A khuhhawnna
He khawvel hi kan khualzinna ram a ni tiin chunglama miin min hrilh a. Chu kan khualzinna ramah chuan awmhmun ben bel tumin, kan kumhlun tur ram emaw tiin engkim neih vek duhin kan hun kan hmang a nih hi. Neih duhna thinlung nei tlat tute chuan chin tawk nei lovin neih belh zel tumin hma an la a, hausak duh te chuan eng anga tam pawh nise retheia inngaiin kawnglaia lungte tla takngial pawh chil putin an thlir a nih hi. In ropui tak tak te dinin, kan hmingte pawh bengngawngte hriat khawp in thang mah se engtikah emaw chuan he kan hrawkhrui hian tlinloh hun a la nei anga, tuk tina min rawn kaitho thin tu ni khian min kaitho zo tawh lo anga, he khawvel hi hrilhhai takin ka la siam dawn! Chutih hunah chuan ka chenna hmun chu luahtu awm lovin a ruak huai tawh ang…
A khi chhak zobawm, romei zing riai,
Zokhawsang lentu chawivelah khian..
Thiahloh bukthlam iang a ding liai e,
Chhawl thing hnahnemte’n bawm chi chiaiin
Ni e, kha in, romeiin a bawh paw chiai mai tlang han hmuh chuan lung te pawh a leng thar a. Nunhlui a rawn paw chhuak a, hun kaltawha ka thil tawn te kha mitthlaah a rawn lang thar leh ta. Chu ai maha ka mit la tu leh min hnehtu chu tlangchhipa awm, thing hnah leh hrui zamin an luahlum, tuaihnum a, han enkawltu hmu zo ve tawh lo.. in ding mai mai kha a ni tlat a sin. Ngatimaw??
Zankhua a tlaiin, leng zawng te chuan
Run in taptualah sen mei an chhi..
Mahse chu run ram thim riai ah chuan,
Nau nawn aw rawl reng a thang ve lo
Kan pi leh pute khan zanah vawk chaw tur chhum in leh eng eng emaw chhum in thukah mei a alh hluah hluah reng thin a. Naupang han chiau nak nak te leh nuin nau tap a han thlem a, tap tawh lo tura a han tihthaih vel kha ngaihtuah teh… kha inah erawh khatiang thawm kha hriattur a awm lova, hnah thli chhem zawnga ri leh thingzarin a han nek deuha auh that that ri bak hriattur a awm tawh lo. An meichhemna thuk lai hnathel ro in a luahlum tawh a nih hi…
Hmanah chuan hlimten laichhuat an maw..
Siali hel vala chham ang zal e..
Tual vawk rawl so ri, bawhar khuang nen,
Chiar nghin nghian run kha a chul zo ta..
Sawnni awmthei lo runin khartung..
Sen mei dawhtling pawh rial ang dai e.
Nula vawk chaw chhum so liam bat bat vil rimtu tlangval mutna thin chhuatpui mam thin kha tunah chuan tlakhawlh hlauhawm khawpa awngrawp a ni tawh a. Khang nula leh tlangval zinga kaitho thintu arpa a khuang al al thinna hmun sumhmun kha tunah chuan hruizamin a bawh khat mup tawh bawk a. Hmana nula tlangval inkawmna thin in kha tunah erawh engmahlo mai lo chu awm a awm tawh lo. A ruah hian a ruak huai a ni tawh.
Eng vang kher hian maw run ram i chan?
Awmlai lian hrangin hel che’m ni le..
Nge tuantual vanga tlangdang belhnan..
Chhungkim dar ang len a kham zawk le?
Kha in kha ngatinge luahtu awm lova a lo awm tak? A luahtute kha thihna kut vawt chuan manin, thlan khur chuan a hmunah a hnukliam ta tihna em ni? A ni thei lo, kha in luahlum tute kha thlan hmun chu an pan vek dawn mi? Nge ni a, kha in kha kumkhuaa khawhar taka awm turin a neitute khan an pem san zawk? Chuta chiang ber chu engmah a chianglo tih chauh a ni!
Khuai ang rauhsan run, aw nang ang hian.
Luahloh run min chan ka rualduhte’n
Hlimten lenlaiin, kar lam hlaan,
Tuan zai an rel ta min dawn lo te’n
Ni e, nangnen hian kan inang a sin! Ka thenrualten min kan khaw kawtchhuahah min liamsan a, a thenin rihsangmual liami famkhua min lawisan a sin. Min ngaihtuahna leh ka chantur dawn lovin kan hlimna an liampui a, kan nuih ri chu manganna rum thawmah min thlak sak ta. Khawhar taka ka tluksawp hun thlenga awm turin leilungin ro min rel sak ta si. Ka ngaihtuahna leh rilru hi hnawhkhattu chu khawharna hrui zam chiah a ni ta!
(Y)
October 9th, 2010 at 2:47 pm
Vawiin ruahsur mai mai chu a, chhuah chi pawh a ni hleinem le. In lamah misual.com post hrang hrang hi a chhiar HMASA ni leh mai teh ang lem.
Report this comment
October 9th, 2010 at 2:54 pm
A ngaihnawm hle mai. Luah loh Run hi mizo hla ah chuan nalh ka tih leh ril ka tih ber pawl a ni a. Thingtlang pa nge nge Hringnun i am bik e.
I thiantha te emaw, laina hnai tak sun i nei a ni em lo ang chu!! I nei a nih ngai chuan ka sun pui ngei ang che. Ka lo sun ve tawh si a.
Report this comment
October 9th, 2010 at 2:55 pm
KMTPa, i rawn 3iak tha hle mai tih hi ka sawi leh duh bawk e.
Report this comment
October 9th, 2010 at 3:04 pm
Kan tlan chak viau emaw inti thin mah ila, he hringnunah hian lehpelh leh umphak zawng kan ni leh tho thin, thihna kut hi kan zavai atan duan a ni tho hi chhuan tur ka neih chhun a ni awm e. A ngaihnawm takzet.
Report this comment
October 9th, 2010 at 3:12 pm
Thingtlang nula rim kha alo hahdam, a romantic dangdai riauin ka hre ta. Ka neihzawh loh, “ka car” tih te, thuamhnaw manto etc sawi kha a awm ve lem lova, feh chanchin, huan thlai cc, te leh ka phaktawk lek lek titi kha an ni ber a, ngaihthlak anuam ka ti thin.
Aizawl nula kan han ngaizawng ve ta ale, “MA gold ka hmuh tum,” tih vel, kan phak loh min han sawi pui zet et mai thin kha chu ka thaw hi a ipik up up thin.
I ziak thiam hle mai
Report this comment
October 9th, 2010 at 3:19 pm
KMTP pawh hi thawnthu phuah a thiam khawp mai tha reuh lutuk tlat
Report this comment
October 9th, 2010 at 4:16 pm
Ngaihnawm reuh e….
Report this comment
October 9th, 2010 at 4:34 pm
Zirsangsela Hnamte, October 15, 2002-a kan thlah liam takin a lo phuah kha a nih hi! Mak ve ang reng chu Lalsangzuali Sailo kha October 15, 2006-a thlah liam ve leh chiah a ni! :cry:
Khangho rual kha Renaissance dik tak Mizoten kan came across chu niin a lang ve asin! Zoram leh Zofate awmna chin kha an àl hneh hle! :wink:
Report this comment
October 9th, 2010 at 5:17 pm
He hla hi ka lo ngaithla liam ve mai2 thrin a, a thluk nalh tih vangin. Keimah Thingtlangpa chu, i rawn elaborate thiam khawp mai! A hla sawi tum tak ka man ve chiah nia!
in hlui, school hlui, veng hlui te chenin, keipoh a hla phuahtu thlir dan zawnga thlir chuan tah a tichhuak thin ka ti khawp mai
Report this comment
October 9th, 2010 at 5:19 pm
A ngaihnawm viau nain ka duh aiin i chip kim lo, a sei lutuk i hlau em ni?
Zirsangsela Hnamte hian champhai lama a zinna a IN RAM tawh tak a hmuh atanga khitiang hla ril lutuk a phuah chhuak thei hi ‘mi chungchuang’ a nih zia a pholang chiang kher mai….
Mizo hla phuah thiamah chuan ka ngaihsan ber pawl a ni.
Report this comment
October 9th, 2010 at 6:30 pm
Ka hre ve chiang hle a ni he hla hi chu…a phuahdan leh chhan te nen..a chepakaia chhui chhuakin ka sawi thei ve tlat…A sak chhin lai khan ka la te ve hle a ni.
OT : Synod leh Tawngtai duah hluah sawiloh chuan ka partner in min hau lo mai thei..lolzz….
Report this comment
October 9th, 2010 at 8:03 pm
@chawnghilh, i va reh ang reng ve. Zirsangzela Hnamte khi Mizo Hlakungpui Mual-ah seng luh a ni dawn a sin. Nang nge nge zawng thil i lo chîk thei khawp mai a.
Thingtlangpa chu rawn phawrh chhuak tha khawp mai. Hla thu tha tak, a thluk leh a thu inhmeh thlap mai a an han phuah thin hi chu a ropui teh e.
‘Awmlai lian hrangin hêl che’m ni le..’ tihte hi kan phuah ve zawng nise ‘Thihnain mual a liam san ta che’m ni’ kan ti kûl ve vêl mai awm si a…
Report this comment
October 9th, 2010 at 8:28 pm
Pu KT ziak tha leh hle mai. a hla thu leh a awmzia i rawn hrilhfiah kauh kauh hi chhiar a nuamin a fiah kalh kalh hle mai. He hla hi a mawi ka tiin a satu ten an thiam bawk a, ngaihthlak a nuam hle mai. He hla ka ngaihthlak apianga ka rilru a lo lang thin chu, A hla phuahtu hian hla phuah a va thiam in, ngaihruatna va nei thui em em ve tih hi a ni.
Kawngsir a inram, hnim in a bawh kluk a hmuh khan heng hla thu tha tak tak leh ril bawk si te hi a ngaihtuah chhuak thei ta a ni….
Pu Zirsangzela chhan a tawi lutuk hi ava pawi em…….
Report this comment
October 9th, 2010 at 8:28 pm
Pu KT ziak tha leh hle mai. a hla thu leh a awmzia i rawn hrilhfiah kauh kauh hi chhiar a nuamin a fiah kalh kalh hle mai. He hla hi a mawi ka tiin a satu ten an thiam bawk a, ngaihthlak a nuam hle mai. He hla ka ngaihthlak apianga ka rilru a lo lang thin chu, A hla phuahtu hian hla phuah a va thiam in, ngaihruatna va nei thui em em ve tih hi a ni.
Kawngsir a inram, hnim in a bawh kluk a hmuh khan heng hla thu tha tak tak leh ril bawk si te hi a ngaihtuah chhuak thei ta a ni….
Pu Zirsangzela chhan a tawi lutuk hi ava pawi em…….
Report this comment
October 9th, 2010 at 8:30 pm
E he… ngati nge ka comment hi vawi hnih hnih a lan a????? Comment hi a chang leh a bo, a chnag leh pahnih…
EEEE in awmzia hi ka hrethiam nek love…. :evil:
Report this comment
October 9th, 2010 at 10:11 pm
@Keimah Thingtlangpa:Zirsangzela phuah, ‘Luahloh Run’ tih hla hi a chepa kai atanga chhui chhuakin i hrilhfiah tha khawp mai.
He hla hi Lalmuankimi hian a va sa nalh em ve aw. Ka ngaithla kham thei thin lo.
Report this comment
October 10th, 2010 at 1:14 am
Kn comment ve hlak teh ang,u te thlazar hnuaiah..Keipoh he hla hi tun thlenga k ngaihthlak ngun pawl a ni tlatmai..Remkimi sak zawkkha kei k ngaithla thina..Vairama mizo thian kawmtur neih lemlohnaa awm pheicuan rilru hi a khawih lhzualin k hreve thin..
A chang 1-4 hian ah hian Luahloh run rianzia mizo tawng kauchheh nalh lutukin a rawn sawi chho a,,chutah a hnukhar nan amah ngeimai chu LUAHLOH RUN ah a han inchan tir leha..hei mawlh hian rilru a hneh zual bikin k hria..
Report this comment
October 10th, 2010 at 2:58 am
Heading i pek ringawt hmuh khi chuan Zirsanzela Hnamte nen in inkawmna emaw , a chanchin i sawi dawn emaw ka tia, mahse alo ni lo a nih hi. Hahaha..
Zirsangzela hla ah chuan ‘DARTHLALANG’ tih kha a ril ka ti, hetah hian mibik a nihna leh a talent a pho chhuak chiang viau in ka hria.
Report this comment