mi(sual).com hi kum thum/kum li vel liam ta atang khan regular angreng takin vawiin thleng hian ka chhiar thin a. Vai-ram, thingtlang kilkhawr angreng taka awm kan nih avang hian hriatna kawngka a zim a, Zoram chanchinthar hriatna kawng leh a bik takin IT lamah nasa takin ka tangkaipui thin. (misual.com zarah hian Zualtea SUANKUAL kha ka hmelhriat phaha, kha khan min pui nasa em em a, chhunzawm loha a awm hi a ui berte zing ami ka ni awm e).
Computer hlui un ve tawh tak ka kawla, pur tur leh pun tur chuang nei ve talo chu a chhiat chang pawhin risk sang tak lain ka hawnga, engtin tin emaw tun thleng hian ka la hmang ve bauh bauh zel a. Thlakhatah vawi 2/3 vel Windows re-load/install ziah a ngai bawk nen. Internet nise Nokia handset tar tawh lam, a kawr khichat charna Superglue avanga khir liai luai tawh hmangin ka GPRS ve nawk nawk bawk a, antivirus update download duh avanga tlaivar thaka download muang lutuk ka vil chang hi a tam mai.
Hrilhtu leh puitu dang nei talo chu misual.com hi ka tutor ani maia, vawiin thleng hian ka mamawhte zawngin kum liam tawh lam (archive) keu let hian ka hun ka hmang fo thin. A thui lutuk dawn, thupuiah i’n lut dawn ang hmiang.
Tun maiah hian heng thil ka han tarlanahte hian tanpui ka va’n ngai em ! Khawngaihin a thiam mite khan min han pui teh u.
- BSNL WLL Internet ka pawt meka, speed 153.6 Kbps ani a, download speed hi a tlangpuiin 15-18 ani, (IDM hmangin) Video tha tak tak in rawn post thinte hi en ve kan chak thin si a, ka download te tea, rei fe nghah hnuah kan thlir ve thin ! SpeedUp Software ah Internet Cyclone leh TCP Optimizer ka download a, ka hman thiamloh vang a ni ang, a sawtlo riauin ka hria. Awle, engtin nge hei aia chak deuh tal browsing and downloading ah hian ka neih theih ang. A ngaihna in hriain ka va’n ring em!
- Camera Kodak EasyShare M340 ka hmang ve a, nimin mai khan a hman theih ta tlat lo mai. Memory card is protected a ti zel mai a. Memory card chu card reader hmangin ka format a, ka scan vek bawka,tha tawh turah ka ngai a,mahse awmzia a awmlo. Internet-ah ka han google chiam a, memorycard sira lock slider hmanga unlock theih mai niawmin an sawi tlangpuia.Mahse ka memory card hian slider a neilo, slider awmna angah hian a khuara, hriau hmangten ka han bei ngiala awmzia a awm lo. (SDHC Sandisk 4GB a ni a) Engtia tih tur nge ni ang le ?
- Ka sawi tawh ang khan ka computer hi a tar tawh viau maia, ama phak tawk angah chuan ka upgrade ve bawka. Win XP 3 ka hmang. Windows buai chang a tam thin hle a, ka install thar reng mai a. Windows install ngun lutuk hi a pawi thei em ? Nge hman theih hram hram chuan hman luih a tha zawk. A thar leina ka neilo.
Zawhna ka ngah lutuk, a sei dawn em mai tuna tan chuan hengte hi ni se, khawngaihin min han pui hram teh u.
