Ka thianpa hi an awmpui nula-in a ngai em em thin a, a hmuh loh rei deuh te hian a zawng ruai thin. Khua a lo rei a, ngaia zawn mai duhtawk loin, a ngaizawng ta nge nge a. A hmangaih mai ni loin, a àtchilh bur a ni ta ber a.
Amah chu–
Nghapih tiin an kawk a.
Balma tiin an déu a.
Sak-súak tiin an nuih a.
Awmpui tiin an chhaih a.
Tunah chuan–
Tiau pelin Rún ralah a lêng an ti.
Hrài chawiin damin a kûr an ti.
Tlàng hriatin lunglen a tuar an ti.
Lianchhiar iang chhun ni a chhiar an ti.
Nimin khan, lehkha thawn chawmala char, bál-ûng angreng tak hi ka dawng nawlh a.
Pek tul– Luatfela (RSA). AZAWL.
tih hi a lo chuang kalh a. Ka thianpa Ruatfela (RS-a) tan, hmana an awmpui, amah àtchilh burtu- Nuami (‘neinuam’ tiin kan ko kher thin.) lehkhathawn a ni tih ka hria nghal a. A virgin-in pe mah ila, min chhiar tir ve leh dawn tho avangin ka hawng pawp a!
Ngilh ni awm lo, mangaih le duh bel, Valmawi.
In inah manah ka lo awm lai kha nuam ka ti bel. In chung zawla al chaw kan kilai lai te kha o. I leng dawna tui lo dah vawt lawh i ti te kha o. Thil sawi ka tum pawh sawi leh lo tula i mit min siai te kha o. I lúmah min ko lut a, min bungbut til i tum pawh ka la hle leng. Lo bungbu mai mai ila ti law.
Ka u.
Kohhlana in mang leng si a, ka pi le ka pu om loh apianga a lúka min tih dan kha a va nuam e. Ka u, thla nih lai thi ka nei lo ka lâi a mi ka tih a, ka mui i hup khan i kut kha lim tui ka ti. Cheng sing nih ka pe dawn che, in khua, tidim ah haw lawh i tih khan ka lo duh ang tih ka lau. Sing li min pe a.
Munga pa.
Hei i fapa munga pawh a lian lapthak. A mel ka muh hian nangmah mu ang ka ni a, ka en leng zel. Ka ngai thei lutuk che a maw, ka tap thin. Mi pawhin mak an ti lap. Munga tangval hunah ka lawn zin ang a, mahse a sian te in ah ka theng ang. Mangtha muttui le.
Sil ah i nawl,
Nuami (neinuam)
(Note : Inhmuhsitna lam ni loin, hetia’ng deuh thawnthu nei hi zoramah engzat tak awm ang i maw!?)
