NLUP tih leh Congress Party hi Mizoramah chuan a inzawm tlat a ni ber tawh a. Hmana an sorkar khan an sem tawh a, a hlawhtlinna a sang vak lo tih mi zawng zawngin kan hriat bakah anmahni Congress Party pawhin pawmin tuna sem an tum leh mek hi ‘NLUP tha mi’ te an ti hial a. Tun hmaa an tihsual tawh atanga inzira tha zawka kalpui an tum thu an aupui nasa thin hle a nih kha.
2008 inthlana an Election Manifesto bung 21-naa an hmalak dan tur an tarlan point 16-ah chuan- kuthnathawktu te an thawh mek leh an dinhmun mila ID Card pek te; contract farming ngaihtuah te; permanent farming-a titha mimal leh khua te chawimawina leh duhsakna pek te; mithiam te kaihhruainaa thlai chi tha (hybrid seed) tharchhuahna (seed village) hmun hrang hranga siam te; Mizoram hi crop zones-a then te; Market leh Roadside Market Building sak thar leh a awmsa tihchangtlun te; Transport Subsidy ruahman te; Farmers’ Commission din te; Minimum Support Price Scheme ruahman te; fur tui leh kawrte tui dahkhawlna siam te; tuilak (irrigation) uar te; Drip Irrigation leh Sprinkler System hman theih nana tanpui/subsidy pek te; thlai leh thei thar, state pawna hralhchhuah tur te chu zalen zawka kal tir te; Food Processing Industry ngaih pawimawh te; Food Testing Laboratory/Facilities ngaihtuah te; Directorate of Food Processing neih theih dan ngaihtuah te; Border Trade lama tan lak te a ni.
Sorkarna an chelh hnu hian Congress Party chuan engtinnge an kalpui tak le?
High Power NLUP Board leh Marketing Cell siamin Monitoring & Evaluation Team aiah Monitoring Cell an siam a. Mithiam tel dan chinah erawh a thlirtu azirin lawm leh lawm loh theih tak a ni a. Manifesto-a an sawi reng reng loh NLUP Implementing Board dinin thuneitu berah an siam ta hlauh a ni. An hmalak dan tur sawi zinga Farmers’ Commission din te, thlai chi tha (hybrid seed) siamna tur siam te, Crop Zones-a Mizoram then te, contract farming ngaihtuah te leh kuthnathawktu te an thawh mek leh an dinhmun mila thena ID Card pek te leh mithiam kaihhruaia trade thlan sak te chu an theihnghilh rih phawt niin a lang.
NLUP hmalaknaa ‘Permanent farming-a titha mimal leh khua te chawimawina leh duhsakna pek’ chungchang an ziah te, a dawngtu tur thlan te leh trade thlan sak te hi bul tannan hmangin ‘mi taima’ te chawimawi leh duhsak zawngin Congress Party hian an kalpui dawn emaw tia ngaia beiseina sang tak ka lo neih thin chu an hmalakna hian a thiat thui hle a ni.
Similar Posts:
- NLUP leh Certified Seeds
- NLUP atan cheng vbc 2500 Centre in rem ti
- NLUP ka dawng ve maithei
- Pu Zoramthanga’n NLUP a hlawthlin a ring lo
- Contract Farming: Ar vulhtute dinchhuah nan
September 29th, 2010 at 9:50 pm
first NLUP..
Report this comment
September 29th, 2010 at 9:51 pm
Engtak ang leh ang aw? Beiseina nen zoram tan thlir leh phawt ang aw
Report this comment
September 29th, 2010 at 9:53 pm
Heng te chu Congress party tihdan pangai a lawm. Manifesto tih hi chu inbumna tih ang chauh a ni……
First em aw????
…..ba ba re…
Report this comment
September 29th, 2010 at 9:53 pm
Teuh lo mai… ha ha ha ..
…..ba ba re…
Report this comment
September 29th, 2010 at 9:55 pm
opposition ho khan han comment ula ruling lam chuan kan lo thlir ang che u.
Report this comment
September 29th, 2010 at 9:59 pm
NLUP! Hei chu funny a pual, a komen lo nghak theks te’ng :lol:
hmanhmawh/ hnawhsarum taka sem thawt2 aichuan, fimkhur taka sem/ kalpui a tha zawk… Mahse, a rei lulai tawh ê!
Report this comment
September 29th, 2010 at 10:01 pm
Agriculture lam ringawta kan state develop kan tum chuan state hausa (tak tak), subsidy, corruption, special category state vang mai maia sum ngah ni lo, kan ni mai mai lovang.
Report this comment
September 29th, 2010 at 10:01 pm
Babutea ho kum 10 chhung MIP semdan tur kan buaipui laite kha ngaihawmve ta mai mai ngawt mai
Report this comment
September 29th, 2010 at 10:06 pm
Kan vai mai hian kan chingpen
Report this comment
September 29th, 2010 at 10:34 pm
Lal Thanhawla hian an mahni an chingpen vang hian mipui hi min hmu ching pen mai mai ani
Report this comment
September 29th, 2010 at 10:41 pm
NLUP tih hming hi ka kham!!!
Report this comment
September 29th, 2010 at 11:06 pm
Mizorama kan buhfai lak luh man hi Rs 21.50 per Kg ani kan hralhna Rs 10 per kg ai tlem hretin. Kan loss chu Rs 11.50 per kg vel ani. mi pakhat hian 15 kg per month kan ei chuan kan sawrkar hian kan buhfai manah Rs 172.50 per month a lost. Chuan kumtin ka tan Rs 2070 a hlauh. Miupi nuai 10 tan Rs 20700 lakhs a loss chu chu Rs 207 Crores ani.
Heihi incentive atan Rs 100 crores pawh hi NLUP hnuaia buh thar tam lawmman pek nan hmang ta se buh hi kan kham kan thar ngei ka ring kei misual hian. Buh thar tamah hian inel a tul ani to start with.
Chuan sumchangthlai ho hi kan ti leh anga incentive awm leh bawk sela tichuan NLUP hi a lo hlawhtling em em ang tih hi kei misual rindan ani e
Report this comment
September 29th, 2010 at 11:11 pm
Khai an kalpui tum dan hi, ka ngaihdan chuan hlawhtlinpui an tum tak2 lo, next election a vote zawn nan election hnaih deuh ah an sem tan chauh ka ring…..
Hmaaaaan a Pu Hawla kha a la ni reng e…
…..ba ba re…
Report this comment
September 29th, 2010 at 11:19 pm
#12, mzvision, kei pawh buhfai chungchang hi ka rilru ah a awm reng thin. Thingtlang ah taima deuh chuan kham khawp ai a tam an thar a, Tin 500 chuang thar pawh ka hria, an kham bak kha chu tih vak ngaihna an hre thin lo man tlawm te Tin 1 Rs 100 ten an hralh a man lo hi kan lo ti em em thin khawp a sawrkar hian man tam deuh zawk a leisak dan te hi hria se ka ti khawp mai.
Report this comment
September 30th, 2010 at 12:30 am
comment close a ni khan ka hre sia helai chu
Report this comment
September 30th, 2010 at 10:59 am
A hlawhtlinna chu hunin a rawn hril mai turah ka ngai! Officials leh farmers te an pawimawh dan a in ang rengin ka hria!
Report this comment