Nunkhaw Sana

October 11th, 2010 6:30 am by Hringhrau

Nunkhaw sana hi tumkhat chauh chaw pek a ni;
A hunbi kawktu bante hi,
Tunah mai nge nakin deuhvah,
Eng hunah nge a tawp dawn tih
Tumah rengin an sawi thei lo.

Sum leh pai chân hi thil pawi tak mai a ni a,
Hrisellohna phei chu a pawi leh zual;
Thlarau chân lek phei hi chu râpthlak tak a ni.
Mi tuma’n an neih let theih tawh loh avangin.

Tun hun hi i ta liau liau a ni a,
Hlim tak leh duhawm takin nung la;
Tumruhna nen thawkrim ang che,
Naktuk atan engmah khek suh ang che.
Chutih hunah chuan nunkhaw sana hi,
A lo tawp der tawh mai thei asin..

11 Responses to “Nunkhaw Sana”

1
Zephenath Says:
October 11th, 2010 at 6:32 am
Va phuah thiam ve… (Ka chhiarchhuak hmasa (1st) ber a niang a..)

Hun hlutzia hre reng chung pawh hian thil tih tur tih mai loh hi ka hrat tlat! Laiking pawnpui tah tur ang mai ka ni e.
2
tlau Says:
October 11th, 2010 at 6:46 am
Phuah thiam dangdai angreng hle mai a
3
dolerich Says:
October 11th, 2010 at 7:05 am
Common lo khawp mai. Modern free verse-huangah chhiar tel theih mai ang a.
4
Maisek Says:
October 11th, 2010 at 7:19 am
A tha viau e!
5
STRIKE THR33 Says:
October 11th, 2010 at 7:33 am
@Post tupa,I thil rawn post hi a fuh riau,monday zing lehnghalah.Unofficial takin ‘post of the day’ ah ka puang e…ti ve rok ila!!
6
H.Vangchhia Says:
October 11th, 2010 at 7:33 am
Nunkhaw sana = Lung (heart) ~..~
7
tehfung Says:
October 11th, 2010 at 9:03 am
Ka chhiar thuak a,eng teh ual a ni lo..mahse, ka chhiar nawn leh a,a ril khop mai..ka chhiar ngun poh leh a hlutna ka hre tam tual2 a ni ber mai.
8
hmingtea Says:
October 11th, 2010 at 9:43 am
A dik a lawm kan nunkhua hi sana an gin a virkual vel reng a tah chuan SUM leh ropuina leh mawina duhin kan mawilohna ah pawh midangte puh mawh tumin kan phar ruai ahringnun tawpna ni ah kan khawvel nun chhunga kan awmdan zawng 2 hian kan chatuan nuna leh thihna chu a hril dawn si a le.Rawngbawltu puithiam zir thiam vang a ni nuna dikna leh rinawmna hmuh tur awmlo ho te pawh hian atakin an dawng dawn si a hahahha
9
laldoma Says:
October 11th, 2010 at 12:38 pm
Kan Retreat na-a Vanlalsailova’n kan nunna switch kawltu chu PATHIAN a ni tih a sawi min ti hrechhuak zawk mai. A switch hi off lo ni ta se… kan in enfiah a va pawimawh em!
10
muantea Says:
October 11th, 2010 at 3:08 pm
Hla thu chiang tha tak, thu ken tha tak nei chu a ni zet mai.
11
Kymkym Says:
October 11th, 2010 at 6:05 pm
hahahahaha