Kum 2002 kha a ni ta in ka hria. Aizawl ka hmuh hmasak ber tum a ni a. Beiseina sang takin ka kal a. Pui taka hmuh ka tum. Tlai lam deuh ah khua kan lut ta. Mahse ka rin ang in thil a awm lo tlat mai. Mizoram khawpui dang ang tho in ka hmu tlat. Dawr tam lutuk hi tha lo ka ti deuh. Thil siam chhuahna lampang a awm lo. Kut hnathawk pawh an tam lo.
Zofa te hi engtin nge kan in tun din ve aw ka ti thin.Phai lam atangin kan dawr bungrua kan la a. Chu chu helai ah a hlep um tumin kan hralh a(pawisa ah kan chan tir a). Kan in bum kual vel mai mai ni hian ka hre thin. Bazar rau rau ah chuan Chawhmeh zawrhna lampang hian min ti lawm thin. Hetiang a kan awm reng chuan tha dawn lo tlat in ka hria a ni, thil man sang zel ang a. Pawisa lah thawk lo in kan nei tam tulh tulh ang a, thalo thei tlat a ni.
Kan in chhan theih dan tur ngaih tuah emaw keimah ang a ngaihtuah in awm ve mial em le?
Similar Posts:
- Kawng kam chawhmeh bazar.
- Aizawl kawng sir bazar!
- Aizawl Bazarpui…
- Kawng sir Bazaar (Roadside Market)
- Bazar!
September 18th, 2010 at 2:10 am
chhiar hma in first, thlemna a sang tlat……
Report this comment
September 18th, 2010 at 2:13 am
State intodelh kan la ni tlat si lo alawm le.
Report this comment
September 18th, 2010 at 2:30 am
first comment hian eng ropuina mah a keng lo, first chu first se, a chuh leh sawilan hi i bansan te’ng u. Post tam zoka first comment ah thu chhiar tlak a awm ngailo.
@topic, nia, zoram kaldan ah hian lungawithlak a awm meuh tawhlo zawk ani, a kaldan thalo sawi sawi ai chuan engtianga hmalak tur nge,mitinin engnge kan tih ve theih, tih hi a pawimawh tawh khawp mai.
Report this comment
September 18th, 2010 at 2:46 am
I vei ang hi kei pawh ka vei ve tawh thin.
Report this comment
September 18th, 2010 at 2:56 am
#3 RempY_sciSsoR, temptation, virgin hi chu a hlu riau.lol.
“Pawisa lah thawk lo in kan nei tam tulh tulh ang..”
THAWKLO I tih hi enge a awmzia? Trading/kharchhawng/Commission hi sumdawn inkhaidiat a a hahthlak, thluak ngai leh risky lai ber ani ve reng asin.Kawl a ni chhuak chhiar in an thawk alawm le.
Siamchhuah kan neilo erawh chu nangmah ang chiah in ka vei lutuk. Mizo sumdawng hausa kan tihte hi commissioned business vek an la ni. Engtik ah nge mizopa Industrialist kan neih ve ang aw? Sawhthing te hi sawrkar in a leisak tur ani lo a,legislator tur kan thlan tlinte hian production business hi an buaipui tur pawh ani chiah lo, budget a a leina tur ‘di a eihchhi’-D A H pawh a ngai hek lo a, industrialist mizo zing ah kan la neihloh vang mai mai ani zawk.
Bagha vaiho hlauh ber mai chu mizo sum ngahho an harhchhuak ang a, industry an din ang a, heng kan agro production zawng zawng te hi mizoram ah kan processed ang a,chhetheilo in kan pack ang a, Bagha kan thlawhkhum liah liah mai ang tih hi ani. Mahse, mizopa sumngah ho hian a tak tak ah chuan an fate an ring zo tlat lo.Fixed deposit in mizoram pawn ah indirect in reliance, tata, etc etc ah an invest vek.A chhan pawh a awm ka ring.
Report this comment
September 18th, 2010 at 2:59 am
Mizoram sumdawnna tam ber hi Sawkar hnathawk hlawha innghat a la ni. Sawrkar hna thawkin hlawh an lak loh chuan sum leng vak a awm hlawl lo. Thil man innghahna ber pawh Sawrkar hnathawkte hlawh tho hi a ni. An hlawh a san chuan thil man pawh a to mai.
Hetiang ema Sawrkar hnathawkte an pawimawh chhung hi chuan kan ram hian hmasawn kan hlat hi ka ring thin. Zirlai tam berin kan tum chu Sawrkar hnathawh a ni. Hna hian a daih mawlh si lo. Mi tlem te, thiam chung chuan vang te, duhsaktu neih that vang te, Political appointment avang tein Sawrkarah an lut a. Eng vang pawhin hna hmu se, mi chunga leng an ni nghal a. Sawrkar mi leh sa, sawrkar-in hamthatna hrang hranga a vur, dinhmun itawm taka ding an ni nghal tawp mai a ni. Ban leh mai mai theih an ni lova, pheichham hmu ang mai an ni ta thin a ni.
Mi tlem te chauh hmuh theih sawrkar hna hi, a lo hmu leh a hamthatna lo tel mek tute hi mi vannei an ni mai a. Itsik leh elrel an tul lo, lawmpui zawk tur an ni. Mahse, thangthar lehkha zir mekte hian Sawrkar hna thawh tum sa lo hian zir tawh teh u. Mahni ke-a din a, mahni kut kawih ngeia in hausak hi kan ram damna tur a ni.
Dik tak chuan, eirukna tel hauh lo chuan Sawrkar hna hi hausakna a ni lo. Ei khawp hmuhna ngawr ngawr a ni mai. Dam loh leh pension velah hamthatna an nei mai chauh a ni. Kan theihna zawng zawnga kan thawh phawt chuan mahni tana hamthatna mai bakah midang ruai thei dinhmunah kan ding zawk thei a ni. Mahni hlawh hmuhna tur chauhva thawk thin mihring nih ai chuan, hlawh pe theitu dinhmuna din hi a tha zawk a, midang tana malsawmna thlenna a ni zawk e.
Hawh u, harhchhuak ila. Huaisen takin i ding ang u. Retheih huamin hausak tum ila, chu hausakna chu mimal nawm nan mai ni lo, midang tana luangchhuah nan zawk nih tir tumin bei ila. Rilru lama retheihna hi bansanin engpawh huamin hausakna kawng i zawh ang u. Chu chuan kan ram hi a tuam mawi ang a, eirukna vanga hausa te a titawmin a ti hlo lo sawt ngei ang. Hun a duh rei mai thei, mahse, a reina chu hlawhtlinna tihlu leh zual tu-ah kan chantir dawn nia.
Report this comment
September 18th, 2010 at 3:16 am
A hmasa in, I post chu a va mak neih nuaih ve :NOI:
i sawi tum erawh a hriat theih rei ruai.
Aizawl hi Mizoram khawpui dang anga hmu pakhat ka hriatna i ni.
Kan hruaitu ten Zoram hmasawnna tur zawng zawng an pumbilhna, Aizawl hi Mizoram-a khaw dang te nen a in ang ka ti ve mawlh lo.
Pawisa thawk lova neih tam tulh tulh i sawi khi chu ‘cheng nuai 1 sem’ te nen pawh a in zul viau. Kan ram hi industrialised state a nih loh vangin thil ho te pawh vairam atanga kharchhawn hi kan tih makmawh a ni, sawibelh vak tur a awm lo.
Bengek kherna takngial pawh kan siamchhuak lo. Chawhmeh bazar ah pawh tam tak kha phai atanga kan lak a ni tho tho.
Report this comment
September 18th, 2010 at 3:17 am
kei chu ka rilru a awm tlat chu – two days off huuuuuuu huu… goodnight everyone
Report this comment
September 18th, 2010 at 3:57 am
@aduhi, gnyte. Enjoy your holidays
Report this comment
September 18th, 2010 at 4:07 am
An ngaihtuahna a tam lem lo a niang??
Report this comment
September 18th, 2010 at 5:19 am
@Kawnga #6 sawi hi ka tawmpui ve mai e. Dik ka ti lutuk vek! Hei aia thain ka sawi thiam chuang lo. Ka lawm e!
Report this comment
September 18th, 2010 at 5:46 am
Thil siam chhuah ve kanneih hi angai tak zet ani,kan tharchhuah ve theih thlai/chawhmeh ah tal hi chuan han intodelh thei ila aw…Sa te hi kan ei nasa, mahni hian kan eitur khawptal hi chu intodelh ve ila…Zoram tang fan fan..
Report this comment
September 18th, 2010 at 8:04 am
Mizorama thil siam (manufacturing), food processing tiamin, a hlawk theih lohna chhan tam tak a awm. Chung zinga mi pakhat chu power supply that loh ani. Tichuan service sector (trading, construction) lamah bak invest an tlem em em a. Manufacturing industry lama kan chaklo chu zah tur ani lo. Ram tam tak kan din hmunah an awm.
Kan vei tur zawk chu “Maximum Retail price” (MRP) aia sanga thil an zuar te, doctor inen tir man (consultation fee) sang lutuk te hi kan vei a ngai. Hnam dang sumdawng kan ngaithei lo kha keini’n kan lo tuar anih hi.
Report this comment
September 18th, 2010 at 8:37 am
Vai ram khawpui te pawh hi Silchar ‘lian tak’ ang tho an ni e an tia lawm :lol:
Report this comment
September 18th, 2010 at 11:42 am
In comment a tha hlawm e… Thu leh hla finna lamah khawvel dai tan ve chauh la zir mawlh mawlh tur ka ni a,ka sawi tum hi ka sawi chhuak theilo thin… Thawklo a sum neih tih chu….politics taka lo neih leh tawk hi. Ka rilruah chuan dik lo deuh a hna hmuh te pawh a kawk. Eng emaw chu kan tih a ngai a ni. In comment a tha e. Ka lawm tuk e.
Report this comment
September 18th, 2010 at 3:01 pm
sawi tha hlawm ve aw.. Ka thlawp a che u.
Report this comment
September 18th, 2010 at 4:32 pm
Ka phai zin hmasak ber tumin ka phur em em maia. Mi lahin thil tinreng min chah nasa bawk. Aizawl ah chuan a to thei lutuka, phaiah chuan a tlawm ang an ti a, pawisa min thawn tute pawn Aizawl rate chanve ang vel hisap in min thawn a, tichuan kan thlengthla ve ta hlola. Bazar a lo in hlat em em hlawma, khua lah a lum. Tui in tur thlengin lei a lo ngai bawk si chutah thiante thil min chah mawlh kha ka lo in promise ve tawh khanglang si. Ka va hahpui tak em!
Auto leh ricksha leh taxi man ah lah ka in seng nasa. An thil leina man tur chiah min thawn bawk si, zin haw kawt tawh lamah nen phei chuan ‘to buy or not to buy’ hi a ni ta ringot a. Airport ah ka la excess pui zui. Excess pui e ti lo chuan an thil mi chah thenkhatin min la bat ral sak zui.
Hlokna tlem tal beisei vanga sumdawng te hriatthiam awm ka ti ta khawp maia uchuak tawk hi chu lo awm ve thin mahse. Kolkatta, Pune, Mumbai etc. a thil rate leh Mizoram, State kilkhawr a thil man in an ngaihna a awm lo ka ti ta a..a rawn kalna a thui vang vang thin em a lo ni.
Amaherawhchu sumdawnga ‘foreign’ a kala, hotel nuam tak taka khawsa. An nuam tawlna a an sum sen an thil zawrh chhuahah an belh emaw aw tih tur te hi chu ka hrethiam thei lo a ni. Anmahni lah an vul ang chuka.
Report this comment
September 19th, 2010 at 7:50 am
Jabok lui kamah kan inbuan a nih ber hi, hnehtu kan ni lem hlei lo va! Kan malpui ruh-chuktuah hmet pelh thiam an awm tlat, Aizawl chu a pui dan hi —a ro ropui!
Report this comment