Zoram Kristiante hian Thih hnu a kan Thlarau kalna/awmdan tur hi kan vai deuh ruai mai a.Eng Pawl/Kohhran ah pawh hian Mitthi Vuina a ka kal na apiangah Vuitu thusawi hi ngun takin ka ngaihthla thin a.A tlangpuiin kan thih chiah hian Kan Thlarau chuan Pathian han pan ding nul nul tura ngaihtheih vekin thu an sawi mai a. Heng hian tukhaw hriatpui lohva ka nun chhung vaih ruaina hi min satisfy ngailo a.
Tirhkoh Paula khan Lal Isua lokal leh hunah-Kristaa muhil tawhte an tho hmasa ang a,keini nungdam a lo awm mekte khan kan lehkhalh tawp lo ang a,tichuan Isua chu Vanah, chhum zingah ,Tawtawrawt hamtu Van Angelte nena lo kal chu boruakah ka hmuak ho dawn, tih thu a sawi a.Isua an khenbeh a a bula misual an khenbeh pakhat zawk khan,’Isu, iram i thlen thlengin min hrereng ang che’ a ti a. Isua khan ‘Vaiinah ka hnenah Paradise ah i awm ve ang’ a tia-tiin kan Mizo tawng Bible (Luka 23:42,43) ah khan a awm a. Mahse Kum zabi 19na hmalamah khan punctuation hi a awmlo a.Kan Bible originalah phei chuan a inziah zawm vek a.
Chu ti a nihloh chuan Paula thusawi nen hian a inmil thei ta miahlo mai a.English Bible”New Revised Standard Version” ah hian-“Jesus,remember me when you come into your KINGDOM” tiin a inziak a. A awmzia ni ta chu- “Isu ,I Lalna rama i lokal leh hunah min hrereng ang che”tiin a bula khenbeh khan a sawi si chuan-,A hnukchah ruala Paradise a awmve nghal lam a kawk lo a.Isua chhanna ah chuan,”Truely I tell you, today you will be with me in Paradise”. tiin a inziak a.
Isua khenbeh thuziah a nihlai hian today hmachiaha Comma khi a awm miahlo a,tawng dang dang a lehlin kual hrep hnuah kan tawng mil/letlingtu rilru mila punctuation hi dah a nih si chuan-Isua khan,”Truely I tell you today you will be with me in Paradise”=Vawiinah hian adiktak ka hrilh a che ka hnenah Paradise ah i la awm ve ang” a tihna a ni a.He misual dilna leh Isua chhanna a inmil ta chiah a.Tin, Paula’n Isua lokal huna kan hmuah ho dan tur a sawi nen a inmil bawk a.HMUAK tih hi entir nan,kan chhungte feh haw/zin haw ,Lengpui airportah/ lung dawhah kan hmuak thin a. A hmuaktu leh a hmuah te chu HMUAK tute awmna lam panin kan kir ho thin a nih hi.
Genesis ah khan Pathian chuan Lei a vaivutin mihring a siam a, a hnarah nunna thaw a thawlut a.Vaivut a a siam chu minung a lo ni a.Chu minung chu keini mihringte hi kan lo ni ta a.Kan Nunna Pathian thaw kha a neituin a lak let hun hunah Vaivuta chang leh turin kan inphum a, a then an inhal ral vek a. Chuti a nih chuan, kan nunna pathian thaw kha ka fel emaw, kan sual emaw pathian hnenah a let leh vek a.Kan chhungte kan phum tawh ho Nunna zawng zawng- khawvel a mi tu te pawh chu pathian kutah a awm a.
Tichuan Lal Isua lokal leh hun, Chhum zinga Tawtawrawt ri nen a amah kan hmuak zo chu a Kingdom-A Lalna ramah kan kir ho vek ang a.Chumi hunah chuan Isua tholeh ang khan(Tawhlehna hmahruaitu) min phumna thlan chu kan rauhsan ve tawh ang a.Van taksaa tihdanglam a awmin, Tichuan Rorelsak kan ni dawn a ni tih hi Bible hian chiang takin a lo sawi reng si a.
Kan thlarau hi kal nghal nul nul a,khawiah emaw vak nuaih nuaih tur ang deuh a ka buaina thin kha ka fiah ve ta a.He thu mi kawhhmuhtu, ka thiantha em em leh ka mi ngaihsan hian tisa leh thlarauah nasa takin min pui a.A chungah ka lawm em em bawk a ni..
Le..Han tuihnih ve teh un..
Similar Posts:
- Thih hnu ah kalna tur chiang.
- Beiseina siamtu thawhlehna
- Mitthi vanramah an kal nghal thei em?
- Khenbeh
- 21st May 2011-ah khawvel a tawp dawn???
September 20th, 2010 at 11:51 pm
New page
Rinthu mai a ni, tuman kan hre lo
Report this comment
September 24th, 2010 at 3:56 pm
Kan thi emaw kan dam emaw PATHIAN awmlohna/tellohna hmuna awm hi a hlauhawm ber. Chumi invenna tur tan/inrinlawknan Thupuan Bu te pawhin hman a ngai a. Kum sang rorel kan hmachhawn dawn emaw, direct in kan chatuan hmunah kan kal dawn emaw a pawimawh ber chu PATHIAN angchhunga awm kha a ni.
Report this comment
September 26th, 2010 at 4:34 am
#49@donald
#Bible-a thu inziak zawng2 hrefiah vek emaw, la hrefiah vek thei turah ka ingaih thu ka sawi ka va hre lo ve, mihringte tan ka ti mai ani. Kei ve mai2 hi chuan ka hrefiah vek lul lovang. Mahse Pu Chawnghilh a tawngkam hawh lawk ila, 99% Mizo Kristian ten an hriatloh erawh hi chu kan hria e. Chapo leh insawitheih lam nilo, dik ni a ka hriat chu sawisel huam in ka sawi pawp mai anih hi.
Matthaia, Marka, Luka, Johana,adt,te khan an hriat chin ani an ziah ni, an hriatloh chu an ziaklo. Zawlneite hnenah khan Pathianin he leia hriat tullo, vana fiah tur a hrilh ang maw? A va uang awm ve? Nge a insawithei kan ti dawn? Ni lo, Bible a inziak chin chu hre tura min duh chin chiah2 ani a ziah tir.A ziaktu in a hrefiah tihna nilovin, tawpna a hnai telh telh ang a, Bible hi a fiah telh telh bawk dawn ka tihna ani zawk e.”Grepte chu a thur thur nen” ti mai lova, Pathian hnenah finna dil a, hrefiah turin ka duhsak vang che ani e.
I fanu, a naupan lai a misual in an rukbo, a pa ini tih pawh a hriat tawh loh hnu ah a awmna chin i hrechhuak a, chhanchhuah a ngai a, chhanchhuahna atana i ruahmanna chu lehkhathawn i thawn ta a, enge i ziah ang, a hriat tur a i duh chin ani dawn lawm ni i ziah tur chu? Misual kut a a luh a, an hriatthiamloh nan erawh i fimkhur thung ang.
Tin, JW emaw, denomination emaw zawng in ka sawi lo ka tih khi.An diktawklohna hretu zawk ka ni e.
A tirin tih hi atir a ni tih RING MAI tur in Pathian in min duh a,a ziah tir a, a tir ani tih ka RING a, chu chu ani Bible zirtirna hrefiah ka tih chu, ka buai ve tlat lo mai. Trinity rin chuan, a buai loh theihloh. Trinity hi Pathian in Judaten kum 2000 chhung atana Isua hi PATHIAN HRIAKTHIH-A chu ani tih an hai hrih theih nana a phal hrih mai ani. Bible zirtirna dik ani lo e.
Joba khan Bible hrevek niawm fahran in Pathian a cho lo, Khatih hun lai khan Bible pawh phuahkhawm ala ni bawk hek lo, Bible kawltu Juda hnam pawh anih hmel lemlo, Khawchhak fate ati mai ani. Pathian nen a an inhnialna kha thilsiam chungchang ah ani zawk.A inten a, a sim pawh kha Bible a intih hriat lam ani lo. Miin Bible zirtirna a hriatfiah takzet chuan, Amah chauh hi Pathian diktak ani tih te, engkim hi ama siam ani tih te, Isua hi Pathian fapa ani tih te,a thi a, a tho leh a, alo kal leh dawn ani tihte hi RING mai tur in min duh tih hi a hrefiah em em ang.Hei hi Joba cc a “a nunna erawh khawih chu” Pathian in Setana hnena a tih kha ani. A chhungthu hmanga thu inchuh a awm erawh chuan a dik 1 chauh a awm ang.
Babylon Empire chungnunna leh an chapopui em em chu hexadecimal 6,12,24,…..180,360 an hmuhchhuah vang kha ani a, 666 number pawh Babylon lalram atanga intan kha ani. Chu chu mihring din lalram, famkimlo sawina ani, chumi dawt chiah ah chuan MESSIA Lalram famkim,777 alo ding dawn,144000 hi 777 multiplication table ani a,chuan 666,777,144000 te hi arithmatical figure anni, entirna anni e.Ruatlawk anni a, zirtir 12 te atang khan a intan,Isua rorelpuitu turte anni, Puithiam class anni, lo tel ve tum tamtak Isuan a hnawl thu pawh kan chhiar thin kha. He class a qualification chu sang tak ani, chu chu Mizo (khawvel pawh ani) kristian ten a general a inzirtirnan kan hmang a, ringtu nun ti a kan vuah, kan zawm theih reng reng loh, kan chauhpui mek hi ani e.Damdawi inchawhsual kan nih ber chu.Hritlang awmna a chemotherapy chawh ang vel ani, a pawi dan chu.
Chhandamna huangchhung, vanram luahturte erawh ruatlawk nilo,a ring a piang, a duh a piang tan ani thung.Puithiam nilovin, khua leh tui class ani thung. Puithiam leh khua leh tui hi Democracy tarmit atang hian a fiah dawn lo ania aw, Juda tarmit atang a thlir a ngai ang. An tamlam chu mipui chhiarsenloh anni, an tamlam figure a pek ani lo.JW chauh ni lo e, chi tin, hman tin, denomination tin ami te anni ang. Mizote hi kan tam viau ka ring a sin, sual teh mah ila, RINLOHNA SUAL ah kan tlu tlatlo. Pathian in ringtute bonus a tiam, he lei pawh a SINTHUAH erawh chu kan chan chiang kuang thung.
A sei ta, a tlai ta, comment ka lo enlet leh lawk lo bawk nen. sorry. Ka sawi te hi pawm mai lo la,(i pawm mai pawh ka ringlo a) Beroia khaw mite ang khan lo finfiah tum zawk teh.
Report this comment