Thu hma:
2006 kum tawp atang khan mi(sual).com silent reader / silent spectator ka ni. Thlalak nalh tak tak leh post ngaihnawm tak tak mai bakah sawihona hlimawm tak tak atangte’n hahdamna ka lo hmu thin a, thil tam tak ka lo zir ve thin. Tun hi ka vawikhat post-na a ni a, faksel-na a awm phawt chuan inzir zelna tura min puitu-ah ka lo hmang keuh dawn nia.
Thupui ah lut ang aw….
Entawntlak ka tih thenkhatte chu:
1) Mi pakhat…
Mi pakhat ka ti tawp mai, a hming tarlan ka duh si lo a. 2003 kum tir lam khan nita in ka hria, he mi pakhat nen hian India ram khawpui pakhat a hotel pakhatah kan inhmu. Ka vawikhat hmuhna a ni a, Chiang Mai ah ka kal dawn a ti nge Chiang Mai atangin ka rawn haw chiah a ti kha ka chiang mai ta lo. Hei hi he mi pakhat ka hmuh hmasak ber leh hmuh hnuhnun ber tum a ni. Hemi tum hian he mi pakhat hian a ma ke ngeia ding chhuak tura zah leh mi nuih pawh pawisa lova Aizawl veng thenkhat bazar-ah thlai hnah ilo, etc. a zawrh thin thu a sawi.
Tichuan, he mi pakhat entawntlak ka tihna chhan chu- Sum leh thildangah pawh pui theitu tha tak tak (nu leh pa, etc.) nei reng chunga anmahni tibuai lova tum ruhna nen zah leh mi nuih pawh pawisa lova Bazar-ah thlai hnah ilo zuar a ama ke ngeia a dinchhuah vangin.
2) Mi(5ual) admin(s) ho.
Kan admin(s)-te hi tutenge an nih ka hre lo. Mahse, hmun hrang hranga hnathawk, mahni inchawm zo, mahni ke ngeia ding an nih ka ring nghet thlap.
Mi(5ual) admin(s) ho entawntlak ka tihna chhan chu- Buai em em a an eizawnna hna thawk chung pawh a an mahni tan sum leh paiah hlawkna engmah awm miah lo a keini mi(5ual) ho tan an theihna leh thiamna an hman vangin. Keini Mi(5ual) te tan malsawmna an ni a, malsawmna tam tak dawng lêt turin duhsakna ka hlân nghâl e.
3) Mi(5ual) member thenkhat..
Tutenge an nih a, khawi a awm nge an nih ka hre hauh lo mai. Mahse, an neih sum, etc. thawhkhawmin mi harsa zawkte an tanpui tih misual.com atangin ka lo hmu ve tawh. Mi harsa zawkte tanpui hi van lam lawmna pawh a ni ngei ang. Hetianga mahni neih ang ang thawhkhawm a, rethei harsa-te tanpui thin mi(5ual) ho hi an entawntlak tak zet a ni.
4) Zu in thin mahse Zu in a tih buai ve lohte…
Kan hriat angin mi tam tak chuan zu an in a, an buai thin. Hnapui berah an nei a, eizawnna hna pawh thawk tha thei lo khawp a in an awm nual. Chutih laiin zu in ve thin, zu in a tihbuai ve miah loh an awm. Engemaw changin thian kawm nan an in a, zu in kha hnapui berah an nei ve lo. Zu han in ve thin mahse, zu in an nun a tibuai lova, an chhungkua a tibuai lova; tin, an hnathawh a tibuai hek lo. Chung ho chu entawntlak ka ti. (Zu in hi tha ka tihna erawh a ni kher lo).
Sawi ho atan…
a) Thalai lehkha thiam leh fel tak tak eng hna pawh thawh zak / hreh miah lo engemaw zat chu an awm ngei ang. Mahse, a nawlpui a lakin mizo thalaite hian kut hnathawh an hreh/zak deuh niin kan hria em? Mizo thalaite hi hnathawh zah / hreh nei miah lo turin engtia hmalak leh zirtirna pek nge tha ang? (chhungkua-ah / khawtlang-ah / sikul-ah / kohhran-ah / sorkar, etc).
b) Entawntlak ni a kan hriat leh an mahni atanga zir tur awm ni a kan hriatte sawi ho ang u hmiang.
Similar Posts:
- Eizawnna neite hi mi zahawm an ni.
- Ka lawm e ka tih na chhan
- Kan mawhphurhna a ni em?
- Mak ka ti!
- Kut hnathawh leh Khawtlang Nun
September 12th, 2010 at 11:53 am
Phivawk hi entawntlak dawn hle mai
Report this comment
September 12th, 2010 at 11:55 am
Chhiar phawt i la kawmen ang.
…khrum
Report this comment
September 12th, 2010 at 12:00 pm
Nang chu a vawikhatnaah thu tha tak i post thei nghal. Rawn ti zel teh.
a) Chhungkua a inzirtir hi a pawimawh khawp mai.
b) Sawi ber tur pawh ka hre mai lo.
Report this comment
September 12th, 2010 at 12:01 pm
Phivawk chu kan mit meng bui luk tawh i rawn NAWR phar awn awn mai a, FIAH takin kan khawthlir i rawn tidanglam dawn a nih hi. I rawn ziak tha hle mai; ka FAK a che.
Thil tamtak hi NGAIAH kan nei thin. I rawn SAWICHHUAH (2,3,4) te khi ngaiah kan lo nei leh mai thin a, i thlirna mita min hmuhthar tih avangin ka lawm e. Ni e, an Ngaihsan awm tak tak a ni (2,3), a bikin misual.com rawn tichhuak tupa hi.
Sawi ve rawh u.
…khrum
Report this comment
September 12th, 2010 at 12:02 pm
Entawn tlak i tih te hi keipawh in entawn tlak ka ti ve tho! Hnathawh zah neih hi a chhan pakhat nia lang chu, inchhaih kan hrat vang hi ani thei ang em le?
Report this comment
September 12th, 2010 at 12:09 pm
hnathawh (a bikin kut hnathawh) hi thalai tamtakin an ZAK kan ti ta maw. An thawh chhanah hian chiang sela an zak lo mai in ka ring. Tin, nula tlangval hnatlanga han thawk te hi chuan zak hauh loin nuam ti takin a thawk lawi si lo maw? Kan kalchar in dignity of labour a hlut hunah chuan he harsatna hi a kiang ve mai ang chu. kan work kalchar te hi sawiho tham pawh a awm si lova, a chhe zawr chiang ve si a le.
…khrum
Report this comment
September 12th, 2010 at 12:10 pm
He post hi ka like e. Angaihna hria leadership nei tha implement ngei thei thangthar rual kan mamawh.
Ka ngaihsan lam chu Taima, Rinawm, Pathian tih mi te hi
Report this comment
September 12th, 2010 at 12:15 pm
He lamah chuan hna lian ber atanga a te ber thlengin an inzah tawn em ema,anmahni hna theuh kha a tha thei ang bera thawh an tum.Hna hnuaihnung zawk tih vanga innuihzat vel a awm lo.”Thawk lo chuan ei pawh ei suh se” anti anih ka ring.
Report this comment
September 12th, 2010 at 12:24 pm
Tennis leh Badminton khel ho hi entawn entawn an awl khop mai :lol: kan thle tawn sek mai :lol:
Report this comment
September 12th, 2010 at 12:32 pm
Eng hna pawh thawk ila rinawm leh taima taka kan thawh hian a ropuiin a zahawm thin. Kan rawngbawlna pawimawh tak pakhat a ni.
Report this comment
September 12th, 2010 at 12:34 pm
#9 sawi khi dik khawp mai, kan entawn chhen a nih ber hi maw, entrawn tlak tak anni ngei ang. :lol:
Tak tak a , @Phivawk… i hansawi hote hi entawn tlak tak2 anni ngei mai. A bik takin keini ho tan chuan Mi(5ual) Admins ho aia entawn tlak an awm chuang lo.. hi hiiiiiiii
Report this comment
September 12th, 2010 at 12:35 pm
entawntlak sawi dawn chuan a tam lutuk a,,entawnsen chi pawh ni lo..a tha lam hrim2 hi chu entawn tlak vek mai a,,thil pakhat,, mahni pian pui zia kan nei theuh a,,..mahni zia nen a inrem lo lutuk hi chu thiltha lutuk poh hi en tawn mai chu har ve thei ka ti..
Report this comment
September 12th, 2010 at 12:39 pm
nia kuthnathawh zak lo turin chhungkua a inzirtir a pawimawh hmasa ber ang
Report this comment
September 12th, 2010 at 12:40 pm
Thalai tam tak awm mai mai chhan chu thatchhiat vang.
Report this comment
September 12th, 2010 at 12:45 pm
a hming i sawi duhloh mi pakhat khi a gender tal i sawi lo nia…te ka ti mai mai a
Report this comment
September 12th, 2010 at 12:45 pm
Mizo thalaite hi hnathawh zah / hreh nei miah lo turin engtia hmalak leh zirtirna pek nge tha ang? (chhungkua-ah / khawtlang-ah / sikul-ah / kohhran-ah / sorkar, etc
….. zirtir na pek zawng an ngai a ni,,
Report this comment
September 12th, 2010 at 12:46 pm
Tumah thatchhia a awm tak tak theihloh,kan thiltih peih a in anglo ani mai zawk lawng maw te ka tia
Report this comment
September 12th, 2010 at 12:52 pm
Aw haw! rin loh deuhin ka post lo chhuak ve nawlh mai!!! Insit a va na ve. In lo comment ve liam liam a, ka lawm e.
#7 a Pu mzvision ngaihsan-te khi kei pawhin ka ngaisang tak zet a ni.
#9 a Taikhery thil sawi khian min tinui nasa mai…a sawi dik phian lehnghal.
@ChhawnBura #7: Eng hna pawh thawk ila rinawm leh taima taka kan thawh hian a ropuiin a zahawm thin. Kan rawngbawlna pawimawh tak pakhat a ni. (FULL SUPPORT KA PE E.)
Report this comment
September 12th, 2010 at 1:02 pm
@Chhawnbura #10 (7 ka lo ti palh, sorry lutuk): Eng hna pawh thawk ila rinawm leh taima taka kan thawh hian a ropuiin a zahawm thin. Kan rawngbawlna pawimawh tak pakhat a ni.
FULL SUPPORT KA PE E.
Report this comment
September 12th, 2010 at 1:04 pm
beirual thla
Report this comment
September 12th, 2010 at 1:10 pm
“he mi pakhat hian a ma ke ngeia ding chhuak tura zah leh mi nuih pawh pawisa lova Aizawl veng thenkhat bazar-ah thlai hnah ilo, etc. a zawrh thin thu a sawi”
Chawhmeh zawrh hi thil zahthlak ami a Aizawl ah?
Report this comment
September 12th, 2010 at 1:32 pm
Hna thawh zah hi chu thawh tam tawk loh vang leh lehkhathiam tak tak tawklohna ah ka ngai hmiah.Chhungkua a tang inzirtir ila,kohhran,khawtlang leh thianho ti ti na thleng in sawi ho ila infuih thar ila a that ka ring.
@phivawk chiang mai a kal i hmuh kha zarkawt ah awm(?) hmeichhia tiraw
Report this comment
September 12th, 2010 at 1:36 pm
@Aryan, a mi pakhatah chuan a innghat ang chu. Graduate chuan a zah ka ring..chohmeh kher2 hi chu mipa chuan an zuar chak tehchiam lo thrin bok..lol, chuvangin ania, a gender soi lova a mi pakhat tluan thrak peih khi…ka lo tia
Report this comment
September 12th, 2010 at 1:44 pm
Mizo Nula Tlangval mahni hna (self employed leh MNC a thawk) professional tak tak hnamdang te pawhin a an rawn laih laih an awm ve ta nual hi an entawn tlak ka ti. Tunhma deuh a Engineer etc zir te’n pass hrim hrim tum a an zir thin hun lai kha a pel ta.
Tunhma deuh han ti ve khanglang i la, computer server upgrade emaw memory strip emaw intranet links problem ah khan Vai engineer eg PCS engineer etc kan ring thin kha a ni a, tun ah chuan Mizo ngei Sorkar pawh in a web design tur a a rin te, network ti tur a financial Institution te pawhin a an rin rawl mizo an tam ta te hi an entawn tlak ka ti…. Mioz expert engfield ah pawh awm tum in in zir ang u..
Report this comment
September 12th, 2010 at 2:04 pm
‘mi pakhat’ khi Male a ni e. Post ka lo vil tha hman lo a…Sorry lutuk.
Report this comment
September 12th, 2010 at 2:47 pm
‘Mi pakhat’ khi hriat ava chakawm tak ve..
Report this comment
September 12th, 2010 at 3:00 pm
Pathian thu bawk hian a sawi dik ani”Thawkla, i thawhah lawm rawh” ati tawp mai a,”I hlawhah lawm rawh” min ti lo tlat a;chuan “Hnathawktu chu hlawh hmutlak ani” ati leh chauh; thlantui far khawpa thawk turin Pathian chuan min duh ani
Report this comment
September 12th, 2010 at 3:05 pm
Kuthnathawk, kut hnathawk, kut hna thawk … ka sipel ve dan ka’n khilai ang che u, KUT-HNA THAWK ka ti deuh kher thin. Eng hna maw kan thawh? Kut-hna maw le, kut ngeia khawih ngai.
Kut-hna hi ka thawk ve ta nual! Kut-hna thawktu ka ni ve chiang khawp mai!
Report this comment
September 12th, 2010 at 3:16 pm
mi pakhat khi ka ni mial em le
Report this comment
September 12th, 2010 at 3:26 pm
Hmanah dawr ka siam ve a, kid 4/5 chhawrin ka inla ‘Boss’ vel a, Keima tawkah zah pawh ka kai hle. Mahse, zep loah chuan, ka hlawk tehchiam lo. Mite’n min awt a. Min hmu sangin, min chung-èn ngei alawm. A phènah erawh, kan chhungkaw khawsak a harsa tual2 a, kan thuam a tlawm tulh2 a, kan ei a chhe tulh2 thung. Anihna takah chuan, lem ka chang a ni ber. Tunah erawh ka harh chiangkuang ta! Chawlh Ni tih lohah chuan min rawn chibai dawn mah u, ka lo ùih hùm2 ang a, ar thisen rim ka lo nam húam ang a, ka lo pâwr chhap ang. Mahse, pawi ka ti lo. Ka nun a hlim mai bakah, hmuhtheihin chhungkua kan kang awk2 a ni ber.
A langa lan ‘sir’ vel aiin, mi hnuaihnung ber anga lan a, a ruka nei tin-ten, rualawt lo a len i tum ang u. A langa inlàk engemaw vel zawng, a takah kan engemaw tak tak chùang si lo. Rilru a hah duh êm mai…
Report this comment
September 12th, 2010 at 3:26 pm
Mi pakhat nge ka nih, mi chanve aw? Mi pahnih chu ka ni lo phawt mai!
“A certain man” tiin hnampuiho chuan an dah chawk, Mizo tawngin, “Mi tuemaw” tia kan han letling thin hi chu a chiangnial lo deuh chuan ka hria! CERTAIN MAN hi hnampuiho chuan thup mah se, tunge a nih an chiang keh kawh viau thin, Mizo-ah chuan a VAGUE lam zawngin kan chhuah daih zel!
Report this comment
September 12th, 2010 at 3:34 pm
A ngaihnawm hle mai,ngaihtuahna a ti thui e.
Report this comment
September 12th, 2010 at 3:39 pm
Kan vai hian ‘mi pakhat’ vek kan ni e .
Report this comment
September 12th, 2010 at 4:54 pm
Sap ho kan ngaisang ta rau rau bawk a, kum 18 tlin veleh hian mahni inpui chhuah sanin/chhuahsan kher lo pawn mahni inchawm han tum ve hlawm i la.
Zir duh pawn nu leh pa tibuai lovin loan puk mai se ! Emaw Chhun lama inhlawh mi anih leh zanah zirna lam bei mai se! Emaw chhun lama zir a duh anih chuan zan lamah hna thawk mai ta se.
Nu leh pa zara lo hlawhtling an awm anih paw’n an vanneihna ah te chhiar sak thei bawk ila.
A pawimawh bera ka hriat ve chu hnathawh mumal pawh nei lova nupui, pasal kan han innei ve ringawt thin hi Mizote hian kan sim angai a ni. Chhungkua din tumte pawn kan income mil a kan din thei dawn loh chuan tlem a thawhrim mai !
“Thawk lo chuan ei pawh ei suh se” tih hi kan fate kan duat ngawih ngawihte hi zirtirin an thinlungah tuh sak thei vek ila, hma zawng kan sawn ngei ang.
Report this comment
September 12th, 2010 at 6:06 pm
Thalaite hi anawlpuiin hnathawh kan hrehlo tih daih teh ang, sorkar hian kanthlai tharte hi man man zawkin, a hralhna tur zawng sela, entirnan Sawhthing hi kumtawp ah kg khat , cheng sawmin sorkar hian ala dawn tih hre chiang ilang chuan, kan duh leina tur hian thawk rawh intih angaih ka ringlo,tunah hian chuan thawk vakin lukhawng anei tlem rih em a ni. tunah erawh hnathawh vak ai chuan thawk vak lovin hmuh teuh dan a awm miallo maw tih rilru kan pu tlat vang zawk ani, a hralhna tha kan hriat hun ah chuan lehkhathiam hlei hlei hian kamding nihai chuan mahni kutkawih a eizawn an duh zawk ngei ang.
Report this comment
September 12th, 2010 at 6:20 pm
Vawikhat post-na ah chuan tha tak ani, Taikheri post khi ka duh lutuk….
Report this comment
September 12th, 2010 at 11:58 pm
No 5 ang hi chu Mizo zingah an awm ka ring lo
Report this comment
September 13th, 2010 at 1:14 am
Ar min talh ka beisei vang ni
miah lovin ‘kawlhawk’ hi mi ngaihsanawm tak a ni ka ti.
Report this comment
September 13th, 2010 at 1:19 am
#38: Kawlhawk hi hriatchian ka duh khawp mai, amah zawh ngai lo in a chanchin hriatchian theihna tur source min lo hrilh teh. Ka lawm e.
…khrum
Report this comment
September 13th, 2010 at 1:26 am
#38 & 39, inbawl awi loh! :evil:
Report this comment
September 13th, 2010 at 1:29 am
Inbawl lo e Pu Kawlhawk, nangmah han zawh tawp che kha chu a nuam lo deuh a lawm.
Misual ho hi tumah a takin ka hre lo, Nangmah hian tan i la a tha phian ang.
Report this comment
September 13th, 2010 at 1:36 am
khumchikthei, rem i tih chuan i fawn nambar :?: (he paws hi tha ka va’n ti)
Report this comment
September 13th, 2010 at 1:42 am
i decode thei em
Report this comment
September 13th, 2010 at 1:47 am
#43 chík(khrum), sorry! :cry: Kan OT ta nual a, a pawstu- kan Phivawka hian min hrethiam em ang chu maw…?
Report this comment
September 13th, 2010 at 9:25 am
@lushai_er=nu leh pa te chom tura nupui an hmuh theih te chuan an ngaihsan awm,an luck ani mai,tunthlenga hmulo poh kan la tam hi!!!!!!!1
Report this comment
May 7th, 2011 at 1:53 am
Post tha tak a ni e. Full support.
Report this comment