Kan college tan hun chu a lo thleng ta a. 1st yr ho chu kan tam hle mai. Room khatah kan awmdul mai a. Kan nungchang pawh a inang lo hlawm hle mai; thenkhat zezawi tak tak, a ka pawh zen ila min seh lo ang tihtur khawpa zezawi an awm a. Thenkhat erawh zawng pawh an bulah dah ila a awm hle hle ang tihtur khawpin an harh thung. Chung mite nen chuan kum khat chhung chu kan zirho phawt dawn a ni a, kan zia a inang lo hlawm teh a sin.
Chutia college kan han kal tan hnu chu class pawh kan kal tha nghal hle a. Class han kal loh zauh pawh uihawm duh tak a ni. Kan lecturer te pawh an inang lo hlawm hle a, thenkhat taima deuh an awmlaiin thenkhat erawh hlawh hmuhnan chiaha thawk tih hriatreng an ni a, zirtirna pawh a inang lo hlawm khawp mai.
Class kan tan tak tak hnu chuan lecturer fel leh fello chu an hriat hle mai a. Kan english lecturer chu a fel khawp mai. A hmel a thain a vun te lah thlang har tuiluan ang mai a ni a, a hmuilah zozam par ang maiin a sen mawi em em a; a sam chu dar thleng vel, ngil siau mai a ni a, a enkawl uluk tih pawh a hriat khawp mai. A duhawm mai bakah a fel em em mai khan rilru a hneh zual em em mai a ni.
English lama ka hnufual deuh avangin a falin thil ka zawt ta fo a, a felin zawh pawh a nuam hle mai. Khatia ka zawh fo avang khan kan inhre ta hle a, ngaihsak pawh min ngaihsak em em a. Thiante rinhleh dawn khawpin min ngaihsak hial a. Ni e, ka thiamduh tak tak na rilru avang khan ngaihsak tlak pawh ka ni reng a ni.
Kan in atangin kan college a hlat deuh avangin bike ka keng thin a. Kal pawh a awlsam phah hle a ni. Tlai khat ka haw tur chu kan lecturer chuan a chhungten an hruai hman dawnloh avangin khawngaiha amah thlah turin min ngen a. Ka haw na tur lam a nih avangin a lo awlsam phian a. Kan inphur haw ta a. Thiante thawm a tha ngei mai! Chuta tang chuan ka phur haw ta zauh zauh a, kan innel em em a, phone number te inpe tawnin kan inkawm nasa ta hle a.
Zan khat chu min rawn be miah lo mai a, ka va biak dawnin a phone a off daih bawk si. Ka rilruah a awm tlat mai a, mak pawh ka ti ngei mai. Ngatinge ka rilruah a awmtlat? Kan inkawm nasat avang khan ka vei ta em ni? Ka rilru a luah em em mai a, ka ngaizawng ta mai em ni? A ni thei lo! Kan lecturer a ni a, ka ngaizawng thei lovang!
A tuk college ka kal chu kan lecturer chu ka rilruah a awm reng a, ka zirlai pawh ka ngaihtuah thei lo. Ban a lo hun a. Ka biak bula ka awm chu kan lecturer chuan min rawn pan a. Bazar kal lawk turin min sawma, kan chhuak dun a. A thil lei tur kan lei hnu chuan dawra chawlh a rawt a. Kan chawldun ta a.
Ka en a, a hmel chu nidang aimahin a mawi ka ti zual a, ka lo ngaizawng ru reng tih ka hre ta. Mahse, ka hrilh thei lo ang. Amah nula pangngai nimahse mi puitling a ni tawh tlat. Keiman ka hriat chuan a tawk mai!
Kan inkawma, a hma zana phone a off chhan ka zawt a, a chhiat thuin min chhanga. Ni e, phone thar kan leidun reng a ni. Thil eiin hlim takin kan inkawma. Khua a tlai zel avangin kan haw ta a.
Zan a ni a, tihtur a awmloh em avangin thawnthu bu ka chhiar a. Ka phone a nghawr der der a, ka han en a. Kan lecturer kha a lo ni a. Ka’n chhiara, mak ka ti ngei mai. Ka lo ngaihzawn ruk em em chuan mei nei takin msg min lo thawn a. Min lo ngaizawng ru ve tho a lo ni a. Engtin tin maw kan in msg hnu chuan kan inngaizawng chu a ni ta reng mai. Kha zan kha ka ngaihtuah let thin. Ka hlimna kha a va nasa em, hralh tur ni ta se ka chhiar to khawp ang.
Kha zan atang kha chuan kan inpawh lehzuala, kan inngaina em em a, tlai haw turin kan innghak ziah thin. A changin a hman hma chuan last period ka off a, park ah te kan lengdun thin a. A hmui mawi em em pawh chu ka fawp ve ta zauh zauh a. Khatia kan inpawhna thuk tak zelah kha chuan kan college zirlai thenkhat khan an hre ta a. Mahse, an hmuhlaia kan chetdan a uchuak lo bawk a, rilru puitling pu vek an ni bawk a an hrethiam khawp mai.
College a kal lo zeuh zeuh a. Tlai khat chu len puiah min sawm a. Kan lengdun chu a hlim lo hle tih ka hre thiam a. A chhan ka zawh chuan a chhanna chu hre lo ila ka ti hle mai. Ni e, ka hmangaih em em chuan thisen cancer a vei a, rei he khawvelah min dampui tawh dawn lo! Kha ni atang khan hlimna hi vawm bo ang mai a ni tawh. Hlimna chuan min tlansan a, lungngaihna chhum chuan min zin hnan ta si! Kha tlaia lungngai tak chung si a a hmuia ka fawh kha ka fawh leh chuan a hmui a vawt vek tawh. Ka hmangaih, ka thiamloh pawh dawhthei taka min hrilhtu kha thihna kut vawtin manin, thlan khurin a angchhungah a dah ta si. Aw thihna!
Similar Posts:
- Civic right
- Theih ni se..
- City Bus- a kan nungchang hi..
- I cham reng thin asin
- I cham reng thin asin Part-II
Ka fon hi chu charge lai tih...
October 11th, 2010 at 10:33 pm
Aw THIHNA! Khaw nge i tur chu?
Aw thlan, khaw nge i hnehna chu?
….
……..
Haleluiah… Hnehtu Lal…
(ka hnuai chiaha mi hi Admin anih leh nihloh ka prove lawk anih hi..
) :roll:Report this comment
October 11th, 2010 at 10:33 pm
eeeee, zephenath chu va hma ve, Admin i ni hrim hrim. Admin tih loh ah chuan ka comment hmasa ber!!
Thihna hi tawpna a ni, thawhlehna, nun vawiHNIHna erawh a ni thung. Thi thei taksa hi THO leh thei, chatuan daih in a nung reng tawh dawn si a. Chu thutiam, beiseina nena thlirtu ringtu nun chu, thlamuanna in a khat a ni si a.
Report this comment
October 11th, 2010 at 10:37 pm
Zephenath leh 2STATES in 1st an inchuh!
Report this comment
October 11th, 2010 at 10:42 pm
thingtlangpa hi ziak ngaihnawm thei khawp mai keep up the gudwork
Report this comment
October 11th, 2010 at 10:43 pm
OT loks zephanath leh 2states hi post chhuah rualin zu han post ve ve a page chu an refrsh nasa ve ngawt ang
Report this comment
October 11th, 2010 at 10:46 pm
In va zahpuiawm mai mai e
Report this comment
October 11th, 2010 at 10:53 pm
a thawnthu chu Korean Serial te pawh ang lek2 lom le. NOI :smile:
Report this comment
October 11th, 2010 at 10:54 pm
a thawnthu chu Korean Serial te pawh ang lek2 lawm le. NOI :smile:
Report this comment
October 11th, 2010 at 10:54 pm
A va lunglohtui mai mai e
Report this comment
October 11th, 2010 at 10:54 pm
zephe aleh 2states hian post thar chhuah hun hi an hre thei bik chiang….ka first ve don amo ka tih poh hian 10-na te ka ni tawk2 zel
OT loh nan…aw thihna mawlh mai hi
Report this comment
October 11th, 2010 at 11:10 pm
va ziak ngaihnawm leh tak em! keimah thingtlangpa tirhkoh paula fawh thianghlimin…muah2….noi
Report this comment
October 11th, 2010 at 11:20 pm
CyberThug in khalh a zaktheilo a ti che u ania hairehai
Thu a kal tha bawk a,a chhiar tlak viau.
Report this comment
October 11th, 2010 at 11:30 pm
He². Ka nuih a za tlat a nih chu.
Mahse, a thi bûl ka ti!
Report this comment
October 11th, 2010 at 11:31 pm
Too sad to be true.. lo ti ve ngot i la…. a tak anih ka ringlo ka tihna a ni maih lo nia…
Report this comment
October 11th, 2010 at 11:31 pm
Phek 1 na ah a changtunu a thi daih…va uihawm ve mawle…a tir ah bei chipchiar hle a, a hnu lam ah hmanhmawh deuhvin min thlawh pui leh lawi si…urgent love story. :lol:
@Keimah Thingtlangpa – tawnhriat i ngah hmel, nge talent i nei zawk? Tha thei khawp mai, novel puitling sual chhuak ngei teh.
Report this comment
October 11th, 2010 at 11:40 pm
KMTPa pawh hi i ziak tha thei fu. Moody writer i nih duh hmel. A boruaka i chen lai chuan theme kalhmang in ang i ziak teuh thin in ka ring deuh. Ka hresual der pawh a ni thei tho.
I ziak tha leh khawp mai.
Report this comment
October 11th, 2010 at 11:43 pm
Engtin nge maw in han phuah mawi thiam em em bik le aw.. dawt pawh ti la, ka awih talh nang a
Report this comment
October 11th, 2010 at 11:45 pm
#15 ka phuah a ni e. Heti lamah hian tawnhriat ka ngah lem lo khawp mai..hehe
#16 min ring dik chiah mai. Ni e, ka lunglen chang hian ka ngaihtuahna ka kawm thin a. Ka phuah thin.
Ka lawm e..
Report this comment
October 11th, 2010 at 11:49 pm
chuan… hei hi phhuah chawp tihna…. hmmmm.. min bum ni mo.. lolzzz… too sweet not to be real(a tir lam)…. ti leh tral tengz..
Report this comment
October 11th, 2010 at 11:55 pm
phuahchawp pawh nise in lecturer star i nei thin reng2 a niang :-)ngainom hi…
Report this comment
October 11th, 2010 at 11:57 pm
A tak emaw ka ti hman tep alwm le…KMTP… ani hial lo maw le?? tlemte tal???? doubt ka ngah khawp mai…a ngaihnawm reuh bawk si… :suspicious:
Report this comment
October 12th, 2010 at 12:11 am
A lan dan chuan duhthusam atanga thihna ni mai awm a ni e..in ngaihzawnna satliah, thihna in a then tak thawnthu tawite a ni. Tawi viau e ti lo chuan han expand vak dan erawh a vang viau ta ve ang..chu erawh a bik te tan thil harsa a ni hauh si lo ang le..
Report this comment
October 12th, 2010 at 12:12 am
Keimah Thingtlangpa hi Facebook-ah poh Keimah Thingtlangpa tho maw le
Vawiinah a thlalak te ka hmu vel
hihihi
Report this comment
October 12th, 2010 at 12:13 am
Ka misual pui te, in zavaiin mangtha ule.
Report this comment
October 12th, 2010 at 12:20 am
KMTP, I phuah ngaihnawm hle mai. College te kan kal leh zuai2 mai a lawm le!
A vun, a hmui leh a sam i sawifiah mawina tawngkam khi erawh chu, thuaimam leh deuh la a fuh hmel te ka lo ti ve mai mai a.
Report this comment
October 12th, 2010 at 12:31 am
Phuah a nih rau2 chuan tawngtai dam thei tawngtai dam tir leh la,innei ula,hlim deuh in cheng kumkhua ula.. :lol:
Report this comment
October 12th, 2010 at 1:15 am
Zephenath leh 2STATEs hi in OVER lutuk, post a chhuah chiah minute rual hian in comment hman ziah mai, min kian ve ru… :lol:
Report this comment
October 12th, 2010 at 4:22 am
thihna hi a tha lo, kan thu lah hi ani si lo a, sim a tha han ti ngawt mahila
Report this comment
October 12th, 2010 at 4:53 am
Zirtirtu leh zirlai hi hetianga relationship neih hi an phal leu. Zirtirtu hi ethics a bawhchhiat avangin ban nghal tur anih khi.
Report this comment
October 12th, 2010 at 5:31 am
Ka chungchiah a mi hi a dik ang ka ring
Report this comment
October 12th, 2010 at 7:06 am
Ehe, atawp ah a ti thi daih. zeilo lutuk mai,
Report this comment
October 12th, 2010 at 8:04 am
Thihna chanchin ka chhiar-ah chuan a la bawih ngaihnobei ber mai awm e. A ruang kil tik awm chuang bawk si lo! :lol:
Aw thihna, khawnge i hnehna chu!
Aw thlan, khawnge i tur (sting) chu?
Kan la diriam dawn, kan la diriam theih loh lai hian, touching taka thawnthu ziakna hmanrua atan chuan a tha phian!
Kei chu English lecturer ka phurh ve hian, “ka thu sexy dawn,” a ti kher zel!
Report this comment
October 12th, 2010 at 8:58 am
Thingtlangpa, i titha e, ziak zel rawh. A thawnthu hi hei ai hian han pawt fan deuh la chuan… I thih tir rang teh thut em a…
Report this comment
October 12th, 2010 at 10:20 am
A va thi hma em em ve. A natna hi a thawk rang bik hle tihna ani maw? A ngaihnawm dawn chauh va i titawp daih a, bei maksak e….
Report this comment
October 12th, 2010 at 10:44 am
@33 ka lawm e. Kan tum zel ang chu. Chuan, i post leh tur hi ka chhiar chak tawh khawp mai
Report this comment
October 12th, 2010 at 2:42 pm
Hetiang deuh hi Vaihna Vartian ah khan a awm kha male
Report this comment