Mizo Kristian te hian Ram thianghlim (Israel) zin kan ching tan, he ram chanchin hi kan hriat belh zel ang. Kei hre tlem tak hian ka hriat chhun ka’n tar lang ange -
1. Mahni a car nei deuh vek an ni chung hian, Car nei lo ke-a kal ten an phar chuan an phur zel tlangpui
2. Public place-ah min thil theihnghilh sela, Purse, Mobile phone etc a neitu an zawng chhuaka an pek loh chuan, lost and found dahna hmunah an daha, thil tibo chu kha hmunah khan an va kala mahni ta an la mai, midang ta an la ngai lo reng reng
3. Mite tana harsatna leh mite pawi sawi an hlau em em. Ral hrat tak e ti lo chuan, mi tihbuai te leh mi pawisawi an hlau em em
4. Rabbi ni tura an in train dan hi a ropui hle. Kum 9 vel ngawrh takin an zir. Nun dik leh tha tin reng bakah, a tul huna mipui tana tangkaia rawng an bawl ve theih nan engemaw tak an zir ngei ngei.
5. Disaster manage emaw bomb puak lo awm sela, Rabbi te hian naupang leh hmeichhe thlabar te an enkawl ngei ngei
6. Tlawmngaihna hi Mizo te aiin an nei nasa, kan tlawmngaihna pawh hi anmahni atanga kan zir anih a rinawm hial
7. Tourist Bus driver hi Intelligent Agent, Security Agent, bakah Safety leh passenger te defend a ngaih hun pawha rintlak tur a ngaih an ni
8. Ei leh in lamah thlai hring chhum loh a green-a ei an ngaisang, hriselna leh nun uluk an uar hle. Ei leh in an ei-in ve mai mai lo
9. An ram a hausa hna diltute hi an test ve ngai lo, an chhawra an that chuan an chhawr zel mai an that loh chuan an ban leh mai. Mahni phu leh phak tawk aia sang hna dil an tum ngailo. Getting job is a phone call away an ti nia
10. Foreign workers hi an ram mihring 10% aia tam an awm, nuam an ti em em vek, awm ngheh duh deuh vek an ni
11. Israel hnam mai an hmangaih lo, an rama mikhual te’n hrehawm an tih an hlau mikhual duat chi an ni, ram leh leilung leh an ram chhunga cheng te hi an hmangaih tel vek
Han sawi belh ve teh u, Israel ram mipuite atang hian zir tur kan va ngah em 
Similar Posts:
- Israel-ah pem leh dawn
- Darthlalang Sawm
- Chhura thlahte ngei kan ni e…
- Chiahpuam leh a kaihhnawihte
- Mite chuan…
a tha khawp mai
September 2nd, 2010 at 7:13 pm
izboikhar, ka lawm e. Le! I sawi ho zel ang u. :smile:
Report this comment
September 2nd, 2010 at 7:14 pm
Tlawmngaihna hi Mizo ta ang deuh bik hian kan sawi thin a.. Ni e, Mizo nen chuan inkungkaih tlat, Mizo nìh ti nuam tu pakhat chu ni ve reng mai.. Mahse hnamdangho pawh hian anlo nei ve tho, ‘tlawmngaìhna’ tih zawngin an hre ve lo a, hehe…
Israel ho atanga kan zir anih erawh ka ring em em chiahlo.
Report this comment
September 2nd, 2010 at 7:15 pm
Pu HV, @49 ni maithei ka chhiarna a rei ta deuh a…
Juda sakhuaa inlet, Mizo pa pakhat pawh kha a serh an tan dawn a, aa khaia.. Neihsa pawh tawi tih tawh nak a lai a…. :lol:
Report this comment
September 2nd, 2010 at 7:17 pm
Isarel mipuite atang chuan zir belh tur kan lo va ngah tak ve le. Kei khu ram te khu ka haw reuh riau a sin. A inluling mah mah ti dawn i la, Pathian Hnam Thlan min tihkhum leh dawn si a. UN thu pawh zawm duh reuh lo, chapo ve ar mai. A ram pawh engmah lo atanga an rin chhuah chawp ve mai mai a ni tih hi an theihnghilh thin reuh si a. Chutih rualin chapo thamin an intodelh ve bawk sia
Report this comment
September 2nd, 2010 at 7:22 pm
Tlawmngaihna hi Mizote ta bik a ni lem lo ve. Mahse, Mizote erawh chuan tlawmngaihna special bik, hnam dang neih ve loh erawh kan nei ve e. Hei hi Mizote kan special bikna em em chu a ni e. Kan tlawmngai e; kan thatna leh entawntlakna neih ve te hi hnam dang atanga kan lakchhawn leh entawnah i puh zel bik mai lo vang u tiin ka rawn pau ve a ni e. Ka lawm em em e.
Report this comment
September 2nd, 2010 at 7:22 pm
@Vaiva…ni ngawt tak mai. Kan hriat a chhe lai hnawlin, a thra lai khi copy han tum phawt mai teh ang u..
Report this comment
September 2nd, 2010 at 7:23 pm
Zir tur kan va ngah tak ve…, kan ram atang pawn zir tur an neih ve tho ka ring.
Report this comment
September 2nd, 2010 at 7:24 pm
nia hitler kha awm lo ta se chuan ram an nei awm tawp si lo a chuan Hitler kha awm lo ta se discovery leh history channel pawh hian chhuah tur an van sawt ka ring
hahaa
Report this comment
September 2nd, 2010 at 7:30 pm
@Aryan
Israel kal tur chuan paper visa an tih mai hmangin an ram luh an phal. ram thenawm anmahni do a bei rengtute’n Passport-a Israel stamp chuang an hmuh chuan an harass vak zel an ti. Chuvangin Middle east ramte la tlawh duh tan chuan Paper Visa ang hian kal keuh mai tur.
6. Tlawmngaihna hi Mizo te aiin an nei nasa, kan tlawmngaihna pawh hi anmahni atanga kan zir anih a rinawm hial kan tihna chhan chu Taitesena te Vanapa te anga tlawmngai kha an la tam em em maia, an chin thar thut anilo an ti bawk si, chuvangin hnam upa an ni bawk si a, keini helai kilkhawr tak ami te hian tlawmngaihna hi kan ngah ve viau bawk si avangin an laka tanga kan zir anih hial ka ring mai ani. Tumahin tlawmngaihna origin hi kan hre lo ka rin thu kan sawi mai ani e.
Isael ram mipuite taimak dan leh hna an thawhrim dan te an hnam zia-ah zirtur tamtak kan nei ngei ang. angel hlang ram an ni bik lo mihausa intawllen a India rama lokal ho tunlai thangthar nunze chhia nei pawh an tam ang. Israel hnam entawn tlak an nihna lai ka hriatte ka han tarlang mai ani.
Rabbi te leh kan Rev te hi ka compare lo, mahse Rabbi tura an ordain theih te hi chu mihrat mi chhungchuang an nih chu a ngaih hmel khawp mai. martial Arts lam nen tehkhin ta ila Black Belt tih chin ang hi annih ngei ka ring.
Hnam ze nghet tak nei inthlak inthlak vel o annihna te pawh hi ngaihsan awm tak chu an ni. khawvel Christian ten an tlawh hnem ber ram leh tlawh zel tur ram ram pawimawh tak ani.
Report this comment
September 2nd, 2010 at 7:33 pm
Ultraviolet hi Chiangmai lam nula kha nimaw? hihi ot mai teh ang
Report this comment
September 2nd, 2010 at 7:37 pm
Tun in sawi theihnaah min ngai lose, Israel ah hian zirna lam tul thil avangin ka khawsa ve tawh a. Ngun takin ka phak tawk ang ang chuan ka zir ve a. In ziah ang khi a nih kalo hre reng reng lo nia.
Tin, hnamsual tak mai leh chapo tak mai an ni tlat mai. Ramdanga an zin chhuah pawhin an chimawm tlangpui. Thailand ah hurna tlan turin an tlangvaklte an kal nasa hle. Buaina siam chhuaktu zinna ah an ni duh fo. Isa=mihring, Rha=chakna, El= Pathian (Israel) an nih an hre hle a. Sakhaw lain 3 Christian, Muslim leh Jews te khaw thianghlim neitu an nihna hi an hre hle bawk. AN hmang tangkaiin an ramin an hausak phah hle.
Ka lawm e.
Report this comment
September 2nd, 2010 at 7:51 pm
@Fonz…nilo, min hai a niang
Report this comment
September 2nd, 2010 at 7:52 pm
Post thra tak ani e,…. @59__” An Rabbi te hi…… Martial art lam nen tehkhin ta ila, Black belt tih chin ang hi an nih ngei ka ring”___________ hahahhahaha, ka nuih huk chu le, I tehkhin awm ang kher mai, Rabbi zir chhuak tawh chin te chu Reverend te nen chuan tehkhin chi an ni lovang an inthlau lutuk…dah mai a. NOI
Report this comment
September 2nd, 2010 at 7:53 pm
Kan in-anlohna : keini’n chungkaw dinchanna ringawt kan ngaihtuah laiin an ni chuan- hnam dinchanna an ngaihtuah. Kan politician te’n thlan tlin an nih ruala an chhungkua/ vua leh vang an kan zawt zawt dan tur hlir an suangtuah hmasak laiin, an ni chuan- hreawm tuar turin an insehruh sauh sauh a. Hna an thawk nasa… Hna thawk nasa tur chuan ‘Hna’ a awm a ngai. Chu chu an ram hruaitute’n an hai lo. A kawng an dap a, an zir a, an bei a, tun dinhmun hi an thleng thei. Thlaler ramro ni si a, thlai-chi/ thlai-rah leh pangpar lam chi an thawnchhuah nasat si zia hi zir tham.
Report this comment
September 2nd, 2010 at 7:55 pm
chiangmai atang khan lo ti zui zel teh, min ti phuisui eh!!! frost, khamrang, badboy, khumchitheia,sailo,keimah thingtlangpa leh MR TSA te hi nula i ni bawk a nuam an ti dawn em mai hehehe …Apologies to Pu Mzvision
Report this comment
September 2nd, 2010 at 8:10 pm
1. Thal thum vel kal ta khan ruahsur hnuaiah zan dar 12 vel khan ka chhuahna atangin ka haw a. Kawng lakah bike-a rawn tlan pakhat chuan min phurh a tum a, ka thlen tep tawh tho avangin lawmthu sawi chungin ka hnar ta a ni. A hlu khawp e.
2. Ka thianpa pakhat pawhin taxi a chuannaah a phone a thlauh a, a zawn buai ngai lovin a driver chuan a rawn zawngchhuak a, a pe let leh. A hlu khawp e.
3. Milu salu la hnam kan ni. A nazawngin mi pawi kan sawi chuang lo. Mi pawisawi chu lal leh a khawnbawl upa ten an chingfel thin. A hlu khawp e.
4. Pasaltha ni tura an lo inzirtirna kha rumin a khirh hle a, huaisen an inzirtirna pawh hian kan hnam hi thenawm hnam tam zawk lakah bopilin min la awm lohtir hram hram a nih hi. A hlu khawp e.
5. Kawng lakah chhiat tawk emaw lo awm sela, motor insu emaw, thildang emaw pawh lo thleng se, taxi driver-ten pawisa phut miah lovin damdawiinah an hruai a, a nih loh leh tlangval tlawmngaiten an zawn thin a nih kha. A hlu khawp e.
6. Tlawmngaihna hian hlut chin a nei lo. A hlu tawp a ni mai. Mizote tluka hnam tlawmngai kan awm thei lovang. Kan tlawmngaihna pawh kawng tinrengah a langchhuak kim vek a ni. A hlu khawp e.
7. Sumo driver-te, bus leh taxi driver-te hian a passenger-te a ngaihtuah em em a. Kawng lakah lah ni se, an ruih hlauvin meizial zuk an khapsak a. Zu chak ngawih ngawih mah se, an ngam lo. An duh lo. Kan khawsakna chin chinah chuan kan nep bik lo ve. A hlu khawp e.
8. Tun thlengin bazara chawhmeh zawrh nasat ber chu thlai hring a ni. Kan ei nasa a, a hela ei theih chi, theirah pawh kan ei nasa tawk e. Demand a awm avangin a zuartu pawh kan tam thawkhat a. Chu chuan mi tam tak eizawnna a siamsak nghal bawk a. A hlu khawp e.
9. Kan ram a rethei a, kan hnam pawh. Kan ram a zim a, hna a tam thei lo. Anni chu independent an ni a, keini chu state ve mai kan ni. Kan theih chin chinah erawh thalaite hi kan taima ve tawk e. A hlu khawp e.
10. Sawi tawh angin state bungkhat ve mai kan ni. A rampum huapa teh dawn chuan India a ni daih e. Kan ramah hian kan thalaiten hna thawh tur an inchan loh avangin foreign worker chu kan la mamawh lo nasa hle. Thalai lehkhathiam erawh kan tam ta e. A hlu khawp e.
11. Mikhual hnar ngai lo Mizo kan ni ngai e. Hemi kawngah hian hnam dang tluk rual kan ni lo ve. A hlu khawp e.
Ka lawm em em e.
Report this comment
September 2nd, 2010 at 8:30 pm
Patling pui pui, lehkhathiam pui pui khan, Mizo aia tlawmngai in hre ve tan dawn chauh anih hmel a
Aw Ramthianghlim!
Ka lawm e
–LVK
Report this comment
September 2nd, 2010 at 11:00 pm
Khi tiang zia khi a va han zoram thar zia ve le. Khi khi a ni zofa ten kan mamawh. ( Chumi khami thlah kal zel tih chhut chhut lo pawh in…)
Report this comment
September 3rd, 2010 at 8:36 am
a bengvar thlak hle mai… awm ve mai ka chak
Report this comment
September 3rd, 2010 at 10:12 am
Israel ho hnen atangin tlawmngaihna hi kan zir a nih a rinawm hial na lai tur hi ka van man lo.
Report this comment
September 3rd, 2010 at 10:12 am
7. Tourist Bus driver hi Intelligent Agent, Security Agent, bakah Safety leh passenger te defend a ngaih hun pawha rintlak tur a ngaih an ni
A chung a mi ang tak khi chuan ti thei lo mah ila keini pawh hian kan public transport driver tur te hi chu a bik deuh a training tir nise a thra khawpin ka ring. Tunah hi chuan driving licence nei dek dek tawh chuan eng motor pawh hi an khalh mai zel niin alang a, a him lo khawp mai.
Tunah hian private security agency(eg JC Security?) te kan nei ve tawhin anni hian khawi khawi emaw venhim hna an thawk mek niin an sawi a, hetiang deuh hian Driver te training pe a an hnen atanga driver rawih theih na tur agecy te hi awm ve tawh se a tha khawp ang.
Report this comment