm
Nangni rul thlah te u…………
Report this comment
August 15th, 2010 at 12:15 pm
Thosi pawh min tina thei, thah zel tur.
Rul pawh a ‘ngan’ maw ‘ngan lo’ emaw pawh nise thah zel tur.
Report this comment
August 15th, 2010 at 2:14 pm
Inhnialna tlak a ni pawn ka hre lo ve, a humhalh duh chuan lo humhalh se, sawisel vak vak a ngai ka ti lo. Humhalh duh lo chuan ngawi rengin duh leh lo that zel se, a in balance tawk vel chiah ang.
Report this comment
August 15th, 2010 at 2:57 pm
Rul chu ka khawi ve tawh a…lehkha kan zir laiin..hostel-ah…ka khawi hnu chuan mi an rawn leng tha duh tawh lo reng reng…nula phei chu…hahaha
Rulngan hmuh apiang thah tur tih ngaihdan hi chu kei M. Sc (Zoology) hian ka trawmpui lo khawp mai…rul nel lo pawl tak chu ka ni ang..mahse thah kher a tulna ka hre chuang lo…
Pathian hian engkim hi inring tawn a in mamawh tawnin a siam a, (Ecological balance) rannung pakhat kan tih ral/rem hian a kaihhnawih dangten an tuar ve zel a..comment vak a chakawm a..mahse kan hrethiam vek thoin ka ring…hrethiam lo chuan ecology text book ah food chain chungchang lo chhiar mai teh u’n
Report this comment
August 15th, 2010 at 3:12 pm
Rul hi ka hlau a, min chuk phakah awm lo se ka duh.
Report this comment
August 15th, 2010 at 3:42 pm
@funny, MPS 1 kha emo min ti chawk reng a salute hi ka dawng ve fo reng a ni
Report this comment
August 15th, 2010 at 4:38 pm
A topic teh tawl chu leh.
Rul ngan, thenkhatin king cobra ani antia, thenkhatin anilo an tia. Engpawh nise he rul nungchang hi Mihringte tana hlauhawm thei anih avangin humhalh lutuk chi anilo. Extinct hlauhawm endangered species pawh anilo.
Mission vengah sawn rul ngan tui a awp keu tir a, inah a khawi, ‘min tihnat a tum bik lemlo’ ati. Se bo hnu a se kawng a khar hunah ala inchhir ve ngei ang le.
Report this comment
August 15th, 2010 at 5:01 pm
Rulngan khawi te in sawi alaw..!! Sawrkar in a phal ami le aw!! license neih angai lo amawni aw..
phalna laka license tenen, rules and regulation tenena tih a ngaih loh chuan. India rama Animal law siam that angai ani ang.
(te lo tive ngawt ila.. kan thulo ve angreng sia)hehehReport this comment
August 15th, 2010 at 5:24 pm
@Funny, kan va sawi zo hmanlo teuh ve. Rul ngan Post thar a awm chiah e
Report this comment