Kum 2000 khan phai ah lekha zira ka awm laiin nikhat chu ka khua a har em em maia. Ka nun hman dan te thlir kir in ka rilru chu ka kawm melh melh a. Kohhranah rawngbawl thulh chuang si lovin, nun chawhpawlh taka ka khawsak zia te, Pathian ka lo hlat tawh zia te chu ka inhre chhuak ta a. Ka nun a tuihalin a chau em em ani tih ka hria a, Pathian ka au va, ka tawngtai bang lova. Ka suahsualna zawng zawng te avangin ka inchhir em em a, Pathian hnenah ngaihdam dilin ka tawngtai leh thin a.
Thlarau Thianghlim pawl tharna te dil in thupha chawi chung zela ka hun ka hman lai chuan Pathian pawlna duhawm tak mai chu ka thinlungah a lo thleng ta a! Hla thu tha zet mai hi ngaihtuah lawk awm miah lovin ka thinlungah min rawn phuah sak/pe ta a. Pen leh lehkha ka la vat a, engmah rilrua ngaihtuahna seng miah lovin he hla hi vawilehkhatah lawm avanga mittui tla chungin ka ziak chhuak ta a ni.
I nun lo beidawngin chau thin mahse
Kal ngaihna hre lovin bo thin mah la
A sawm reng che asin a aw nem in!
Lungngai-manganga i rum thin lai leh
I rinna chak lova i phatsan lai pawhin
A sawm reng che asin a aw nem chuan!
Lo kir rawh a angchhungah
I mittui te chu a lo hru fai ang
Bo leh tawh lo turin a lo kai ang che
Tunah ngei hian…
A sawm che…
Kir tawh lo tura i tawngtai khan
I hnenah ka awm reng asin!
Mittui nen inchhira thupha i chawi lai khan
I hnenah ka awm reng asin!
Mahse thlemna tuifawn karah
Min hawikir san leh ta si
Thinlai a na ngei e
Aw, ka fa lokir leh mai rawh
Ka aw nem chuan a sawm che
Bo leh tawh lo turin ka lo kai ang che…
Lo kir rawh ka angchhungah
I mittui te chu ka lo hru fai ang
Bo leh tawh lo turin ka lo kai ang che
Tunah ngei hian…
Ka sawm che…
Tichuan, he hla thu hi ka thianpa Eddie-a (tunah chuan USA lamah nupui te neiin rawngbawlna pawimah tak a thawk mek) chuan a thluk mawi tak mai in min han phuah sak ta a. Music For Christ album-ah zeh tel a lo ni ta nghe nghe a ni.
A hla thu ka rawn tarlan khi original a ni a, audio recording ah erawh tlemin tihdanglam a awm zeuh zeuh. Zah pawh dawn lovin mi(sual) thian te ka rawn share ve tawp mai che u a ni e. A hla hi mp3 in download theih turin ka rawn chhawp a. Duh chuan Online pawhin a ngaihthlak theih tho. A hnuaia link hi lo click keuh mai rawh le…
Similar Posts:
- Thihna hi a va na em!!!
- Kum tam pawh liam se
- I Tawngtai Dan Kha
- Tlan paha tawngtai
- Ka lo tawngtaipui che asin..
August 23rd, 2010 at 8:27 pm
1st lo
delete su aw 
Report this comment
August 23rd, 2010 at 8:27 pm
U khama hi a lo mengreng anih hi ker kura…..lolzzzzhahhahahaaaaa…. Comment tur pawh ka hre rih lo 2nd maiteh ang.
Report this comment
August 23rd, 2010 at 8:35 pm
Hla tha leh ropui tak a ni. Hman ni khan Blog ah ka luhin ka chhiar tawh a, ka rilru a hneh khawp mai. Pathianin mite thinlung kaiharh nan hmang zel se tiin duhsakna ka hlan mawlh mawlh e.
^-||RaLtE||-^ leh lawks: I sermon “LALPA A AWM (Thlaraua awm) tih kha i phalna la lovin Kohhran Chanchinbu-ah ka lo chhuak hman leh pek a nia aw, I ngaihdamna dil chungin ka rawn hriattir che a nia. A ropui ka ti takzet a ni.
Report this comment
August 23rd, 2010 at 8:36 pm
Zanrei lama download tur anih hi. A hla thu chu a ţhat khi.
Report this comment
August 23rd, 2010 at 8:38 pm
D_auachwgthu: keimah a nih kha aw kan meng kerh kerh mai
Report this comment
August 23rd, 2010 at 8:40 pm
Pharst tih velah hian in la buai a. A thu leh hla rawn phochhuah khi nun chawm nan hman te hi tum zawk tur a nia sin maw le.
A tha e.
Ti zel rawh.
I chhiar ang u.
Lalpan malsawm rawh se.
Amen, men, en, n.
Report this comment
August 23rd, 2010 at 8:41 pm
@1_U Khamranga thrin hi ….hahhahahahahahah…. lo delete sak lo hram teh u’n…..i thrahnemngai hmel khian min ti nui vur vur mai…hahaaha. #5 Badboy leh khamrang hi mi pakhat an ni maw….e he va mak awm ve….?????___________________ OT loh nan, A music|sound a clear thra kher mai,.
Report this comment
August 23rd, 2010 at 8:41 pm
son of God, pawi ti reng2 suh. Ka blog-a ka thil ziah zawng2 hi ka phalna lak kher ngai lovin tha i tih zawng a awm phawt chuan lo la chhawng zel mai rawh. Midangte tan malsawmna ni lul rawh se. Copyright chungchangah erawh ka blog address emaw kha lo ziak tel ve la a tawk mai.
Report this comment
August 23rd, 2010 at 8:42 pm
Mawi khawp mai. Tunge a satu hi?
Report this comment
August 23rd, 2010 at 8:45 pm
A tha khawp mai. A ropui e.
Report this comment
August 23rd, 2010 at 8:46 pm
@bmw, a satu hi eddie-a ka tih khi a ni e.
Report this comment
August 23rd, 2010 at 8:48 pm
a nalh lutuk tlat… A nalh tluk zetin a thu a tha…
Chang khatna tawp ber khi
A sawm reng che asin a aw nem chuan!
tih aiin
A nghak reng che ain a aw nem chuan!
Report this comment
August 23rd, 2010 at 8:48 pm
^-||RaLtE||-^: A lawmawm e, Fimkhur thu hlaah i hming leh Blog address ka lo tilang ngam lo va. A ziaktu langlovin ka lo chhuah ringawt maw le. Chhuah leh hunah chuan ka lo tilang tawh ang e. Mite tana MALSAWMNA thlentu ni zel turin duhsakna ka hlan nawn leh a che.
Report this comment
August 23rd, 2010 at 8:49 pm
Eddie a hi engineer (BE) kha a mi aw? ni lo maithei bawk. Tin Mr TSA tel lo in zanin chu kan lo bauh nuaih nuaih mai le. Ngiau ngiau.
Report this comment
August 23rd, 2010 at 8:50 pm
‘kir’ tur lo dang tur a hnuk lettu zawng zawng thlauhthla thei tur hian Pathian tanpuina chauh in a theih. Mihring in duh mah ila, a pawt lettu hi hneh thei tur a ‘inhlan’ a ngai…
Report this comment
August 23rd, 2010 at 8:56 pm
A chhiar a nuam e!!
Report this comment
August 23rd, 2010 at 8:56 pm
@midfielder: Keichu a phuahtu hian a ti dik zawk tlatin ka hria. Aw ( voice ) in min sawm thin a. A nghaktu chu amah Pathian a ni…voice/aw chuan a nghak thei lo a, a sawm thei. Ka risk a nih hi….ka diklo maithei. ka hriatthiam ve dan mai a ni e.
Report this comment
August 23rd, 2010 at 8:57 pm
Amen… Amen! A ropui e. Thianpa, Blog-ah i thu ka chhiar fo a, chu chuan ka nun a chawm a, hei, tunah i hla ka chhiar/ ngaithla a, ka nun mai nilo ka thlarau a chàwm ani. Sawi vak tur chùang ka hre lo… A ropui e!
Report this comment
August 23rd, 2010 at 9:06 pm
Amen… Amen! A ropui e. Thianpa, Blog-ah i thu ka chhiar fo a, chu chuan ka nun a chawm a, hei, tunah i hla ka chhiar/ ngaithla a, ka nun mai nilo ka thlarau a chàwm ani. Sawi vak tur chùang ka hre lo… A ropui e! Nitina kan hmuh leh hriat, kan banphak maia awm khawvel thilte hian thisen-a tlan hringfate hi, min phuar bet tlat chu ani ta si a. Amah kan auh rualin, a sawmna ngaithlaa bengkhawn hi ringtute tih tur chu ani rèng a ni.
Report this comment
August 23rd, 2010 at 9:08 pm
Sorry edit
Report this comment
August 23rd, 2010 at 9:18 pm
@bmw
a sa sual ka rawn tihna a ni e. Hehe
… Mahse a sa mawi khawp mai…
Report this comment
August 23rd, 2010 at 9:20 pm
Pu Ralte mp3 download dawn khian a register a ngai mi, ka ti ve thiam lo. Phone atangin a nia.
Report this comment
August 23rd, 2010 at 9:24 pm
@PC
In register lo chuan ka download… mahse phone chu ka hrelo..
Report this comment
August 23rd, 2010 at 9:28 pm
inva meng rei hlom ve, khawhar in tangin ka haw ve chiah e, Pu Ralte post hi ka chhiar leh [phot a, a ziak thra hle mai, a ni nge nge a ti thra thrin e, Pu ralte tang fan fan, heting mi MISUAL a an awm hi a thra thin e
Report this comment
August 23rd, 2010 at 9:32 pm
“Thlasrau thianghlim,Pa leh Fapa ata lo chhuak chuan–Mihring chu chhandamna Changtuah a siam a,.an sualzia leh chung pik zia a hriatchiantir a,Isua Krista hriatna kawngah an rilru a tivar a.An duhthlannate ti tharin,Isua Krista chu an Lalpa leh chhandamtua pawm tura ngenin pawm thei turin a pui a,an duhthlanna te ti tharin..An mah niah Felna rah chi tinreng a thawkchhuak thin.”Presbyterian kohhran thurin..Thlarau Thianghlim awmpuina i neih avangin ka lawmpui tak meuh che
Report this comment
August 23rd, 2010 at 9:32 pm
min hlut sak tu zawng2 te lawmthu ka hrilh a che u. Lalpan ropuina chang mawlh rawh se.
@Pc, phone atang chuan ka hre miah lo. Register kher lovin computer atang chuan a download theih.
@zonunzemawi, Eddie-a dang zawk a ni e
@sir kawlhawk, thanks a milliön. Lalpan ropuina chang zel rawh se.
Report this comment
August 23rd, 2010 at 9:35 pm
@midfield, ka lawm e, nakinah ka download ve tho tho ang.
Report this comment
August 23rd, 2010 at 9:35 pm
@nauteii, ka lawm takzet e.
Report this comment
August 23rd, 2010 at 9:56 pm
Harsatna, hrehawmna, hlimna leh lawmna te hi kan tâ a ni. Harsatna kan tawh hian vanduai bik riauvin kan inhria a, hlimna leh lawmna a lo thlen chang hian vannei bik riauvin kan inhre leh ngai si lo. Thlemna hi chu a chakin a va nasa em! ‘Ka tawrh hi Lalpa’n a phal, vui thei ka ni lo’ ti thei theuh ila, lungawina kim chu kan va nei thei dawn chiang em!
Report this comment
August 23rd, 2010 at 10:14 pm
Ka download zova, a thu en chungin ka ngaithla zo chiah. Ka ngaithla nawn leh mek. A thu leh a thluk a inhmeh bawka, a mawi khawp mai. Kema nun nen ka ngaihbela ka rilru a khawih khawp mai. A ropui takzet a ni.
He hla tha tak min rawn chhawpchhuah sak avangin mimal takin lawmthu ka hrilh a che. Thlarua Thianghlimin awmpui zel che rawh se.
Report this comment
August 23rd, 2010 at 10:44 pm
Ka download mek. Ka la ngaithla lo. A thluk pawh a mawi ngei ka beisei.
Lalpa chuan kan hawisan lai paw’n kan hnena awm min dil reng thin. Keinin kan lo hnar fo si. Isu, kan thinlungah lo piangthar leh rawh ti theuh thei ila a duhawm hle ang.
mi(5ual).comer-te LALPA’N mal min sawm theuh rawh se.
Report this comment
August 23rd, 2010 at 10:45 pm
@chhana i duhthusam hi thleng mawlh rawh se
Report this comment
August 23rd, 2010 at 11:04 pm
Ka ngaithla mek…
Report this comment
August 23rd, 2010 at 11:05 pm
download chi ka en ve thei lo…sob sob sob…
Report this comment
August 23rd, 2010 at 11:06 pm
Keipawh a vawihnih nan ka ngaithla mek. A nalh khawp mai. A tawp chiah a; ka’n play nawn leh tengggg…
Report this comment
August 23rd, 2010 at 11:35 pm
Ka download dikloh vang nge, a file hi a broken hrim² zawk!! 5:08 minutes ah ‘..bo leh…’ tiin a tawp hu mai.
A zai thiam, a hla thu pawh a ril. Ka phoneah dah ve teh ang, Gospel hla pakhat ka dahna.
Report this comment
August 23rd, 2010 at 11:49 pm
A hla thu khi tha khawp mai, mahse thu thuhmun a zep tam deuh ka ti, mahse, a tum a chiang tho mai.
Report this comment
August 24th, 2010 at 12:13 am
Amennnnnnnnnnnnnn
Report this comment
August 24th, 2010 at 12:34 am
a file a broken lovang, download tha leh chhin rawh.
@shai, en chi anilo hlauh, mp3 ania, i download theih ka beisei.
Tin, download kher loh pawhin a link ka rawn dah ah khan in luh chuan automatic in a in play nghal ang.
Lalpan malsawm mawlh che u rawh se. Amen.
Report this comment
August 24th, 2010 at 3:33 am
40 law law teh ang. Hetiang hi chu laklawh ka tih zawng tak a ni.
A pic khian rilru a khawih khawp mai.
Report this comment
August 24th, 2010 at 7:36 am
Ka ngaihthlak tawh ni mahse, kan ngaithla nawn leh teh ang! Ralte, hetiang hi phuah zeuh zeuh teh, i talent dawn ani tlat!
Report this comment
August 24th, 2010 at 7:38 am
A nalh khawp mai.Lal-pu-ralte-hmingziah har pa, i vin phuah thiam ve !
Pathian hian min sawm lo. Min CHANDAM deih tawh. Hmannnnnah
Ka lawm e
–LVK
Report this comment
August 24th, 2010 at 10:13 am
@LalVK, mihringte hi Pathian-in min chhandam tawh, a mi chhandamna kha sawmna a ni.
Ka lawm e.
-LVK
A khaih a!
Report this comment
August 24th, 2010 at 10:58 am
A ropui lutuk.Ka mittui an tlak sawk chu.Pathian thu lamah hi chuan ka tahbelh ve re2 a.Pathian fa nih hi chu a van nuam tak em:)
Report this comment
August 24th, 2010 at 11:22 am
Ralte chu bei tha pap pap hle mai a.. a ropui in a tha takzet e. tin, a hmel (avatar) nen pawh a in hmeh khawp e
Report this comment
August 24th, 2010 at 11:44 am
@^-||RaLtE||-^ i ti tha hle mai, thlarau thianghlim a khat mi te hi in awh awm thin teh e. Lungngaihna ah lawm na in chhar chhuak thiam a, Lungchhiatna hmangin A hmelmawi in hmu fiah thin a ni si a… Pathian hla hi thlarau in a a chenchilh loh chuan phuah a har khawp mai. Lengzem Hla chi hrang hrang ka phuah tawh a, a hming in lawmman te pawh ka lo dawng ve tawh. Amaherawhchu, Pathian hla hi 1 pawh ka la phuah lo, ka hul tlat zel. Mahni Tumna leh Thahnemngaihna ringawt hi chuan thil thui min hmuh fiah tir dawn lo a nih hi, thlarau thianghlim chauh i hmachhuan ang u.
Report this comment
August 24th, 2010 at 12:43 pm
Ka ngaithla nawn tlut tlut mai. Zaitu a zai thiam a, a phuahtu pawn a phuah ril tha e.
Report this comment
August 24th, 2010 at 1:25 pm
Comment tu zawng zawng te chungah lawmthu ka sawi a. He hla hian in nun a lo khawih ve a ni tih ka hriat phei chuan Pathianah lawm a zual hle mai.
Lalpan ti chakin malsawm zel che u rawh se. Amen.
Report this comment
August 26th, 2010 at 2:35 pm
He hla hi nalh ka ti lutuk a, a thu hi tha ka ti bawk a, a satu kha nangmah a ni em? @ Ralte, a satu khan a thiam ka ti khawp mai, a hming ka hre lo aaaa
Report this comment