Lalpa, thil tam tak dil duh che ka nei a. Nimahsela, I hnena ka dil duh zawng zawng erawh ka dil hreh ngawih ngawih che a ni! Tawngtaina chhangtu Pathian I nihzia ka hria a, misualte tawngtaina pawh I chhang thin a ni tih pawh a hria leh ringtu ka ni.
Nang chuan duh dan hran leh remruat dan hran I nei a, kei erawh chuan mahni nawmsakna tur ngaihtuahin ka dil thin si che a. I hnena ka dil tamtak hi nang chuan chawplehchilha min tihsak chang a awma, chutih rualin ka hmuh loh chang pawh a awm fo thin.
Lalpa, ka sualte ngaihdama a awm theih nan leh chhandama ka awm theih nan te, chatuan nunna ka neih theih nan te nang chuan ka tawrh ai ilo tuara, ka thih ai thih ilo thlang a! Nang chuan min lo din a, he khawvel eng minlo hmuhtira. Min din tirh ata misual ni mah ila nang chuan min hmangaih em avangin tun thleng mai hian ka nunna min la chelh saka, englai pawhin min venghim thin a. A ni, Lalpa, ka mamawh tinreng, ka tana tha tur chu nangin min tihsak thin a. Ka awmdan zawng zawng nangin I hre vek a, ka hun leh ka nun hman dan tinrengah I vantirhkohte min venhim tir thin a.
Chhungkua duhawm tak min pe a, thenrual thate leh min hmangaihtute nen. I kawngte leh I thupekte ka hriata ka zawm theih nan I baibul thianghlim min pe a, thlarauva ka thanlen zel theih nan Kohhran min siamsak bawka. Ka nun kawng ka hloh a ka pen bo san loh nan che nang chuan ka hmaah hmanrua chitinreng I chhawp thin a, thlemna ka tawh pawhin ka hmaah tlanchhuahna tur min chhawp sak thin a.
Lalpa, min hmangaih avanga ka chunga I tih loh enge awm le! Chatuan nunna ka neih theihna turin ka chungah tih loh lah I nei hek lo! Ka ril a tam in ei tur min pe a, ka tui a hal in in tur min pe a, ka saruak hliahkhuh nan silhfen min pe a, awmna tur in tha tak nangin min buatsaih sak a, ka damloh in nangin min tidam thin a, ka manganin min tanpui thin a. Ka phak ang tawka I rawng ka bawlin nangin I thiltihtheihna leh I ropui zia lantir nan I hmanruaah min hmang thin a.
Nghei lovin min siam a, ka chak lohna a ta chakna min pe a, hlauhna ka neih in nang chuan huaisen min zirtir a, tuarna ka chunga a lo thlenin chhelna min zirtir thin a, rinawm lo taka ka khawsawkin rinawm min zirtir a, finna ka tlakchhamin nang chuan I finna in min thuam leh thin a!
Heti kauva I mi hmangaihna thuk tak leh I zahngaihna leh I mi lainatna nasa tak ka chunga I lantir chung hian Lalpa, ka va han phatsan ngun tak lul che em! I mithmuh leh hriatah nasa takin sual kawng ka zawh san che a. Khawvel hlimna, a chakna te chawpa boral mek, hlimna tluantling pawh daih lo te chu hre reng chung si in ka vah bo san lui che a. Hmangaihna leh zahngaihnaa khat Pathian I nih zia te, thikthu chhia, kanral hmang Pathian I nih zia te chu hre reng mah ila, keima duhthlanna ngeiin ka phatsan lui fo thin che a. Chawp leh chilhin ka chungah hremna I lek loh avangin sual kawng chu ka dai thuk tial tial a, Nangma mithmuh leh hriatah tih lovah chuan mi bo/thlarau bo ka lo ni ta der mai!
Ka thil chin thalo leh ka suahsualna te chuan natna hmangin min vaw let ta e! Natna khirh tak leh benvawn tak, tawrh hrehawm tak leh manganthlak tak te chuan min bual khat tlat tawh a. Ka nitin-zantin nun leh hun hman dan chu tuarna nen a lo ni ta! Ka lo vah bo san rei tawh em che avang leh sual kawngah thuk tak ka lo pil tawh avangin inchhira I hnen rawn hawi leh ka tum pawhin ka tawngtainate a hul em em a, thinlung leh tihtakzetin I hnenah ka tawngtai thei lo va. I baibul thianghlim ka han keuva, ka han chhiar ve ngial pawhin nungin ka chhiar thei ta hlek lo mai a! Lalpa, nang chuan min kalsan ta a, I thlarau thianghlim hi min laksak ta emaw tih mai turin ka nun a khawro a, hlimna leh thlamuanna, nangmah atanga chhuak chu ka dawng thei ta reng reng lo mai a!
Ka nun chu a ruk takin a beidawng em em a, nimahsela Lalpa, nangmah avang chauhvin ka rilru ka ti chhel hram hram a ni.
Chuvangin, ka suahsualna leh khawlohna zawng zawngte leh he tuarna leh manganna, hrehawmna leh beidawnna nun atang hian rinna in I lalthutphah hma chu ka awm angin ka rawn pan e. Nang lo chu sual ngaidam thei Pathian dang an awm lo va, I hnen lo chu kalna tur dang ka nei hek lo. Nang lo chu Pathian dang ka nei lo va, nang lo chu innghahna leh beiseina dang reng ka nei ta lo! Chuvangin Lalpa, min ngaidam dawn lo pawh ni mah la, tunah hian ka suahsualna zawng zawngte leh ka khawlohna zawng zawngte nen, I mi ngaihdamna leh siamthar leh na dilin, ka thlarau chhandam tur leh min dinthar leh turin I khawngngaihna sang ber chu ngenngawl takin ka rawn dil leh che a ni.
Aw Pathian, keimahah hian thinlung thianghlim tak siam la;
Ka kawchhungah hian thlarau dik tak siamthar leh ang che.
I hnen ata hi mi paih bo suh la;
I thlarau thianghlim hi mi lak sak suh ang che.
I mi chhandam hlimna chu mi pe leh la:
Thlarau tihnuamin mi chelh reng ang che.
Lalpa, ka thinlungah hian i hming lo zahawm leh sela, i ram chu lo thleng rawh se. I rawngbawltu, i mi hmantlak ni turin ka rawn inhlan leh e. I hming chu fakin awm rawh se. Amen.
Similar Posts:
- Beidawngte Pathian lungngai te Thian
- Pentecost pualin
- PIANGTHAR LEH SUAL HUAT
- Ka nun hnar kaitu
- Ka Lalpa Kraws
October 24th, 2010 at 8:06 am
Halelujah Amen!
Report this comment
October 24th, 2010 at 8:12 am
Like
Report this comment
October 24th, 2010 at 8:14 am
Rilru a khawih hle mai. Ka chhiar chhuak vek a, a ngaihnawm ka ti.
Report this comment
October 24th, 2010 at 8:16 am
A va tha dap dap ve,Pathian hian min hawisan ni a kan hriat rum rum chang te hi tu nunah pawh a thleng thin ang, mahse amah ngai a au tute a hawisan ngai lo.
Report this comment
October 24th, 2010 at 8:19 am
Amen
Report this comment
October 24th, 2010 at 8:20 am
Nizanah a blog ah ka chhiar a, thra ka ti khawp mai, tawngtaina ropui tak a ni.
Report this comment
October 24th, 2010 at 8:21 am
Aryan chu hma fia fia ve!
Thilmak ropui ber mai chu Pathianin Misual a hmangaih tlat mai hi a ni. Misual inlamlette khawngaihna leh hmangaihnaa lo kuangkuah thintu Pathian kan nei hi a va ropui tak em!
Report this comment
October 24th, 2010 at 8:24 am
A van thra vee !
Report this comment
October 24th, 2010 at 9:03 am
A van tha em!!!
Inkhawm vek ang u auh….
Report this comment
October 24th, 2010 at 9:05 am
Ralte-a sermon hi vawiin chu ka duh khawp a tling mai, ruah a sur bawk nen!
Report this comment
October 24th, 2010 at 9:06 am
…ka tawngtainate a hul em em a, thinlung leh tihtakzetin I hnenah ka tawngtai thei lo va. I baibul thianghlim ka han keuva, ka han chhiar ve ngial pawhin nungin ka chhiar thei ta hlek lo mai a! Tunlai chu hetiang deuh hian ka buai tlat.
Report this comment
October 24th, 2010 at 9:10 am
Amen, Amen! A ropui e! Mihring leh thlarau-ah kan harh hawk hawk thei nia mawle. Khawnge muthlu mai mai lo turin leh, tihtakzeta amah– (misual ber pawh min tivartu) be turin ka’n insiam dawn ang e. Misual ho inkhawm nuam u le.
Report this comment
October 24th, 2010 at 9:20 am
AMEN
Report this comment
October 24th, 2010 at 9:20 am
Amen
Report this comment
October 24th, 2010 at 9:41 am
A va tha tehreng ve
Report this comment
October 24th, 2010 at 9:44 am
A tha dap dap khawp mai.
Report this comment
October 24th, 2010 at 10:20 am
Post tu pa chu hetianga i tawngtai ka va ring lo e!! Pathian thinurna i tawngbuak phah ka hlau mange.
Report this comment
October 24th, 2010 at 10:28 am
@^-||RaLtE||-^: A tha hle mai.
@dawihzep: Khi khian Pathian thinurna a tawng baw lo tawp ang. I thlir zim em a nih kha.
Report this comment
October 24th, 2010 at 10:33 am
I tawng baw zawk palh a nge@dawihzep..i post hmasa a comment nen.
Report this comment
October 24th, 2010 at 10:33 am
I tawng baw zawk palh a nge@dawihzep..post hmasa a i comment nen.
Report this comment
October 24th, 2010 at 10:35 am
Dawihzepa hi chhang chhang duh suh uu! Lolz… A ngaihdan a sawi ngailo, oppose a tum char2 a ni mai . Eng post ah pawh a rawn negative zel ang. Just ignore.. A tikimtu.
Report this comment
October 24th, 2010 at 10:35 am
a tha hle mai, sunday zing thawh vela hetiang chhiar te hi a nuam bik
*Sometimes I reminisce and
wonder how I made it this far
Because of you(Lord), I’m me, so you
the real star- P.Diddy*
Report this comment
October 24th, 2010 at 10:39 am
Amen!!,i tawngtai thu a va tha em,kei chu tawngtai chham tur hi kan hre lo ve khawp a,ka mang ang thin.
Report this comment
October 24th, 2010 at 10:42 am
@somte
lo mangang tawh suh ang che. I duh2 kha chham bawrh bawrh mai tur 
taka hman deuhah khan ‘tuai?’ tawngtai vid kha a lar khawp kha, a tawngtai sei khawp mai
Report this comment
October 24th, 2010 at 10:47 am
Khitang a tawngtai tur chuan i nun chu a ro lo hle mai maw… Lalpa’n awmpui zel che rawh se…
Report this comment
October 24th, 2010 at 10:52 am
@thanks you zeus.iiiihhh…enge ka chham leh tur kha awww..ti a mahni tawngtai lai ngei a in ngaihtuah nup2 hi ka kham lutuk!:)))
Report this comment
October 24th, 2010 at 10:59 am
I khawngaihthlakawm hle mai… Ka lo trawngtrai pui ve ang che, a chhan che ka ring lo tlat
Report this comment
October 24th, 2010 at 11:11 am
@sketcher,keimah maw i tih?tawngtai dam thei i lo nih palh hluah takin min lo tawngtai pui ngei ngei teh:)).
Report this comment
October 24th, 2010 at 11:13 am
Tawngtai i thiam bik hle mai. Post tha tak a ni e.
Report this comment
October 24th, 2010 at 11:53 am
“Lalpa, min ngaidam dawn lo pawh ni mah la, tunah hian ka suahsualna zawng zawngte leh ka khawlohna zawng zawngte nen, I mi ngaihdamna leh siamthar leh na dilin, ka thlarau chhandam tur leh min dinthar leh turin I khawngngaihna sang ber chu ngenngawl takin ka rawn dil leh che a ni”
Amen..Kan biak Pathian hian tih takzeta kan tawngtaina hi a ngaithla thin
Report this comment
October 24th, 2010 at 12:08 pm
Amen
Report this comment
October 24th, 2010 at 1:54 pm
David, There are ample distinction between saying prayers and praying! You may keep on praying for an hour and still not pray! How often have we said prayers without praying? Without any doubt, I know that your prayers comes from the heart! Just let me remind you that God’s answers are wiser than our prayers! I say ‘AMEN’ to your prayers! :smile:
Report this comment
October 24th, 2010 at 2:00 pm
>>Aw Pathian, keimahah hian THINLUNG THIANGHLIM tak siam la;
Hei hi keipawh a pawimawh ka ti lutuk ringawt. Midang itsikna, mi huatna, mahni hmasialna, khawvel par tlan chakna leh sum atchilhna in a tih bawlhhlawh loh, THINLUNG THIANGHLIM neih hi a van chakawm em!
Pu Ralte, i ziak thra lutuk.
Report this comment
October 24th, 2010 at 2:30 pm
A thra hle mai ngaihnawm ka ti lutuk. Keini Kohhranah pawh hian nu pakhat tawngtai thiam lutuk mai hi a awm a, a tawngtai sei lam hret thin nang’in ngaihnawm ka ti thin khawp mai.
Kan thianpa naupan lai ve thung erawh chuan “Aw Lalpa, anu chauh veng la, Amen” zuk ti hau pek a.
Report this comment
October 24th, 2010 at 2:31 pm
Tu nge mtha, he tawngtaina mamawh lovang?
Report this comment
October 24th, 2010 at 2:47 pm
A van tha tak em!!!!!!!
Report this comment
October 24th, 2010 at 4:01 pm
“Pe rawh u,tichuan Pekin in awm ang'” tih awmzia hian Pathian kan hnaih a,a hnen a awm kan duhna hi a fun tel tlat a ni.’Tha’ ni a kan inhriatna hian midangte thalo min hmuh tir teuh thin te hi a pawi..
Post tha tak a ni e.
Report this comment
October 24th, 2010 at 4:09 pm
Comment tha tak2 rawn ziaktu te, he tawngtaina tha min tihsaktu zawng zawngte, in chungah lawmthu ka sawi e. Lalpa chu fakin awm rawh se.
Report this comment
October 24th, 2010 at 5:36 pm
A van tha em hei chu!
Ni tamtak Pathian hre chang reng reng lo va hun hman chang ka nei thin. Ka han in hrechhuak thut hi “Lalpa..Lapa min ngaidam rawh, ka va han sual tak em!!” ka ti chiam zel
Natna rapthlak, thih ngei ngeina tur te han vei i la chuan Pathian hnenah kan tawngtai tluk tluk a nga, min ti dam a nih chuan a tan a dam chhung a in hun hmang tur leh a duhzawng chauhva nung tur in kan in tiam in kan in peih thlap awm si a, mahse nuam tak a nun theihna leh hriselna min pek hian a pe tu hre chang lo hian kan lo nung leh bawk si thin a nih hi.
Report this comment
October 24th, 2010 at 10:19 pm
He Tawngtaina Hla pawh hi a tha khoops https://bit.ly/creec9
Report this comment