Fossil han tih tur chu a ni chiahlo in ka hre deuh nangin ani ve tep tho e ka rawn ti ta mai. Hetiang lam thlalak hi avang em a, ka rawn post ve leh tawp mai. Lak tur hrim hrim pawh hi a lo vang zek.
Archive for October, 2010
Fossil
Monday, October 25th, 2010Mizoram University – Dictator Hnuaiah?
Monday, October 25th, 2010Ni 21 Oct., 2010 ah Mizoram University zirlaiten rui lo hai lova Univ. motor hial an halna chhan chu Registrar Benjamina vang a ni. Zirlaite thil phut mawlmang tak, awlsam taka a tihfel theih mai chu THARUM hmanga nek kal ngai khawpin a luhlul a, Sorkar Bawng pa tuai tan chuan Sorkar thil hlut tur anih vei nen AMA PRIVATE CAR chunga a thlentir hauh lo tur a halraltir ta anih kha. MZU student te tanghma ngai awm takin PRESS hmaah ala insawi fihlim lehnghala, MIZOPA rilru a pu pha lo hle mai.
Zirlai, master degree thleng pha chin chuan a tana thil tha a hre lutuk tlat. Attendance Percentage chhe thei khawpin tuman class an bunk ngai lo. Registrer hian a huang chin a hre lo hle mai. Chutih laiin Vice Chancellor awm tih pawh hriat loh khawp a thil a thleng ta mai kha a mak a, a na khawp mai. Car hal chhiat nih hmaain vawi sawm chuang SU hruaituten INDAWRNA an kalpui a, VC a awm tih pawh hriat a ni lo hial awm e. Motor HAL anih hnu, thil tha lo tak a thlen hnuah Registrer supercede-in zirlai te DEMAND chu a pe leh tho si a. Hriatthiam a har hle a ni.
Zonunmawi leh Bible
Sunday, October 24th, 2010Chinlung chhuak zofa te nun mawi chu,nunze danglam ten a chim chhe zela, zonunmawi kara tlazep reng thin chu “thleng tlawr zuan hi ani a” Kutdawh rilru pawh atih theih ang chu he thleng tlawr zuan thinlung hian mi rethei leh hausa athliar hrang a,nun ze tenawm tak ani. He rilru hi Bible chuan kan neih a hlau hle ani.
Zofa te nun mawi tak ti hmelhem thin tu pakhat(1) leh chu englai pawh a min thlir reng tu siamtu Pathian ai a kan mihring pui kan hlau hi ani. Kan mihring pui te hriat leh hmuh a kan ti duhloh hi,min hmuh dawn loh chuan kan tiduh mai zel hi a tha lo hle a,min siamtu pathian hian min hmu reng tih hria inzah ilang chuan bible zirtir na kan zawm anga kan zonun hi alo mawi zual ang.
Zonun ti hmelhem thintu zing a thil pakhat chu mahni hmasial na hi ani,heihian in lungrual na a tichia in,khawtlang nun a ti awngrawp ani. Mahni hmasial na hi Bible zirtir na zawm loh na a ni bawk. Zonunmawi timawi lo a ti thang tlawm tu pakhat chu nun zirna sikul hmansa ber kan mangnghilh tan ta a,chhungkuaa inzirtir na alo tlabal ta hi apawi hle mai,he thil hi Bible chuan a ngai pawimawh hle mai.
Politics leh zirlai pawl.
Sunday, October 24th, 2010Tunhnaia MZU a thil thleng nen pawh a inzawm thei deuh mai awm mange. Ka veina a rei tawh bawk a, rawn thlasik mau puah pui ve phawng teh ang. A vei tam tak pawh in awm ve ka ring tlat.
A hmasain India ram lo thlir ta ila. Party hrang hrangte hian student body leh trade union hi an nei deuh tlangpui a. Entir nan:- Congress in NSUI, BJP- ABVP, adt. Tichuan, henga zirlai tel te hi party puitlingah an lutchho a,tichuan party politics ah an lut chho ta thin a ni.(a tawi thei ang berin)
Mizoram lo en ve ila, MZP leh MSU hi a lian deuh chu an ni mai a. Amaherawhchu, hengte hi party tihbik nei lo leh zirlai hmakhaw ngaih vanga din an ni a(?). An hmalakna tam tak, zirlaite tana chhenfakawm tak tak a awm rualin, politics/administration ah hian an inrawlh ve mah mah em chu aw a tih theih.
Damna Famkim (Sunday Pual)
Sunday, October 24th, 2010KTP a ka inhman tan kum kha a ni, ka theihnghilh ngai tawh lo. Kan Group hruaitute khan kan Group huam chhunga member hlate leh ruihhlo khawih thinte kha an hming an ziakchhuak a, Group committee member leh group member zinga tlemte te khan khang hming an ziahte kha a mal malin tawngtai sak turin kan insem hlawm a.
Kan Group leader chuan lehkha them hian a ruk thei ang berin min rawn pe a, ka’n en nak chuan ka hriat chian em em, keini aia u deuh, kawm pawh ka lo kawm ve tawh thin hming kha ka chang ta nawlh mai. Kei ngei pawhin a sual ka lo tih ruk em em thin, zu leh damdawi khawih thin kha a ni.
Pathian hian engkim a tithei tih chu ka ring em em, Kan thiana pawh hi ka tawngtai sak anga, nakin lawkah chuan Pathian ngaihsakna chang te a rawn hria anga, a thil thalo tihte a la bansan ve mai ang, tiin beisei sangtak nen zantin chuan ka tawngtai sak ta a. Tunah rinnaah ka puitling tawh e ka ti lo, mahse khatih lai kha chuan bul tan ve ek ek chauh ka ni.
YMA General Conference ka chhim ve a
Sunday, October 24th, 2010
YMA General Conference vawi 65 na chu October ni 21 khan a tiak ta a. Hemi zana vantlang inkhawmah pandal-a leng lo, pawna awm ringawt pawh sing khat anga chhut a ni. Khual khua atanga palai kal 3200 angin an record a. Keini anga in-report lem lo, chhungkhat leh thiante ina thleng engzat tak awm ang maw?
Inthlan kum a ni lo a, palai an tlem niin a lang. Mikhual nei tura lo inbeisei, nei ta lem lote pawh an awm teuh ta pek ang. Conference-a inkhawm chak vang pawh ni lo, Lunglei hmu chaka kal an tam bawk.
(more…)
Naupang pawngsuala that bawk tu kawmna chu hei le!
Sunday, October 24th, 2010
He kan misualpa hi a inchhir tak tak nge ,misual lem chang thiam tak a nih na kha a chhun zawm zel. Engatinge kan police te pawh hi central jail a lut thla tawh pawh media te kawm tir an la phal cheu le.?
Kum Sangbi Tharah Lal Krista Nen
Sunday, October 24th, 2010Ka dawn thin khuavel ram zawngte,
A zim tawh e kan lenna vangkhawpui tual nuam..
“Global Village” an ti in auh phak lek iangin,
Chhak mi leh thlang mi pawh kan lem tawh lo e…
Changkanna lam tluang kan zawh Zofate paw’n,
Dar zai thlun hrui hnawla ‘Biakhlatna mumte’,
Vangkhua tin dap chhuakin runsum tin a dengchhuak e;
Changkanna lai bu kan thaidarh, Sappui iangin.
Khawlthluak nei leh thiamril bungrua a sang tual tual,
Mitthi khua ah nen lam ‘Tower’ bun tawh a mawiin,
Misual tawngtaina!
Sunday, October 24th, 2010
Lalpa, thil tam tak dil duh che ka nei a. Nimahsela, I hnena ka dil duh zawng zawng erawh ka dil hreh ngawih ngawih che a ni! Tawngtaina chhangtu Pathian I nihzia ka hria a, misualte tawngtaina pawh I chhang thin a ni tih pawh a hria leh ringtu ka ni.
Nang chuan duh dan hran leh remruat dan hran I nei a, kei erawh chuan mahni nawmsakna tur ngaihtuahin ka dil thin si che a. I hnena ka dil tamtak hi nang chuan chawplehchilha min tihsak chang a awma, chutih rualin ka hmuh loh chang pawh a awm fo thin.
Lalpa, ka sualte ngaihdama a awm theih nan leh chhandama ka awm theih nan te, chatuan nunna ka neih theih nan te nang chuan ka tawrh ai ilo tuara, ka thih ai thih ilo thlang a! Nang chuan min lo din a, he khawvel eng minlo hmuhtira. Min din tirh ata misual ni mah ila nang chuan min hmangaih em avangin tun thleng mai hian ka nunna min la chelh saka, englai pawhin min venghim thin a. A ni, Lalpa, ka mamawh tinreng, ka tana tha tur chu nangin min tihsak thin a. Ka awmdan zawng zawng nangin I hre vek a, ka hun leh ka nun hman dan tinrengah I vantirhkohte min venhim tir thin a.
Vanlalsailova – Hawh U Lalpa Hnenah
Sunday, October 24th, 2010
