A ruk tein ka vei reng thin a, ani lah chuan a hre der lo, hriattir pawh ka tum kher lem lova, vawi hnih lai chu an in ah ka kal tawh nghe nghe, a hnuhnung zawk chuan alo la awm lo zui. Chutiang chu anih avang chuan min hriat kher pawh ka ring lem lo, min hmuse han insawi deuh ila min la hre mial maithei tih vel chauh a ni. Mahse, thlamuanna mak tak mai ka neih hi he nu min pek hi a ni chiang a ni, min hre lo tawp pawh nise ka hriaa ka lungawi ve tho mai.
Ka hriat hmasak ber chuan :
Kum em chu ala liam lo, engtik thla nge tih lah ka chiang mai thei tlat tawh lo, Ka thianpa in “Mizo girl band thar Music Video hi han en ve teh” a rawn ti a, an thlalak thenkhat a rawn nei tel bawk a, kan en chu(h) an zai thiam leh thiam loh lam pawh ka ngaihtuah hran lo, an zai zova ka zai nawn tir leh thin a, ka en kham thei thlawt lo, thlarau sualin nge thlarau tha in min man ta pawh ka hrethiam nek love, an thlalak te pawh chu ka en zela, kan zoom thul ka buai zo hi ani ber mai.
Ka sawi lem lo nain ka thianpa pawh chuan en ngun bik ka nei tih chu a hai thlawt lo, mahse thiam loh mi chantir hran lo, a tha em a tin a ni, en hnu pawhin en leh a tul tlat thin. Chu chu kan in tawn hmasak berna a ni han ti ngawt ila mi tawng ve hauh lo, mah se kei chuan ka tawn hmasak berna ka ti dawn tho tho.
An in ah kan leng :
Len satliah ngawt nilo, a tul avang zawkin an in ah thianpa Samseia nen kan va leng a, kan zawh duh te kan zawh zawh hnu chuan a thla kan laksak a, a han in post vel chu(h) Van zaipawl chu ka ti chiah lo eng zaipawl nge ka hre lo “Hrilh thiam a har amak ana” tih lai chang kha an rawn nawn tluk tluk hian ka hria a, a tenor chuan “Hmeltha ka hmuh tawh zawng zawngah” tiin an sa fawn hlarh hlarh a, a bass in “A tha chung chuang ber mai” an lo ti ve dap dap bawk, chutia ka ngaihthlak reng lai chuan thianpa samseia chuan min lo ko a ka harh zawk mai.
Taka, Tawnmang laisi hi tawnmangah pawh ka la tawng ve hauh lo nain, an sawi tei veta han hmuh ve chhin chu ka chakna a rei tawh mai, chutia thianpa samseia’n a thla a lak lai chuan ngaihdan ka lo siamfel ve thuai a, “Zanin ka mumangah he nu nena kan in tawn hlauh chuan tawnmang lasi treat-in ka lo treat ngei ngei ang” tih chu ka lo ngaihtuah vel a, chutih lai chuan thli thaw zei tak mai chuan a samsei nalh tak mai chu a rawn chhem leng siau siau a, “Aw, han kidnap tak hi ka napa” chung em chu thil tih chi a nisi lo, a zei reuh riau lehngal, an nui phei chu lo tulk tawp hi a nia ka duh ni.
A tha ka ti lutuk chu ka insum zo ngang tawh lo “Ka duh lutuk che” kan ti ve tawp mai a, mahse zawi deuh tlat hian ka hria, ring deuh zawkin “ka duh lutuk che” kan ti leha, ka la lungawi lo ka theihpatawpa ring chuan “Ka duh lutuk che” kan ti mai a, mahse a hre der lo ka rilruin ka ti ngam tawk chauh atin a ni. Ka en reng chuan a hrethiam ang tih ka hlau ve tho si, min hmuh loh deuhna tura ka rin pangpar phen atang chuan ka en ngawih ngawih a, “Lalthachiangkuang, Lalzei, Thachungchuang huuihamm… ka beng nek zawk dawn che mawni chu le” kan ti leh rih thul, a langah chuan awmdan ka thiam a, ka rilru lam erawhin awmdan a thiam lo thung tlat.
Chutia thla te kan lak zawh chuan a room lamah kan lut ta a, a room chu a zauin a thianghlim fai nalh em em a, “ka room vel min enkawl sak tur atan he room enkawltunu chu ka van awt em” inti fuh deuh chuan kan ti ve ngawt a, Lalhmeltha-i chuan “Ka nu’n tukin chu a ti faia” an ti mai chu(h) ka hnar hi ka chalah a fu va niin ka hria, ka rilru chuan “Avan fuh lo em aw.. haw velah khum hnuaiah ka biru char char ang mawle” ka ti a, ka inhnem dam ve zui thei mai e.
A room-ah chuan thutna a awm remchan mai loh avangin “ka khumah hian lo thu rawh” a ti a, khai aw… ka khur deuh tlat nia mawle, zia lo thin khawp mai, ka hrisel lohna a chhuaka “Kei chu ding chi ka nia” te ka ti vel a, he natna vei hi chu ka ning tawh a ni. Ka natna vei hming hi ‘zakxums’ a ni. A siam chu ni chiah lo mahse thingpui te kan in a ka lem phal lawk lo, kan hmuam deuh vang vang phawt a chumi hnuah urhsun tak maiin ka lem ve phal chauh a ni. A room-ah khan bawkte khawh nghal mai kha ka duh a mah se, an in a cheng ve ta lo chu haw a ngai tlat si, ngai chung zelin mangtha mai le ka ti ta nih kha.
Chhingmitthlaah i cham reng mai :
Haw kawngah pawh chuan mitthla-ah a cham reng a, “Min fan zo ngei ka lairil hi” ani tawp mai e. Ka ngaihtuahna nen chuan kan inkawmngeih sawt hle a, Ka ngaituahnaah chuan kan inngaizawng nasa tawh mai a, hmangaih biahthu kan inhlan nawn mawlh mawlh a, ka lo la urhsun lutuk chu ka lo tawng chhuak palh “Ka duh lutuk che” zawi sap chuan ka ti palh pek a, motora kan chhuan lai a ni si a, ka bula mi chuan mak tih hmel deuh hian mi en he hu a, mahse ka zak lo atana ka tawrhna ah ka ngai ve hmiah.
Ka mitthlaah chuan a sakhmeltha chung chuang tak chu a cham zui zela, a changin mit an siai a, a chang leh a nui deuh sen sen a, a chang leh mi rawn fawp tur ni awm tak hian a hmui chu an ti pawrh tarh a, chutiang reng reng chuan haw kawng tluan chuan min awmpui reng a, reilo te ah in chu ka thleng der mai nia, haw kawng reilo tak a ni. Chutia in ka thleng te chu kan in ah awm ve turah te chuan kan ngai tlat peka buaithlak tak a ni. zan ka mu chu mumang lamah pawh a that ngaiin a lo la tha reng a, kan lengdun nasa kher mai atak chu nise a hah ngawt ta ve ang, tawnmang lasi treat chuan ka lo treat ta ngei a, ramhnuai lamah hlir a ni kan in chhai ni.
Kawr hak tur te kha kan tlakchham tir deuh dawn a mah se, ala nau deuh ema a duhna ngei pawh nise a chhung ten pawngsual case min awrh tir palh ang tih thu hla ah kawr nalh tak ka hak tir ta zawk a, zing ka tho pawh chu ka nupui nei thar hlim thawh ve tawp mai a ni.
Tlangkawmna :
Lalhmelthai ka tih sek hi a hming kan sawi tawh a nge, Fiona Lalmalsawmi (The Chosen) hi mawle, thianpa Sangzuala’n min thik em lo ang chu maw. Ka ngaihtuah vang vang hi chuan ka chang awm si lova, ka chan dawn si loh ai chuan tawngthuchhelovah Sakei-in seh hlum daih se tha maiin ka hria. A hming atang ringawt pawh hian ngaihzawn tham chu a ni hrim hrim mai, Fiona han tih chu a mawi riau a ni, kan inhmuh hmasak ber khan a inbual zo chiah kha ani a, a sam pawh ala huh deuh hliam nghe nghe a, a vun rawng nalh leh fai tak te kha aw.. avan fresh tak, Pathian siam zawh hlim hlawl niawma mawi a ni.
Doctor zirturin a inbautsaih mek a, a zirzawh hun chu ka dam lo zing viau maithei a ni. Ka chak ber chu a hmai chhanah ngei “Ka duh zawnng tak i ni” han tih tawl mai hi ka chak ber a, min lo duh lo pawh nise “A poi lo, Keiman ka duh che a lawm” ka ti tlat ngei ngei ang.
Fiona-i tan kan rap ve reng reng teh ang. tumah tluk hauh lo mah ila.
khai aw… hiah..hiah.. yoo..yoo..
Ka la rap ngai miah lo. Kah hlum tumin min veh. haaaaahuuuu… yo..yo..
Min sawisel, min sawisel suuuuuu… ha ha ha ha… Fiona
Ka vawi khat rap na atan.. ka verse a in tan. Sala la.. sala la.. Fiona
In in ah kan lo leng, yeah..yeah.. Fiona
I lo in bual zo chiah mawle, huh..huh.. Fiona
I van hmeltha ve… uuuuu yeah.. that’s right Fiona
I thla kan la a, i lo in post, hiiiiihaaa.. Fiona
Min duh em? ni leh lo, sala la.. sala la… Fiona
Keiman ka duh che chuan a tawk. that’s right, yeah..yeah.. Fiona
Ka ngaizawng che. kha kha ni mai hu… hu… hu… Fiona
Ka duh zawng tak i ni. a diiikkkk… Fiona
