Rul chuk enkawl dan
Tunlai hian rul chuk vanga thi sawi tur a tam hle a. A pawi tak zet. A lo hmang tangkai kan awm tak mialin tiin a enkawl dan ka rawn thai lang a ni e.
1. Rul chukna hmuamhma chu zai thi hleka a rang thei ang bera duli/siki bel tur. A tûr a fawhchhuah kim hma chuan a bet ang.
2. Rul chukna hmuamhma atanga taksa lam, thisen lo kalna tur lam atangin sawhthing densawmin a hmuamhma lam hawi zawnga zût tur a ni. A hmuamhma-ah chuan bel loh tur.
3. Tuibur al lem a tha. Tuibur al-in a tûr a tihchhuah hma chuan a ruih theih loh va, a ruih theih chinah chuan a tûr a chhuak zo tawh tihna a ni.
4. A hmuamhma-ah Gramaphone keh them mehdip bel a tha.
5. Rul chukna hmuamhma atanga taksa lam hnaih zawkah berul hnah hnawih hian taksa lama rul tûr kal tur a dang thei. Berul rah tanbun hmawka a hmuamhma hnektir a tha bawk.
6. Changel tui ina a kawra a hmuamhma tuamhnan tur. An pum a nat chuan thiin an luak a, an dam mai. An pum a nat lem loh chuan Ailaidum eitir a tha tho.Tin, changel chhawk hmawka a chhawkna hmawr chu rul chukna hmuamhmaa hnektirin a tha bawk.
7. A chuktu a thah hman chuan a lu chhut sawpa a tui chhuak chu a chukna hmuamhmaa hnawih a tha. A mît hnawih pawh a tha bawk.
8. Rultuha chuk bikah chuan a hmuamhma zai pem belha zunkhum hian a dam huai.
9. A chukna hmuamhmaa khaini bel a tha bawk.
10. Tengtere mu, a kawr kheha a laimu phel phawk hi rul chukna hmuamhmaa bel a tha. A dang bel leh zel tur a ni. A tûr awm tawh loh hnuah a bet thei lo vang.
11. Rul chuk haw lo chil hnawih hi a tha an ti tlat.
12. Khianghnah chhutsawm hnawiha eitir a tha.
13. Artê, a mawng phu ziap ziap hi fawhtir ila, a tha. Artê a thi thung.
14. Bawnbawn te, bahkhawr hel ei te a tha.
15. Phelphek hrui zikno hnai hnawih a ngeih hle. (Pu C. Rokhuma’n a prove tawh).
16. Tumbu kawr tui sawr hnawih a tha.
17. Kel hnute in a tha.
18. Maipawl hnah sawr sawma zût a tha. A hnah a awm loh chuan a rah pawh a tha tho.
A damdawi siam dan:
Caustic Soda – Cheng khat bûk.
Chingal fir – Ounce khat.
Tuisik – Ounce thum.
Purunsen – Duli buk.
Hengte hi tihsawma chawhpawlh tur a ni.
A hman dan: Kut hmawra a chuk chuan a damdawi chu banbul atang hnawih tana a chukna hmuamhma lama hnawih zawm tur. (Taksa dangah pawh chutiang zelin) Tûr awmna lai kha a hit chem chem ang a, a hitna lai kha bakcheh hriama zai thi tur. Ni hnih hnuah hnawih leha a hit lai a awm chuan zai thi leh tur. A vawi thumnaah chuan a tûr a chhuak zo deuh vek tawh thin. He a damdawi hi a dahthat reng theih.
Thu lakna te:
Zoram Upa Pawl thurawn bu (by Zoram Upa Pawl, 1984)
Mizoram Nungchate (by Lalnunmawia, 1992)
Similar Posts:
- Rul chuk chungchang (Medical Science atangin)
- Zokhaw mite tana First Aid hriat turte
- Thlai leh thei ( Damdawia hmantheih te )
- Thil intu lo indamdawi tlat si te… by C.Rokhuma
- Ruihhlo do pawl SADS ten damdawi hmansual theih manin, Drugs Inspector kutah an hlan
September 3rd, 2010 at 1:50 pm
Ka awih lek lek ani..hehe!!
Saphai seh treat nan a hman tlak hlawm mai thei e..he
Report this comment
September 3rd, 2010 at 1:51 pm
Ka ziak tam tawh lo mai ang. #1-ah ka ziak chiang thawkhat viau tawh e. Ka lawm em em e.
Report this comment
September 3rd, 2010 at 2:04 pm
nge mo rul ringot chu in buaipui le? That vek ruuu…an sual ropui si :evil: :twisted:
Report this comment
September 3rd, 2010 at 2:46 pm
Ngum sawha thi chu an nui uar2 a, an thi daih zel tih hriat avanga ngum sawha, tum hmuka thih tho angin; i sawi ang khian kan in bawihsawm anga, kan thi lel ang tih chu ka hlau deuh.
Rul in a chuk che chuan chiai vak suh (harsa viau maithei), i lungphu a ti rang a, chu chuan i thisena rul tur circulation a ti chak.
A chuktu rul kha eng rul nge hriat tum rawh. Anti-venom pek tur hriat nan.
A chuk hnu che chuan trawn khalh rawh. Mahse i trawn rei lutuk chuan i taksa peng kha thihphah thei. hmun hnihna (3 inches vela inhlat)trawn a, a khat tawka pakhat hreng laia pakhat thlahdul tur. Hemi chhung hian damdawi in pan tur/pan dan ngaihtuah tur.
Cardiac arrest a awm duh avangin artificial respiration tih a ngai thin.
Risk tur ka hre tawh mai lo:-)
Report this comment
September 3rd, 2010 at 4:32 pm
13. Artê, a mawng phu ziap ziap hi fawhtir ila, a tha. Artê a thi thung.
Arte mawng hi mihring(rulin a chuka) kha fawhtir tur tihna emaw ka thianpain a lo ti pek… Arte mawng ka fawp duh teuh lo a ti… :lol: :lol:
Report this comment
September 3rd, 2010 at 4:49 pm
@Mokkai : lolz…
Report this comment
September 3rd, 2010 at 5:03 pm
One hypothetical question: Ram vahnaah tuemawni rulnganin a chuk a, amah chuan damdawiin pan nghal a duh a. Mahse a thianpa chuan ‘misual.com ah rul chuk damdawi ka chhiar’ tiin damdawiina kal ta lo chuan a chunga inziak ho khi a han ti chhin ta a. Darkar chanve hnuah pawh zia awm lam pan chu sawi loh, a dinhmun a hlauhthawn awm ta hle mai a. Tlai khawhnuah damdawiin chu an pan ta a, mahse an va thlen meuh chuan a thi hman ta si… Chutiang dinhmun chu lo thleng palh ta se mi(sual).com leh mi(sual)ho hian tlem azawng mawh kan phur ve lo maw? Damdawiina antivenin injection lak a dam thei reng kha a hun laiin an khawmuang a, a nunna hial a chan phah ta a ni.
Report this comment
September 3rd, 2010 at 6:27 pm
Rul thlahte chuan rul chu buaipui a mawi a ni! hahaha.
Tawngthu chheloah, Ku TSA ramchhuak chu a in AK puar hle dawn a nih khi a. Arte nen an chiap neuh neuh mai dawn a nih khi.
…khrum
Report this comment
September 3rd, 2010 at 6:34 pm
Khumchikthei, rul ngainat loh chuan mongoose hi a vulh chi ang a, tiraw? cobra mai mai te chu a man hnehsawh raps…a hlau lo mai mai! Hmel en mai chuan a nawi hmel tehreng nen. Nat Geo ho video ah hian a chiang khawp mai.
https://www.youtube.com/watch?v=vdg9gkmWsEA
Report this comment
September 3rd, 2010 at 6:47 pm
@Tetea: Misualdotcom-in mawh a phur lul lovang. Ramhnuaiah i kal a, rulin a chuk che a, in i thlen tawh bera hnu, damdawiin a awm chuan i pan mai loh nakah! Ramhnuaiah damdawiin a awm loh avangin, khita ziah zinga a then chu a hmunah a hman nghal theih. A dam nghal lo a nih pawhin, a tiziaawm thei. A damdawite hi #1-a ka ziah tawh ang khian, a thatzia an anmahni ngeiin an hriat tawh hnu, lakkhawm a ni. A lo hmang tangkai kan awm takin tiin ka post a nih khi. A ring lo chuan hman lohva, a ring chuan hman mai ni se. Damdawiina kalin an damphah vek lova, an thihphah vek lo. Khi’ng damdawi khi an damphah vek lovang a, an thihphah vek kher lovang.
Ka lawm em em e.
Report this comment
September 3rd, 2010 at 7:07 pm
inchuktir phawt loh chuan ka awih lo… rul hrim hrim hi berul lo chu ka DRAP vek
Report this comment
September 3rd, 2010 at 7:07 pm
Inhnial suh u, misual tak tak chuan mahni duhtawka lo thlitfim thin tur a ni mai.
Khrum.
BMW, nia Mizoramah hian SARIVAITHUN hi humhalh ve ringawt i la, a duhin rul lo humhalh sela, humhalh leh humhalh i inpel suau suau mai ang khai.
…khrum
Report this comment
September 3rd, 2010 at 7:37 pm
@Mr.TSA: I sawi dan ki chu ka hrethiam lutuk che alawm; mahse, damdawi pangai aia hetiang “Mizo damdawi” te, tawngtai damthei te, mi zut damthei te, etc ring tlat hi an awm thin asin, a bik takin lehkha zir sang lutuk lo zingah hian.
Bakah, a rang a ranga damdawiin pan a tul laia “Mizo damdawi” sawngbawl nan leh hnawih nana minute 15-20 ringawt an hman paw’n a pawi thui thei asin. I damdawi rawn sawi te khi thihpui tham tur a awm ka hre lo. Mahse, damdawiin kal khawtlai phah nana an hman chuan a pawi ngei ang.
Khawnge kan medical lama mithiamho hi an bo zawh vek a???
Report this comment
September 3rd, 2010 at 7:49 pm
@Tetea: Ni ve tho mai!
Ka lawm em em e.
Report this comment
September 3rd, 2010 at 8:41 pm
Ni e khawnge kan medikal mithiam ho hi an tawmbo zawh tak.
…khrum
Report this comment
September 3rd, 2010 at 9:06 pm
Anti-venom hi mizoram ah a vang khop mai.
sipai om na(CIJWS) vairengte ah an kol reng.
A chuk tu rul hriat a nih loh chuan ‘polyvalent anti-venom’ pek a tul chang om thin.
Report this comment
September 3rd, 2010 at 9:09 pm
Rul hi ka trih tlat, ka zir chiang ngam lo
Ka hriat ve chhun chu – Mizoram a rul awm, ‘antevenom’ hman ngaihna te chu- Cobra, king cobra, common krait leh russells viper. Rul tuha hi a haw bik (hypersensitive) an awn zeuh zeuh, mahse antevenom hman a ngai lem lo.
Report this comment
September 6th, 2010 at 7:08 pm
Hun engemaw ti liamta khan rulngan thah manah Rs 50,000 an inchawitir elo maw? Hmanni khan Serchhip pa kha rulnganin a chuk hlum a. A ral nan Serchhip District DC khan Rs. 2,000 emaw ni a hlan a. Ka ngaihtuah mai maiin, rul nunna aiin mihrig nunna kan hlut lo hle niah ka ngai! Ka la na khawp mai! Rul thah tur hmu apiang chuan min rawn hrilh teh u, ka that hmiah hmiah duh zel ang. Mihirng nunna hi rul laka chhanhim a ngai zawk.
Report this comment
September 8th, 2010 at 12:04 am
Rul chuk haw lo an awm ka v hre ve lo ve le……..kei mi mawl hian!!
Report this comment