mi(sual).com

He khawvel ah hian eng emaw ti turin kan lo piang chhuaka. He kan taksa hi chu vaivuta liama tawihral mai tur mah nise, he kan taksa tawihral mai tur hmang hian engemaw tak tih kan duha. He khawvel hi thil hlu engemaw hnutchhiah kan tum theuh a nih hi. Tichuan he khawvel ah hian beiseina neiin kan lo piang chhuaka.

Chu kan beiseina chuan hmalam min thlir tira. Tichuan ‘nakin’ ti reng reng in kan hringnun hi chu thlan ah kan liampui dawn a nih hmel khawp mai. He beiseina khawvela kan chen laia, eng emaw tak tih tuma tan kan lakna kawngah hian thil tamtak kan paltlanga. Hun chi hrang hrang kan tawng thin a nih hi.

Engvanga he leiah hian lo awm ve ngawt nge ka nih ?
Thil reng reng hi chhan neia awm vek a ni a. Hei hi a Science zawnga han chhut pawhin a dik a ni. Mihring tu a te pawh hi awm chhan neiin kan lo piang chhuak veka. He Khawvel ah hian tihtur neiin kan lo piang chhuaka, kan awm chhan leh kan tihtur erawh a inanglo hlawm viau ang le.

(more…)

In kal pawhna pawimawh zia kan hria, thlawhna te kan nei ve tawh a, kan awlsam phah teh lul nen chutih lai kara flight cancelled tam em em mai hi enge maw a chhan le? Khawdur leh chhum tam vang te a cancelled hi chu keimah ni tan liau liau a nia ala hriat thiam theih deuh, flight in daih lo tih leh chhuan lam dawrawm te te hi an hmang ve a, passenger te tan zan riah leh ei leh in man tur ringawt pawh a hautak tehlul nen.

Kum tawp christmas dawn vel a an cancelled te phei hi chu thlan tur dang min pek that loh phei chuan a va hau tak thin em. Khaw awmdan fuh loh vang a cancelled pawh a tam teh lul nen kan sawrkar hian authority lam ah te hian engtin emaw tak ziah ve a tan va thra em….

Mipui aw ber kan sawrkar hian tihtheih a nei em?

Kan thalaite’n Bangkok tlereuh leh Singapore, Hongkong, Paris thuam changkang inthuam a, USA Product ngat hmanga hmai leh vun an chûl-mâm lai hian– Zofate Jerusalem, mamawh chakkhai leh ei tur tinreng kan lamna “Aizawl Bazarpui” hi en teh, a (ro)pui teh sin!

He ram– Lalpa zawn chhuah ram(?), Pathian hnam thlan(?), Missionary Nuai 1 tirh tum ramah hian Mithianghlim Nuai 1 lawr tur kan awm ang em le? Eiru hausa an huangtau a, Mi dik lote an pawngpawrh a, mi duhamte an nihlawh a, rethei apiang an phakar ta! Zahawmna chu amah(mihring)-ah teh loin, a neih rosum leh a hna, a chenna ramah kan inteh a.

(more…)