He khawvelah hian chhuan tur reng reng nei lo leh thinlung sual pu mi niin ka lo piang ve a. Naupan at a reh rual rualin sual nun chu ka zir chhova. Ka pianpui ngei sual, mahni hmasialna chu ka vulh lian a. A thang duh em em mai lehnghal. Itna leh thikna sual te chuan ka tetlai ata min thunun tlat a.
Zirtirtu hranpa vak pawh mamawh lovin Chaponna, Uanna leh sual dang tam takte chu ka zir belh chho zel a. Ka thil thiam chak pawl tak te pawh an ni. Thil tha tih duhna tlem ka neih ve te chu ka rapbet hmiah hmiah zel a. Rukruk, Dawtsawi leh Awhna sual te chuan ka thinlung chhungril berah hmun an khuar a, Thatna tan hmun reng an zuah ve phal lo.
Khawvel thilah hlimna chu zawngin a um in ka um a, ka umphakna tur a nih dawn phawt chuan eng thil tenawm mah tih hreh ka nei ta lo. Mahse khawvel chuan hlimna tluantling chu min pe si lo. Ka nun chu a beidawng ta hle mai. Fiamthu nuihzatthlak ber ber te pawh a nuihzatthlak loh chang a tam ta. Hruizen leh tur hmanga mahni nunna titawp ta te pawh ka dem loh hun a thleng ta fo mai.
Chutiang taka sual chu tu in nge pawm duh tawh tehlul ang le? tiin ka in zawt a. Min hmangaih avanga A fapa mal neihchhun pawh ui lo tu, awm lo ata awma min dintu, Pathian ngei khan, “Ka fa duhtak, i inlamlet hun hi ka nghak reng thin asin.” A rawn ti a.
Chu hmangaihna chu hringmi ngaihtuahna hian ka chhuatchhuak phak ta lo. Tehkhin ngaihna lah ka hre hek lo. A fapa mal neihchhun, thianghlim famkim kha he khawvel sual ah i tan leh ka tana rawn ti tlawmin, ka sual tlan nan a mualpho thei ang bera kraws a khaikana awmtir kha a phal a nih chu. Hei tluka hmangaihna ropui hi a awm thei tawh mawlh lo. Kan sualte chu ngaihdam a ni ta, Lalpa chu fakin awm rawh se!
(Y)
September 19th, 2009 at 12:03 am
(Ka kuthlei luatah mahni postah ka first ta kurh. Ka comment chhin a, delete leh theih ka ring a, theih ta mang si loh. Zia lo hle mai.)
Engtiklaimah a min kalsan ngai lo tu Pathian tan vawiin(19th sept)ah hian i hun tlem te tal i serh hran ve theih nan duhsakna ka hlan a che.
Report this comment
September 19th, 2010 at 12:12 am
Hmangaihna hi alo ropui ber e
Report this comment
September 19th, 2010 at 12:20 am
Pathian hmangaihna hi chu a ropui a nia.
Report this comment
September 19th, 2010 at 12:21 am
Dil loh malsawmna tam tak min pek te hi a va ropui tak m. .
Report this comment
September 19th, 2010 at 12:27 am
Kan hmuh phak chanvo tha nei lote leh dinhmun hnuai taka dingte chunga kan kan that chuan Pathian biakna tha ber ani. Direct taka Amah tihlawm tum aiin. Hei hi Lal Isua sawi thin kha ani.
Report this comment
September 19th, 2010 at 12:53 am
Tunlai chu Pathian thlarauva khat mi nih ka chak hle mai.
Report this comment
September 19th, 2010 at 12:55 am
“HMangaihna a naupang chhe trawngin trawng teh u,…. !!!! Lol
Report this comment
September 19th, 2010 at 1:23 am
Amen.
Report this comment
September 19th, 2010 at 2:48 am
Post tha tak a nih hi . Chawlhni tuk ngeia post awm atan ka va’n it mai mai ve maw le. Chhiar ve ngei teh u.
Report this comment
September 19th, 2010 at 3:30 am
I bialnu/bialpa/nupui/pasal kha a hmelthatna, duhawmna, hausakna, piannalhna, leh a thatna dang zawng zawng ah khan hmangaih a ngai lo, khatiang quality ah kha chuan keini pawn ka iai bik lo, kan duh ve vek tho, a thatlohna hrang hrang sawi senloh ah khan ila duh thei cheu em? Chu chu hmangaihna chu ani. Emotional feeling ani lo va, decision leh action ani zawk. Feeling hi chu action pui tura a masala,a grease pathian in adrenaline gland min pek hnathawh mai ani zawk.
Hei hi Hollywood celebrities ho in a hai a, an inhne ta,an thatlohna lai an inhriatchhuah hnu ah hmangaihna a dai te an ti thin. Hetah chiah hian inhmangaih a ngai tan ta chiah ani zawk reng si a.
Khum laizawl ah inhmangaih a tul lo, nuam tih em em kha a tawk, chawhmeh tuiloh tum te, hlawh lak har tum te, thlatawp bazarna tur neiloh tukte, birthday/anniversary theihnghilh ni te, thlentlai/haw tlai tum te, thlengte, hmunphiahte, darthlalangte, pheikhawkte, kut ten taksa chetna an chanve tlat chang hian inhmangaih tur…Amen.
love is accepting what is unacceptable, forgiving what is unforgivable….to others.
Report this comment
September 19th, 2010 at 3:39 am
@#10 zoho;Post tupa hian Pathian hmangaihna ni a sawi daih ni,”khum laizawl” ah te ngatinge i luh daih.LOLX
Report this comment
September 19th, 2010 at 6:55 am
Dementor chu post tha hle mai!
Report this comment
September 19th, 2010 at 7:14 am
Zoho comment #10 khi ka thlawp 100% e.
Report this comment
September 19th, 2010 at 7:43 am
Zoho comment khi kei pawh ka thlawp e!
Report this comment
September 19th, 2010 at 8:17 am
“ka chhuatchhuak phak ta lo” eng i sawitum na nge ?
Hmangaihna Pathian atanga chhuak hi a ropui a..tu te mai pawh hian kan in sawi/ziah ngaihnawm siak vel mai mai a ang lek lek thin..tu thusawi emaw tu thuziak emaw pawh kan hriata kan ngaihthlak kherloh pawh hian “Pathian hmangaihna ropui zia” hi chu kan thinlung luahtu ber ah tangzel sela.
Report this comment
September 19th, 2010 at 9:06 am
Pathian min Hmangaihna hi chu a ropui takzet ani..mi tamtak vanduaina kara mipangngaia kan piang ringawt pawh hi a ropui ani.
Report this comment
September 19th, 2010 at 9:13 am
ngaihnawm hle mai
Report this comment
September 19th, 2010 at 9:17 am
Hruizen leh Tûr hmanga mahni nunna ti tawp te hi an huaisen ka tih rual in an dawizep ka ti bawk.he3
Report this comment
September 19th, 2010 at 10:09 am
Pathian hmangaihna tluka thil ropui hi a awm lo reng a ni!!
Report this comment
September 19th, 2010 at 10:48 am
I ziak ngaihnawm hle mai. Tuemaw tihdan takah a ta zaih mai lawm..he khawvelah hian han intivaitingtang viau thin mah ila, manganna leh hrehawmnaten dimdawina hmel nei lek lova min han chhuk melh run mai hi chuan Pathian hmangaihna hi a mawi thin a nih hi. Kan vanglai hian Amah pan ang u.
Report this comment
September 19th, 2010 at 10:56 am
@20 …. RenghangMan,
‘a sap hmmmm zaih’ tih zawk tur alawm… :lol:
Report this comment
September 19th, 2010 at 1:46 pm
Amen! A ropui e!
Report this comment
September 19th, 2010 at 2:08 pm
Pathian thu chu thinlunga vawn ringawt chuan ‘thi’ a ni. Tin, Thinlunga khat liam chu ka in a hril thin si a. Pathian min hmangaihna hi ka sawichhuak thiam lo ka in ti khawp mai. Ka tawngkam te lah a mawi tawk lo.
Pathian hmangaihna ropuizia hi ‘a mak’ a, a ropui a, a chang chuan a awihawm loh lek lek zawk ten ka hre thin. Ka ngaihtuah nasat poh leh a mak ka tih em avang hian Pathian hnenah lawmthu ka sawi leh ngawt thin. Khawvela mihringte inhmangaihna nen tehkhin ngial ka tum pawhin tehkhin phak tur ka hmu zo lo.
Mahse, a hmangaihna hrereng chung si leh, a ropuizia leh kan tana a inpumpekna te hi a hlutzia te, eng sum maha lei theih loh a nih zia te hrereng chung si hian thlemna lamah ka lo awn leh ruai ruai thin a. Nitin hian ringtu te chu fimkhur a ngai a, Pathian lamah rilru dah a, khawvel chakna te hnuchhawn ngam a tul thin si a.
Nitin infuih tawn thar tur kan ni. Kei ngei phei hi chuan tawngtaipuina leh fuihna te ka mamawh em em a ni. Damchhung chu kum 70 chauh ani… Bible in a ti. Chakna leh hriselna avang te’n Kum 80/90 pawh lo nise ‘Chatuan’ nen compare chhin mah teh. Chatuan a nawmsak kha i thlang ve zawk tho lo’ng maw!..
Report this comment
September 19th, 2010 at 2:32 pm
#23, Amen!! Ni e, ‘Kum 70’ leh ‘Chatuan’ chu khaikhin rual ani si lo. Chatuana kan hreawm nana, kum tlem tè nuam kan lo tàwl duh hi- kan ngaihtuah chiang lo a ni…!!!
Report this comment
September 19th, 2010 at 4:18 pm
‘phuloh hmangaihna’ aia hlu hi a vang ngawt ang. Kan phuloh nasat poh leh a hlutna a zual bawk si.
Pathian leh mihring inkar ni lova teh pawh hian phuloh hmangaihna hrim² hi chu a hlu ve thlawt a ni. Nula chhelo si, fel si, lekha thiam bawk si, hmelthra si, piangthar bawk si…si hlir mai khan a rawn duh ta tlat mai che a…mahse nangmah pawh amah ang chiah a mihring special chungchuang i lo nih ve tho chuan eng ual a ni hran lo ang. A ni lo pawh midang thra tak i hmu dawn tih a chiang. Mahse mi naran ve tak i nih chuan chu nu hmangaihna chu a hlu hliah² viau ang…phuloh hmangaiha a nih tlat vangin.
Pathianin kan phu lo chung chung min hmangaih avang hian kan van vannei em!
@deмэиtOя эиigмa – i ziak tha lutuk e!
Report this comment
September 19th, 2010 at 4:21 pm
AW Hmangaihna, Aw Hmangaihna, AGAPE, EROSE, PHILEMONA, STORAGE…:-)
Ka van phu tak em, Lal-pi-blackmagicwoman
Ka lawm e
–LVK
Report this comment
September 19th, 2010 at 4:22 pm
LVK, nang leh lek phei chuan i phulo lehzual!! lol
Report this comment
September 19th, 2010 at 4:48 pm
Lal-pi-balckmagicwoman, Lal-taia-pa ai chuan ka phu hrim hrim. ISRAEL ah pawh ka pem ve louh hi
Ka lawm e
—LVK
Report this comment
September 19th, 2010 at 5:30 pm
“Nimahsela Pathian chuan a mi hmangaihna chu fak tlakin a lantir a, mi sualte kan la nih laia Krista kan aia a thih avang khan”. (Rom 5:8)
Report this comment
September 19th, 2010 at 5:35 pm
Isua Krista kan tana a rawn thihchhan hi, min hmangaih vang ani ngawt lo. SUAL, mahni in chhandam thei lo, min rawn chhandam ani. Hmangaihna tih tlawh hluam hi ka ning !
Ka lawm e
–LVK
Report this comment
September 20th, 2010 at 4:41 pm
Hehe ……..a tha hle mai a..comment te poh chhiar a nuam hle mai….keipoh ka lom e lolzzzzz
Report this comment