Ka naupan lai hi driver ho lar vanglai kha anih deuh ka ring. Kanu nau hi sipai a rawn banga, Aizawl dawrkai hausa motor a khalh Atta lane ah an awm, kan ngaisang an inah kan leng deuh reng. Rambuai lai khan DC Transport Driver-ah a lut, sawrkar hnathawk ani ta, a motor buhfai phur a lo hawn hi chuan kan chuang kai vat thin. Kolasib-a lehkha ka zirlai hian a motor hlirah ka chuang thin. Motor ke hian chain an bun tap maia, Kolasib thlen nan ni 2 te kan thang, kawng lakah convoy commander in riah a tih chuan kan riak maia, mahni intodelh driver chhungte mahni pu ngei neih chu a manhla thin.
Chawngkhupa hi kan chuanpui fo mai “Silchar tlangdung zawng zawng hi terrace in a la khat vek anga buhfai hi chu phai lam ami kan phur lut tawh lovang” tih hi inti zawlnei deuh hian a sawi thin. Transport Department a lo piang Supply Department nen an hrang ta, Driver ho leh an kaihnawih ho kha chu Transport Director hnuaiah an awm ta, an driver ka pu ka thian ka ngainat em em amah pawhin ka tupa ngainat ber min tih ve hial tu chu a boral. A family te chu hmeithai an ni ta mai, a nupui nge a fapa a aiawh ang tiin chhungkua kan komiti a, a fapa hian awh mai sela tiin rel ani. Sawrkar zarzo hi chu a lo manhla hle mai, hmeithai naupang tak, pasal sun, fate eitling la awm bawk silo kha pasal te zarzo in kamding chhungkua an la ni thei zel, pension pawh la zel tho siin, sawrkar hi chu a va tha em ka ti thin.
Heng hun harsat lai hian ngaihtuahna ka hmang vak vel ve nasa mai. Hun lokal chho zelah chung chu ka refine chho ve zel, chung te chu –
1) Heti tak maia buhfai a kan intodelh lo hi Pu Chawngkhupa hril lawkna kha apply nise tih hi ka ngaihtuah fo thin. Huan lo nghet kan nei anga kan ram kan tichereu nep anga tihte. Chung hnu chuan AMFU hoin khur chawh hmanga intodelh policy te an han tilar. World Bank expert an chah chhuah te kan kawm, mahse large scale a practice chu a awm ta lemlo. Kan thianpa Anthurium hmun siam chuan lungremin terrace a siama, Japan mithiamte ka hmuh, hetiang ang terrace siamna tur hi min finance a ngai tiin.
Thing hi kan vah hian hal chhe vek lo ila amah mai hi chuan a mawih mai lova, chung chu mualdung cross zawng hian khang ila mau bul tein vihkalh ila chung chu terrace mantlawm ani, lei tha luangliam tur kha a lo dang khawla a tha lutuk kum 10 lai te hetiang hian a awm thei, tih te an han sawi chuan a ni awm mang tak e aw ka ti thin. Vawiin thleng hian a tha ber tur ka la hre chuang lo.
2) Heti tak maia buh kan thar tam loh laia, kan buhfai lei nana sawrkar sum kan sen ral zoai hi, loneitute hnenah incentive pe ila, kan FCI buhfai lei hi titlem ila, a thar tam te ta hi FCI buhfai kan chah thlenna hian leisak ila, tichuan buh hi kan thar tawk tawk mai ang tih lam hi kan han sawi rawtui leh a. Mahse han chhut chet chet chuan loop holes tam zia chu comment lama sawiah khek mai ila.
3) Mizoram mipui heti zat lek maiin FCI buhfai heti zat zat kan han la lut hi chu a diklo ani tih hi ka ngaihtuah fo maia, chuti chung chuan Ration buhfai nih hmel lem loh zuara eizawng lah hi an awm reng bawk si. Heti chung hian ration la lo an tam nge retailer hnen atanga buhfai bag a lei hi sawi tur an awm leh nawk bawk si. FCI carrying contractor te lah an rate chhe ang reng hle si hian phurh loh hi a phur thang hi chuan an hlau em ni awm tihtur ani si. Kan buhfai lei zawng zawng hi Mizo mipui eisen tur ani lo ang ti an awm lain chaw kan heh em a lawm kan eiseng teuh lo ti an awm bawk si.
Chutih rual chuan ration semtur lah hi mi pakhatah Kg khat te chauh an phal bawk si. Buhfai kan ngah hle bawk si engvanga 1Kg mi pakhat tan phal chauh nge aw ka ti thin. 4-5Kg te hi phal sela buhfai hi kan indaih anga kudam pawh hi a ruak heng hung lo ang mawle tihte ka ngaihtuah a.
Mahse kan buhfai dawn a ngai renga mi pakhat chan a tlem si chuan loop holes chu a tam hle anga, 4-5 Kg a sem ai chuan duh zawk fe fe hi an awm mai ang aw tihte pawh ka chhut kuala. Mahse khawi hi nge tha ber anga tih erawh chu ka hrethiam chuang mai silo.
4) Kan ram hi mahni hian ri kan inrel rei ve ta, mahse kan basic need ah hian kan la intodelh lo lulai em mai hi angaihna hria kan va mamawh em ka ti thin.
Chief Minister ah Pu Ch. Chhunga 
te Brig T.Sailo te, Pu Laldenga(L) te, Pu Zoramthanga te leh Pu Lal Thanhawla te kan nei. Mipui pawh hian anni aia duh hi ka nei chuang lo kan duh taka kan thlan tlin a Lal te an ni. Anmahni hunlai an phak ang tawk chuan mipui tan thahnem an ngai em em vek, mahse kan duhthawhna erawh an achievement aia sang zel ani. State intodelh mai piah lama ram pawna kan thil thar te kan thawnchhuah hunte leh kan Basic Need midangte barh reng ngai lova kan intodelh hun hi kan nghakhlel theuh awm e.
Tunthleng hian eng kawng nge tha ber ang aw tih hi ka hisap leh vision hi a la inthlak kual reng mai chu ania, chutiangin zawh bulfuk ber neilo hian kan la ar-khawthim dai em aw tih hi ka zawhna zuk la ni fo mai a mawle. Tawn hriat kalpui aiin risk puitling hi kan la hnem riau te hian ka hre thin.
Similar Posts:
- Chapchar Kut Hmang Dawn Lo
- Thilsiam mak!
- News from Switzerland of the East
- Buhfai man sang tur leh mi hausa te
- Bhavan Buhfai mipui hnenah!
September 12th, 2010 at 1:07 pm
Hnam thatchhia tih takah Mizo te hian kumkhaw daih tur terrace laih ai chuan inhlawh chawpa vai buh leia a tla chawpa nun hi an thlang zawk a lawm.
Report this comment
September 12th, 2010 at 1:21 pm
Sawrkar hna kan ngaihsan (a tha lo tihna ni lovin) chhung hi chuan kan intodelh theih ka ring hauh lo.
Report this comment
September 12th, 2010 at 1:22 pm
a taka tih ngamna nun kan mamoh. Hah taka lovat a, hal a, buh chhete thar tura kumtluan a thawk te pawh hian hei aia hlawk leh hahdam, tha phu deuh zok chu a awm ang mawle, an tia, mahse risk anla ngam tlat lo, an dawihzepna tizual turin sawrkarin a bum a bum mai bok si a, kan thrianpa pa te tung hmun zauhzia leh an harsat si zia te kha…
OT ta daih ila, mizo nula te hian a hunlai azirin ngaihsan an nei threuh an ti thrin a, MNF rammu ngaihsan lai, driver ngaihsan lai, chuan sipai, chuan lehkhathiam, chuan zaithiam leh lar hrim2 te, chuan mi neinung fapa te, chuan thar thra leh gospel, ktp lama tui, chuan pate eiru hnem thei, bike leh car nei..etc etc..tunah tak hi chuan a inpolh nuaih tohin ka hria…ho ta mai2! Lol
Report this comment
September 12th, 2010 at 1:26 pm
tawn hriat nei tur chuan ‘risk’ lak erawh a trul si thrin. Mi rama hlawk leh thra kha kan ram leilungah a ni ve kher lo thei…
Report this comment
September 12th, 2010 at 1:32 pm
Pu Mzvision chu a tha dup dup hle mai. Buh ah lo hian Intodelh (Thlai dangah)ila a tih chi ber ang a
Report this comment
September 12th, 2010 at 1:37 pm
terrace system thatna leh hlawkna kan hria mahse kan peih thawtlo a ang ber mai,siam tur han chawh phur nan i sawi ang deuh khian sawrkar lamin finance thei se tha khawp ang
Report this comment
September 12th, 2010 at 1:55 pm
kan thenawmte hian (he ta thenawm nilo zoram) an huan hi pangpar chin nan terrace an siama, a chim/min mai loh nan brick an rem vek bawka a tha khawpmai. An taima bawka hausa teh lua lo mahse sum chu an hai lut ve reng chu ani e.
Report this comment
September 12th, 2010 at 1:58 pm
funny te reuh hi, a ron ti fuh kheuh thin :lol: kheuh kheuh mai a
Report this comment
September 12th, 2010 at 2:00 pm
Pathian thu chu kan hre hlawm khawp mai. Mahse a taka nunpui kan tum lo.
Chutiang chiah chu a nimai. Thil tha pawh kan hre lutuk. Mahse kan ti peih tak tak lo.
Report this comment
September 12th, 2010 at 2:11 pm
Kan huan ah, a mual khang zawngin thing ka tluk nual a, thingtang leh mau in ka chhunkalh a, muangchanga natural terrace a insiam ka beisei laiin, tuahthing atan min ruk sak vek.
Ration buhfai tam tak hi chu ZU ah a kal ral, ti ta ila, awih phallo kan tam leh ngawt ang.
Report this comment
September 12th, 2010 at 2:12 pm
Naupan lai a a zawhna tun thleng a chhanna a la hriat loh ni awm takin thupui a siam a, a chhungah zawhna hriat a duh awm reng2 ka hmu lo tlat???????
Report this comment
September 12th, 2010 at 2:27 pm
Buh hi kan ramin a mamawh zatve vel hi chu thar thei ta ila a tha viau ang; tum tak tak ila theih pawh kan thei ang, Kan ram pumpui eikhawp tur thar tur erawh chuan a huphurhawm lam deuh hlek ani.
Chuvangin,Thlai kumhlun chinah te; tan kan lak angai, thawn chhuah nei miah lova miram a mi kan lakluh reng chuan rei kan daih lovang, Bufai kan lakluh ang zat Grape thawnchhuah tur nei ila; Rubber te ang hi kan ramah a tha duh tih a chiang reng tawh a; ching vak mai ila thawn chhuah tham kan neih chuan thil dang ram dang atang a lakluh pawh a pungve zel ang.
Report this comment
September 12th, 2010 at 2:29 pm
Hmmm… He ram hi buh leh bàlah engtikah tak intodelh ve ang i maw?! Kan lui dûng leh khawi lai2 emaw a leilet phai kan neihte hi awmze neia buh chinnan hmang ta vek i la. He ram, mihring nuai 10 pawh tling hleitheilo ram hian, ram pawn atanga phur chàwk ngai loin, kumtin khamkhaw buh kan thar thei an ti. Hman hman atang khan an ti. Vawiin thleng in an ti. A taka tih tum awm hek suh. Sawi ringawt, khaw nge… ti a, risk lak tum awm bawk hek suh. Tawngkaa inthlamuan nan kum tam kan hmang tawh a, tawngka maiin kan la inthlamuan zel dawn niin a lang. :cry:
Report this comment
September 12th, 2010 at 2:36 pm
Thil mak ka sawi nin theih loh chu……
Buh demand a na em em a. Economics zir mite sawi dan in, supply a tlem chuan demand a sang a, inflation a lo awm thin an ti in ka hria. Thil man a to em em a. Buh te hi hralh chhuah tham ching ve thei dawn ta i la, a hlawk awm awm nen… kan thar chhuak thei lem hlei lo va. Hralhna tur chu local ah a zo nghal dawn… state pawn a mi kan lalut tek tek reng mai bawk si a. Enge a chhan ni ang le?
Agriculture lama hma kan sawn dawn chuan Land Reforms kan neih hmasak a ngai! Champhai leilet khi enchhin ta i la, a neitu tam zawk hian an enkawl peih hek lo a. Intihhlim nan an mawtawr in an tlawh ve zeuh zeuh chauh a ni.
A thawktu khan tin 100 thar ta se la, tin 80 a chhung lut ang a. A bang tin sawm hnih chu a ei ve tur a ni ang a. A zuar phal tawh teuh lo mai. Mihausa chuan a nawm a mak a a ei ah buhzemah a khung hmak ang a. Zawrh chhuah a awm ngai lo ang.
Report this comment
September 12th, 2010 at 2:41 pm
@ bucko, Mzvision naupan lai pawhin kan intodelh lova, tun thleng poh hian kan la intodelh chuang lo, engvang tak ni ang maw? a tihna ah ka ngai mai!
Report this comment
September 12th, 2010 at 2:45 pm
Sawrkar hian a hmalakna atan chak zawk a terrace etc a develop chu a duhawm khawp mai. Terrace-ah chuan thlai a tha duh lo te kan han ti leh ngawt thin a. Mahse a terrace buatsaih lai hian a lei chunglang hang tha hi kan paih thin a. Chuvang chuan, a lei chunglang hangtha hi hmun khat a dah that a, chu chuan terrace thar a kha chhilh leh hram te hi a tha a.
Kut hnathawktu, hlawhtling tur chuan, sawrkar kut ke beisei lo in a thawk mai a, hetiang hi an hlawhtling duh in ka hria. Sawrkar kut nghak hi chuan an puitlin lo chawk. Sawrkar lama thawktu te lah mittlinglo an lo awm ve bawk thin nen.
Nagaland-ah te khuan kum 100 chuang, tlangram terrace an lo bei tawh a, tun thleng khuan an la hlawhtling in an la kalpui chho zel thei a. Mahse an vanneihna pakhat ni a lang chu, tui khu an nei tha em em mai a. Kohima khaw chung forest reserved khuan a pui nasa em a ni.
Report this comment
September 12th, 2010 at 2:50 pm
Kolasib ah hian Leilet chu a tam khawpmai,mahse Vai kan en kawl tira Tin 90 lo thar ta angse anei tuten an chan tak chu Tin 30 vel ang ani a enkawl tuten Tin 60 vel an chang a tin 30 vel an hralh leh a aman kha Vairama an chhung te an thawn leh a Tin 30 dang chu a hmunah an ei thin ang ani.Chutiang vel chu kan ramzawl neihte ka utilised dan ala ni rih.
Siamthat ngai hi a tam lutuk; Kolasib District phaizawl atang hlawkna hi 1/3 kan chang vel tawk ang chuah ani. A neitu nih chiah kan hauh a; a hlawkpui tak tak tu chu Vai anni.
Report this comment
September 12th, 2010 at 2:57 pm
Chawngkhupa hrilhlawkna hi dik ta vek se, Aizawl Chanmari West pawhin Biak In thar an rel thar leh a hun daih tawh maw le! Terrace chuan a khah a rinawm chuang lo; mahse, terrace siam thei tur khawpa hausa tawntawten ram chu an pumbilh vek chuan a lang! :wink:
Report this comment
September 12th, 2010 at 3:02 pm
kan buh ei, vai buh te hi,,mi ram atang a kan lak luh a ni si lo a,,india ram a awm kan nia,,indian kan nia,,a in thlahrun awm lo… min independen tir phal lo a,,a thlawn te hian min chawm zawk tur an nia..vaibuh ei hi in thlahrung lo ang u… hehe(a ho in tih hmel hlawm)
Report this comment
September 12th, 2010 at 3:04 pm
Thudang a lai chuan chawngkhupa inlarna kan ti teh chawk a, a sawi chiah a ni tih hi kan chiang em le? ka hriat ve chin ah kha chuan thawnthu mak deuh deuh kha a sawi a, engkim mai kha thlirna dang atanga a thlir avang khan ni ber awm e, hrilhlawkna lam erawh kha chu ka hre fuh ve lo a ni ang e.
Report this comment
September 12th, 2010 at 3:12 pm
Leilet chungchang bikah hi chuan kan leilet enkawl zau zawng hian a hril tam khawp mai. Mihausa, mahni a an leilet enkawl chu lo sawi rih ta lo ila. Chhungkaw pakhat in an kum khat emaw tla thar chhuah theihna atana tawk vel awm leilet nei hi a tam zawk hi anni a. Heng hmunah te hian buh thar hlawk zawk, mahse tui chuang si lo thar teuh ai chuan, an chhungkaw ei khawp buh tui deuh thar kha an duh vek a. Hei vang hian buhthar hi a pung tak tak thei lo.
Vairam a buh an chinna hmun ah te chuan mi pakhatin hactare 4 chuang te an nei a. An chhungkaw ei tur buh tui ‘basmati’ etc etc an eikhawp an ching a. Hmun dangah, a thar hlawk, tui vak lem lo, hralh chhuah tur in. Hei hi kan dinhmun in an lohna a ni.
Report this comment
September 12th, 2010 at 3:27 pm
Thil hlawkah na na na chuan kan thatchhe lo.Dik chiah chuan leilet siam a buh han thar tur chuan a hlawk vak lo a nia aw.
Report this comment
September 12th, 2010 at 3:36 pm
Mizoramah hian ram ruak hi a la awm reng reng em ni aw? Khawiah pawh ka ram, ka ram an ti vek hian ka hria.
Thlahtute atanga ram anih loh chuan tunlaiah chuan thang thar tan hma lak ngaihna a awm miah lo. Ramruak a awm tawh lo!
Champhai zawl pawh tui nei tha se, thlasikahte thlai/buh thar thei turin sorkar hian hma la se la. Power atan ngawt ni lo, Agriculture lam atan hian tuikhuah siam thei se la. Hma kan sawn zawt ngei ang.
Leh lamah chuan Sorharin subsidy-a farm tractor, tiller man tlawm zawk a lo neitute a pek pawh State thenawm lama la hralh ru duh kan la awm leh zel te hi zawng !
Report this comment
September 12th, 2010 at 3:40 pm
Intohdelh tih sawi a piang a buh ringawt mitthla a lang hi chu a fuh ber lo.India ram state tam zawk hi buh a intodelh bik lo an niin a lang,khawvel ram tamtak pawh chutiang in.Buh ah intodelh pawh ni ila thildang mahmawh zawng2 ah intodelh theih tak2 a ni tawh lo.Specialization-an tih fo ang hi a tul.Rubber chin hi tha viau in an sawi a,ka tuipui riau a,Damte a Pathian zar a ka(n) awm a nih chuan nakum lam khi chuan tlem azawng tal phun ka tum,mithiam te rawn ka tum mek ani.Kan Mizoram intodelh nan Rubber hi a lo fuh phian mai thei a sin.
Report this comment
September 12th, 2010 at 3:45 pm
Bulfuk taka eizawnnana ramzau pui pui nei kan ram hausa ho hian terrace laiin han ti tak tak se la aw…Thlam mawi tak taka interek khawtlai mai mai lo hian..Zinkawngah lah hei hi chumi ram..an nei zau thei si..Hmanni chu motor a kan chuannah Nu berhte pakhat in tunhma atanga an seilenna in chu Aizawl pa hausain a LSC hnan a, an in an thiahtir thu a sawi nia mawle..Khaw hlun an ni a.Document nei lem lovin mi chhuhsak inring pha miahlova thlamuang taka an chenna an chan der tih a sawi tlat..
Report this comment
September 12th, 2010 at 3:52 pm
@XaiA kha i tha maw loleng la vawiin te chu
Kan thianpa Anthurium hmun siam chuan lungremin terrace a siama, Japan mithiamte ka hmuh, hetiang ang terrace siamna tur hi min finance a ngai tiin
Ha thu hi Japan team lokal te khan an ngaihven viau a thlalak te kha ka pe a Cost per hectare emaw Cost per metre emaw in min pe la an ti. Keiin email min han thawn ula tiin ka thlah email erawh kan inthawn ta lemlo na-a, tlawm deuh zawka terrace tlo tur siamdan hi chu kan ngaihtuah chu a tul hle in ka hria.
Mizoramin Ration buhfai kan lei zawng zawng leh leina hi hria kan awm em le :?: Chutiang bawkin kan buh thrar zz zat diktak te hi hrait theih sela han chhut kual vel a chakawm. Lo hre keuh kan awm chuan mzvisionv@gmail ah min han thawn keuh dawn nia.
In comment a ngaihnawm ka ti
Report this comment
September 12th, 2010 at 3:53 pm
Mihausa ram zau pui pui nei te hi an harhchhuah hun a nghahhlehawm ngawt in ka hria. Buh chauh nilo, thlai hlawk tak tak te hi han tharchhuak ta se la. Khawchhak Hmunhmeltha khuaah khian pa pakhat, a huan a tui nei tha zet mai hi a awm a. Thal laiin, lo pangngaia midangin maian an thar chhuah ve hma hian, maian hnah ringawt atangin Rs 1,00,000/- bawr hi, kumtin a leichhuak hman ziah. Chu pawh sawrkar kut a innghat a ni lo.
Report this comment
September 12th, 2010 at 4:04 pm
Zawhna ka nei, a hriain min chhâng se.. FP Shop a tanga buhfai kan lei hi Rs 10/ Kg a ni. Rs 12/ Kg pawh a ni mai thei, Kg 1 ang a an hralh hi kg a tling ngai lo hrim hrim. Ka zawhna na chu Sorkar-in retailer te hnen thlen tir nan buhfai Kg 1 ah eng zat nge sum a sen?
Report this comment
September 12th, 2010 at 4:10 pm
Buhfai hi kan stapple food a nih miau a vangin engpawh thar i la buh thleng nan kan hmang leh tho dawn a,chu vangin buh hi teh khawng pawimawh tak Mizo te nunah chuan a ni reng fo ang :!:
Hei vang tak hian buh chin hi Paying tak a kan tih thiam a tul a ni e.
Report this comment
September 12th, 2010 at 4:18 pm
Mi hausate’n “Kan tuchhuan lo awm zel turte tan…
Bank-a sum dah aiin a hlawk…
Ram neih zau hi a pawi lo, a la hlu tual2 dawn…”
tih vel mai2 vanga, dai-hnai ram tha2 an invalh vak2 mai hian kan intodelh theihna tam tak an dál a ni. Mi harsate’n thlai/ buh chin nan, ran vulh nan an ìt ngawih2 si a.
Report this comment
September 12th, 2010 at 4:25 pm
@Pu Shaia thu sawi chuan thil pakhat min hriatchhuahtir zawk mai. Kum 15 vel liam tawhah khan tum khat chu ka pa hian Lo a vat a, ram pui chang tha tak a ni. Buh han chin leh ringawt thin kha a hlawk lo zawka a ngaih deuh thut avangin mai ringawt hi zing tak maiin a tuh chhuak ta vek mai a.
Maian hralh a lo hun tak tak mai chu, hlawk hem hem tak a ni. Vartian atangin hlawhfa thenkhat lain an sik tan a, Bazara mi Maian tel aia lian fu hian an tel char char bawk a. A thenin an phur haw bawk a. Bazar thlenpui ngai lo hian kharchhawng hovin an rawn la fai vek zel. Khami kum khan sum kan rut tam ve fuin ka hria.
Buh chin ai chuan a lo hlawk zawk khawp mai. Mahse, market ngaihtuah tel a ngai tih hriat tur.
Report this comment
September 12th, 2010 at 4:29 pm
@ mzvision, post tha leh khawp mai. Kan ram hi Khuanun a duan danin tlang ram a ni, teh chut chuan. Leilet zawl tha kan ngah vak lo. Lo nghet kan neih theih nan Pu Laldenga hun lai khan, hmun thenkhat chu dozera nawr zawl a ni a. Tin, power tiller pawh engemaw zat chu sem( subsidised) a ni a. Chhunzawmna a awm talo a ni mai thei. Tin, engemawti lai khan sorkar puihna-in sangha dil te pawh laih a ni bawk a. Mi tam vak lovin an chhawr tangkai a, thenkhat a zuzi bawk.
Jhum cultivation ngawt hi chuan hralh chhuah tham thar chu a huphurhawm lam a ni. Kan hriat ang khian, leilet nei lah mahni a thawk an tlem bawk si. Grep chingtute lah thinphu in kan siam. Sawhthing, tung, etc chingtute tan lah chuti khati. Mahse, i beidawng lovang. Engtik ni ah emaw chuan, kan ram hian leirem rah hun a la nei ngei ang. Chu hun thleng tur chuan, ram hruaitute leh mipui mimir hian tawngtai leh thiltihin tang tlanga kan thawh a ngai a ni. Kan mithiamte leh kan lehkhathiamten, beidawng lovin kan thiamnate i hmang zel ang u.
Report this comment
September 12th, 2010 at 4:41 pm
Buh thar chhuah zat dik tak hi hriat a har khawp mai. Agri Deptt. hi chuan ‘crop cutting experiment’ hmangin a teh thin na a, hei hi a dik hlelna a awm fo. Achhan chu ThaiBoy in Kolasib bial vel a sawi ang khan, a bik takin Mizoram leileta thar chhuah nimahsela a thar 1/3 vel chauh khu ram chhungah a chambang a, a dang zawng chu Bagha lamah. Tin, thingtlangah hian, buh thar chhuah zat dik tak hi loneitute atanga inzawh chhuah theih loh tluk a ni. Zep chin an nei thin. Chuvang chuan rinthu a tel a ngai thin. Lo/thlawhlai/leilet tinah an buh seng hun laia va teh pui thlap thlap hi a theih si loh a. Chuvangin ‘data’ tam zawk hi chu ‘approximate’ a ni tlangpui.
Report this comment
September 12th, 2010 at 4:51 pm
#14 Vaiva #17 Thaiboy,
a va mak ve! ‘tianga zoram tlangram chhengchhia ah chuan, ram thra nei chhunte tal chuan rim taka thawkin an hausakpui thur2 ang chu ka lo tia, changkang lo tur hrim2 em ni kan lo nih zawk le? Silchar phairamte pawh khu nei ila, kan chhawr thra peih chuang nek lo’ng a…hui ha
@vaiva, engvanga mizo nilo a vai thawk nge le, hriat a va chakom? Bengvar hawk mai.
Ka comment hi chhiar inlo awm chuan tuna sawhthing rate tunge hria aw? Guwahati ah rs 100/kg ania, sabji bazarah.
Report this comment
September 12th, 2010 at 5:44 pm
Ei leh bar a intodelh tur hian beng thar a ngaihtuah te pawh a ngai dawn niin a lang. Buh hi tlangram ah chuan kham khawp thar a har em em, mahse kan phaizawl neih ve chhun ah hian kan mamawh tam tak chu a thar theih. Kan thar theih loh nachhan te leh harsatna sut kian anih chuan. Tin, buh chauh hi chaw ah rin tum lovin kan rama thar theih vaimin, bal, pangbal te hi food item a hman hi naupan lai atang a in zir tir a tha. Ka lo hriat dan chhuan Punjabi ho pawh hian buh hi tui an ti ve tho, mahse an thar tam zawk wheat hi rin rawl ber ah an hmang. Kan rama thar har ber a intodelh tum tlat hi kalsan a tul ni in a lang.
Report this comment
September 12th, 2010 at 9:42 pm
Mizoram hi chu a bul atangin a system zawng zawng a mihring te nen lam hian a thar a kan din hma loh chuan kan intodelh lo tawp ang maw le.
DC transport truck(TMB)chung zar ang ah khan ka chuan ve hman nasa mai pa Mala (Malpuiliana)pu Mz te khaw chhuak a ni nghe in ka hria./
Kan chaw ei te pawh hi thlak dan ngaihtuah ilang zia deuh lo maw ka ti.Chhang lam chi te hi chaw ah hmang ve thiam tawh ilang kan zia deuhin ka ring gas kan save bawk ang a.Gas pawh vai ta tho kan hmang si a.te ka ti ve vel mai mai kei ve hian
Report this comment
September 12th, 2010 at 10:33 pm
#15.. Ni dawn tak…. Hi Hiiiiiiiiiiii Mawl thak eeeeeeeeee..
Report this comment
September 12th, 2010 at 11:34 pm
Buh a intodelh hi tlangram ah chuan a theih dawn emaw ni le? Tin, NE India hi insurgency avang pawh in Central sorkar hian kan intodelh ang tih hi a hlau viau in ka ring.A bik in buh ah hian. Agro based leh human resource hi kan neihchhun ni mai ah ka ngai.
Report this comment
September 13th, 2010 at 8:48 am
NLUP —terrace lehchuang meuh ang em?
Report this comment
September 13th, 2010 at 2:59 pm
Thawkpeihlo chuan eipawh ei suh se, kan Bible-in a tih kha.
Taimak kan in zirtir a va ngai em!
Report this comment