Kum 2005 leh 2006 khan kum zawn in, vanneih thlak tak maiin University of Liverpool leh University of Sheffield ah PhD tih theihna tur admission ka hmu hlauh mai a. Harsa tak leh nasa taka ka buaipui avanga hmu thei hram ka ni. Lehkhathawn manah pawh pawisa ka seng hnem hman hle mai a. Liverpool a ka hmuh tum hian inring hman mang lova hmu ka nih avang leh ka buaipui lai pawhin ka hmuh phak ka rin chiah loh avanga ngaihsak zui lo ka ni a.
Ka hmu tih ka hriat a, an lehkha pawimawh ho ka hmuh chuan scholarship dil tur min kawhhmuh ho kha an lo khar hman deuh vek a. Pakhat chiah ka dil hman a, chu lah Mizoram atang chuan a thang chhung a lo rei deuh bawk si nen, ka dilna chuan a thleng hman ta chuang lo a. Chinchang kan hre tam lo nen, ui tak chungin ka enliam ta ringawt mai a ni. A kum leh hian engkim inring hman vek turin ka inbuatsaih a. Hemi tum hi chuan confi tak chungin ka buaipui a, kum 1989 a thenawmte black and white TV te chi, ben nun ngaia inkhel ka en tum atanga ka lo tan tawh club awmna, Liverpool chu ka lung min lentu ber anih avangin kan beisei leh a.
Mahse a hma kuma ka zawm tak loh avangin min lo pe leh duh tawh si lo a, kum khat dang nghak turin min lo ti a ni. Hmun dangah ka’n zawng leh a, Sheffield University hian min lo offer leh ta hlauh mai a. Ka supervisor tur (Dr Simon Jones) thleng in min tih fel sak a, amah nen pawh kan inbia in, ka synopsis tur nen lam ka ziak hman a. Scholarship dil tur pawh min kawhhmuh a, ka dil ta nghe nghe a. Visa dilna a thil tel tur lehkha thlengin min rawn thawn a, visa dilna a harsatna eng emaw a awm palh a phone tur hming leh number nen lam a awm a ni.
Ka scholarship dil pawh chu ka hmu a, mahse midangte anga academic record tha lutuk nei ta lo chu tuition fee chanve chiah ka hmu a. Chu chu India pawisa chuan nuai 20 hu vel a ni. A chanve dang chu SBI atanga Education loan lakin a tih theih mai ka ring a, ka pa in min lo tuipui bawk si nen, kan in leh lo dahkham in loan chu kan buaipui ta a.
Bank a hnathawk ho, biak har deuh deuh dawr reng ai chuan kan Sorkar hruaitute hian thil min tihsak theih an lo nei mial lo maw tiin an lakah beiseina ka’n tisang ve pah bawk a, ka dawr ta hlawm a. Chuta ka beisei chu sponsorship lehkha a ni. A pawisa fai chuan tuman min pek duh ka ring lo a, mahse a thu a min sponsor-na lehkha a ni ka duh chu ni. Ka thlen thlak tawh phawt chuan Mizo dangte ang bawkin eng emaw zah chu ka thawk chhuak ve ngeiin ka ring tlat. Pawisa hi ka nei daih ngei a ni tih an hriat phawt loh chuan visa min pe duh bawk si lo. Chuvang chuan officer leh minister hrang hrang ka dawr kual ta a, ka kal kual nasa ngang mai. Tum a ruh bawk a, ka hah awm pawh ka hre lo.
Khatih laia Education minister phei chu hmuh a lo harsa viau mai a, vawi kua ka kal hlawhchham a, a vawi sawmna ah a PA/PS, nula pakhatin min khawngaih ta deuh a, min luh tir ta hram a. Khatih laia Chief Minister kha hmuh tumin ka va kal leh a, mahse kan ram hruaitute laka ka beiseina hi hetah hian a tawp ta a ni. CM hi ka hmu thei lo hul hual a, chutih laiin contract leh thil dang dil tur te chuan an hmu thei reng tho si. Pawisa dil tur ka ni lo a, ram leh hnam tana thil tha tih ve ka duh avang leh, ram changkang zawka thiamna te chu paw chhuak ila, thil zir tur tam tak awmte pawh zir thiamin, chumi thiamna nen chuan let leh ila tih rilru pu chunga he sponsorship lehkha hi dil tum ka ni.
Vawi tam hmuh tumin ka kal a, a hmuh theih loh an lo ti zel a, ka kal tawp ber tum phei chuan rilru na tak chungin ka haw a, engtik hunah emaw chuan dinhmun tha takah te pawh ka la ding ve mahna. Chutiang hun a lo thleng anih paw’n mite ber tan pawha biak theih loh khawpin ka indahsang ngai lovang ti rilru chungin leh ram hruaitute laka beiseina sang nei leh ngai tawh lo tura rilru thar pu chungin in ka haw ta a ni.
Education loan lah chu a hunah min pe thei ta bawk si lo a, midang hnena tanpuina ka dil te lahin tihngaihna min hriatpui bawk si lo nen. Hemi tum hian hausa chhungkua atanga chawr chhuak nih ve ka chak khawp mai. Mahse, engtik hunah emaw chuan ramchangkang zawkah thiam zirin ka la awm tho ang tih rilru pu chungin ka sukna ngaiah ka’n su leh ta a ni. Amaerawhchu, thing delh loh lung delh lo na na na, hma kan sawn ve zel e.
He ka tawnhriat atanga ka thil hriatchhuah thenkhatte chu:
1. English leh mingo dang te pawh an ni ang, keini Indian ho nena khaikhin chuan an lo smart hle mai. Ka e-mail thawn pawh a tukah min rawn chhang nghal zat zat thin a. Lehkha pawimawh ka chah pawh a hun takah a rawn thleng chat chat thin. Ka certificate an tihsual avangin CSIR leh UGC hi vawi tam biak ka tum tawh a, e-mail leh lehkha pawh ka thawn zing khawp mai. Vawi za chuang ka phone tawh a, vawi hnih chiah min la pick up sak a, vawikhatna ah chuan Hindi bak tawngdang thiam lo in min rawn chhang a, a vawi hnihna ah hian mi pathum an inpekchhawn hnuah vainu, English thiam nen kan inbe thei ta chauh a ni. India rama zirna in hmunpui ber ah hetiang thil a thleng hi a mak ka ti khawp mai.
2. Bank ho hian advertisement velah education loan kan pe thei, etc tiin an in advertise nasa viau thin a, a tak takah chuan an lo pe tha duh der lo. Education loan phei hi chu loan rau rau ah pawh an pek hreh ber te zing ami niin ka hre ta.
3. Mizo te hi a tak takah chuan kan lo inhmangaih vak lo amaw ni chu aw ka ti ta. Ka tanpui chuan midangte hi an rawn ding chhuak ve palh ang tih rilru hi kan pu thum hlawm a ni deuh ber in ka hria. South Indian ho khu an fakawm ka ti viau, zirna lam (ka hriat zawng) ah phei chuan an lo in tanpui nasa khawp mai.
4. Khami tuma ka biak pakhat (a hming ka hre reng ta lo, a pension tawh in ka hria a, State Planning Board awmna buildingah khian a thu, an pu ber a ni awm e, a fel khawp mai) chuan ka lehkha kha a en vung vung a, “Hei chu Cabinet thutkhawm huna an sawiah dah tel tur a nih hi”, a ti ta roh a. Hmun danga ka awm hnuah ka thianpa pakhatin an sawi chhuah thu leh hma lak chhunzawmna chi nia an ngaih thu min rawn hrilh nghe nghe a. Sponsorship/scholarship chungchang hi an lo pass ta nge, kumin kumtir khan kan thianpa pakhatin phur fein min rawn hrilh ta bawk a ni. Amaerawhchu, ka lehkha vanga an pass anih ka ring lova (an lo pass ta anih pawhin), a tulna in a ur thlu ve tawh hrim hrim niah ka ngai.
Engtik hunah emaw chuan kan sorkar hian Sponsorship te hi a la pe chhuak ngeiin ka ring a, scholarship te pawh a la pe chhuak zel ang. Hah tak leh beiseina sang tak nen ka lo buaipui ve tawh a, beiseina sang tak neih hnua beidawn hrehawm zia pawh ka hrethiam. Kan ram leh hnam hmasawn nan khawvel thiamna sang ber ber hi kan thiam a, kan lo hriat ve hi a tul a. Zirna tha ber ber leh environment tha tak hnuai a kan sei len ve hi a tha a ni (mahse, kan ram leh hnam hi theihnghilh ngai lo ila). Chuvang chuan kan sorkar hian Mizo thalai te hi ram pawnah thawn chhuak zur zur teh se. Chutih laiin, Mizorama an rawn let leh ngei theih nan intiamkamna erawh siam ni thin sela. Tin, felfai tak leh fair taka thlanchhuah thin nise a tha hle bawk ang.
September 29th, 2010 at 7:18 pm
a lo ni maw,
Report this comment
September 29th, 2010 at 7:25 pm
va sei ve mahse ka chhiar chhuak hram e…chuan PHd chu i ti ta em? where?
OT: ha ha ha ha groupism banner khiiii
Report this comment
September 29th, 2010 at 7:29 pm
nia,phd chu i ti ta em?
Report this comment
September 29th, 2010 at 7:31 pm
Nia, ka chung ami te ang khian…
Report this comment
September 29th, 2010 at 7:39 pm
Ha ha…zualbonez, ka hmu ve chiah. Anih tak khi ha ha ha…
Chuan, engtin nge i awm tak? Khawiah chuan nge i zir tak? Pawisa chu engtin nge i neih tak? :dilchhut:
An thu pass tak chu nangmah vang anih ngei ka ring a, mitè ber te biak phaka awm i tum khi ropui ka ti thlawt e.
Report this comment
September 29th, 2010 at 7:40 pm
Ram changkang zawkah thiam zir chuan i awm ta em?
I mi tawn te chu an va mak hlawm ve maw le aw…anmahni tak nge an personal staff te thiam loh zawk ni ang le? Chief Minister phei chuan hmuh i tum thin tih pawh a lo hre miah lo maithei a ni. Hetiang hi kan system a la ni tlat mai a, a thaw-ipik-thlak thin teh zawng a nih hi!
Report this comment
September 29th, 2010 at 7:42 pm
I tumruhna ka fak hle mai che.Tunah enge i tih a khawiah nge i awm zui zel hriat a va chakawm ve.
Ni e,South Indian ho a bik takin Malayalee(Kerela) ho phei chu an awm tawhna ah chuan a ber nih an tum thei hle a,a tam thei ang an awm theihnan an inpui nasa thei hle reng a ni.
Zirna sang zawk zir duhte tan hian Mizoram sorkar hian thlir zau deuh se ka tihna a lo rei tawh khawp mai.Scholarship Scheme kan neih ve State Planning board atang leh State Scholarship Board hnuaia mi ang te hi revise a hun tawh tak zet ani.
Hmannia Planning hnuaia merit scholarship Science student ten an dil thin chu M.Sc chin thleng bak plan an lo neilo pek a.M.Phil leh Ph.D bei lai mekte tan khan zirna man leh senso a tam tehreng nen scholarship scheme
an lo la siamlo tlat mai!!Engnge a chhan Misualho khan min han hrilh teh u…
Khawtlang lam ho chu Indian ho chuan kan la tluklo deuh a ni.Hmanniah pawh World Top 100 Universities a langpha University of Arrhus,Denmark ka mail pawhin information ka mamawh tur ang zawng zawng (Ka zawh tel kherloh pawh)a theih ang chin chin min lo thawn thlap a.A link leh phone number nen lam min rawn thawn a ni!!
Ni e, Mizote hian theihna kan nei a,chumi hmang chuan ram changkang zawkah te hian i han chhuak sup sup ila. Kan ram hi heti ve mai hi ani si a.Rilru nei ran chungin kan ram tana kan theihna te hlan let turin bei ila.KAN RAM HIAN MIN KO TAK ZET TAWH A NI i hre thar leh ang u..
Report this comment
September 29th, 2010 at 7:44 pm
Iassss, alchemist pawh kan pawl… We Are The Kops, 4eva…
Report this comment
September 29th, 2010 at 7:48 pm
I ropui ka ti ka ngaisang che ti tak a i bei nasa hi i entawn tlak khawp mai,i ziak ngaihnawm lutuk
Report this comment
September 29th, 2010 at 7:51 pm
E, i va lo bei nasa ve. Tuihalna nena bei i ni bawk a, i hlawhtlin ngei ka ring. Thil hi harsa deuh asin, duhsaktu neih loh chuan.
Report this comment
September 29th, 2010 at 7:58 pm
I beih lai in i hah ve viau ang a..,mahse, thil i hriat phah teuh a a tha tho mai ka ti.
Report this comment
September 29th, 2010 at 8:01 pm
Alchemist chu ropuiin tumruh hle mai. Naupang zawkte tan entawntlak i va ni em! Liverpool thleng kher lo mah la i tumruhna avangin i thleng sang tho tho ang tih ka ring tlat….all da best. Keep going.
OT lawks: tunlai naupang leh tleirawlte an tough lo lutuk hi kan hnam tan a la pawi viau ka ring! Lian pui pui, ngaihzawng pawh neih nachang hre tawh te pawh hian an nu leh pa te ‘a nu, a pa’ an la ti zaw zaw hlawm mai, an pangchang rei mah mah in ti ve hlawm em?
Report this comment
September 29th, 2010 at 8:06 pm
Alchemist chu Nehu ah a zawm tlatin ka hria. Planing dept hian PhD scho chu an pe ve tawh e. Ka hriatsual loh chuan 5000 pm vel ni in ka hria.
Tumruh tak2 hi thalai ah hian an awm teuh reng a ni. Alchemist bei tauh2 teh.
Report this comment
September 29th, 2010 at 8:19 pm
@ 13..chu Liverpool ai chuan Alchemist-a chuan Shillong FC Lahjong a tan zawk ang a :justkidding:
Report this comment
September 29th, 2010 at 8:29 pm
Eng tin nge i awm zel tak. Kan hre chak e..
Report this comment
September 29th, 2010 at 8:48 pm
@zualbonez
Alchemist hming bul hi J a ni em? hehehe
Report this comment
September 29th, 2010 at 8:48 pm
@alchemist, i theihtawpin tan ila a,mahse nangma thiamloh pawh nilo in kan pu hlui(?) ten an hriatfuh loh vangche in i zir duh na hmunah tak chuan i hlawhtling thei ta silo ani a. amaherawhchu rilru ti hnual lo a, mi dangte tanpui duhna rilru ila pu(nei) hi i fakawm khawp mai
Report this comment
September 29th, 2010 at 8:48 pm
I contact Professor hote hi an ti mak hle mai. I fee chu an tum tur niawm tak ania. Scholarship i hmuh tho te chuan fee bakah buaina a awm awm tawp si lova.
Engpawh nise, sapram a PhD tih kher hi a tul kher lo e. Engkim an nei a, zir em em ngai lo, thiam vak loh pawn an chhuak ve thei tho.
Ti tang tang la, kawng tha dang a rawn in hawng leh em em ang.
Report this comment
September 29th, 2010 at 8:49 pm
I tumruhna ka ngaisang khawp mai.
Report this comment
September 29th, 2010 at 8:57 pm
US leh EU ah chuan University hi industry pakhat ang dauh ani. An ram atanga lo kalten tuition pek a tlem thin avangin ram dang (China, India leh non-EU ram dang) atanga student atangin tuition tam fe fe ($20,000 to 50,000 kum tin) an khawn thin a. Chu vang chuan admission dil tawh phawt chu an offer deuh vek mai ani.
Thil mak ani lo. University thenkhat phei chuan scholarship tam fe fe an offer bawk. Chuti chung chuan tuition bakah living cost tam tawk a la ngai a. Chuvangin chung ho rama zir chu tih namai ani lo. Mizoram sorkar han afford mai mai chi pawh ani lo. Kum tin cheng 20,00,000 (lakh sawmhnih) vel tham inhuam a ngai.
Bank in education loan an pe hreh, tih lai tak khi. Thil mak ani lem lo. Mahse bank pangai chuan an pe fo. Chu pawh chu vai vain an pe lo. Collateral pawh a ngai maithei.
Report this comment
September 29th, 2010 at 9:06 pm
Van sei em em!!mit na vek khawpa chhiar ngai lawm le!!
Report this comment
September 29th, 2010 at 9:10 pm
Hetiang tehi ania sponsor tur chu mi tamtak sponsor theilo anih pawhin a trul anih leh an compete mai tur ani. Hmanni session-a an sawi chhuah 50 % an tum sak ni a an sawi kha a la tam berin nuai 7 vel a la kha ania, zirna tha leh pangngai taka zir anni hlawm em tih pawh hriat a chakawm khawpmai. Zirna tha pangngai-a course pangngai deuh zir man hi chu a to tralh ania.
Foreign a PhD tih theih dan hi zirlaite hriat atan a tha ve mai mai, a hunlai hian lo hriat fuh hi a har ve a. Master zawh tawh chuan Professor tehi email velin direct in an zuk contact mai theiha Europe ah chuan (Institution pawh aniang chu), mahse publication engemaw second author ang tala lo neih silawng ve loh chuan chan erawh a har maithei, Academic record leh Institution te thlengin advantage a nei bawka. Hemi Europe a kal tura TOEFL pek a ngaih leh ngaihloh chungchang hi, TOEFL pe lova kal an awm laiin TOEFL pe a kal an awm bawka… an Professor zuk hmuh tehian scholarship dil theih ang te anlo kawh hmuh ve bawka. US a kal tur chuan GRE leh TOEFL te angai thunga. Heng exam ah hian English hi a har ber ania Mizo ina kan tum chuan Vai ho aia advantage kan neihna ani maithei, Engineer ho tan chuan an particular subject kha GRE a an pek tel a ngailova, General Subject ho tan chuan angai thunga mahse thil har anilo chu erawh chu.
GRE te TOEFL through a kal ho chuan Scholarship an hmu tha thei ania, Hmanni khan ka hmelhriat ka kawm em em lemloh a changa ka kawm ve thin in Paris ah PhD tih natur a hmuh thu min hrilh a, a scholarship chu Bell Labs in an sponsor dawna 2000 Euro per month. India pawisa a chantir chuan Company a ka hlawh aiin a sang zawk ati. Amah hi TOEFL exam lova thiam fal bik a hriat ani heklo. A ME tih chhungin publication alo nei hman nitur ani, a professor te recommend na nen (professor te recommend na hi a pawimawh khawpmai bawk).
GRE leh TOEFL ah hian english a pawimawh ber avangin mizo te hian advantage kan nei viau chuan ka hria…
Report this comment
September 29th, 2010 at 9:42 pm
Kan chhuang a che..i chanchin hrechak kan tam ania…i phal chuan han sawi belh teuh teh a, we need some inspiration here!
Report this comment
September 29th, 2010 at 9:48 pm
Kava type sual nasa ve mawle, dinner ei dawnah hmanhmawh deuhin ka rawn comment zuai vei anih kha. lolz
Hetianga Foreign a zir theihna scheme dang hi “Erasmus Mundus” a awm bawka, Hemi scheme ah hian ka hmelhriat kal anla awm miahlo a ka hre chianglo, Europe khawmualpui a zirna hrang hrang ah thla 6 te te ang velin institution 5 velah an kal kual thin niin ka hria… Heihi GRE te aichuan competition a tough lo zawk chuan ka ring.
Report this comment
September 29th, 2010 at 9:50 pm
Frech ho chuan scholarship (“scho” ani miah lo ania)an offer sangthei khawp mai. Mahse English hmanna ram ani tlat lo.
Report this comment
September 29th, 2010 at 9:59 pm
nia sony … “scho” tih hi hman ni post pakhat ah pawh e nge awm zia ka ti tawh ..tawng kan zir nasa bawk a, zir tel ve law law ila tha ang :D….”exer la” pawh hi, “a strength ania” tihte pawh
Report this comment
September 29th, 2010 at 10:01 pm
I tum ruhna a fakawmin i ngaihsan awm hle mai. Nia, tunah eng dinhmun ah nge i awm tak i sawi lova, hriat a chakawm khawp mai…..
…..ba ba re…
Report this comment
September 29th, 2010 at 10:09 pm
PhD chin ah hi chuan English hmang leh hmanglo ram lampang hi a pawimawh vak chuan ka hrelo, Mizo Vai rama an zuk awm ang deuh hi anih ka ring. Spain tihvel ah te Latin America tihvel ah chuan ka hrelo le, A ram anga chhut in English hmang aiin Spanish hmang hi an tam ka ring. Chutih laiin First language a English hmanglo ramah pawh english thiam tan chuan a tih nawk nawk theihna hi a tam fe zawkin ka ring.
Report this comment
September 29th, 2010 at 10:50 pm
@funny: I ti lawmawm hle mai.A bengvarthlak tak zet.
Report this comment
September 29th, 2010 at 10:54 pm
Funny, heng lampang hi chanchinbuah ziak teh. Science bik tan chauh tal. Naupang ho hi an bang bo a nia. GRE pawh an hre kher lo mai thei.
Ka lo ngaihtuah rilruk thin chu GRE exam fee hi sawrkarin a exam duhte vawikhat tal tumsak se tih lam a nia. A to deuh bakah vairamah kher exam angai a.
TOEFL te hi chu mizo tan huphurh awm lo.
Report this comment
September 29th, 2010 at 11:07 pm
Ni e kan naute ho khi an bangbo riau a.Theih se Career awareness te hi hei aia nasa leh zuala neih a tha khop mai.
Report this comment
September 29th, 2010 at 11:24 pm
i’n sawi takah chuan Bank hnathok lam ka’n sawi ve lok. SBI mission veng branch ami palian lam samsei, hmuihmul nei khi, vawikhat ka dawr tawh a, mahni lo maha lo intih ……r ve toh naklaiin naupang chhia mo min ti niang chu (baby face chi deuh ka nia) hawi pawh hawichhuak tha duh lovin min lo hnawt kiang anih kha, ka duh ka sawi zawh hma hmain thla thara kal turin min tia, ka thinrim leh tlawm la lutuk kha ka insum hman hram a. Diktak chuan ka hriat duh min hrilh chhung kha minute 3 pawh a ngai lo ang. Chumi atan chuan thla thara kal leh turin mi’n lo ti a, khipa khi chu ka chhinchhiah kara, min rawn dawr ve hunah chuan “mi5ual’ dik tak ka lo nih khum ve ang.
Bank ho hi atlang puiin an in advertise vak vak naa, thawkte hi an induh tlangpui
Report this comment
September 30th, 2010 at 12:23 am
Ngaihnawm hle mai. Sum harsat vanga mi thiam taktakte zir chhunzawmna kawnga harsatna hi chu a pawi thin khawp mai. Hmanni deuha post pakhat ram danga zirna lam pang kha ka comment hman ve ta lo va. US ah hian Andhra Pradesh sorkar khian an zirlaite thahnem tawk a zirtir nia maw le. Student ho ngei chu ka bia a, an sorkarin a tirh/sponsor a nih thu min hrilh. Mi 20 chuang chu an ni ngei mai. Engtia ti tak chu ni ang maw? Mizoram sorkar te hian chutiang program chu nei ve thei se.
Report this comment
September 30th, 2010 at 12:47 am
lrpa: keini ang thu zuah techu chanchinbu techuan chhuah tlak ah an ngai lovang. mi(sual).com ah hi chuan ka tlangnel tawh em avang hian pawr deuh leh tlema ngeiawm deuh khawpa comment lama thil han sawi mai tepawh ka hrhlo in ka la serious lova, mahse chanchinbu lama han ziak tur em chuan kei aia thiam leh thil hria hi an tam ka ring.
Report this comment
September 30th, 2010 at 1:08 am
Scholarship lamah hi chuan Bank lam hi chu dem theih vak an nilo sumdawng annih avangin, sawrkar pawhin a push thei vaklo. Mahse Central lam hian education lama hmasawn nan zirlai tena student loan awlsam zawka an lak theihna tur hi tih a tum mek. Tunah hi chuan Bank lam hian student tena an rulh leh theihloh chuan an bank tlak chhiat natur an risk ngamlo ani, an thiamloh pawh anilo (Hman deuha AIG tla chhia ang deuh kha ani ang, kan hre vek ang chu…). Hetiang ven nan hian kan bank tena students hnena awlsam tak leh feel free taka loan an pek (Loan pe(or La) kan ti thin ngawt a Puk tir(or puk) ti ila a tha in ka hria, a word meaning ringawt pawhin min remind theihnan. hehehe) theihnan a student tepawhin an rul theilo anih chuan central sawrkar in a rulh sak naturin bank ah guarantee a pe dawn ani…
Student promising vaka an hriatloh, pung tam zawk pawha an pek ngamloh ang tekha Central sawrkar ina guarantee a pek chuan awlsam takin loan an pe thei dawnin a rinawm… implement vat vat sela a tha khawp ang… Mahse vai ho ina an chhawr em em laiin, mizo zingah chuan hetiang pawh buaithlak ti a iak iak inlo awm anih chuan, thatchhe zawrkawi Samdala angvel ah in chan rawh u. hehehe. Sawrkar ang zawnga thil a kal anih chuan Dan eng eng emaw te, eng eng emaw approve ngai tihte, sawrkar ina rin tlaka a ngaih theih natur ( dawt mai mai a dil an nilo tih hriat natur..) ang kha tih kawi angai ve deuh maithei… Chutiang ti peihlo khawpa thatchhia chuan hmu tlak an nilo ang, awlsam taka thil kan ngaihtuah lai hian sawrkar tan hi chuan ngaihtuah tur a tam tihte hria ila…
It may come within 5 years, let’s hope…
Report this comment
September 30th, 2010 at 1:27 am
Zirna lam sawi takah chuan, a bikin basic science research lamah hian China, Korea, Japan ho hi India hian kan tluk lo nasa em em (kan subject bikah chuan). International journal tha ho han en hian chinese ho an intlar thla dul a, europe leh us lamin an dawt a, vai ho hi chu simeikhu ag deuh hian an rawn lang ve pheuh pheuh a.
IISC, IIT, NIT te ho hi an tang tha duh vak lo nge ni. Central university ho lah hi funding an hmutha bawk si lo. A India ang pawh hian a thanat thlak ve deuh thinin ka hria.
Report this comment
September 30th, 2010 at 1:54 am
Keini subject ah chuan hman deuh khan PRL ami in talk a rawn neih ah, 2007 ah khan US atangin PRL-a published 7000+ an awma, referee 8000+ an awm, india atangin 3000 dawn an awma referee 2000+ an awm thung, China atangin 3000+ an awm… kum hnih a liam tawh a a figure tak ka hre chiang tawhlova sangkhat vel chuan kan in thlau china nen.
PRL Impact facto improve ang zawng tekha a rawn sawi deuha, India ram atanga paper publish ah pawh Condense matter physics (roughly Solid state physics ) an tam ber. A danglamna ber chu Solid state physics hian Liquid a huam tello, Mathematics a Dynamics in statics a huam tello ang deuh hian, physics ah chuan chutiang zawng zawng huam tel chua classical mechanics a awm thung… Solid state physics hian glass pawh a huam tello mai awm mange… liquid and glass huam tello chu solid state physics tih a him a, chutiang a huam tel nih chuan Condense matter physics tih a him ber ang.
US chu an la fal khawpmai.
Report this comment
September 30th, 2010 at 2:06 am
Chinese ho hi an mawl hmel ai hian an turu riau. chinese siam engkim, tlawm te te a leitur te hi a va tam em!engkim mai nailclip, battery, showerhead, pangpar lem, frying pan, toys, ashtray … a engkim hi a ni mai hi an thawn chhuak chur chur mai si a. India ve chu masala, spices..a bak ka hre lo. Mizo ho hi chinese kan ang deuh a, hetiang lam ah hian harhchhuak thut ila te ka ti rilru mai mai thin.hehe!
Report this comment
September 30th, 2010 at 3:41 am
Pu Hawla sawrkar hian manifesto ah Foreign Scholarship pek an telh khan ka hria, hei an pe tan chu ani ta der. He huna dilthei dinhmuna awmte hi an vannei ti mai ang.
Bank kaltlanga dil tur hian dahkham tur neilo mahse zirtur student potential avanga LSC inhawh tir te pawh hi a awm awm asin. Heng bank ho dawr hi mihring ti-tang-tang-peih aggresive deuh nih a ngai khop ang. Hlawhtling an awm nual ania.
Embassy hrang hrang-ah te hian lenluh-a hetiang lam apply tur hi a awm zel. Ka tupa pawh Phd a ti ve mek a scho bangin a chhungte a pui zeuh zeuh thei zawk.
Mitamtak harsatna pahnih khat paltlang zo lova beidawng a awm theih rualin, ti-tang-tang-peih te hlawhtlinna khawvel-ah kan cheng ani tih hi hriat a tul khoops
Report this comment
September 30th, 2010 at 4:06 am
Pu mzvision: Ziah hi ka pawm zawngtak ani, sorgar hi mawh puh tops chi thil an nih lohzia a lang em em ani, mah ni leh mahni a thawh rahchhuak nge tur in mitin te hi Pathian in minduan dan ania. Tumruhna te nen kan bei tleuh2 chuan kan hlawh tling ve em em ang. facebook lam a kan sawi, i comments te kha ka ngaihtuah let ling, khang sap thlalaite kha nia a changchuang tiang khan cool tak in an party a zir hun chuan an zir tlauh2 bawka thawh hun chuan an thawk tlauh2 tho ani. Hausak tihthu ah chuan sum ngah em em Millionaire fate ho an ni, ti chung chuan zirpah in part time in coffee siamna ah te, a trul ang ang in an thawk ve vek mai. Tiang khan kan zoram nu leh pa te hian an fate hnathawk teimak a trul zia hrilhfiah se la ka van ti ve tak em.!!
Report this comment
September 30th, 2010 at 9:35 am
Foreign University a offer hmuh hi thil harsa lo tak ani, Delhi University hnuaia M.A. admission hmuh ai pawh a awl zawk, i Graduate percentage kha that loh pawn work experience kum 2 vel i neih chuan awlsam takin MBA, PhD, etc tih vel chu i hmu chiang sa. Ka hriat dan chuan Sheffield University hi a tha pawl a ni in ka hria UK-ah chuan.
Ka thiante pakhat pawn a sawi a, an class-ah chuan mi 40 vel ania, pahnih 2 chauh UK naupang adang zawng chu foreigner vek, China leh Indian kan tam ber e a tia lawm :smile: Kei pawh ka tih kha…… scho nuai 7 velte hmu ve ilang chuan UK citizenship ka nei tawh ang :lol: :lol:
Report this comment
September 30th, 2010 at 11:36 am
@alchemist: “Sum loh vangin vala’n ka luah zo ta si lo,” i tihna ber a ni maw?
Kei pawh Univ. of New South Wales-ah ka dil ve tawh a, nuai 20 vel angai a, ka nei bawk si lova, loan lak kha kan hunlai chuan a scheme a awm tih pawh ka hre lo hrim hrim a. Mizoramah ti hian kan tal pawl ta mai mai a!
Report this comment
September 30th, 2010 at 2:50 pm
Post tupa chu zawhna in zawh hnem ang hu in chhan na a va awm lo ve.A thil post chu a vil tha viau lem lo nih dawn hi!!!hheheehhe
Report this comment
September 30th, 2010 at 9:23 pm
Ka thurawn ve mai mai te:
1. Thla khatah Nuaih 10 ( India pawisa) eiru hauh silova hlawh theihna opportunity i duh chuan, ram changkanga hnathawk thei tura thiamna neih tum rawh.
2. India ram education system hi a thra tawk. A zir man, ram changkang tehkhinin, a tlawm zawk fe avang hian, Master level chin thleng tal chu India ramah zir tum zawk rawh.
3. Institution thra ber ber khera zir tum aiin, i professional line duhah chiang la, chumi lineah chuan ka vaibel ti thei khawpa chiang tura thiam famkim tum zawk rawh. Zirchhuahna Institution hming lam aiin, mahni professiona thiamna tak tak kha, Ram changkanga hnathawh nan chuan a pawimawh zawk avangin.
Report this comment
May 23rd, 2011 at 8:01 pm
Post chhiar chhuah manhla tak a va ni tehlul em.
Report this comment