Mizo ten internet kan hmang nasa ve ta khawp mai. Khawvel changkang chho zel in a hrin a ni. Hmang tangkai tak tak pawh kan awm a. Hmang tangkai lem lo pawh kan tam. Mizoram ah hna a vang kan ti a. Sorkar hna thla khat a Rs 5000 to 6000 hlawhna tur ah pawh mi tam tak in an dil thin. Hetih lai hian Sorkar hna tluk zet a awlsam, amaherawh chu taimak ngai ve fu si, internet atanga awlsam tak a regular income neih theih dan a awm. Nikhat ah taima taka darkar 7 to 8 hna i thawh chuang thla khat ah Rs 8000 to 10,000 i hlawh thei ang. I fin deuh phei chuan hei ai a tam pawh i hlawh thei!
Amazon Mechanical Turk hi company hrang hrang ten an hna khawl in a thawh mai theih loh an outsource na a ni. https://www.mturk.com ah lut la, hna a lo in tlar tuar mai ang. I duh duh i thlang mai dawn a ni. Dil buai a ngai lo.
He website a hna awm tlangpui te chu – Hotel address leh phone number zawn, Company website leh contact information zawn, Audio ngaihthlak a text form a dah (transcription), review ziah, Image tag tih vel te a ni. A dang pawh a tam mai. A harsat/awlsam dan a in ang lo. Hna harsa deuh chu hlawh pawh a tam. Hetiang a hna hi HIT (Human Intelligence Task) an ti.
HIT pakhat i submit hian hna awlsam deuh a nih chuan cent 1 or 2 vel i hlawh ang. Nikhat ah taima deuh a tih chuan HIT 200 i zo hman. HIT thenkhat chu cent 7 to 9 te a ni.Average in lo la ta ila. HIT khat ah cent 4 zel hlawh pawh ni la. Ni khat ah HIT 200 i zawh chuan i hlawh chu 200 X 4 = 800 cents a ni. Nikhat ah $8 i hlawh tih na. India pawisa chuan Rs 350 vel. Ni 30 chhung regular tak a i thawh chuan Rs 10500 vel i hlawh pha.
Thla khat ah internet bill ah Rs 1500 pawh chawi la. Rs 9000 chu i la hlawh tho tho. Office kal nan bus a chuan a ngai lova. Petrol la tur a intlar pawh a ngai lo. Pu te tlawn a ngai lo a. Mahni inchhung atangin nangma thuhnuai ah i thawh theih a ni. Hun neih erawh a ngai a, taimak pawh a ngai.
Hemi hna thawk tur hian Amazon.com ah account i neih a ngai. Account siam tur in pawisa chawi a ngai lo. E-mail address i neih chuan account i siam thei. Tin, HIT i submit hian a HIT post tu te hian an review ang a, an pawm chuan i hlawh i la thei. I HIT submit kha a dik loh chuan an reject anga, payment i hmu lo ang.
Payment hi Amazon.com ah i Amazon Payments Balance ah a in khawl khawm zel ang. Amazon Payments hi website hrang hrang ah payment method ah hman theih a ni. Online shopping ti mi i nih chuan i hlawh chu internet ah bazar nan i hmang thei. Tin, Amazon.com gift card ah a convert theih bawk. Mahse i convert chuan Amazon.com website ah chiah i hmang thei.
India ram atanga thawk te chuan Amazon Payments Balance chu an duh chuan a Check (Cheque) in an request thei (they can request the funds in the form of a check). Birth date, passport number, Electoral Photo Identity Card (EPIC) number emaw Permanent Account Number (PAN) i submit a ngai. I passport, EPIC or PAN card scan copy a ngai bawk. I address ah check an lo thawn ang che a nga, kar 6 chhung in i dawng thei. He option hi ramdang tan a awm ve lo. U.S a cheng te chuan direct in an bank account ah funds hi an transfer thei thung.
He hna hi a reliable a, scam a awm lo. I HIT accept an approve ve leh payment i account ah an credit i hmu nghal zat zat thei ang. Sorkar hna te ang a thawh loh hlawh a awm ve lo thung. Taimak leh hlawh tam, thawh tlem leh hlawh tlem a ni.
I thawh peih chuan thawk rawh lem!
Similar Posts:
- Earn money online + my payment proof
- BSNL landline bill online hmanga pek
- Internet a pawisa hlawh i duh em?
- Mizoramah Online Services
- Internet Banking
October 1st, 2010 at 11:31 pm
“At this time Mechanical Turk does not support Requesters from countries outside the United States.”
‘Naupang^Fel Says’ han sawi leh teh
October 1st, 2010 at 11:54 pm
Requester ang nilovin, worker ang khan ti chhin teh u..a requester chu ka hriatsual loh chuan a hna neitu lam a nih hmel zawk tlat, hna kan va thawh sak tura te lam zawk kha.. mahse ka payment hi an approved har angreng..:(
October 2nd, 2010 at 3:19 am
Ok, my bad.. now i signed in as worker
October 2nd, 2010 at 3:41 am
Han vorh lar teh un..Laptop dawr hawng keuh ila a hlok mai thei..
October 2nd, 2010 at 5:15 am
#46 Xauz sawi khi a dik. Requester chu a hna rawn post tu te kha an ni. Hna thawk tu zawk tur kan nih avang in worker ang in sign in/up a ngai.
October 2nd, 2010 at 6:33 am
Passport siam hi Aizawl atang hian a theih ve em? A siam dan kalphung sawi thei kan awm chuan han sawi teh u.
October 2nd, 2010 at 1:56 pm
Ka ti ve chhin e. Transcription khi nuam khups mai.
October 2nd, 2010 at 3:50 pm
Rin ai daih in an approve har.. engtik vel nge ni tlangpui Pu naupang fel?? an reject bawk si lo, approved bawk si lo in a awm reng mai.
October 2nd, 2010 at 11:31 pm
I hmanhmawh lutuk a nih kha Xauz. A chang chuan kar khat hnu ah te an approve thin.
October 3rd, 2010 at 5:47 pm
hmm Weekends ah college kal zawh ah hit keuh keuh ila ni mai a lawm