“Nangmah ngeiin ka rilru i nei a:Ka nu pum chhungah mi khuh a.I hnenah lawmthu ka hrilh ang che; hlauhawm tak leh mak taka siam ka ni si a:I thiltihte hi mak tak a ni a; Chu chu ka nunna hian a hre chiang hle a ni. A ruka siama ka awm a,Lei hmun hnuaihnung bera mawi taka siama ka awm lai khan Ka ruhrel chu i lakah thupin a awm lo.
Ka riruang la famkim lo chu i mitin a hmu a, I lehkhabuah chuan ka pengte zawng zawng hi ziak vek a ni a, A ni tela siamin a awm zel a, A pakhat mah la awm hmain,”
Sam 139: 13-16
Indian Penal code section 312-na hnuai ah chuan chiang takin ‘Medical Termination of Pregnancy Act’ kan hmu a. Hemi dan hi nau tih tlak phalna dan ti ila a chiang mai awm e. A chhan chu eng pawh nise nau tihtlak (abortion) hi dan in a phal tih hi lo hre hmasa phawt ila a tha awm e. Dan in a phal thil a nih tawh avang hian dan in a phal bak ah pawh kal mah ila dan hmanga in humhimna awmthei a tam em avang hian he thil hi ngaihtuah chian a ngai hle a ni.
Engtin chiah nge kan lo pian :
Mipa chi fang leh hmeichhe chi mal a han infin chiah hian mihring kan nihna tur a lo intan chiaha. Chumi awmzia ah chuan mipa chi phel leh hmeichhe chi phel a lo infin chiah khan chi mal thar(new cell) a lo ni tihna a ni a. Hetianga mihring lo ni tura mipa chi leh hmeichhe chi lo infin tur ringawt hian chance kan nei chhe ve khawp mai.
Vawi khat ah hian mipa chi mal hi maktaduai khat vel a chhuak tlangpuia hetihlai hian hmeichhia erawh a pangngai ah chuan 1 chiah a ni thung. Hemi awmzia chu mipa chi mal maktaduai chuang zinga pakhat te khan hmeichhe chimal pakhat kha a va CK pui zeuh a ngai tihna a nih awm chu. Hei vang hian he leia lo piang chhuak tura kan chance neih chu hmun maktaduaia thena hmun khat vel chauh tihna a nih dawn chu.
Chu chi mal/ti mur (Cell) thar chu :
Chu ti mur thar ( cell) chu a holam lo ve khawp mai, kan taksa a sin thei ang bera chan ai pawha a let 1000 chuanga te zawk daih ah chuan he leia nung tura kan mamawh zawng zawng chu zuk han awm kim ve vek tawh tho a mawle. Kan Pinzia tur, kan ngo leh ngo loh tur, kan rilru puthmang tur leh kan sam rawng tur, kan engkim mai hi a awm vek tawh tlat a nih chu.
Nimahse he tihlai huna hian chuan thliar hran tur thil engmah langtham ala awmlo thunga. Hei hi a Kut, a Ke tia sawi theih engmah a la awmlo, ti mur pakhat ve mai kha a la ni miua. Mahse he ti mur hi engkim awmna a ni tawh tho sia engtin nge kan tih tak ang, mihring chu a la ni em dawn em ni?!
Engtin nge ni zel? :
“Aw thliarkarte u, ka thu ngaithla ula, hla tak ata mi tinte u, ngaithla bawk rawh u: LALPA chuan chhul atang rengin mi ko va; ka nu pum chhng atang rengin ka hming a lo sawi tawh a”
Isaia 49:1
He ti mur hi a nihna ang ang hian a awm reilo khawp mai, a thang danglam chak reuh phian mai. Kar hnih hnu ah chuan a danglam daih tawh tlat mai. Kar ruk an liam meuh phei chuan danglam tak a ni tawh. A kut, a ke a lu en rawh pawh tih se a en theih tawh ngei ang.
Kar Riat an ral leh meuh phei chuan naute duhawm tak hi a ni tawh a ni. Mahse mihring a ni tawh em?, ‘THLARAU A NEI VE TAWH ANGEM?. He zawhna hi hringfa te zing ah hian tu han chhan theih chu a ni miahlo mai!, min Siamtu Pathian erawh chuan a hre ngei ang.
Eng vanga nau ti tla thin nge kan nih ?:
Kan rilrua a chhan na ah chuan thil awm thei hrang hrang,nu dinhmun hlauhthawnawm vang, naute piansual vang…etc chhan awm tak tak a awm ngei ang. Mahse ngaihtuahna ril zawk sengin in chhut teh ang; Hmanlai atanga tun thleng pawha kan rilru a kan la paihthlak theihloh chu ‘hlamzuih’ hi a ni.Sawi thui lovin lo ngaihtuah zui ila, he hlamzuih kan neih thinna rilru vang hian nau tihtlak hi kan hreh loh phah a ni mai angem tih chu ngaihtuah ngai tak a ni e.
He thu hi Revd Chuathuamaa khan ‘Vanglaini’ ah chiang takin a rawn ziah tawh nghe nghe kha.Mihring tling chiahlova kan ngaih ‘hlamzuih’ ti a hming kan vuah chungchang ah hian Kohhran ho te pawh hian aw kan chhuaha ngaihdan thar kan siam chu a hun hle tawhin a hriat a ni.
Nau tihtlak chu Sual a ni em? :
A chhan awm tak tak a awm theia, tihtlak a tha zawk tih khawp hiala chhan tha pawh a awm ngei ang. Mahse Pathian hian tu mah hi a thlawnin a siam lo a ni tih erawh hriat a tha hle mai.Kan ri ruang awm hma pawha min siamtu Pathian hian a mi hriatte thihna hi engtin tak ngai ve ang maw!. Kan duh emaw duhlo emaw mihring kan taksa hmanga Pathian in a siam ah hian tih theih ve kan nei tlem khawp mai.
A duh angin a siama a duhloh chu a ti boral mai thin, hei hi Kan Pathian zia chu ni awm tak a ni. Kan Zorama nautihtlak tam ber hi chu D^n in a phal bak dan tanchhana tih hi a tam ber ni in a hriat. Kan Pathian hian engtin tak ngai ve ang maw?A mi hriat te thisen kan rama Luangral zozai hi!.
“Tin, LALPA thu chu ka hnenah a lo thleng a; “Pum chhnga ka siam hmâ chein ka hria che a, Chhul ata i chuah hmâ pawhin ka serh hrang che a,Hnamte hnena zwlneiah ka ruat tawh a che,” tiin.”
Jeremia 1:4-5
Similar Posts:
- Zei Book 2
- Hmeichhia (hmeitha) te pawimawh na
- Pathian Chungchang
- Hnamdang ka neih chuan ka hnam ka phatsan
- Mizoram a sawrkar hnathawk – 2005
July 18th, 2017 at 9:32 am
https://Www.cysporter.Com/comme.....8;id=35498
Nau Tihthlak (Abortion) hi sual a ni em? | mi(sual).com
Report this comment