1. Delhi International Airport Terminal Building thar T3 an tih mai hi chhuanawm ve tak ani. misual-ah pawh kan tarlang tawh. He T3 hi zinmi te’n foreign kal kher lova hmuhna remchang chu Kolkkata – Delhi Air India AI-101 8pm emaw AI-102 Delhi – Kolkata 8AM flight hi la ila, T3 chu paltlang ngei a ngaih avangin a tih chi hle.
2. New Delhi Metro Station – City Airport Terminal (CAT) : Heta chuang tur hian airport express line lak tur ani. He high speed train chuan dawn hian, Airport-a check-in ang chiah kha a tihtheih, baggage zawng zawng pawh kan chuanna tur flight ah an thawn daih anga, boarding pass te pawh min pe vek nghal ang.
New Delhi Metro station hi a zau hem hem hle maia – shopping mall lian tak emaw mini-airport terminal te pawh a ang thei hial ani. He airport express line hi New Delhi Railway station atanga intanin IGI Airport kaltlangin Dwarka-ah a tawp ang, hemi inkarah hian station dang 3 Shivaji Terminus te, Dhaula Kuan leh NH-8 station-ah te a chawl ang.
3. Jammu – Srinagar Railway line tihtawi nan hian tunnel thar 1.67Km an siam thar hi Rs 95 crores man ani. He tunnel an siamna hmun hi Mizoram anga lei chhe ve tak hmun ani. Thla 35 chhungin he hna harsa tak hi zawh ani.
Project dang hmachhawp te –
1. NH-24 Ghaziabad leh Dasna (Hapur bul) hi 8-lane 28km a thui hi hna tan tum mek ani. India ramah chuan 8-lane Highway hi a la common lo. mizoram-ah phei chuan 2-lane pawh kan la nei lo. Aizawl leh silchar inkar hi 4-lane a tih tum mek ani. kan NH dang zawng zawng hi 2-lane a tihlen tum mek ani bawk.
2. Kolkata Metro hi India ramah a hmasa ber ani, khawpui dang ten an ti ve sup sup ta mai. Govt of india pawh hian Metro Service hian traffic jam a tih ziaawm vang leh khawpui boruak a lo thianghlima, mirethei zawkte tan hnathawhna hmun awlsam zawka pan theihna anih avang hian siam zel a duh. Amaherawh chu a khawpui neitu municipal leh state sawrkar ten an bawhzui chak erawh a tul. Kolkata Metro Railway Corporation hian Hooghly lui hnuaiah Metro line hi expend an tum mek. Heihi Rs 4678 Crores man tur ani a, Hooghly lui 20m hnuai a kal lai bik 3.89km phei hi chu Rs 938Crores contract Afcons infrastructure leh Russian company Transtonnelstroy te nena JV nei chuan an thawk dawn ani.
Keini Zofate tlangram chhengchhe taka awm te pawh hian hma kan lak thiam chuan hmasawnna ruhrel tha tak tak kan nei thei, angaihna hriat erawh a tul hle mai. Singapore-ah 10-lane lei hnuaia an siam mek lai a then phei chu under-sea a an kal tir ka han en, rualawh a na duh hle mai. Zorama kan tih ve theih a kan rinte pawh sawiho na ah hian leng vek sela.
Similar Posts:
- Delhi Metro hman dan
- Delhi airport ah Mizo pathum man
- Chennai local train kal dan
- Where to stay in Kolkata
- Mumbai Local Train 100 km per in
October 28th, 2010 at 10:01 pm
Tunlai kan zoram khawvel hun tawnchhoh mek; pawngsual, tualthah, motor hal boruak leng vel kara hetiang hmathlir thui, suahtuahna leh ngaihtuahna hruai ding thei tak ram nuam zawk a min la hlang kai thei tur dawntiseitu hi chhiar a va nuam tak em. M Zee V, i ziak tha e.
Report this comment
October 28th, 2010 at 10:03 pm
Bengvarthlak khawp mai,…. han chhiar chiang deuh ila.
Ka chunga mi han ran em em zia hi…… ka phawikhalh hman lo ani e, :lol:
Report this comment
October 28th, 2010 at 10:09 pm
3-na ka ni. tunlai chu ka misual khat khawp mai
Report this comment
October 28th, 2010 at 10:19 pm
T3,CAT, Jammu – Srinagar Railway line ava ropui hlawm ve leh. Kan ramah awm dawn ta sela, local party workers ten chanvo neih phet an tum anga, HQ leh Sub HQ lama party workers ten contract an hmu anga, thawk tak tak lovin an hralh chhawng leh anga, contractor ten donation an pek loh chuan bill a tang anga….. etc etc chung zawng zawng paltlang hnuah chuan hna alo tha em em tawh lo anga chhuan lamah ruahtui tam, kan ram leilung nghetlo…..
Report this comment
October 28th, 2010 at 10:21 pm
Pu hank i la zai ngai em? I rawn tho leh e law? Fiamthu auh.
Report this comment
October 28th, 2010 at 10:34 pm
oZIMA (No 4). “Kan ramah awm dawn ta sela, local party workers ten chanvo neih phet an tum anga, HQ leh Sub HQ lama party workers ten contract an hmu anga, thawk tak tak lovin an hralh chhawng leh anga, contractor ten donation an pek loh chuan bill a tang anga…”
Pzima, Kristian 100 a 100 awmna kanni tih i hre nange?
Report this comment
October 28th, 2010 at 10:59 pm
Aizawl leh silchar inkar 4-lane chu a thra ngawt ang. Kawng mam deuhvin siam bawk se. 4-lane filled with potholes chu tuiawm chuang lo.
Report this comment
October 28th, 2010 at 11:03 pm
Ozima: Lolzzz
Kan ramah chuan awm dawn ta sela, Zirlai pawl ho khan eng eng emaw beiseiin, “chimralna.. emaw thildang chhuanlamin anlo do emaw anianga… Engineer ho te lahin eng eng emaw hlep phet tum khan thil anlo ti ve bawk anga… Politician te lahin supply velah an fate an ban bikloh avangin case anti zu zi vel mai mai emaw kha anianga, Chuti chung chuan ram hmangaih kanla inti em em zui anga… mipuite lahin beisei nei deuh chung khan kan ring lui tlat anga…
Hetiang vel mai mai hi kanni, Ram hmangaih kan inti anih chuan Ram hmangaih tute awmdan tur anga kan awm hi angai hmasa ber mai tute mai pawh hi…
Report this comment
October 28th, 2010 at 11:34 pm
@Sony: Ka lo hre ve leh pek hlei nem, ka hriatloh hlanah kristianah anlo inlet vek dawn a nih chu. evangelist leh home mission lam in tihtur an vanei tawh awm love aw
Report this comment
October 28th, 2010 at 11:35 pm
Mizoram hmasawnna ruhrel chhuanawm te hi rawn ti ve reng reng teh u a
Report this comment
October 28th, 2010 at 11:52 pm
Pawisa chuangliam hman tur ngah ho comment chi a nih hi he post chu.Ka hul tlat.Income dang nei lo, mahni hlawhbak pawisa nei ho tuipui chi…NOI..
Report this comment
October 29th, 2010 at 1:02 am
A postupa sawi ang hian mi ram a awm kan ram kan tih ve theih ngei a lang kan tih lemloh ho han hmuh hian rualawh a na duh khawp mai.
Lelamah pawh hian khawpui luh dawnah te hian tul hmel vak lo ah te hian lei 4lane ten an dawh kualkawi khup mai hlawm a .a chhan chu highway ti buai lova khawpui chhung luhna te a lo ni reng hlawm a.Kummkhat chhunga an lei dawh te leh an lei verh te hi a thui in a tha thin khawp mai.
https://yfrog.com/49thlalak133j
Report this comment
October 29th, 2010 at 11:04 am
…mahse, india ram hmasawnna hi a rualkhai lo ka ti. billionaire kan ngah tual tual a, thingtlang kut hnathawk/lo neitute erawh an retheih ngaiin an la rethei berhchep reng a.
Report this comment
October 29th, 2010 at 12:06 pm
Thil tak tak ah chuan comment tu an vang pharh mai a. Hetiang thu puitling hi kan tupui phak thin lo a, chu chuan kan mizia leh kan tuipui zawng pawh a tilang a ni. Hmasawn lutuk tlak pawh kan ni lo ve.
Ram dang leh hmun dang hmuh chuan kan ram riangte tan hian rual awh a na ve thin. Mahse, hei rel kawng kan nei ang a, kawngpui tha te pawh kan nei chho zel turah ngai ila. Chhim lamah tui kawng, chutiangin khawthlang tupui pawh hi hman tangkai theih dan a awm ngei ang. Kan ram hruaitu leh thil ti thei kan neih ve deuh ho hian vision tha an la nei phak lo va, tunlai mite hian dikna ngaisanga ke kan pen phawt chuan Mizoram hian hmabak duhawm tak a nei niin ka hria.
Report this comment
October 30th, 2010 at 4:08 pm
Science and technology ah hian India hi US han ter pha deuh tur a beisei a ni a, mahse kan rival ber Chinese ho hi kan pha lo nasa mai. Indian ho tam tak abroad a research leh hnathawk te hi an hlawhtling theih viau laiin a India ang hi chuan engmah a ni vak lo tlat. Engvangnge niang?
Mipui rilru sutthlek zawng a dik lo nge India sawrkar hian science hi a ngaipawimawh tawk lo?
Chinese ho hi cheap goods ah hriat an hlawh viao, mahse an than dan hi rapthlak khawp a chak a ni.
Hmanni Princeton University a Professor pawh 10 million dollar project a hmuh hnawlin chinaah a kir daih mai..Mi pawn a mak an ti viau.
India pawh hi helamah hian tan la nasa se kan changkang zawt zawt mai ang chu..
Report this comment