Chawn tha chat han nat dan em em hi chu aw! Zan mut lai tak hian a awm duh bik lehnghal a. Mumang hmuhnawm lai tak mai a rawn pawtchhum hmawk a, a rawn na vawng vawng a. Chet ngam a ni tawh silo, ngam leh ngam lovin kan zuk khawih de de a, “Chawn tha chat chu zut loh tur” an ti thin tlat khan hria in kan kut kan la sawn leh riai riai a. “Raipuar laia chawn tha chat chu pasal te zut tir in a dam duh” an tih kha rilru ah a lo lang a, mahse raipuar bawk si loh pasal neih bawk si loh chuan han apply dan a vang kher mai.
Mut dan posi kan han siamrem a, chu pawh kan tihchet nasat ngam loh avangin a chang phei chuan lai deuh hu te hian kan mu a. Amaha a reh hun nghakin kan mu tlawk tlawk a, zan a reh sia, ngaihtuah loh tur pui pui te kan ngaihtuah a, hlauin kan khur. Kawmthlangah ui an lo u chuah chuah a, sana han en in dar 3 a lo ni a, zing dar 3 hi chu ramhuai ho lo chhuah hun tih te thlengin kan ngaihtuah phah a. Engtin tin emaw kan muhil ve hram a.
A tuk thlengin a la na a, zing thawh a han zik mar vel pawh kan fimkhur kher mai, khup chung chin lam chauh kan zi mar a. Kal pah hian a rawn na euh euh a, chhunglam atang hian a rawn pawt zek zek bawk. Thiante bula “Nizan chu ka chawn tha a chat a, a na ania aww” han tih kha kan hreh ve deuh sia, (Mipa phei chuan pa loh thlak te pawh kan ti ang), a ruka tuar chi an tih ang deuh khan mahni hian kan hre reuh reuh mai a ni.
Daktawr ni ve ta lo chuan a chhan hriat tumin ka’n google kual vel a, eng engemaw chu hmuh tur a lo awm nual mai.
Zana chawn tha chat hi nocturnal leg cramps an ti mai a, a chhan dik tak chu daktawr te pawn an hre bik lo a, vitamin tlakchham vang emaw fluid imbalance (taksa-a tuiril awm tlem?) vang ani maithei an ti. Potassium tlakchham vang pawh a ni thei. Potassium tamna thenkhat te chu:
– Balhla, apricots, dates, grapes, raisins
– Beans
– Zikhlum, broccoli family ho
– Serthlum leh ser dang, a tui sawr pawn a tha tho
– Vawksa leh beram sa
– Alu leh vaimim
– Saltwater fish (eg tuna)
– Tomato leh a tui sawr
Thenkhat chuan zan lama chawn tha chat hi dehydration (tui in tam tawk loh) vang niin an ngai.
Zanlaia chawn tha a chah thut chuan balhla va ei lam kha rilru ah a rawn lang tawh dawn lo va, a tihdam dan thenkhat lo en ila:
– A na laiah khan hot compress dah tur.
– Hmeh tur
– Zik mar vel tur. Ke kha ceiling lamah ti chho la, chuan i kezungtang kha han ti pir ve vaw la, chuan zawimuangin tikawm rawh le. Duhthawh deuh tan chuan i kezungtang kha zuk vuan la, zawimuangin pawt chho riai riai rawh.
– Tho vat la, reilote chhung kal kual vel rawh.
https://www.dummies.com/how-to/content/nocturnal-leg-cramps-nighttime-calf-muscle-pain.html
https://en.wikipedia.org/wiki/Cramp
Similar Posts:
- Pu HV te ram hi nuam deuh a sin.
- Thikthu chhia
- Lehkhabu/Cassette etc inbel thin hi…
- Green Fields of France/No Man’s Land
- Van-lal-chhelo-chiangkuang-a
November 12th, 2010 at 1:45 pm
Vawi khat mah, ka chawn tha ala chat lo ve teh tlat chu…
Czepth)Report this comment
November 12th, 2010 at 1:48 pm
Hnuk chat pawh hi zawm a har teh asin :lol:
Report this comment
November 12th, 2010 at 1:49 pm
Awii, Aduh: tukin zing kar khan ka chawn tha chat hria a rawn post te pawh i ang ka ti mang e, a nia sin..na tak a ni THIHNA em ni si lo chu..kum upat in a awm duh an ti chawk, taksa chaklohna engemaw chu ni ngei ang.
Report this comment
November 12th, 2010 at 1:54 pm
Chawn tha chat hi chu na ve tak chu a ni…..Tlangvala pumpa leirem rap ngam lovin min bai tir auh2 thin zawng a ni… :lol: :lol: :lol: Intih pa vak theih pawh ani lo a chah hlim phei hi chuan…
Zan mut lai tak hi chuan a la chat chiah lo kei chu…ce fit lo taka inkhelh hian a chat leh khauh thin…….na ve tak zawng ani…
Report this comment
November 12th, 2010 at 2:01 pm
Share tha hle mai aduhi chu.
‘mahse raipuar bawk si loh pasal neih bawk si loh chuan han apply dan a vang kher mai’
Nia apply a har ang tih ka hriatpui a che
Report this comment
November 12th, 2010 at 2:06 pm
Zan mut lai hian hnungzang tha te hi han chat roh mai seehh.. :mrgreen: :mrgreen: :lol:
Report this comment
November 12th, 2010 at 2:08 pm
Zangthal chungin i ke kha bangah darkar chanve vel dah chho thin la, a ziawm deuh ang. (Tha chah hnuah ka ti lo ania aw). Tuihleuh laia ke ai khirh hi a na bawk mawle
Report this comment
November 12th, 2010 at 2:10 pm
tetlai khan a chat nasa thei …ka zut ziah zel
Report this comment
November 12th, 2010 at 2:15 pm
A bengvar thlak hle mai a, keicu k vannei a ka chawn tha a la chat ve miah lo, alo chah palh pawn a tih dan kan hre toh a a zia deu ang cu
Report this comment
November 12th, 2010 at 2:17 pm
Bawkkhup in mu la, a tha chat lam kha thosilen banah dah chho la, a chat lo lam kha chhuat ah dah thla la, then kual rawh. minute 3 chhung.
Report this comment
November 12th, 2010 at 2:26 pm
@Frost :lol: :lol: thu tak khuk a khuk pui chi a maw ni le i sawi hi le… valte
Report this comment
November 12th, 2010 at 2:26 pm
Maipawl dawlh hian a dam hma duh deuh, mahse a pum a dawlh a ngai. Tin, thil mawm leh hmarcha thak ei hian a dam har duh hle :mrgreen:
Report this comment
November 12th, 2010 at 2:31 pm
O nu te zut tir MEI MEI ila a nuam duh … an ti
Report this comment
November 12th, 2010 at 2:32 pm
Zan mut laia thachat a awm chuan rang taka zuan thawh vat, ke tih mar vatin a reh mai. Mahse a hnu ah rawl thim them chu a awm.
Taksa chaklo, thisen tlakchham lai hian a awm duh hle.
Source : kan nu :lol:
Report this comment
November 12th, 2010 at 2:34 pm
Chawntha chat nei thin tan chuan sea food, nghathu rawt te hi ei tam loh a tha :lol:
Lersia, khawsik te pawh hi zut dam tir zel mei tur :lol:
Report this comment
November 12th, 2010 at 2:35 pm
Potassium tamna, vawksa leh beram sa khi ka ngeih ka ring khawp mai. :nui vur vur:
Report this comment
November 12th, 2010 at 2:40 pm
@khamrang Badboy hi nula zut thiam a nih hi…. mahse vawi khat a tan phah tawh…. Naupang khuaikhem…
Chawn tha chat hi ka la nei ngai lo rengs…
Report this comment
November 12th, 2010 at 2:46 pm
nula malpui tha chat hi ka zut dam thiam ang reng
chawntha a chah chuan a na lam kha tawm a, chuan vawithum khawngkhawbai tur.
Report this comment
November 12th, 2010 at 2:50 pm
badboy chuan nula hnuk chat pawh a zut dam thei, mahse a zut fet thei lutuk an ti
Report this comment
November 12th, 2010 at 2:52 pm
nula chhe lo deuh chu tha chat lo deuh pawh ka zut thiam vek..
te ti vel ilah..ka zak…. :oops: :oops: :oops: :oops:
Report this comment
November 12th, 2010 at 3:06 pm
ka roomate chu zan a a mu hi a ke khai lo chuan a mu ngai lo a…zantin deuh tho a chawn tha chat thin…. :lol:
a mah chu nula chhelo deuh a nya…@Chikus :wink:
Report this comment
November 12th, 2010 at 3:11 pm
minerals tlakchham vang te (calcium leh potassium), thisen kal vel tha lo te, nerve tha lo vang te ni tlangpui. Vai ram lum tak tak ah phei hi chuan naupang khawlai infiam thin ho pawh hian an nei duh khawp mai (as part of dehydration). ORS poh hi thil dang engmah awmloh chuan a pek theih , potassium a tam a. Zut hi that lohna ka hre lo, ka zut ziah kei chu..keimahin
Report this comment
November 12th, 2010 at 3:15 pm
@saizami….ka zak ka tih mawlh2 kha….. :oops: :oops: :oops:
tak2a chawntha chat hi chu nghah tawp hi tha berin ka hria..a rualin lehlam lehlam inkhelh laiin an chat mai chu awwww…tlangvala pumpa field laiah ka thu nuai mai male… :lol: :lol: :lol:
Report this comment
November 12th, 2010 at 3:17 pm
@evezonuny chawn tha chat zut chu a nakinah i chhawn kha a rawn bawl chhuak trawk2 mai ang…. :wink:
Report this comment
November 12th, 2010 at 3:23 pm
ka taksa chak loh deuh lai hian ka chawn tha a chat nasa thei khawp mai.lehlam a chat na utuk ka talna lamah lehlam te alo chat leh a.A reilo na a,na ve tak ani.Aduh ka lawm e
Report this comment
November 12th, 2010 at 3:25 pm
Frost & Co – thutak tawkin thil kan post ve a, in tiho zo vek 8O zaninah in chawn tha a chat vek ang
Report this comment
November 12th, 2010 at 3:33 pm
#26: kei chu chawntha chat ka duh ve lo, Frost an a rawn tan a nih kha aw :twisted: chawntha chat hi ka la nei ve lo reng2 ana duh viau a niang, a chat tawh te hian na anti thei emai :wink:
Report this comment
November 12th, 2010 at 3:38 pm
aduh, keimah ah chuan chawntha chat nei mai thei ka nih hun ka hre thei asin. Stretching vel ka tih khat deuh apiang hian chawntha chat hi ka nei nasa niin ka inhria… simple solution chu eksar (keimah ah) :wink:
Report this comment
November 12th, 2010 at 4:19 pm
BACK to Top tih hi ka lo hmuh hmaih ve ziah :mrgreen:
In chawn tha a la chah thak2 theih chuan in hnuk a la chat lo tih na nia :| Lawm nachang hre rawh u, Nangni Rul thlahte u
:mrgreen: :mrgreen: 
Report this comment
November 12th, 2010 at 4:20 pm
uaduh, a bengvarthlak e.
Report this comment
November 12th, 2010 at 4:35 pm
Ku aduh, badboy leh khamrang & co te hi lawm..
“Raipuar laia chawn tha chat chu pasal te zut tir in a dam duh”
Chawn tha chah leh hma a Pasal neih a rai vat chi
Report this comment
November 12th, 2010 at 4:54 pm
@aduhi chawn tha han chat ngei mai se, han zut ila, dam se … a raipuar lai han ni chiah se —a diam chiang tur vel kha, ka hisap! Nuam ru ra! :roll:
Chawn-tha-chat leh ke aikhirh hi han inrual chiah se, “zing jogging” aiin stamina a hek zawk hial lo’ng maw? Exercise chi khat hautak tham tak chu a ni khrim khrims!
Report this comment
November 12th, 2010 at 5:58 pm
‘Tho vat la, reilote chhung kal kual rawh’ tih hi a tha maithei. Mahse chawntha chah laia han kalkual hi ava har awm em.
Report this comment
November 12th, 2010 at 6:28 pm
A tihdam dan rang ber : Chawn tha a chah chuan a chat lam kha chetsawn kher a tullo a, a chat lam pheikhawng kha vawi leh khat ah mar thut ila, thawk leh khat ah a dam nghal. A na zawk chauh.
Ka Nu bul a ka mut thin lai a min hrilh a nia, practical in ka tawng tawh e.
Additional : Tui thiam tak tak tui a tlahlum thin te hian an chawn tha an leng chat thin a nih te ka ring deuh tawp a. Hriatreng atan a tha.
Report this comment
November 12th, 2010 at 7:19 pm
Chawn tha chat hi a hrehawm khawp mai.
Report this comment
November 12th, 2010 at 7:50 pm
khaw vawh deuh or mizoram haw changa a ruah sur dawn leh chhum zing deuh hian ka chawn tha hi a na vak zel…ruhseh emaw ni ni dawn ni
Report this comment
November 12th, 2010 at 8:53 pm
Mizo ten chawn tha chat kan tih hi a chat tak2 lo an ti. Vanneih a siamin ka la tuar ve lo hlauh.
Report this comment
November 12th, 2010 at 10:05 pm
Chawntha chat hi keipoh k problem lian tak ani. Mut lai hi chuan sawi tur tingin vawi hnih/khat chu a awm ve tawh a, a awm zin ber chu football khleh laiin a ni. In fit loh vang ti dawn ila, ka fit vanglai tak pawh hian a awm tho2 thin nia. Vawikhat phei chu penalty kick k pet lai takin a chat pek a, pet goal lo chiang khawp mai.
Report this comment
November 12th, 2010 at 10:08 pm
fit loh vang mai mai mawle
Report this comment
November 12th, 2010 at 10:10 pm
Hmanah a chung zawk a ka tan auh auh laiin a chat tawh alawm hrilhhaithlak duh khawp mai
Report this comment
November 12th, 2010 at 10:10 pm
tet lai inkhelh nasat lai khan keipawh a chat nasa thei khawp mai @b_reza … in fit loh vang chu ni dawn mi ka ti deuh
Report this comment
November 12th, 2010 at 10:11 pm
@H.Vanngchhia..k sawi vek khii..k fit vanglai tak, hah miah lo a 45+45 ka khelh theih lai pawn tih fuh loh tum chuan a chat tho tho zel hi amak khawp a sin…
Report this comment
November 12th, 2010 at 10:29 pm
Vawi khat a chat ve tawh. A nuam ka tih zawng a ni lo khawp mai..
Report this comment
November 12th, 2010 at 10:36 pm
@ThaiBoy : #40… :lol:
Report this comment
November 12th, 2010 at 11:57 pm
Tunah mai khan khawfing a chat, ka chawn tha a la chat lo hlauh.
Report this comment