A first edition i chhiar duh takin:
https://misual.life/2010/10/19/zawhna-hahthlak-murders-in-the-name-of-religion-keima-chhanna/
NImina ka post hmasaah khan comment ka dawng nual a, a lawmawm tak zet a ni. Hetiang Pathian thu lam tuipui kan la awm hi chu a la thlamuanthlak e. Ka sawi taw hang kha kan chat hun hi a inang lo lutuk a, kei zing lamah, nangni zan lamah, internet mahni room-a pawt ve lo tan chuan in comment ho zawng zawng kha chhan a harsa ka ti kher mai, mobile chuan ka rawn comment ve kha a har deuh a ni. Chubakah exam a hnaih tawh avangin lehkhazir te a ngai sia, ka net hman vak lo a ni.
Chuvangchuan mi thenkhatin ‘a postupa pawhin a chhang peih hleih nem’ in rawn ti kha chua a dik lo deuh. Misual.com ah hian post hrang hrang hi a tam mai a, post hlui deuh te chu en an hlawh lo. Chuvangchuan ka post hmasaah khan comment dawn ta ila chuan tumahin in chhiar leh a rinawm loh avangin post thar angin ka rawn post ve leh hmiah a ni e. Hetiang lama tui ho, ka ngaihdan tawmpui chiah lo te nen hian hmaichhana han sawiho a chakawm.
Awle, a hmasain ka post hmasa zawk kha inhnial nana ka post a nil ova, ringlomiten (atheist and agnostic) kan Christianna an rawn zawh emaw an rawn deuhsawh change chhandan tur kan thiam theih nana rawn post mai kha ka ni a. Amaherawh chu comment tha tak tak, chhan har tak tak in rawn post nual a, ka ngaihdan pawh in rawn bei deuh niin a lang. Amaherawh chu min correct duh vanga in rawn comment a nih ka ring hlawm a, chuvang chuan a lawm awm hrim hrim e. Ka dinhmun thenkhat pawh min sawhsawn tir phah hial dawnin ka hria.
Kan discussion tantu ber chu ‘Thou shall not kill’ tih kha niin ka hria a. Ka hmuh dan leh ngaihdan ka lo sawi leh ang e, a dik loh chuan min lo correct dawn nia. Hemi thupek awmzia tha bera ka hriat chu Lal Isuan Mattew 5:21,22 a sawi hi a niin ka hria
21Ye have heard that it was said of them of old time, Thou shalt not kill; and whosoever shall kill shall be in danger of the judgment:
22But I say unto you, That whosoever is angry with his brother without a cause shall be in danger of the judgment: and whosoever shall say to his brother, Raca, shall be in danger of the council: but whosoever shall say, Thou fool, shall be in danger of hell fire.
Chuvangchuan ka post hmasa zawka mi thenkhat ngaihdan tawmpuia ‘mihring nunna lak’ anga ka lo tang kha chu ka sawhsawn e. Lal Isua explanation khi ka tawmpui e, chhan tha tak awm lova thinrim leh ngei chunga tualthah hi a dik lo a, ‘thou shall not kill’ a tih pawh hian chu chu a kawk niin a lang.
Ka sawi tawh ang khan religion zawng zawng huang khata dah vek mai hi chu a dik lo khawp mai. Chuvangin hetiang tih tum ho hi chu hrilh ila, an la awi lo fo a nih chuan sawipui sawipui awmzia a awm lo, nuihliam san emaw kalsan mai tur, thudik an hre duh tak tak lo a ni.
Ringlomiten Christianity an sawichhiat hian kan Pathian ngei hi an sawichhe chawk zel. Pathian khawngaihnaa khat ni si engatinge Thuthlung Hlui hun lai khan in thah kha a command chiam mai? Tih te hi an zawhna a ni chawk.
Thuthlung Hlui leh Thuthlung Thar a danglam lo ka tih hian min lo hresual deuh niin a lang. Eng hun lai mahin Pathian hi a danglam lo, Thuthlung Hlui hun laia thalo a tih kha chu a la thalo reng. Chuvangchuan ‘Thou shall not kill’ a tih hi chu tunlai pawh hian a la dik viauin ka ring.
Hitler-a atheist anga ka chhuah anga in rawn coment pawh kha a tha e. Hitler-a bikah hi a danglam deuh hlek, Stalin leh Mao te ang lovin atheist a ni tih a sawi ngai lo, a lehkhabuah te pawh Pathian hming te chu a lam thin niin a lang bawk. Amaherawhchu Pathian hming a lam leh kohhran a sawi mawi vel kha chu eng dang vang ni lovin election-a vote hmuh tam a duh vang mai niin a lang. A hnuah chuan Kohhran kha a haw hle nghe nghe a nih kha! Bakah amah tak kha atheist lo ni lo mahse (a ni lo tih ka sawi thei lo), a ideology hman ho kha atheistic ideology an ni. C
hristianity a ‘All men are equal in the sight of God’ tih hi chu a tawmpui lo viau niin a lang. Chuvang chuan atheistic ideology a hman tho avang hian atheist ah kan chhiar tel thei tho awm e. Bakah Hitler-a hi lo chhiar tell oh mah ila Stalin-a leh Mao-a ringawt pawh hian 100 million dawn chu an that hrim hrim!!
Mi thenkhatin tun hunah Christian hmingin tualthahna a thleng tawh ngai lo in rawn ti kha chu ka tawmpui lutuk che u (Christian hminga inthah ka hre lo tlat), Christian hminga tualthahna thleng ho kha chu kum za chuang kalta ami vek kha an ni a, tun laiah a thlen a rinawm loh hle..
Ka post-a min rawn hnialna ber chu Thuthlung Hlui hun laia inthahna thleng chiam kha niin a lang. Ka sawi tawh ang khan chhanna (answer) zawng zawng ka nei bik lo,tun thleng hian pawm thiam harsa ka la ti. Amaherawhchu ringlomiten Pathian an rin theih loh chhana an sawi fo chu heng inthahna vel vang hi a ni a, Pathian nunrawng tak ka be duh lo tiin chhuanlam an siam chawk!! Chuvangchuan a nia Pathian hi danglam ngai lo, tun huna khawngaihna leh zahngaihna a khat Pathian a ni ang hian Thuthlung Hlui hunah pawh khan a ni tho.
Amaherawhchu Roreltu dik a ni a, sual chu a hrem tur a ni a, Kanana cheng ho pawh kha an sual vangin a hrem mai a niin ka ring tlat! Thuthlung Thar chu a nem zawk a, pawm a awl zawk tih pawh hi a dik lo, Thuthlung Tharah meidil chungchang hi Thuthlung Hlui aiin a inziak tam daih zawk!.
“Israel ho khan an do hmasa ngai lovin ka hria (ka hresual em?)… mahse annin an rawn do ta si a, self-defense ah an lo do let mai a ni” tih ka rawn post khan ka hriat vek loh vanga rawn ziak mai ka ni, Lal Oga leh Sidona kha chu self-defense a beih (attack) kha a ni a, a dang kha chu an run pawh a ni mai thei e. Amaherawhchu hnam dang ho khan warning chu an nei ngei niin a lang, Pathianin Israel ho kha a awmpui tih pawh an chiang hlawm a, an hlau em em reng a nih kha! Chuvangchuan Israel ho lo tanpui tu leh an laka lo in surrender kha chu zuah an ni. Eg. Rahab in Jeriko. Lo in surrender a hnekin an lo do let hlawm a nih kha!
Pathian nihna (character) hi a danglam ngai lova, a hnathawh dan hi hre vek lo mahila, Pathian ngilnei, khawngaihnaa khat hi a ni reng a ni. Ringlomiten an zawh hunah chhan dan in thiam theih nan kei mi tlawm tak leh engmahni lo te hian ka rawn post ve a ni e.
Similar Posts:
- Zawhna (hahthlak) – Murders in the name of religion? Keima chhanna
- Kumthar Thutiam – II
- Mafia’s ‘Ten Commandments’ found
- Last Man Standing!
- Misual.com feature thar chungchanga Pu Bena kawmna
October 21st, 2010 at 4:44 am
Sei tha kher mai. Hetiang chen chen a sei post i ziak hman a nih chuan exam chhuanlama comment hman loh thu a awm lo. Discussion ah rawn tel ve tawh ngei la a tha ang.
Part 1 ka’n chhiar ve leh phawt ang e.
Report this comment
October 21st, 2010 at 4:58 am
2rd ve mai mai teh ang, Lalmisualpa hnuaiah hian… :lol:
A thui tha khawp mai, chhiar phawt dawn ang hmiang, chu mi zawh lamah comment choh ila, ka chunga mi pawh khian ala chhiar bik hauh lo ang leeeeeeee… :lol:
Report this comment
October 21st, 2010 at 5:11 am
D_au, ka chhiar zo daih tawh, part 1 lam comment nen. Hamleta chanchin te an sawi. Fonz-a ka dil ve dawn.
‘Thou shalt not kill’
Pathian chuan a duh duh a that ang a. Mihring leh mihring lo in thah ve hi a thiang lo.. Lalpa’n a tih tir (indona velah te) te a nih loh chuan.
Chhan tha tak pawh awm se midang nunna lo laksak ve ngawt hi Pathian in a phal lo.
Report this comment
October 21st, 2010 at 5:53 am
#___ E heu… Hamleta a….. Laitrisa pawh an sawi tel hial lo maw, Ka U Lalmi5ualpa…. :lol:
Kei aia phawirang ho an muthilh thip thep lai hian post thar rawn chhuak ngat se chu ka va han first chiang mai mai dawn em, Ku Lalmisualpa hi chuan mi phawi khalh tawh hauh lo ang maw le, a tuan a vuai ve leh chhawng em mai, nichin kha chu ka inrin loh lai a ni tlat mai poha….. :lol: :lol:
Report this comment
October 21st, 2010 at 6:09 am
“Eng hun lai mahin Pathian hi a danglam lo, Thuthlung hlui hun laia tha lo a tih kha chu a la tha lo reng”_____
Post tupa an chuk luai luai mai che nga… :lol: :lol:
Mahse hetiang lam hian comment a hmu tlem duh riau….
Report this comment
October 21st, 2010 at 6:53 am
Chhan eng pawh nise, Pathianin nunna lak a phal lo tih hi tunlai kan khawvel, ‘potitical correctness’ hmanga kan thup mawi tum tlatna age ah hian, tha tura ngaih leh kan chek mil viau tur pawh ani hmel kkhup.
mahse hetiang hian kan ngaituah a…. mi tu e maw in ka nunna lak tumin min rawn bei ta chiam se tlan chhiat theih si lo, ka nunna an la ngei dawn ti pawh ka future chiang sa, min rawn puitur pawh awm dawn lo hunah. khi ‘chang’ ideology, khi zawm tur chuan thil sual lian tak ka ti ve tho ang em?
Passive deuha ka lo dawh ngawt khan out of two or three, nunna hlu tak pakhat chu thai bovin a awm dawn ta a, chu pawh midang duthlanain ka nunna chunga kha choice kha lo exercise tir ngawtna chhan tur ka hre lo.
Non-violence? Violence in every sense. Kei mah ka in that deu thaw a ka in ngai!
Midangte nunna ka ngaihpawimawh a ka va chhan duh na chu kha nunna pakhat te mai kha a hlu em a ni. Kei ka nunna a hlu lo bik chuang lo.
chuvangin thingfak hi justified a ni mai! rantings of a morning martyr
Report this comment
October 21st, 2010 at 7:23 am
Post hran meuh siam a inchhàn hi ‘change’ an tih chu emni? Kan chingchhuak thar tlat mai
Report this comment
October 21st, 2010 at 7:31 am
Ahimsa, ahimsa, ahmisa :lol:
Report this comment
October 21st, 2010 at 9:05 am
Mi nunna lak, tihlum hrim hrim…hi a tum lo ni ta se. Zawhna tlem a duh duh chhan atan.
1) nu nunna chhan a ngaih avanga naute tihtlak a nihin, a nu leh a tihtlaksaktu leh remtitute kha tualthat an ni angem ?
2) motor accident ah mi engemaw zatin nunna an chan a. A khalhtu kha a mawhphurtu ber a ni a, tualthat a ni angem?
3) unau/thian pahnih an ramvak a. An kalpeng a. Pakhat zawk chuan a unau/thianpa chu sakhi etc hmuhin a hmu tlat mai a. Tifuh inti takin a kap ta, a han enchian meuh chuan…mi nunna la a lo ni reng mai. Tualthat a ni angem ?
Report this comment
October 21st, 2010 at 9:46 am
I eksampul zawng2 en in, eng sakhaw mi paw’n murders an commit ti i la a dik ber in ka hria. Sakhaw nei lo sakhua ho paw’n!!! Chuan kristian ho in an ring tak2 lo kan tia nga, chuan mosolman hovin Muslim dik tak a ni lo an tia nga and so on….
Report this comment
October 21st, 2010 at 9:59 am
Mahni inthah hian chhungte kan ti buai nep. Cancer natna tawrh hrep hnua thih tho ai chuan inthah hmak mai tur. He thu hi ringtute thinlunga intuh thar a pawimawh hle mai. Vanram kai tum tan phei chuan kal nghal mai theih a ni bawk si. (join today)
Report this comment
October 21st, 2010 at 10:21 am
#7cyberthug.. nia khita ka tarlang tawh ang khian ka post hmasa zawkah khan comment dawn ila chuan tuman an chhiar dawn si lova, min rawn chhangtute ho kha chhan let ka duh si a, bakah ka chhanna a thui dawn sia, post thar angin ka rawn post hmiah mai a ni..
#6Mr.Hyde, #9 Benny… in zawhna khi chhan a harsa hle mai!! Theologian ka ni lova, ethicist ka ni lova, zirlai ve mai ka ni. Amaherawhchu democracy a nih angin ngaihdan sawi chu a thiangah ngaiin ka ngaihdan chu kan lo sawi ve ang e..
Report this comment
October 21st, 2010 at 10:27 am
mr hyde Buddhist monk ho in kungfu an tih na chhan pakhat chu self-defence atan an tih kha vanapa ten
Report this comment
October 21st, 2010 at 10:34 am
#6Mr.Hyde.. i zawhnaa ‘situation’ i rawn tarlan khi chu a thleng khat viauin ka ring! amaherawhchu lo thleng ta se chuan ti hian ka ti ang.. min rawn beitu khian engvangin nge min rawn beih? keima sualna awm lova min rawn bei a nih chuan, ka lo bei let ngei ang, a nunna laksak lo tur zawnga chet ka lo tum ang, a theih ngang lo a nih chuan tihtur pawh chu ka ti mahna. Ka sual ‘guilty’ em? Ka hre chiah bik lo, amaherawhchu.. Pathian hmaah sual angin ka inchantir anga a, ngaihdam ka dil ngei ang.. mihring dan hmaah chuan ka sualin ka ring lo… enge i ngaih ve dan?
#9 Benny
1. nu nunna leh nau tihtlak – a thleng khat khawp mai!, abortion tih zawng zawng atang chhutin 1% pawh tling lo hialin ka hria! chuvangchuan doctor tan chuan khitiang condition khi chu a dam chhung pawhin a tawng lo mai thei. nu nunna chhan nana nau tihtlak chu a pawina ka hre lo. titla lo ila, an pahnihin an thi dawn si, chuvangchuan engmah ti lova kan lo en liam ve mai mai khan ‘professional ngeligence’ kan commit a, India sorkar dan hmaah chuan sual (crime) kan ti! Pathian hmaah pawh chhuanlam kan nei vakin ka ring lo. Lo titla-in nu nunna lo chhan ta ila chuan, india dan hmaah chuan kan him, Pathian hmaah pawh kan innocent tho chu ka ring.. mahse Pathian hnathawh dan hi kan hre lova, chuvang chuan sual anga inngaiin ngaihdam chu ka dil thovang.. ka lo tisual lo a nih pawhin engmah ka chan lo, ka lo sual a nih leh ngaihdamna ka chang ang..
2. Motor khalhtu khi a sual kei chuan ka ring lo, a duh reng vanga accident a ni lo. Isua pawhin chhan tha tak awm lova mi nunna laksak kha tualthat a tih ni..
3. Pathumna pawh khi a sualin ka ring lo. mahse ka sawi tawh ang khan suala in chhiar a, Pathian hnena ngaihdam dil hi a pawina ka hre lo..
Report this comment
October 21st, 2010 at 10:35 am
@fonz.. chu sakhuanaa ‘ahimsa’ chawisang ber ho pawhin self-defense chu sualah an ngai vak lo a ni maw?
Report this comment
October 21st, 2010 at 10:40 am
halloftyrannus..aniang… ka hre tawh chiah lo….
His holiness The Dalai lama sawi dan chiah kha ka theihnghilh tawh a 
Report this comment
October 21st, 2010 at 10:40 am
Post i va nei sei tak ve…Thuthlung Hlui leh Thuthlung thar awmzia atang a a let aia tam a comment a chakawm thei mai dawn alawm..lolzzzzzz.
Report this comment
October 21st, 2010 at 10:43 am
Thuthlung Hlui ka defend deuh avang khian min chuk tu an tam reng asin… lol
Report this comment
October 21st, 2010 at 11:34 am
Thuthlung hlui lama thiltih te hi sawi sawi a, tih ve kher tur a ni lem lo. Thil hlui te chu an rala, ngaite a lo thar ta tih ang khan. Thuthlung hlui ah chuan Pathian pawhin mi ti hlum turin mi a tir fo , indo tur pawh in a ti fo mai, thuthlungthar ah erawh chuan inrem turin, engtizawng pawh a inrem turin min ti zawk a ni. Tin,New Millennium ah hian Christiante hian Murder in the name of christianity hi kan practice a awm tawh em tih hi ka zawhna a la ni fan. Sakhaw dang chuan an practice nual tawh tih ka hria…..
Report this comment
October 21st, 2010 at 2:24 pm
@bucko.. ni e new millennium ah Christianten murder in the name of chrisianity kan practice ngai lo tia i rawn comment kha chu ka post atang pawh khian ka pawmpui lutuk che, Christiante’n mi an murder thin lai kha chu kum za tam tak liam ta a mi kha a ni, chubakah khami pawh kha Isua zirtir ngun taka an zawm loh vang a ni. Amaherawhchu Thuthlung Hlui lam hi chu kan ngaihthah mai thei lovang, kan Bible-ah a awm tlat, chubakah Thuthlung Hlui hun laia Pathian kha Thuthlung Thar hunah pawh Pathian a la ni reng, a dang lo. Chuvang chuan a thu (Thuthlung Hlui) kan pawm a ngai, Thuthlung Hlui atang hian zir tur kan ngah em asin! i ti ve lo maw?
Report this comment
October 22nd, 2010 at 12:09 am
Ka ngaihdan kan thawh ve teh ang.
Thuthlung hlui a Pathian policy hi Isua hmangin thlak hlawk a ni.
Sakhua zong2 in an history ah indo an nei vek(?). NT hun ani toh a, ‘change’ tihna anih mai chu. In pawm ve em?
Pathian hian a duh chu a hmet hlum keuh2 mai.
Mihringin Pathian a zonna(other religion) vs Pathianin mihring a zawnna.(xtian)
Report this comment
October 22nd, 2010 at 12:18 am
Sory ka edit thei toh lo ti zawk hian
@21 Mihringin Pathian a zonna(other religions) vs Pathianin mihring a zawnna.(xtian)
Report this comment