USA Sorkar (federal gov) in inthlan ni atana a ruat nghet sa November Thawhtanni zawh Thawhlehni hmasa ber Nov 2, 2010 ah US chuan Mid-term election an nei a. (Thawhlehni hmasa ber hi Nov 1, ni ta se, a karleh thawhtanni hmasa ber zawh thawhlehni ah an inthlang ang) Sorkarna siamtu Democratic party (Obama leh a pawlte) chuan seat tam tak hlohin House of Representatives-ah member tam zawk(majority) an nihna humhim zo loin Senate ah pawh seat thenkhat an hloh a ni.
US Capitol (An rorelna In)
Kan hriatfiah leh zual nan kan hriat hnu tho mah ni se, a tlangpui han sawi thuak thuak ila. USA ah hian Party lian pahnih Democratic leh Republican an awm a. (Party te dang leh Independent te chu lo dahtha ta ila) Heng party pahnih atang hian USA President pawh hi thlan thlin an ni thin a.
An rorelna Inpui Congress an tihah hian House pahnih Senate leh House of Representatives a awm a. Senate hi Upper House niin State tin atangin aiawh 2 intirin, States 50 a awm avangin member 100 an awm a, Senators term khat hi kum 6 zel a ni. House of Representatives ah hian member 435 an awm a, hei hi chu State mipui tam dan aziri State in aiawh an tir thin a ni. California state ah mihring an tam ber avangin seat 55 lai an nei a ni.
Representatives term hi kum 2 a ni a, kum hnih danah seat 435 hi an inthlang tha ziah thin a ni. Senators te hi Representatives te ai chuan an chungnung zawk a, an term a rei vang leh thuneihna an neih zawk vang te pawh a ni awm e.
Kan hriat angin Mid-term election hi President an thlan atanga kum 2 na ah an nei thin a. A awmzia chu Sorkarna siamtuten term chanve (President tem hi kum 4 anih kha) an hman hnu-ah chiah he mid-term hi an nei. Mid-term ah hian Senators hmun thuma thena hmun khat (33 or 34 seats) leh Representatives seat zawng zawng 435 an thlang thin a.
Hei bakah State 34 velin an State Governor (kum 4 hi Governor term khat a ni) an thlang nghal bawk thin. Hei vang hian Mid-term election hi US Politics ah chuan hun pawimawh tak a ni. President an thlan atanga sorkar kalphung tehna hmasa ber pawh kan ti thei ang.
President inthlan hnuhnung ber Nov 2008 ah khan Democratic party chuan sorkarna siamin President ah Barack Obama a tling a. Congress-a House pahnih ah hneh takin member ngah zawk ve ve-in Majority ni-in sorkarna bul an tan a nih kha. (A hnu lawkah Senate ah thu pass tura vote 60 an neih thin chu seat khat an chan a). House pahniha member ngah zawk an nih avangin an party thil tum thenkhatte chu awlsam takin an pass zung zung reng bawk a ni.
Hetia House ah sorkarna siamtu in member a ngah tawk tawh loh chuan thu pass mai pawh a harsa sawt reng dawn a ni. US Politics history enin mid-term ah hian sorkarna siamlo zawk party hi an che tha zawk thin.
(ka rin aiin leh duh aiin a thui ta….) USA hi khawvela ram ropui leh thiltithei ber anih angin an ram inrelbawl dan leh politics lumlet vel hi ram tam takin an ngaihven fo reng a. A bikin US thawhpui ramte phei chuan an ngaihven em em a ni.
India ram hian eng tiang chiahin nge a bengkhawn tih leh US President lo zin tur (a bulletproof car ‘The Beast’ pawh a rawn keng dawn) hian eng ang thu pawimawh nge a rawn ken dawn tih erawh misual bengvar tak tak te sawi chhunzawm atan ni teh se…. hetiang hian kan MLA term te hi ti ve ta ila kan thatpui a ngem le??
Similar Posts:
- Election Day: Tu ber nge tling ta ang le?
- Tlakpui kum – 1998 & 2008
- Exit Poll a a lan danin Chhatisgarh, Delhi leh Mizoramah rorelna siam thei an awm dawn lo – Times of India
- UK General Election 2010 Results
- LADC Gen Election vote thlak zo fel ta
November 3rd, 2010 at 3:22 pm
lo in thlang teh se.
Report this comment
November 3rd, 2010 at 3:28 pm
Obama that leh that loh tehna tur anih hmel ve…. :lol:
Report this comment
November 3rd, 2010 at 3:29 pm
inthlang sawi tak ah chuan aizawl municipal inthlang hriat a va chakawm teh thut ve…
Report this comment
November 3rd, 2010 at 3:30 pm
Keini chuan AMC kan inthlang mek…keuh..keuh.
Report this comment
November 3rd, 2010 at 3:32 pm
Obama pawh hi a tawng chak ve khawpin ka hria.
Report this comment
November 3rd, 2010 at 3:37 pm
Thanks for this post.!
Report this comment
November 3rd, 2010 at 3:49 pm
Naktukah AMC inthlan result kan hre ve dawn alawm. Sorkar tukhum chhah chhawn tur nge sorkar thawhpui tur zawk?
NDTV in 1948 atanga vote swing hnem ber a tia. Obama chu Diwali ni ber kherah India a rawn tlawh dawn a. Christmas ni-ah ram dang hruaitu US-a zin tum ve ta se, a duh ngem le? :?:
Report this comment
November 3rd, 2010 at 3:50 pm
AMC inthlan chanchin ka hre chak zawk asin maw le…
Report this comment
November 3rd, 2010 at 3:54 pm
@hlatekhua –
Vanglaini hi chhiar rawh
DIPR ah
Report this comment
November 3rd, 2010 at 3:55 pm
Chhiar ve lemlo mai ang
Report this comment
November 3rd, 2010 at 4:05 pm
Wednesday Fiction hi van chhuak har ve, ka chang ania, tuman min comment khalh su aw
OT loh nan Obama hi Pu Zoramthanga nen an hmel a in ang
:lol:
Report this comment
November 3rd, 2010 at 4:06 pm
#9 Goldmember, Vanglaini leh I&PR site chu ka chhiar daih tawh a. Vanglaini chuan vawiin chanchin an cover hman lo a, I&PR lahin CM vote thlak lai thlalak tih vel bak an la dah si lo. Running commentary/live report ang reng deuh a nia ka hriat chak chu…
Report this comment
November 3rd, 2010 at 4:22 pm
AMC inthlan ka ngaihven rih zawk
Report this comment
November 3rd, 2010 at 4:26 pm
Bihar inthlan te hi a pawimawh, AMC phei chuuuuuuuuuuu
Report this comment
November 3rd, 2010 at 5:44 pm
Bengvarthlak. I ti lawmawm e, reuters lamah ka chhiar zuai zuai tawh bawk a. Pu Hv-a te hovin rawn tuihnih leh hlak sela a ngaihnawm zual ang.
Report this comment
November 3rd, 2010 at 6:04 pm
Thil kan hriat tawh reng2 kan hriat rengloh avng in ithil sawi avngin kan hriat thar leh phah a alawm awm e….
Report this comment
November 3rd, 2010 at 6:44 pm
A va bengvarthlak tehlul em. Good post. Thanks.
Report this comment
November 3rd, 2010 at 6:44 pm
Post ka vil hman dawn lo tih ka rawn sawi zuai…sorry. Post vil vak ngailo chi a ni bawk a, ka inthiam tho e…) :roll: :mrgreen:
Comment tu te chungah lawmthu ka sawi e… comment zel turte hnenah pawh… :lol:
Report this comment
November 3rd, 2010 at 7:37 pm
:cry:
Report this comment
November 3rd, 2010 at 7:49 pm
Aizawl municipal inthlan emaw ka ti dawn a.Bengvar thlak hle mai.
Report this comment
November 3rd, 2010 at 8:20 pm
Min concern lo chiang khawp mai. Mahse a ngahinawm tho mai.
Report this comment
November 3rd, 2010 at 9:54 pm
AMC inthlan laia laiah
taka vawiina voter’s id nei si vote thlak thei hming chuanna a hming chuang ve lo tam lutuk kha enge awmzia le..hrechiang awm deuh kan awm em?A chuang ve lo ho kha an lung a awi zan lo hlawm khawp mai.
Report this comment
November 3rd, 2010 at 10:27 pm
Obama rorel dan a lungawi lo te thawm a rin em em laiin, a tiring zualtu turin Republican Vice President candidate hlui, Sarah Palin te ho chuan Tea party tih hming chawiin nasa takin US khawmualpui an fang a, thusawina namen lo an buatsaih ta a.
Mid-term election ah hian Republican party chuan House a majority nihna chan ngei an tum kher mai, hei hi Obama president la ni mahse, engtin mah a chet theih dawn tawh loh vang a ni ber awm e. An tum ang ngeiin House ah Majority an chang ta a, Senate lamah erawh Democrat lam chuan an majoroty nihna an la hum hram hram a ni.
US sawrkar kalphungah hian dan emaw thutlukna siam turin House lamin an pass phawt angai a, chumi chu Senate lamin an lo tuihnih leh angai thin. Tunah chuan Obama leh a thuihruai te chuan an duh angin dan an siksawi thei dawn talo tih achiang ta hle mai. Mipui tam tak leh Republican te hian Obama health care an tih mai, health insurance etc leh immigration lam an la vung hle.
Vote thlak leh thlak loh hian nakin thlengin nghawng a nei thei a, heihi Mizoram angah pawh apply theih nise ka ti hle mai. Ram mi nisi a hming maia ram mi nih mai mai hi an ngaitheilo viau ni tur a ni, vote thlak hi mitin te tih tur (duty) ah an ngai a ni ber awm e.Vote pawh thlak tha peihlo/duhlo thin te chu an loan dil emaw thil hrang hrangah harsatna an tawh phah thei tih hi!
Chhuang takin an tar vah thin:
https://img829.imageshack.us/im.....otofpz.jpg
Report this comment
November 3rd, 2010 at 10:50 pm
American (including H. Vangchhia etc) ho an desperate over tawh.
An thle tawn vel mai mai a ang ta ber. Republican ring lovin Democrat beiseina eng tak nen an thlang tling a. Kum khat a ral, eng an ang thei chuang lo, a buai tual tual em ni zok (?). Tunah hei Democrat te ah beidawngin Republican ah an let leh sup hi. Ze nghet lo ho tak hi chu ooo :lol:
An super-power term a tawp tran tih hi pawm mai rawh se, lal-proud-a te hian :evil:
Report this comment
November 3rd, 2010 at 10:59 pm
Lily_parmawia, mi sawi tel suh, Mizoram son of the soil ngat ka nih hi hairehai :lol:
Midum hi chu e, fel hmel deuh pawh hi e, Mizo politician tam tak ang maiin, belhchian an lo dawl tak2 theilo a nih ber hi mawle. Hnathawhpui tawh te zawng2 han chhut kir leh atang ngawt pawh hian.
Report this comment
November 3rd, 2010 at 11:07 pm
Tla mawlh teh se, khu Midum pa khu ka chek hian a mil lo. :twisted: :twisted: :twisted:
Report this comment
November 4th, 2010 at 12:59 am
He post hian ka thil hriat chian loh hlir a rawn sawifiah a ka lawm e.
Tin, Pu Hva’n ka ngaihven tak Obama dinhmun a rawn sawi bawk a, ka lawm khawp. Bush-a te pafa kha ka tan ve em em ringawt.
Report this comment
November 4th, 2010 at 1:33 am
Vainu, USA governor hmasa ber atan Nimrata Nikki Randhawa Haley chu South Carolina ah thlan tlin a nih kha hairehai 8O Amah hi January ni 20, 1972 apiang a ni.
Report this comment
November 4th, 2010 at 1:34 am
Republican lam hi hman atang khan kalo tan ve em em ringawt zel.MIzo takin an PA ka ti tlat
khanu kha indiam hmel apu lo hle mai,indian chhul chhuak dik tak nge anglo @hv
Report this comment
November 4th, 2010 at 1:36 am
Nia, bengvarthlak thei hle mai,… comment pawh duhthu asam e.
Report this comment
November 4th, 2010 at 2:00 am
Room pakhatah obama nen inkalh hnana balisong vaivir vel paha a dung leh vang zawnga hlai hlek hlek ka chak lutuk…
India ramah ngei poh a recession chhuanlama hna leh sum leh pai an ram lama a poh kir zozai avanga damchhunga lungngaihna a ahruailuh chhungkua an va tam em….a vun var hmaloh steel-wool a nawh ka peih raps….he lama hna an hawng dawn anih chuan hlawh tello pon ka in volunteer first e..
Report this comment
November 4th, 2010 at 2:09 am
a va ngaihnawm dup dup ve, bengvar thlak hle mai.
Report this comment
November 4th, 2010 at 3:23 am
Kan MNC in thlan boruak hi ava reh ve misual ah hian, US in thlan hian min chiah hneh zawk nge ni
Report this comment
November 4th, 2010 at 4:19 am
kawlnicolney #29 A nu leh pa Ajit leh Raj Randhawahi Amritsar, Punjab, Hindustan apiang an ni. A ni chu Bamberg, South Carolina ah apiang thung. Sikh sakhua a seilian, Kristian a inlet a ni bawk.
Nikki tawngkam ngei chu, “My faith in Christ has a profound impact on my daily life and I look to Him for guidance with every decision I make. God has blessed my family in so many ways and my faith in the Lord gives me great strength on a daily basis. Being a Christian is not about words, but about living for Christ every day.”
Kan politicians ten Pathian, Pathian an ti sek a, a thu an zawm silo ang lo tak hian, mi te chuan, sawi sawi kherlo hian mi hmuh theihin an nunpui thin ni te hian ka hmu thin.
Report this comment
November 4th, 2010 at 4:28 am
Immigration reform a ti hman ta silova Mizo illegal a awm Obama amnesty nghak thrup ho te an va chavai dawn ve. Illegal alien hua Republican ho in Congress an control phei chuan an rawn thawn haw ur ur mai angah
Report this comment
November 4th, 2010 at 4:31 am
Aryan, Arizona law hi tunlai hian state hrang2 ah apply tum mek, Democrat hoin an dodal ania, engemaw an an zel ang aw :mrgreen:
Obama hian veto mai loh chu tih theih a nei tam tawhlo mai thei a ni, tun kum 2 vel chhung tal chu, chu pawh override dan ala awm zel zui
https://usgovinfo.about.com/od/.....esveto.htm
Report this comment
November 4th, 2010 at 8:08 am
Zeph, i ziak tha in i ziak ngaihnawm khawp mai! I thil rawn sawi te khi a bengvarthlak ka ti hle ani! Democrats ho tan chuan ngaih that thlak loh viau ang! Kan MLA term te pawh hi hetianga kal chhin pawh a pawi ka ring vak love! :roll:
Report this comment
November 4th, 2010 at 8:17 am
@Maisek: Thanks
Report this comment
November 4th, 2010 at 8:22 am
US mid term election? teh daih chuan…mahse bengvarthlak khawp mai…
Report this comment
November 4th, 2010 at 8:28 am
Husein 0bama chungah hian rinna an nei tlem tual2 niin a lang. Zeph, beng i tivar e.
Report this comment
November 4th, 2010 at 8:34 am
@Kawlhawk: I tilawmawm e. (I la Black Hawk lo maw?)
Obama hi chu Midum a nih vang hrim hrima Vote support lo tu an awm ang bawkin, midum a nih vang hrim hrima support tu pawh a nei bawk ang chu.
Report this comment
November 4th, 2010 at 8:52 am
zeph, black hawk ka nih hun chuan kawlhawk aiin ka thlawk chak tawh ang :lol:
Nia, midum anih vanga vote lotu aiin, votetu kha an tam tlat alawm. Black ho an tangrual them si a, midum vote 82% lawih a hui a nia. Chutah, mingo tam zawk lahin vun rawng thlir loin an vote sup2 bwk si…
Report this comment
November 4th, 2010 at 10:29 am
BREAKING NEWS, BREAKING NEWS, BREAKING NEWS..
Comment bengvarthlak tak tak thawhtute chungah lawmthu ka sawi e... hahahhahhaa
Report this comment
November 4th, 2010 at 10:32 am
@43 chu ho mai2 mange…comment widget tangin hlauthawng deuh in ka lut a ka nuih tek chu le…
Report this comment
November 4th, 2010 at 10:34 am
#43, report abuse… lol.
Report this comment
November 4th, 2010 at 10:51 am
#45, pu shai…support che…
Report this comment
November 4th, 2010 at 7:45 pm
Bengvarthlak hle mai.
Report this comment
November 4th, 2010 at 7:47 pm
@Zephenath, ka thil hriat ngai loh i rawn ziak lang nual mai a bengvar thlak khawp mai.
Report this comment