23.9.2010-a Assembly in a pass tak ‘The Mizoram Public Servant’s Personal Liability Bill, 2010’ kha han thlir chiang teh ang u -
He Dan thar tur hian Minister te, Parliamentary Secretary te, Mizoram sorkar hnuaia officer leh hnathawk dang zawng zawng te, leh sorkar agency hrang hrang-a thawk te, leh sorkar atanga tanpuina (grants-in-aid) dawng pawl-a thawk zawng zawng te a huam dawn mai bakah heng miten sorkar atanga hamthatna an dawn sak theih an dependant zawng zawng te a huam dawn a.
Heng mite zingah hian sorkarin mipui pawisa a hloh/hman theihna chi hrang hrang- hlawh leh hamthatna dang- allowances, leave salary, leave encashment, medical benefit etc. te, grant-in-aid te, zangnadawmna te ang chi pek tura diklo taka appointment pek te, engagement siam te, MOU ziah te, contract pek te, work order pek te leh a hrang hrang lo ti an awm chuan he Dan thar hmang hian chhuichian leh action lak theih a ni dawn a.
Diklo taka mipui pawisa hman chu an hlawh leh entitlement chi hrang hrang te, leh a sum lakluh dang leh a assets atanga rulhtir theih an ni dawn a ni.
Kan hriat theuh angin development infrastructure din dawna kan buai ziahna chu compensation diklo taka inpek a ni a. Kan PSU leh commercial unit te hloh hlanga an kal chhan chu diklo taka appointment inpek vang a ni a. Material tha lo in supply tir leh contractor nilo hnena hna pek avanga mipui sum kan hloh hi kan thawhchhuah phak loh khawpa tam a ni a. Tun hnaiah MOU ziah kan intihhmuh a. Thenkhat phei chu ramin kan tuar nia sawi a ni a.
He Dan thar tur hnuaia hremna hi High Power Committee rawtna anga kalpui thin tur a ni dawn a. High Power Committee-ah hian Chief Secretary chu chairman ni dawnin Governor ruat officer 4 te member an ni dawn a. Thil tidiklo-a puh chu Minister emaw MLA anih chuan High Power Committee chu Chief Minister in kaihruaiin Minister dang pahnih member an ni thung dawn a.
High Power Committee-a official hlang an awm dawn avang hian, profession inang te kan inlainata kan intan thim them dan hre bawk si tan hi chuan, hremna tak tak hmuh a har viau ang tih a hlauhawm lawk a.
Minister emaw MLA zinga thil tisual awm thei tur chu nihna pawimawh chelh, ruling party MLA chauh an ni tih hre sa tan leh, political party pakhata awm te inkungkaihna thuk zia hre tan chuan Minister leh MLA thil tisual hrem ni hmel hmuh a hlat hmel hle lo maw? Chumai bakah section 8-a ‘in good faith’-a thiltih chu hrem loh tur nia tarlan anih avang hian inhrem tih ni hmuh a har hmel fu lo maw?
Misual ho hian eng angin ngai ve che u maw?
Similar Posts:
- Mizoram kawngte leh power (current)
- Rorelna langtlang awm tur a ni
- Chief Minister-in website thar ‘Mipui Aw’ a tlangzarh
- Kalphung thar vrs Sawrkar Thar
- Current…..X
Diktak chuan eng...
September 28th, 2010 at 6:58 pm
Lal chhungkaw tan chuan a hlauhawm lo maithei le..
Report this comment
September 28th, 2010 at 7:05 pm
Thil ropui tak a nih ka ring lo. politics khelna mai ah ka ngai hmin hmiah. An Duhchuan tunah pawh dan awmsa hian an check thei tho a ni lawm ni.
Report this comment
September 28th, 2010 at 7:12 pm
Misual rual thinrim an la tawng baw ngei ang le heti tak a lal chhungte an in vulh zel a nih chuan
Report this comment
September 28th, 2010 at 7:16 pm
A soft copy min rawn share ve phal em?
Report this comment
September 28th, 2010 at 7:30 pm
Thil tha tak ni turah ka lo ngai mai a sin…
Report this comment
September 28th, 2010 at 7:31 pm
va thra don ve,han ti phot maise a famkimlo lai chu amendments siam leh zung2 mai se, hman chhin zet a chhuut hmaih lo awm hmuhchhuah thar a piangin amend mai tur a ni don lomni? antih duh loh chuan mipui a trang a nawr dan a awm ang a,kan nawr kal theih loh chuan kan VOTE HLUTNA hman trangkai nachang te pawh kan hriatphat ve mahna… MAHSE a dan ber a chu a ngialngan a chhiar ve a va chakawm e :D, i sawi ang tak2 hi a lo nih leh loh palh takin
Report this comment
September 28th, 2010 at 8:04 pm
Congress in tha an tih chu a tha a ni mai.(ft)
Report this comment
September 28th, 2010 at 8:10 pm
“Diklo taka mipui pawisa hman chu an hlawh leh entitlement chi hrang hrang te, leh a sum lakluh dang leh a assets atanga rulhtir theih an ni dawn a ni.”
KA DUH LUTUK, han hmang tan nghal char char teh se.
Ruling party diklo, ruling party chauhin an rel tur erawh chu a fair lo ka ti thung.
Report this comment
September 28th, 2010 at 8:12 pm
Dan tha tak lo ni mawlh teh se….
Report this comment
September 28th, 2010 at 9:31 pm
dan phakar lo tak tak pawh hi a awm emaw ni chu leeeee..te ka lo ti ve mai mai a..heh
Report this comment
September 28th, 2010 at 9:36 pm
He dan hi chuan MLTP act a iang dawn ava ang ve leeee??????
A thilti thei leh dan bawhchhe nasa apiang an him anga, a thiltitheilo leh dan bawhchhe nep zawk ten an tuar zel dawn a nih leh pek hi!!!!! MLTP Act nen a kalphung a in ang chiah ang. Ka sawi hi chhinchhiah reng rawh u.
Milian/Politician thiltithei deuh chuan bawhchhia sela engmah an chungah harsatna a thleng thei lo tih a chiang a, sawi ve thei lo ho chiah in an tuar ang…. ba ba re…
Report this comment
September 28th, 2010 at 9:56 pm
I post tha hle mai. Rawn ti zauh zauh teh. Ka chhiar uluk khawp mai!!
Report this comment
September 28th, 2010 at 10:03 pm
awmlo tawp ai chuan a hnawk mahna le.
Report this comment
September 28th, 2010 at 10:34 pm
#13… ka sawi tak ang khian(#11) sorkar hnathawk thiltitheilo deuh tan chuan a hnawk ngawt ang le…..
Ruling party in MLA paih an duh deuh te (an awm ngai a nih chuan) tan pawh a hnawk thei fu ang…. ba ba re….
Report this comment
September 29th, 2010 at 12:27 am
hmm…kan insawipui leh liam liam dawn ava nih hmel ve, a awmsa pawh kenkawh theih lohna ram ah hian. Eng eng emaw hawn leh khuallian nih ai chuan dan tha zet zet han siam chu legislators hna chu ani zawk ngei mai. Utopia chu a theih siloh alawm leh.
Report this comment
September 29th, 2010 at 12:39 am
A bengvarthlak e.
Report this comment
September 29th, 2010 at 1:33 am
Mizo rilru phak xhin kan pute hian an va hre tak em!!!!!
Dan an siam hluai a hman tak tak awm hek suh.
Thing kan phun teuh a enkawl puitlin awm hek suh.Kan in hawrkhawm hluai a ahnu leh zel ah kan inhawkhawm chhan kha tleng dik em tih an ngaihtuah leh lem lo ang vel a nih hmel.
Report this comment
September 29th, 2010 at 3:57 am
A Dan chu a tha khawp mai… dik taka hman atan a itawm ka va ti ve ….a hlawhtlin chuan a lawmawm viau tak2 ang…
Report this comment
September 29th, 2010 at 8:13 am
Buan a hma a kherh te pawh kan ang ang tih a hlauhawm alawm, hmang phawt ila..
Report this comment
September 29th, 2010 at 8:24 am
He dan chu a nuihzatthlak top! Thil tisualtu kha a chhungkhat lainaten ro an relsak dawn a nih ber chu a! Hremna chu a na lo teih teih viau ang. “In good faith” vekin dan an bawhchhia ang a, thiam an chang zel dawn tihna a ni nghal! Mipui hmaa hmaiphihna lek a ni e! Hman hmain amend nghal a tul a nih hi! “Dan Phakar”…dik chiah!
Report this comment
September 29th, 2010 at 1:26 pm
India ramah leh Mizoramah ngei pawh hian dan tha tak tak chu kan ngah mai. A implementation lamah bawk hian kan tenghneng leh tlat thin. He dan thar pawh hi tha takin hmang dawn se la chuan thil tha leh ropui tak a ni ngei ang. I lo thlir ang u hmiang!
Report this comment
September 29th, 2010 at 1:43 pm
hei chuh a va ropui lua lo e o. in ban te kha tha ka ti zawk feeeee…. an eiruk sum tho in lawm an rulh dawn… an tuar ve kha angai a nia..
Report this comment