mi(sual).com

Chanhaite Lalpa chuan heng kan Unaute Phar, Mitdel, Kebai, Piangsual, bengngawng, tawngtheilo, etc. te hi a hmangaih a, a kal san ngai lo. Fam kim lohna khawvelah kan cheng hova, lungngaihna, hlimna , beidawnna karah , mithenkhatin khawvel nawmsakna leh nawmchenna piah lam a hun an hmanlaiin, thenkhatte erawh chuan, nung rengsiin dam chhung hrehawmna leh lungngaihna hun an chhiar mek bawk.

Zankhat chu heng chanhai te din hmun hi ka ngaihtuah a, an dinhmun khawngaihthlak tak hi mitam tak ten kan hriat thiam pui lova, engang a hrehawm nge a nih pawh kan hrethiam kher lovang. Tichuan, chutia ka ngaihtuah lai chuan, ka mithlain an din hmuh hrehawm tak chu ka hmu a, an vai chuan ka bulah lo kalin Pathian hnen a tawngtaina leh an nun a harsatna an neih te leh, an din hmun theuh chu mittui tla chungin an rawn sawia, an thusawi chuan min hnehin ka rilru a khawih hle a, mahse an tan tihtheih ka neihtlem zia ka ngaihtuah a…

Midel : A tawngtaia “ Ka Lal Isua I lo kal leh hunah chuan kan mit a var tawh ang, i ramah chuan Mitdel kan awm tawh dawn loh a vangin lawmthu ka hrilh a che. Khawvel mawina te hi hmu ve thei lo mah ila, i rammawi erawh kan hmu thei tawh dawn si, i ram kan thlen hun chuan kan mit a var tawh ang, i ropui zia hmu in kan fak kum khua tawh tawng che Amen ” tiin mittui tla zawih zawih in a tawng tai a.

Nangni mitvar te hi kan awt ngawih ngawih che u a, Pathian thilsiam ropui takte hi hmuh kan chak em em thin. In van nei em em mahse min hmusit lo hram ang che u, mitdel hi hrehawm kan ti em em a, nangni kan unauten khawvel mawina in hmu a, in duh zawng leh tha tih zawng in hmu a, mahse siamtu in midello a a siam che u hi in hai der lui a, in theih nghilh a, sual hmuh nan in mit ropui tak kha in hmanga.Lal Pa’n mit tha tak a pek che u chu, sual Setan a tan in hmang mai mai a, lawmthu sawi chu sawi loh Lalpa in hawisan phah chu a ni zawk si.

Bengngawng : A tawngtai a “ Ka Lal Isu’ Khawvelah ka bengin engmah hre lo mah ila, I lokal leh hun chuan kan beng a var tawh dawn si, i ram ropui tak ah chuan bengngawng kan awm tawh lovang, khawvel ah hian piangsual in awm mah ila, i ramah chuan kan lawm a kim tawh ang Amen” tiin.Nangni ka uanu bengngawng lo te u, in vanneihzia kha hria ula, Pathianin damna a pe che u tih hriain, bang lovin lawmthu hrilh mawlh mawlh rawh u. Lalpan malsawmna (Damna) a pek che u, Setan a tan in hmang a nih chuan, Lal Pan in chungah ro a la rel dawn a ni.

Tun a i bengvarna te kha Lalpa tan a i hmang lo a nih chuan , Lalpa lo kal hunah lalpan i bengvarna kha a chhuhsak ang che. Chu tih hunah chuan inchhir in hremhmun ila liam ngei ang. Pathian chhandamna thu ngaithla thei tur a bengvarna i neihte, sual hriata ngaihthlak nan a i hmang a nih chuan, hre reng chunga thil tisual luite hremna hmun tur Pathianin a ruat chu i chang tawh mai dawn a ni.

Tawngtheilo : A tawngtaia “ Aw Lalpa Khawvelah hian tawngthei lovin awm mah ila, nang chuan min kal san loh a vangin kan lawm e. I lo kal hun chuan kan tawng thei tawh ang. Khawvelah hian kan aw in fak thei lo che mah ila, Van ah I rammawiah chuan bang lovin kan fak thei tawh dawn che tih kan hriatin kan lawm em em a, i hming chu fakin awm rawh se Amen” tiin.

Khawvel a ka unaute u, Tawngthei leh Pathian fak thei a in awm hi kan awt em em che u. Aw neih zawng zawng a Lalpa fak hi kan lo chak ve em em thin a sin, chu mai a ni lo, Lalpa rawngbawl a, a chanchintha hrilthei tur a, tawngtheih hi kan chak em em thin. Nangni kan unaute erawh chuan, In tawngtheihnate chu, nangmahni duhzawng leh Setan a duh zawng tih nan in hmang si thin.

Tawngthei lo hian han awm ve ni ula chuan lalpa in hnaih sawt ve ngei ang. Lalpa malsawmna in va dawng nasa bik em, Lalpa hnen ah lawmthute insawi ngai em? Tun a tawngthei a in awmna kha Lalpan hman a duh che u a, inla hawisan zel a nih chuan, chhuhsakin in la awm ang, Lalpa tan a hmang tangkai zawk tur hnenah pek a ni ang. Tawngthei a inawm kha Lalpan a malsawmna a pek che u a ni tih kha hre reng ula, Lalpa fak nan leh a rawngbawl nan, a duhzawn tih nan chauh hmang rawh u.

Kebai : A tawngtaia “ Lalpa Khawvelah hian i hmingfak a lam leh i rawngbawl a kalchhuahte hi chak em em mah ila, kebai piangsual mai kan ni si, kan theih tawkah i ropui lannna a tan min hmang zel ang che Amen “ tiin. Tun ah khan Lalpan ke tha tak a pe che a, eng a tan nge i lo hman thin le? Nitin i hun hman na ah Lalpa tan vawi engzat nge i lo hman tawh, ke tha tak i neih khan lalpa vawi engzat nge a vah bosan tir tawh che? Lalpa malsawmna i dawn a nih kha hre reng ang che.

Mi â : A tawngtaia “ Lalpa I lo kal hun chuan mi a, miten an hmuhsit hi kan awm tawh dawn loh a vangin lawm thu ka hrilh a che. Khawvel mite min hmuhsitna chu vana chawimawi a kan awmna tur a ni tawh dawn si, Aw lalpa lo kal thuai la, mi a awm tawh lohna i rammawiah chuan mi hruai ang che, khawvel hrehawm tak a tang hian nghak hlel takin kan lo thlir reng che a sin, i hmel kan hmuh hun chuan, kan lawm a kim tawh ang, bang lovin i hming kan fak kum khua tawh ang Amen” tiin.

HIV/AIDS vei te : An tawngtai a “ Aw Lalpa kan sual vang a hun rei lo te a thih hmabak awm kan ni, vawiin ah hian midangte hmuhsit leh endawng kan ni.Hmangaihtu leh kan nun min thlamuantu tur kan ngai em em, mahse, nangma ringtute zingah hian, nang ang a, lainat tak a min enkawl a min hmangaihtu kan nei si lo, kan sualna nen i hnen kan rawn pan e Amen” tiin. Kan sual vang a he natna hi tuar kan ni tih chu kan hria, thi mai tur tih in hre chiangsa kan ni, chu chuan kan nun a ti beidawngin, nangni kan unaute zingah hian kan in thlahrung em em a, mahni intihhlum hial pawh kan duh thin.

Khawngaih tak in minhmusit tu ni mai lova, kan nun min tanpuitu zawk nih tum hram ang che u. kan natna vei ang hi kan nau thangtharte vei ve a tan chuan kan phal mawlh lo, vawiinah hian beisei kan nei, kan thlarau nun chhamdamna leh kan unaute hetiang lak a an lo fihlim theihna tur a theih tawp chhuah hi.

Riangvai chanhaite chuan engmah khawvelah beisei an nei tawh lova, LalIsua lo kal hun a, famkim a an awm ve hun tur chu nghak hlel takin an thlir a, an hrehawm tawrhna mittuite chu LalIsua kiangah chuan a hul tawh ang. Khawvel miten hmusit mahse Lalisuan a hmangaih tih an in hria a, khawvel mite bulah hrehawm takin, inthla hrung ngawih ngawih in an awm thin a ni.

Hawh u, heng kan unau Piangsual chanhai khawngaihthlak tak tak te hi hmusit a enliam mai lovin, kan tanpui theihna kawngah chuan tanpui ila, Lal Isua a nun an neih theih na tur leh nunthlamuanna an neih theih nan, an tan i tawngtai sak thin ang u. Lal Isua khawvela a lo kal lai khan, Phar, mitdel, Kebai, Tawngtheilo leh Piangsualte a hmangaih a an tan tihdamna hna a thawk a nih kha. kei ni a mah ringtu te hian Kan rin LalIsua ang hiang heng kan unaute hi kan hmangaih ve thei dawn em?

(Piangsual kan awm tawh lovang Jerusalem tharah)

Similar Posts:

• “Ka hnenah han la rawh u” – Krista sawmna aw mawi chu(Sunday Pual)
• Security of Salvation
• Engah nge i innghah?
• AMEN (Sunday pual)
• Gospel singer Mk-i pa a boral

Recent Posts:

• 16th Adventure Course, 2016 at Vaipuanpho
• MARCH 2016, Mizo(ram) Diary
• MIZORAM KANGTHELH TUTE PUIHNAN!
• February 2016, Mizo(ram) Diary
• RIP lushai_er

This entry was posted on Wednesday, November 10th, 2010 at 11:05 pm and is filed under More than words, Religion. You can follow any responses to this entry through the RSS 2.0 feed. You can leave a response, or trackback from your own site.