Tunlaia kan thalaite zinga hluar em em, kan ramin a tawrh mek, Pathian huatzawng tak erawh ni si.. kumkhuaa kan nuna ser siam reng thung erawh chu mipat hmeichhiatna hi a ni awm e(min lo hrethiam ula sex tiin kan Mizo tawng dah tha mai teh ang..type a zia deuh nan). Hemi chungchang hi han ngaihtuah ho teh ang u.
Hmanlai kan pi leh pute hunlaiah khan inkir daih teh ang. Kristian kan nih hma kha chuan mitthi khuaa kal turin hmun pakhat kal tlang huphurhawm em em a awm a..chu chu Paula hmachhawn kha a ni. Lenglai an thih reng rengin; tlangval an nih chuan nula an loh ngaihloh chuan a sái turah an ngaia,nula an nih erawh chuan tlangval an lo ngaih erawh chuan a sái thung dawn a ni. A hahthlak teh e! Khatih hunlai kha chuan tlangvalin nula kha sex hmanpui a tum ngar ngar anga,nulain a inveng ngar ngar thung ang. A tu zawk tak hlawhtling ang maw?
Kan tunlai hunah erawh thil a danglama, Kristian kan ni ta.. amaherawhchu kristiante rin ber,an innghahna lungpui Pathian duhloh zawng tak nisi,kan hnamin kan buaipui em em sex hi a va lar ta em!
Fiamthuin ka thianpa hian a sawi thin. ‘Tunlaiah chuan nupui virgin induh chuan mi naute puaklai chhuhsak ula,roomah kalh hnanin chawm ula,in nei thei ang’ min ti thin (mi zawng zawng anni vek erawh ka ti lo,mitha tak tak erawh an tam). Ka ngaihtuah a ti thui khawp mai. Mizo kan la tlem tehlulnen,hetiang em em a sex a lar hi ngaihtuah a ngai a ni.
Tu thiamloh nge ni ta ang le?
Kan rama hetiang em em a sex larna chhan hi tunge kan thiamloh ang le? Keima mimal ngaihdanah chuan nu leh pa ka thiamlo hul hual. Mahse nu leh pa neilo an tam a,heng hi chu dah tha hrih phawt ila. Mahni enkawl theihlohin ril a rah hi kan laiking fa neih ta vak vak a ni awm mange ka ti thin. A pawizia leh kumkhuaa an nun a tihchhiat theihdan an hrilh thin lo emaw aw? tiin ka ngaihtuah thin a. Chubakah fate hi kan thlahthlam lutuk tih a lang bawk.
Hetihlai hian nula tlangvalte pawh an thiam awm chuangloh. Thiltha lo,nun khawihchhe vek thei,kumkhuaa kan nuna ser siam reng tur a ni tih hre rengin sex kan hmanglui tho a. Nakinah inchhirin pawi kan ti leh thin si. I harh mawlh teh ang u.
Engvanga sex hi hluar ta em em nge a nih le?
He thu hi chhan dan hrang hrang a tam ngawt ang. Kei ka ngaihdanah chuan khawvel changkang chho zelin a ken tel,ngaihtuahna nei miahlo leh hmang miah lova kan hlim duh lutuk vang niin ka hria. Tunlaia an uar em em chu inhmangaih chuan sex hman tur a maw tih rikngawt hi a ni awm e. Kan inhmangaihdan erawh a nghet mang si lo. Hawh u,thalaite u..sex hi a thianghlim zia i ngaihtuah thar leh teh ang u.
He thu hi ka vei em em a ni a, kan thalai tana thil tha lo tawpkhawk a nih avangin ka sawichhuaka, ngaihdan a hrang viau ngei ang. A tawp berah chuan hetiang sawichhuak ngam tura ka la invawn thianghlim theihnana finna min petu Pathian fakin awm rawh se.
