I nun liam tawh i thlir kir changin, kohkir leha bula tan that leh theih ni ta se, tih nawn duh loh tawp tur i nei thin em ? Ka nei fo mai.
Isua zirtir Petera pawh khan, a nun a thlir let chang khan a zak ru chem chem thin ngei ang le. Isua a phatsan loh tur thu uar takin a sawi pung pung a, a chil per pawh a hul hmain vawithum ngawt a phat leh ta mai si.
Petera khan tawngkain Isua a phat a, Juda Iskariawt-a chuan thiltih-in a phat thung. Sum hmangin.
Vawiin niah hian, Petera ang in emaw, tawngkain Isua kan phatsan thu kan puang lo mai thei e. Nimahsela, Kristian ka nih si chuan Isua hi kawng chi hrang hrang hmangin ka phatsan thei si a.
Sorkar sum mahni sum ang maia lo hman; eirukna– rukrukna te hmangin Isua kan phatsan thei. A hmingin Kristian intive mahila KRISTIAN dik tak ka ni lova; Kristianna sakhua vuantu mai kani ang. Milem pathian betu, Hindu te nen kan in ang reng tihna anih chu.
Nupui pasal nei reng chung si a ngaihzawng neihte. Mipat hmeichhiatna inneih hmaa hman te, mahni-neih-ang-nei ( same-sex) ngaihzawn a, kawppuia insiam te. A lian emaw a te emaw, rukruk te, dawt kan sawi thinte hian Isua kan phatsan ani.
Phatsantu Petera chu, Pestikost nia Thlarau Thianghlimin a chhun khah hnu chuan, Lalpa tan mithar a ni ta. A hmaa lo phatsan tawh a; ISUA chanchin chu thih thak thlengin a tlangaupui ta zawk ani.
Keini pawh Kristian phatsantu kan lo ni fo tawh mai thei e. Nimahsela, inchhira, sima — A hnena kan kir chuan Lalpan min ngaidam duh a; nun thar Petera ang hian, Thlarau Thianghlim siamthar lehna min pek a duh ani. Chutiang nun neitur chuan; hawh u, inchhirin, Sim in a hnen i pan ang u.
Similar Posts:
- Thlarau Thianghlim Baptisma (Pentecostal Sermon)
- Holy Week: Isua phatsantuten an phatsanna chhan – ‘F’ pathum!
- Greek Hmangaihna Chi hrang
- Lal Isua Tuarna Part – 4 {Sunday Pual}
- A hming ‘Maka’(Lawi-si a) – (Sunday Pual).
October 17th, 2010 at 8:46 am
Phatsanlotu hmasaber ka ni
Tunhmaa kan lo phatsan tawhna te min hriatreng sak tawh silo.
Report this comment
October 17th, 2010 at 8:46 am
A that hmel hle mai nakinah ka chhiar ang, ka first lohna hi netwrk muan vang mai2 a ni.
Report this comment
October 17th, 2010 at 8:56 am
As_Khiangte chu 1st beiseiin tawi te a i comment kha ka chhiar hman a nia
Inchhir leh sual sim-ah kan tawp zel a. Piangthar tlu leh kan tam chan a ni ta pek ang.
Report this comment
October 17th, 2010 at 9:00 am
ka 3rd ang chu tih nak laiin kan 3rd loh chu le, kei chu he kan zoramah hi chuan sim na tel lova piantharna hi a tam em avang hian piangthar tlu leh kam phah ka ti.
Report this comment
October 17th, 2010 at 9:01 am
ka 3rd ang chu tih nak laiin kan 3rd loh chu le, kei chu he kan zoramah hi chuan sim na tel lova piantharna hi a tam em avang hian piangthar tlu leh kan tam phah ka ti.
Report this comment
October 17th, 2010 at 9:23 am
@ZerO, 1st. thei ho style ka hre tawh a, khatiang khan an ti thrin alm hahaha, ka la vanduai lehzel a network an muang tlat a nih kha, ka 1st. lohna khi second tlem te chauh ni uiawm tak chu ni :lol:
Report this comment
October 17th, 2010 at 9:32 am
Pathian ni kan thleng leh ta maw. Nitin nunkawnga Pathian phatsan thin te kan lo ni chuan vawiin tal hi chuan i phatsan lo ang u, Tin chu chu kan hmalam hun lo awm zel turah pawh chhawmnun zel i tum bawk ang u.
Ka misual pui zawng zawng te, Thlarau a khatin lo awm theuh rawh u lems. Pa hmangaihna ata hi tumahin min then suh se.
Amen.
Report this comment
October 17th, 2010 at 9:36 am
Nia, inchhir leh simna nun a tel a ngai fo thin. Tin, rinna leh thlarau lama chak zel tur chuan Nun nghet, Nun tak, Nun Krista neih a ngai. Chu nun nei tur chuan Bible chhiar/zir tam te, A thupek zawm te, tawngtaina te, Kohhran hnaih te leh kan baibul in min zirtir thlarau rah 9 te kha zir/neih a ngai.
#7 ** Thlarauva khah/Thlarauva awm dan chu Pathian thuawih hi a ni mai**
Report this comment
October 17th, 2010 at 9:59 am
Rinna mit a kan men ava hun tawh em,mosia term kan pel tawh a..
Report this comment
October 17th, 2010 at 10:11 am
AMEN
Report this comment
October 17th, 2010 at 11:03 am
A tha hle mai. Nia, simna hi a pawimawh a ni.
Report this comment
October 17th, 2010 at 11:45 am
God is faithful and just to forgive our sins and purify us from all unrighteousness! So let us not betray, rather let us remain faithful to him!
Report this comment
October 17th, 2010 at 11:52 am
Sual sim mah ila hremna chu kan pumpelh mawlh lo ang tih hi i hrethar leh theuh ang u. Kan sual simna chuan a mi hremna dan tur a her danglam mai chauh a lo ni, thlasik anga khel loin a hremna chu a lo la thleng tho tho ang, chuvangin ‘sual kalsan la thil tha ti rawh’. …. Entirna pakhatna atan,… Lal Davida’n minu a uire chungchangah khan…. etc,
Report this comment
October 17th, 2010 at 12:25 pm
A va tha em! Simna tel lo pianthar a sawt lo. Phatsantu leh mi tawmkailo ber pawh Isua thisena silfai theih loh a awm lo. Thil mak leh ropui ber chu Pathianin misualte min hmangaihna hi a ni.
Report this comment
October 17th, 2010 at 12:42 pm
amen
Report this comment
October 17th, 2010 at 4:27 pm
A tha ka ti khawp mai.
Pathian thu in rawn post leh comment te hian kei misual hi min tichak thar thrin asin aw.
Report this comment
October 17th, 2010 at 6:01 pm
hei chu comment tu an tlam raih mai alom….sawi belh tur kan hre tam lo tlang anih hmel, keipawh ka bang bik lo
thil tha tak ania, han ti hram2 zel teh u…
Report this comment
October 17th, 2010 at 9:46 pm
Michaklo mihring, phatsan thintu, famkimlote hmangaihtu Pathian kan nei hi a va lawmawm em. Ani chuan, kan chaklohnate a hria a. A lam kan hawi leh theihna turin, min thlir reng e.
Kan thiltih ang zel hian ro min relsak ta hmiah hmiah mai se, kan va nasalo dawn em?
Report this comment