LPS-in Zotalk programme-ah Total Prohibition chungchanga live debate an buatsaih kha ka lo en ve a, a manhla hle. Zu chungchang ziahna article chanchinbu hrang hrangah leh internet lam atang ten ka lo chhiar ve zel a. Vawi tam tak, “Total Prohibition avangin Mizoramah zu tha lo a tam phah,” tih thu hmuh tur a awm. He thu ka hriat apiang hian, “Zu tha a awm a mi?” tih hi min ngaihtuah tir a. Zu tih tak nan emaw a in te an ruih hma nana a zuartute emaw, a sa tuten emaw thil dang an pawlh hi zu tha lo/zu chhia kan tih ber chu niin a lang.
Hetianga, zu-a thil dang pawlh hi a tha lo teh meuh mai. Mahse, eng anga zu man to leh changkang, thil dang pawlh miah loh pawh ni se; kan taksa, rilru leh pawn lam nun thlenga a tihchhiat theih dan hriatchian chuan zu tha hi a lo awm lo. Engtik hunah emaw chuan Total Prohibition hi hlih a la ngai ngei ang. Chutiang hun a lo thleng a nih pawhin a nihna dik tak kan hriat a, in lo thei tura inven nachang kan hriat hi a la pawimawh dawn chauh.
Zu chi hrang hrangte:
Chemistry zirna atang chuan carbon leh hydrogen an pai tam dan a zirin zu hi chi hrang hrangah then a ni a. Chung zinga kan hriat lar pahnih chu-
a) Methanol (Wood alcohol an ti bawk): Mizoram leh hmun dangah zu chhia in avanga mitdel leh thi sawi tur an awm thin a, hei hi methanol vang a ni tlangpui. Taksaa a luh chuan tûr hlauhawm takah a inlet a, lem khat (10 mL) lek pawh hian thihna a thlen thei a, thihna a thlen em loh paw’n mit a tidel thei.
Kan hriat atana tha chu laboratory a hman atana an siam ethanol-ah hian methanol 5-10% vel telh a ni thin. Chutiang chu denatured alcohol/ dehydrated alcohol/ methylated spirit, etc tih hming pu in zawrh chhuah a ni thin. Zu zuar tam takin an zu tih tak nan a hlauhawmzia hre lovin hetiang hi an lo telh ru thin a, chu chuan mit delna leh thihna hial a thlen thin.
b) Ethanol/ethyl alcohol: Hei hi kan in thin zu hi a ni a. Ethanol tam dan a zir leh siam dan a zirin zu hi chi hrang hrangah an then leh a. Distilled spirit an tih heng whisky, rum, vodka, brandy-ah te hian a tlangpuiin 40-50% ethanol a awm a, wine chi hrang hrangah hian 12-22% ethanol a awm. Beer/ toddy ah te hian 4-8% ethanol telh an ni thin. Mizorama kan siam chhuah rakzu tui pawlh loh kan tihah te hian 20-45% ethanol a awm ve thei a, bazaar a grape wine kan hmuh theih hoah hian 18% thleng te pawh a awm ve thei a ni.
Zu in taksaa hna a thawh dan:
Zu kan in hian kan pumpui leh ril bangah te a inchiah zawp (absorbed) a, chuta tang chuan kan thisenah lutin, thisen zamah a kal kual ta thin a. Thisen zam atangin thinah a lut leh a, chutah chuan kan thina enzymes chikhat alcohol dehydrogenase te chuan chemicals chikhat, tur hlauhawm tak acetaldehyde an tihah a lo let thin.
Kan ruih ber chu acetaldehyde hi a ni a, zu ngawlveina thlentu leh zu avanga natna leh harsatna chi hrang hrang thlentu a ni bawk. Acetaldehyde te hi kan taksa a enzymes chi dang, acetaldehyde dehydrogenase te chuan acetic acid-ah an lo let ve leh a, hei avang hian zu rui pawh an lo harh leh thei thin a ni. Thisena zu awm zat atangin zu kan in hnem leh hnem loh a hriat theih bawk.
Methanol hlauhawm dan:
Methanol te hi ethanol ang bawkin kan taksa a a luh chuan kan thisen zamah a kal kual a. Chuta tang chuan thinah lutin, kan thin a enzymes chi khat alcohol dehydrogenase kan tihte khan chemicals hlauhawm tak mai formaldehyde-ah an lo let a. He formaldehyde hi tur hlauhawm tak, acetaldehyde ai pawha hlauhawm zawk a ni. Formaldehyde chu formaldehyde dehydrogenase an tihten formic acid-ah an lo let veleh a ni. Heng chemicals chi hnih folmaldehyde leh formic acid-te hi thihna leh mitdelna thlen thintute chu an ni.
Grape wine hi:
Mizorama kan grape wine ho ah hian acidity (thur) a tam hle a. Sample thenkhat laboratory-a ka enchhin tawhhoah chuan 10-18% ethanol awmin, pH meter-ah 2-3.5 an kawk bawk. pH meter hi acidity (thur leh thur loh) tehna hmanrua a ni a, pH scale-ah chuan 7 hi neutral a ni. Chu chu tui thianghlim tak, engmah pawlh loh hian a kawk thin. 7 hnuai lam chu acid an ti a, a number a tlem poh leh acidity a sâng tihna a ni. Mizorama kan grape wine thenkhat hi pH scale-ah chuan pumpui tana pawi khawih thei khawpa thur an ni.
India ram dinhmun:
1. India ramah hian zu in mi maktaduai 62.5 awm anga chhut a ni a, kum 1970-1996 chhung khan zu in 106.7% (per capita consumption of alcohol) an tam belh anga chhut a ni.
2. Kum 1950-1960 inkar khan zu intan kum chawhrual (mean age) chu kum 23.36 a nih laiin kum 1980-1990 ah chuan kum 19.45 ah a tla thla.
3. Zu siam chhuah leh zawrh atanga tax lakluh hi India ram state tam berte sum hmuhna hnar a ni (kum khatah Rs 25,000 crores), zu zawrh khap a nihna state heng Gujarat, Mizoram, Manipur leh Nagaland tih loh state danga zu zawrh phal a nih chhan pawh tax atanga sum lut a tam vang nia ngaih a ni.
4. India ram state 23 a addiction centre hrang hrangte report-a a lan danin state pakhatah chauh tih lohah chuan zu hi addiction centre-a an awm chhan lian ber emaw a dawttu emaw a ni vek.
5. India ram sorkar Hospital-a hliam tuar inentir zawng zawng zingah 37% hi zu vang a ni a, rilru lam buaina 17.6%, thluak hliam (brain injuries) 15-20% leh mahni intihhlum tum 34% te chu zu vang a ni.
6. Hna thawhna hmuna kal lo (absenteeism) zingah 20% leh hna thawhna hmuna accident thleng 40% te hi zu kaihhnawih a ni.
7. Zu vanga kum tina kan hloh (annual loss) hi Rs 70,000-80,000 maktaduai inkar anga chhut a ni.
8. Indian mipa zingah nupuite chunga kutthlak ching 85% te chu nitin zu in emaw zu in zing tak an ni a. Hetiang thil thleng 50% aia tam chu zuruih laia thleng a ni.
9. India mipuite hian chawhrualin kan thawhchhuah atanga 3-45% chu zu manah kan hmang.
10. India ram hi zu lei tur leh zu in tam lamah khawvelah pathumna a ni ta. Hetia zu a hluar tak chhan chu kan khawtlang nun danglam chhoh zel vang te, zu a tam tak vang te, ram dang nena kan in sumdawn tawnna (a bikin zu kaihnawihah) thlah dul a nih avang te leh zu hlauhawmzia in zirtirna that tawk loh vang te nia ngaih a ni.
Meghalaya dinhmun:
Meghalaya hi India ram state zingah zu man tlawmna ber a ni a, zu bottle khat zel hi India ram hmun dang aiin 25% vel laiin a tlawm a, a chhan chu zu zuar ten tax an chawi tlem vang a ni. An English chanchinbu leh national newspaper-ah te an chanchin chhe lam an chhuah ngai vak loh avangin zu chungchang bikah pawh harsatna an nei ngai lo emaw tih mai tur a ni. Mahse, Express India April ni 18, 2008 chhuakah chuan Meghalaya a thihna thlentu lian ber (biggest killer) chu zu a nih thu an rawn chhuah.
Kum 2007 khan Meghalaya a civil Hospital pathum; Shillong, Tura leh Jowai Civil Hospital-ah ringawt zu avanga thi mi 104 an awm a, hmun dang ami te nen chhinchhiah ni phei selang chuan hei ai daiha a tam tur thu Shillong Civil Hospital Joint Director B. Garod chuan a sawi. Thi zawng zawng deuh thaw hi thalai kum 40 la tling lo an ni. Kumin kumtir Shillong Times chhuakah pawh zu hi an state chhunga thihna thlentu lian ber a la nih zel thu leh chhungkaw tinah zu ngawlvei pakhat zel tal awm ang an nih thu an rawn chhuah. Zu man a tlawmna leh zu tamna hmun apiangah zu avanga harsatna a pung niin a hmuh theih.
Khap zel hi a tha em?
Professor David Nutt-a, UK Government Adviser leh Advisory Council on the Misuse of Drugs, UK a Chairman ni bawk chuan, “Zu hi tunlaia hmuhchhuah chu ni se damdawi anga ngaih a ni ang a, khuahkhirh a ni ngei ang,” a ti. Zu hi ngaih (addict) theih a nih avang te, harsatna chi hrang hrang a siam theih avangin khuahkhirh hi thil tha tak a ni. Shillong-ah kum 10 dawn ka awm ta a, Mizoram atanga rawn kal Mizo tam takin Shillong nuam an tih chhan chu zu vang niin a lang a, zu in duh chuang lo mi tam tak hmuh tur an awm bawk.
Kohhrana mi inhmang tak, a tlangval that laia nasa taka zu lo in ve tawh thin, Shillong-a a rawn kal tuma zu in leh ta chu a in chhan ka zawt a. Ani chuan, “Zu ka in nasa thin a, khatia lei mai theiha zu intlar thut ka hmuh khan ka chil a put a, ka kal pel thei ngang lo a ni,” a ti. Hmanni lawka veng pakhat Pavalai Pawl Leader lo zin pawh a zu in chhan chu, “A tam em a ni,” tih a ni. Zu a tam chuan kan in tam a, zu lei tur a awm loh chuan kan in lo ni maiin a lang. Zu khap zel hi a tha hrih e.
Lehkhathiam leh hawi zau, thian kawm nana zu hmanga in thiam tak an awm a ni thei e. Chung mite chu Total Prohibition sawisel nasa ber tute pawh an niin ka hria. Amaherawhchu, heng mite hnena ka ngen duh chu; Mizo mipui nawlpui dinhmun thlir thiam phak khawpin kan khaw hawi ti zau ila, zu hi Mizote hian kan thatpui lo in kan la in thiam lo tak zet a ni tih pawm ngam ang u. Khap rem thei lo mah ila, in tur a tlem hi Mizote tan malsawmna a ni.
– K. Vanlaldinpuia, Dept. of Chemistry, NEHU
Ni, he fak mawi chawp ngial pawha buaina thlentu hi ka duhloh zia ka sawi thar dawn tawh lo. He web. a ka thil post hmasa ber hi chhiar ula; ka ngaihdan diktak chu in hre mai ang.
https://misual.life/2008/04/17/zu-chungchang-ka-hmuh-ve-dan/
Similar Posts:
- ZU INDAN THIAM
- Tlem in ve thin mai la!
- Warning Labels
- Zawlaidi- Kan zu hming thar tur chu!
- Lesser of two Evils
August 16th, 2010 at 11:34 am
@Mengmawi, a chumi kher². ‘O’ hi kan vengah chuan ‘au’ ka thi ‘thau thau’
Report this comment
August 16th, 2010 at 11:35 am
@ Pc-a #99
Wine hi zu-ah an chhiar tho. Mizo in zu kan tih ber hi enge ni a i hriat reng reng? Alcohol hi a ni mai lawm ni? Wine ah pawh vai buh um tawih leh sap zu i tih te ang thovin alcohol a tel a lawm
Brandy te, whiskey te, rum te hi zu an ni ang bawkin wine pawh hi zu tho a ni e.
Tin, beer ah 8% vel zu awma, grape ah 14% awm zawrh phal leh si hi enge i gnaih dan?
Report this comment
August 16th, 2010 at 11:44 am
@Mr. TSA,i va hnial hrat tak. Lolzzzz. Kus Vala rulngan ka rawn chhuah tir dawn… :D.
Zu i rui nasa em a lawm nangman. :lol:
Report this comment
August 16th, 2010 at 11:49 am
Keichu Zu ah chuan heng Quality tha lemlova mi tamtakin an ngaih RUM te ang mai pawh hi a tui ka ti phian..Lolz…
Report this comment
August 16th, 2010 at 11:49 am
A ruih a lo nuam ber a nih hi, vei nen.
Rulngan kha chu that teh uuuuuuuuuuuuuuuuuuuuuu thui. Kawmthlangah paih rawh u. Anchhedawng rul :sad:
Report this comment
August 16th, 2010 at 12:03 pm
Pharisai tamna ramah lo hi chuan zu an khap ve bur bur ngai lo.
Report this comment
August 16th, 2010 at 12:14 pm
Ahaha @#106:
MLTP act duhzawng hi pharisai nise duh lo zawng me fel :twisted:
Report this comment
August 16th, 2010 at 12:15 pm
@eldy, i ramin thil asiam hi ngaihlu rawh. Heng atang hian zu kan hman dan pawh hi a dang chhove hret hret zel turah ngai ila.
Bible-in whiskey, rakzu, brandy, rum a sawi lo, wine (uain) a lawm a sawi. Zu atìh tawh hi chuan a kawh adang daih tawh. Zu intur, athenawmte petu chu a chung a pik e. Tra la la la..!
Report this comment
August 16th, 2010 at 12:23 pm
Tihian han inzilhhau ta mai ila. Zu in chu in lama mutbo mai ni se, zu avanga harsatna kan tawh zawng zawng deuhthaw chu a bo vang. Mahse, an tha a za a, an chhuah pawn midang va tihbuai hi an chak leh tlat thin a. A rui phei chu an intipawr a, an chapo arh a, kuk lawlh hi an chakawm. A thilphal tawka rui erawh a chhungte tan lo chuan a kawm an nuam fu!! :lol:
Report this comment
August 16th, 2010 at 12:29 pm
Bible in wine a tih hi zu tho a ni ngai e.. Tra lu lu
Rakzu te, zupui te, zufang te pawh kan ram siam tho alawm Pc.. ngaihlu reng ta che… sel sel lo khan.. ejejeje
Report this comment
August 16th, 2010 at 12:45 pm
Zu tha te chu kan duh theuh alom. Zu tha la lut dawn ta ila kan kohhran upate leh ka hotu lian thenkhat intifel tak ten khap an tum leh tho dawn a. A sawi pawh hi a hahthlak tawh e.
Report this comment
August 16th, 2010 at 1:05 pm
@eldy, eh.Ka sawi leh peihlo. Kan damdawi te pawh hi ZU.
Report this comment
August 16th, 2010 at 1:12 pm
Mr.TSA chu zu i huat dan em em ah hian i pa hi rui chunga inchhungah buaina siam chi anih ngei dawn hi. Ka vannei a, ka pa hian zu in vangin buaina a siamngailo va, zu a in ngailoh avangin. Ka thiante, an pate zurui buai thin hi ka khawngaih thei angreng khawp mai.
Mahse engtiang pawhin bei ila zu hi kan ti rem dawn chuanglo. Chuvangin Zu in thiam hi alo ngai anih hi ka ti ta. In thiam chu an awm na meuh mai le. Hnam dangte atanga kan zir tur pawh a niin ka ring. Comment hmasa lamte chhiar nawn awn2 ni se.
”Aw! He zu thu hi har ka ti mang e! Khawilai tak atang hian nge Mizo hi Khawvel Hnam dangte ang ve reng2 lova danglam ta bik viau a, zu chungchangah nawhchizuar buan ang mai a tlu sawp ngei2 tura kan inngaih tak tlat?”
-P.L Liandinga
Report this comment
August 16th, 2010 at 1:39 pm
Zu khap la sawimawi fo ho hi chuan Mizo hman min hmusit hle tihna a ni, zu in ve tlak kan ni lo, an tihna.
Report this comment
August 16th, 2010 at 1:58 pm
GOSPELSMS:
Ratu ah chhandamna Camping Chhawng 5 neiinZu Factory tamtaktihchhiat ania khaw tlang hmeltih danglam anita(Upa Kama,Ratu)
*www.smsgupshup.com*
Report this comment
August 16th, 2010 at 2:02 pm
wainchh !!
Report this comment
August 16th, 2010 at 4:06 pm
@ Sony.
A dik lutuk: min hmusit katih. black a mizuar2 hi a tok toh.
Report this comment
August 16th, 2010 at 4:28 pm
zu tha chu methyl alcohol leh harpic etc pawlh loh, zu chhia chu adulteated tih hi an sawi awmzia chu ani. tan zawng neihsa avanga hai der hi misual zia ani. thu i thiam bawk a mifel leh mitha hi a danglamna han sawi teh.
Report this comment
August 16th, 2010 at 4:34 pm
A post tupa hian a thil post hi a theihnghilh tawh a ni ang
Report this comment
August 16th, 2010 at 4:34 pm
Zu tha hi a awm lo aniang, in hnem deuh chuan kan rui zel mai.
Report this comment
August 16th, 2010 at 4:37 pm
@lalmizualpa, Thuamtea Khawlhring leh PL Liandinga te an han inhnial bap bap hi chuan kan fing sawt sawt thin nia. Zu hi chu a inin an sawimawi/tan ang a, a in lovin an sawichhia/tan lo vang.
Report this comment
August 16th, 2010 at 4:42 pm
Zu tha chu han in ila a dam dap mai a; ruih a nuam a zangkhai a; Zing lam a luna lekluk a awmlo. Rakzu fir thildang pawlh loh lem zawng hrawk khakfak mai hi; in nuam kala ti ber mai.
Report this comment
August 16th, 2010 at 4:45 pm
Zu Zawng Zawng Zinga Zing Zu Zet Zawng tih hla kha sa mai ang u
Report this comment
August 16th, 2010 at 4:54 pm
Kan changkan ve deuh hunah Zu kan buaipui dan hi chu a ziaawm deuh ang. Mizorama Zu kan buaipui dan hi chu – Sorkar, Kohhran, NGO hrang hrang, YMA, VDP, JAC, Vengchchung Welfare adt. te hian an do a, kan thlen chin hi chu kan hre vek si. Zu khap rem tih hi zawng khaw te (In 50 emaw vel) tangrual tih chi chauh a ni. Zu hi ka support miah lo a nia!
Report this comment
August 16th, 2010 at 5:05 pm
Ka rawn tlai deuh nanga ka han inrawlh tho tho teh ang.
A dik… ZU tha a awm lo….mahse zu chhia chu a awm chiang..
Mi tamtakin in an thihpui tawh, a last ah keipawh ka ni maithei hriat ni suh… engpawh nise zu chhia in lovin zu pangai in phawt tur a ni ngai e.
Report this comment
August 16th, 2010 at 5:47 pm
“Zu hi kan hmelma ani, ka in rem dawn”, -K’u Muanga- of the World.
Report this comment
August 16th, 2010 at 6:01 pm
Sipai ho pawh hian sem tawh lo se a tha ang, zu tha a awm si lo.
Report this comment
August 16th, 2010 at 6:06 pm
Tun dinhmunah chiah hi chuan Khawpui liana Company hrang2(Call centre etc) te hian Aizawlah hian rawn inbun ve ta sela, kan thalai tamtak zanah hna thawkin an chhuak suau suau anga. Kohhran Programme a tibuai tiin khap kan tum ngeiin ka ring.
Report this comment
August 16th, 2010 at 9:02 pm
Zu bawk hi kan comment leh teh ang.
#121 Mr.TSA, Sawichhia/sawimawi tih velah buai suh. Zu hian in kawmthlang nilo in inchhungah ngei bu a khuar a. Chuvang chuan he zu thu hi i hriatchian angai.
Mizorama Damdawi kan hman lar em em, nimesulide leh zu hi a in hal tih te hi lo hre ve mai mai la, nakinah i pa tan te khan ala tangkai thei hlauh ange.
Zu hi a tha ka ti lo. Tha ni se a bottle ah hian ‘Drinking alcohol is injurious to health’ tih hi a in ziak lovang. Mahse kan khap rem dawn chuanglo. In dan thiam hi ani ka sawi mawi mai tak chu ni.
Report this comment
August 16th, 2010 at 9:30 pm
Zukhapburduha te ho hian, MLTP act sawisel apiang hi zu in mi ah an puh loh paw’n, zu tan/sawimawi-ah tal an puh zel mai hi enge a chhan niang le ?
ZU hi a tha ka ti hlawl lova, sawimawi chi ah pawh ka ngai lo. Chutih rual chuan Zu khap bur hi mi mawl hnaah ka ngai.
Report this comment
August 16th, 2010 at 9:37 pm
Zu aichuan Zuzu a denzar zawk
kha daih kha asin :lol:
Report this comment
August 16th, 2010 at 9:58 pm
he lamah chuan alcoholic drink reng rengah Drinkaware.ie tih a in bel vek a, a link ah chuan zu that loh thu leh in limit chin vel an ziah ka ring.
Tumah in zu hi a tha e an ti lo. England ah pawh dan thar an siam dawn in ka hria, 50 p aia tlawm zu a awm tur a ni lo tih lam deuh. Zu man tih to a, duh tawk a in loh kha a tha niin an hria ni tur a ni.
Mapuia article ziah khi a tha ve tho. Mahse kan ram a MLTP hi chu kohhran nawr chhuah, kohhran duhdan anih vang mai mai a ni. Sawrkar tan chuan in ngaihtuah that a tul in ka hria.
Thil tha lo zawng zawng hi kan khap bet thei lo. Zu vanga thihna leh chini leh vawksa vanga thihna hi a in zat reng ang. Engtikah emaw chuan zu hi dan anga zawrh a ni leh dawn chiang a.
Nupui pasal nei lo tan a sex hman hi kohhran tan sual ani. Sawrkar tan erawh a ni ve lo, sawrkar chuan safe-sex a zirtir mai tur a ni.
Zu chungchangah pawh hei hi sawrkar thlir dan tur niin a lang. A in duh lote avang ringawt a a in duhte pawngpaw awpbeh lutuk kha thil dik ber niin a lang bik lo e..
Report this comment
August 16th, 2010 at 10:58 pm
Tukin khan kawmen ka tum a , eng eng emaw vangin kawmen thei ta lo a..Zu hi keipawh a thratna ka hre ta lo..-No khat a awm a- duhtawk a,um 1 a awm a duhtawk trin(/bel) 1 a awma duhtawk tho kha ka ni ve thrin..Inhlawhfa chawp,siliper khing lehlam thlak tawh..Kan hmui ei phalo vun ro ruap…Kawr zak thler…Kekawr ziper chhia… Kekawr mawngpawp bel ha chungin kan han tlak ve pap pap tak kha a nia leh..! Lo in ta lo ila..awwW..
Report this comment
August 16th, 2010 at 11:21 pm
‘Zu tha a awmlo’ ka’n ti zet naa; khawizu hi a tha khawp mai.
Report this comment
August 16th, 2010 at 11:22 pm
In rawn comment liam liam a; a lawmawmin a bengvarthlak e.
Report this comment